Informacione te nevojshme rreth shendetit

[RaPSouL]

Ulni shtypjen me çaj

Një studim i ri njofton se çaji i hibiskusit ul shtypjen e gjakut te personat të cilët kanë hipertension ‘të lehtë’.

Në studim kanë pjesë 65 vullnetarë të moshave, ndërmjet 30 dhe 70 vjeç, me shtypje të gjakut lehtësisht të rritur.

Gjatë gjashtë javësh, gjysma e participantëve kanë pirë nga tre gota çaj të hibiskusit në ditë, ndërsa gjysma tjetër kanë konsumuar placebo.

Rezultatet kanë treguar se shtypja e gjakut ishte zvogëluar dukshëm te grupi i participantëve të cilët kishin pirë çaj të hibiskusit.

[RaPSouL]

Kaloritë nga fëmijëria na ndjekin pas

Nëse keni problem me humbjen e kilogramëve të tepërt dhe pyeteni për arsyen, përgjigja mund të qëndrojë te kaloritë që keni konsumuar kur ishit fëmijë.

Një studim i ri e ka befasuar botën shkencore, pasi që ka bërë ndërlidhjen e drejtpërdrejtë të ushqimit kalorik në moshën e fëmijërisë dhe prirjes për t’u trashur në moshën madhore

Autorët e studimit supozojnë se ushqimi ndikon në gjenet të cilët kontrollojnë deponimin dhe shfrytëzimin e produkteve ushqyese që konsumojmë.

Si pasojë e kësaj, ushqimi të cilin e keni ngrënë në fëmijëri ka krijuar një shabllon të deponimit madje edhe të sasisë së vogël të ushqimit të cilin e konsumoni dhe në këtë mënyrë ndikon në peshën tuaj trupore dhe shëndetin në jetën e mëvonshme.

[RaPSouL]

Probiotikët te dermatiti atopik

Vetitë e dobishme të probiotikëve te dermatiti atopik janë të kufizuara, shkruan në faqet e "Reuters Health".

Probiotikët mund t’u shërbejnë fëmijëve të cilët kanë paraqitje të shpeshtë të ekzantemës së lëkurës (skuqje dhe ndryshime në lëkurë), e cila kruhet dhe quhet dermatit atopik.

Mirëpo, sipas autorëve të cilët kanë analizuar ndikimin e probiotikëve (“baktereve të mira”) në mjekimin e kësaj gjendjeje shëndetësore, dobitë nga probiotikët janë shumë të vogla.

Duke marrë parasysh këto të dhëna, ekspertët nga “Boonshoft School of Medicine” pranë Universiteti Shtetëror Wright në Dayton, i rekomandojnë prindërit që të mos iu japin fëmijëve të tyre probiotikë derisa të fitohen informata të sakta se cilët tipa të probiotikëve kanë efekt më të madh dhe nga cilët pacientët do të kenë më shumë dobi.

“Bakteret e mira” janë mikroorganizma, të cilët janë të pranishëm në florën normale të zorrëve he ndihmojnë tretjen, forcojnë sistemin imun dhe ndikojnë në ruajtjen e shëndetit në disa mënyra.

Probiotikët gjenden në jogurt dhe produktet e tjera të qumështit. P.sh. Lactobacillus acidophilus, mund të përmirësojë efektet anësore të antibiotikëve, të cilët shkaktojnë barkqitje.

[RaPSouL]

Acidet omega-3-yndyrore për foshnjat e parakohshme

Një studim i ri tregon se foshnjat e lindura para kohe, të cilat kanë marrë acid dekosaheksanoik (DHA) nga grupi i acideve omega-3-yndyrore, kanë pasur zhvillim shumë më të mirë të sistemit nervor.

Ndërkaq, foshnjat e lindura para kohe të cilat nuk kanë marrë sasi të mjaftueshme të DHA-së, kanë qenë të rrezikuara për të zhvilluar çrregullime të ndryshme.

Në këtë mënyrë, mungesa e DHA është ndërlidhur me zhvillim të dobët të sistemit nervor.

Është interesant fakti që ndikimi pozitiv i DHA-së është vërejtur vetëm te vajzat dhe jo de djemtë.

[RaPSouL]

Më pak kripë për më shumë shëndet

Një studim i ri tregon se zvogëlimi i konsumimit të kripës ofron efekt dukshëm më të madh kardio-mbrojtës nga zvogëlimi i tensionit të gjakut.

