Informacione te nevojshme rreth shendetit

[RaPSouL]

Yndyrat e pangopura mbrojnë zemrën

Të gjithë kemi nevojë për një sasi të vogël të yndyrave në ushqimin tonë, rreth 25 deri në 35% të kalorive ditore, por mjaft e rëndësishme është se çfarë lloji të yndyrave konsumojmë.

Derisa konsumojmë yndyra, duhet të jemi të kujdesshëm që pjesa më e madhe e tyre në ushqim të jenë të pangopura. Yndyrat e pangopura ulin nivelin e LDL-kolesterolit në gjak (kolesterolit të keq) dhe rrisin nivelin e HDL-kolesterolit (të mirë).

Yndyrat e ngopura veprojnë të kundërtën, duke rritur nivelin e LDL-kolesterolit. Edhe yndyrat e mira kanë kalori, andaj edhe me ta duhet të jeni të kujdesshëm.

Sasi më të madhe të vajrave të pangopura përmbajnë frytet arrore (arra, lajthia, bajamet etj) si dhe vajrat bimore (si për shembull vaji i ullirit).

[RaPSouL]

Supa ndihmon lehtësimin e simptomave tё ftohjes

Gjyshja juaj mbase ka tё drejtё, supa ndihmon nё lehtësimin e shenjave tё ftohjes dhe gripit, andaj mos e refuzoni.

Supa mund tё ndihmojё nё simptomat e ftohjes mё shumё se nё njё mёnyrё:

- Inhalimi i avujve lehtëson kongjestionin nasal (çliron zënien e hundëve).
- Gllabërimi i lugёve tё lёngut tё supës mund tё ndihmojë tё shmanget dehidrimi.
- Dhe, disa ekspertё thonё se supa mund tё lehtësojё edhe inflamimin.

Hulumtuesit kanё gjetur se supa e pulёs ka nё pёrbёrjen e saj disa lёndё , tё cilat nё laborator kanё treguar efekte anti-inflamatore, megjithëse ёshtё ende e paqartё nёse ky efekt përcillet edhe me anё tё konsumimit tё supёs.

[RaPSouL]

Me ushtrime kundër kancerit

Ushtrimet e rregullta mund të ndihmojnë në parandalimin e kancerit, ngadalësojnë përparimin e kësaj sëmundje malinje, shpejtojnë mjekimin e pacientit dhe pengojnë rikthimin e kancerit, njoftojnë shkencëtarët amerikanë.

Hulumtimi i cili është realizuar Qendra Mjekësore “Beth Israel’ sugjeron se edhe ushtrimet trupore duhet të konsiderohen si një terapi parandaluese dhe mjekuese kundër kancerit.

Shkencëtarët shpjegojnë se aktiviteti fizik zvogëlon nivelin e hormonit insulinë, hormoni i cili nxit rritjen e llojeve të ndryshme të qelizave duke iu mundësuar marrjen e glukozës nga gjaku.

Me rritjen e shpejtë të qelizave ekziston rreziku i zhvillimit të ndonjë forme të kancerit, shtojë shkencëtarët.

Të dhënat e grumbulluara tregojnë se ushtrimet trupore zvogëlojnë edhe nivelin e estrogjenit dhe testosteronit, hormone të cilat konsiderohen si nxitës të zhvillimit të kancerit të prostatës dhe gjirit.

[RaPSouL]

Preferohet doza mujore e vitaminës D

Një dozë e vetme mujore e vitaminës D brenda muajit ka efekt të ngjashëm sikurse dozat e vogla që jepen brenda javës, sugjeron një studim i zhvilluar në Izrael.

Statusi adekuat i vitaminës D kohëve të fundit është një temë shumë aktuale, pasi që supozohet se rekomandimet e deritanishme të vitaminës janë të ulëta, prandaj disa njerëz kanë nivele të ulëta të vitaminës D në gjak.

Në rast se të moshuarit të cilët shumë rrallë i ekspozohen diellit kanë nivel të ulët të vitaminës D në gjak, atëherë ekziston mundësia për thyerjen e eshtrave, prandaj ata kanë nevojë për preparate shtesë të vitaminës D.

Shkencëtarët kanë paralajmëruar të kihet kujdes në dozën e vitaminës D, pasi që nëse merret një sasi e madhe e vitaminës mund të rrit menjëherë nivelin e kalciumit që mund të shkaktojë probleme.

Megjithatë studimet e reja pohojnë se nëse vitamina D dozohet vetëm njëherë për një muaj, atëherë nuk ekzistojnë këto probleme, ndërsa efekti është i njëjtë.

[RaPSouL]

Frytet arrore të mira për sëmundjet e zemrës

Frytet e forta (arrore), ndihmojnë shumë nëse keni probleme me zemrën, apo keni yndyrën e lartë në gjak.