Në fakt, shkencëtarët theksojnë se më pak kripë në ushqim përmirëson qarkullimin e gjakut në vena dhe zvogëlon rrezikun nga sëmundja e zemrës si dhe qarkullimit të gjakut dhe atë pa marrë parasysh masës trupore të individit.

Efekti i përshtatshëm i konsumimit më të vogël të kripës vërehet pas vetëm disa javëve, theksojnë autorët e studimit.

[RaPSouL]

Rrush të thatë për energji

Nëse para ushtrimeve dëshironi të fitoni energji me ushqimin e duhur dhe jo me ‘gel sportiv’, atëherë konsumoni rrush pa fara.

Rrushi ka nivel më të ulët të indeksit glikemik sesa ‘geli sportiv’, ndërsa një studim i ri tregon se rezultojnë me reaksion të ngjashëm metabolik në rastet e ushtrimeve deri në 45 minuta.

Pjesëmarrësit në studim kanë marrë nga 100 g rrush (i cili ka afër 80 g karbohidrate) dhe sasi të ngjashme të ’gelit sportiv’.

Rezultatet kanë treguar efekt të ngjashëm. Rrushi i thatë është zgjidhje e mirë për rikuperim të energjisë pas ushtrimeve.

[RaPSouL]

Çrregullimet e ushqyerjes te sportistët

Meshkujt të cilët në mënyrë profesionale ose amatoreske merren me sport, gjithnjë e më shumë po vuajnë nga çrregullimet e ushqyerjes, njoftojnë shkencëtarët amerikanë.

Hulumtuesit nga Maine Medical Center në Portland pohojnë se shumë sportistë përvetësojnë shprehi të pashëndetshme ushqyese, pasi i japin shumë rëndësi figurës së hollë.

Ekspertët rekomandojnë që personat me probleme të këtilla duhet të paraqiten në konsultim te nutricionistët, thuhet në raportin e revistës “Current Sports Medicine Reports”.

[RaPSouL]

Mateni peshën tuaj!

Ekspertët kanë mendime të ndara sa i takon rekomandimeve për matjen e peshës trupore, nëse duhet të matemi rregullisht apo jo gjatë kohës së dobësimit.

Një studim i ri amerikan ku janë përfshirë disa qindra persona me mbipeshë, rekomandon matjen e peshës trupore një herë në javë.

Pjesëmarrësit në studim të cilët e kanë matur rregullisht peshën e tyre, kanë qenë të prirë për 11 herë më shumë që të eliminojnë 5% të peshës së tyre trupore për afat gjashtëmujor, sa ka zgjatur programi i dobësimit.

Matja një herë në javë mundëson që të përcillni përparimin (humbjen në peshë), si dhe planifikimin e ushqimit dhe aktivitetit trupor për javën e ardhshme.

[RaPSouL]

Ndikimi i urisë mbi qelizat nervore

Një studim i ri ka zbuluar se qelizat nervore të femrave dhe të meshkujve reagojnë ndryshe në mungesë të ushqimit.

Derisa qelizat nervore të meshkujve vdesin shumë shpejt, qelizat nervore te femrat mundohen ta ruajnë energjinë ma gjatë dhe mundohen të qëndrojnë gjallë.

Studimi është realizuar te qelizat nervore të minjve laboratorikë, ndërsa shkencëtarët pohojnë se rezultate të ngjashme mund të jepen edhe te njerëzit.

[RaPSouL]

Alkooli dhe ezofagiti

Shkencëtarët kanë analizuar ndikimin e konsumimit të alkoolit në shfaqjen e ezofagitit eroziv.

463 participantë janë ndarë në katër grupe: ata që nuk pinin aspak, ata që pinin pak (më pak se 25 g etanol në ditë), ata që pinin mesatarisht (15-50 g etanol në ditë) dhe participantët që pinin shumë (më shumë se 50 g etanol në ditë).

Rezultatet kanë treguar se konsumimi i alkoolit rrit rrezikun shfaqjes së ezofagitit eroziv. Rreziku është rritur në mënyrë proporcionale me sasinë e konsumuar të alkoolit.

Ezofagiti paraqet inflamacionin (ndezjen) e ezofagut.