Arrat janë të pasura me yndyra të pangopura, të cilat ulin nivelin e kolesterolit të keq (LDL kolesterolit) në gjak, ndërsa rrisin nivelin e kolesterolit të mirë (HDL kolesterolit).

Një varg studimesh shkencore kanë treguar se njerëzit të cilët hanë rreth 30 gram fryte arrore (arra, lajthi, bajame, fëstëk etj.) kanë rrezik më të ulët të preken nga sëmundjet kardiovaskulare.

Arrat megjithatë janë të pasura me yndyra dhe kalori, andaj mos e teproni. Dhe sigurohuni të mos jenë të mbështjella me sheqer apo çokollatë.

[RaPSouL]

Kolesteroli nuk duhet të jetë shumë i ulët

Niveli i lartë i kolesterolit në gjak rrit rrezikun për sëmundjet e zemrës, prandaj është i dëshirueshëm niveli i ulët i kolesterolit, por jo gjithmonë.

Disa studime tregojnë se niveli shumë i ulët i kolesterolit të keq (LDL-kolesterolit) mund ta shtojë rrezikun e zhvillimit të disa karcinomave.

Studime të tjera e lidhin nivelin e ulët të LDL-kolesterolit me depresionin (niveli i ulët i LDL-koleterolit mund ta zvogëlojë nivelin e neurotransmiterit serotonin i cili nxit disponimin).

Shtatzënat me nivel të ulët të kolesterolit të përgjithshëm mund të lindin para kohe ose mund të lindin foshnjën me peshë më të vogël trupore se zakonisht.

[RaPSouL]

Lehtësoni mundimet e mëngjesit

Gjëja e fundit për të cilën mendojnë shtatzënat të cilat vuajnë nga mundimet e mëngjesit është ushqimi. Mirëpo është shumë me rëndësi që të vazhdohet me ushqimin përkundër mundimeve të përditshme.

Shoqata amerikane e shtatzënave rekomandon ushqimin i cili mund t’i ndihmojë shtatzënat që t’i lehtësojnë mundimet e mëngjesit:

• Ushqimi i cili mund të hahet i ftohtë, siç janë sandviçët, pemët, perimet ose sallata e ftohtë
• Supat jo të kripura ose patatet e skuqura
• Biskotat e thata
• Çaji nga peperminti

[RaPSouL]

Ushqim yndyror për trurin

Shkencëtarët kanë zbuluar se pas konsumimit të ushqimit të yndyrshëm rritet përqendrimi i një lloji të lipoideve në gjak, të quajtura NAPE, të cilat kalojnë drejtpërdrejt në tru dhe përqendrohen në regjionin e kontrollit të ushqimit.

Autorët e studimit, të cilët u kanë injektuar NAPE minjve eksperimentalë pesë ditë rresht, kanë vërtetuar se minjtë që marrin këto lipoide konsumojnë shumë më pak ushqim dhe humbin në peshë.

Besohet se NAPE vepron në qelizat trunore të cilat kanë rol në zvogëlimin e apetitit.

Edhe pse duhet që eksperimenti i ngjashëm të realizohet edhe te njerëzit për t’u vërtetuar kjo gjë, rezultatet e këtij studimi ofrojnë një mundësi të re për luftën kundër mbipeshës.

[RaPSouL]

Si të parandaloni lëkurën e thatë?

Me kalimin e moshës, lëkura juaj prodhon më pak vajra natyrale që i ndihmojnë asaj të ruajë lagështinë.

Në tharjen e lëkurës tuaj mund të ndikojnë edhe ajri i thatë, si dhe larja e tepërt me ujë të nxehtë. Për të parandaluar një lëkurë të thatë dhe e cila kruhet, ndiqni udhëzimet në vazhdim:

- Shmangini dushin. Qëndrimi i shpeshtë nën ujë heq vajin natyral, i cili i ndihmon lëkurës ta ruajë lagështinë. Qëndrimi në vaskë është më i mirë se sa qëndrimi i gjatë nën dush.

- Përdorni vajra të larjes në vaskë (Kujdes, pasi vajzat e bëjnë vaskën të rrëshqitshme).

- Përdorni sapunë të butë (si Dove, për shembull).

- Përdorni losione për lëkurë të thatë menjëherë pas larjes, madje edhe para të fshiheni me peshqir tërësisht.

[RaPSouL]

Kafeina nuk ka efekt dehidrues

Kafeina nuk ka efekt dehidrues edhe pse ajo rrit nevojën për të urinuar - secilën herë që pini kafe keni nevojë më të madhe të urinoni.

Sidoqoftë, lëngjet që konsumoni në pijet me kafeinë tentojnë të kompensojnë efektin e lëngjeve që ju keni humbur me urinimin pas pirjes së kafesë.

Përfundimi është se megjithëse kafeina ka efektin e një diuretiku të lehtë (ju nxit të urinoni), studimet kanë treguar se pijet me kafeinë në fakt nuk kanë veprim dehidrues.