Informacione te nevojshme rreth shendetit

[RaPSouL]

Joga ndihmon të sëmurët nga zemra

Hulumtimet e shkencëtarëve amerikanë pranë universitetit Emory sugjerojnë se joga sjell deri te zvogëlimi i shenjave të inflamacionit te pacientët të cilët kanë sëmundje kronike të zemrës.

Rezultatet e studimit janë të bazuara në përcjelljen e 19 të sëmurëve me probleme të zemrës, të cilët për një periudhë tetë-javore rregullisht kanë praktikuar joga.

Në këtë mënyrë është treguar se joga sjell deri te përmirësimi i dukshëm i kapacitetit fizik dhe deri të përmirësimi i kualitetit jetësor të pacientit.

[RaPSouL]

Kumbullat e thata kundër aterosklerozës

Një studim në kafshë eksperimentale ka treguar se konsumimi i kumbullave të thatë ngadalëson zhvillimin e aterosklerozës, sëmundje inflamatore e enëve të gjakut e cila sjell deri te paraqitja e sëmundjeve të rënda kardiovaskulare dhe konsiderohet si shakatari udhëheqës i vdekshmërisë në kohën kur jetojmë.

Kumbullat e thata janë konsideruar pozitive për aparatin tretës, mirëpo studimi i ri tregon për ndikimin e tyre pozitiv në shëndetin e zemrës dhe enëve të gjakut. Më parë, po ashtu është treguar se kumbullat e thata ulin nivelin e LDL-kolesterolit (kolesterolit të keq), dhe në këtë mënyrë parandalojnë edhe zhvillimin e aterosklerozë.

Kumbullat e thata përmbajnë përbërës të ndryshëm, siç janë kaliumi, magnezi dhe bori, të cilët kanë aktivitet të lartë antioksidues dhe mendohet se është pikërisht kjo arsyeja për veprimin pozitiv në shëndet.

[RaPSouL]

Interneti ngadalëson plakjen

Njëra nga mënyrat me të cilën njerëzit mund ta ruajnë aktivitetin trunor dhe ta ngadalësojnë procesin e plakjes është përdorimi i internetit, pohojnë shkencëtarët.

Shkencëtarët amerikanë nga Universiteti i Kalifornisë kanë analizuar disa studime me ç’rast kanë ardhur në përfundim se kërkimet në internet përmirësojnë funksionin trunor.

Surfimi në internet mund t’u shërbejë pleqve për ruajtjen e aktivitetit trunor për një kohë më të gjatë dhe në këtë mënyrë pengon plakjen e trurit.

[RaPSouL]

Masa e madhe yndyrore e dëmshme për eshtrat

Një studim i ri tregon se prania e madhe e indit yndyror mund të ketë ndikim në dendësinë minerale të eshtrave te femrat pas menopauzës.

Në studim kanë marrë pjesë 93 femra me moshë mesatare 57-vjeçare.

Rezultatet kanë treguar se femrat të cilin kishin pasur masë të madhe yndyrore, kishin dendësi më të vogël minerale.

Arsyeja pse po ndodh kështu nuk është plotësit e qartë, por shkencëtarët supozojnë se prania e madhe e indit yndyror shton rrezikun për proceset inflamatore të cilat mund të përhapen në eshtra dhe t’i resorbojnë ato.

[RaPSouL]

Programet erotike dhe shtatzënia

Tinejxherët të cilët kalojnë shumë kohë para televizorit duke shikuar programe televizive në të cilat përfshihen skenat seksuale, janë më të prirë që të bëhen prindër të rinj.

Një hulumtim i botuar në revistën “Pediatrics” ka treguar se tinejxherët të cilët u ekspozohen së tepërmi skenave me puthje, flirtim dhe seks, si edhe diskutimeve për seksin, janë dy herë më shumë të prirë që të mbesin shtatzëna (vajzat) ose të shkaktojnë shtatzëni (djemtë).

Këtë ndikim autorët e studimit e shpjegojnë me faktin se programet e ndryshme televizive ku përfshihet seksi, në të shumtën e rasteve nuk i tregojnë pasoja që bart seksi.

[RaPSouL]

Peshku për diabetikët

Personat e rritur të cilët vuajnë nga diabeti, mund ta lehtësojnë sëmundjen e tyre me anë të konsumimit të peshkut, sidomos mund t’i parandalojnë komplikimet e diabetit, siç është insuficienca e veshkave, sugjeron studimi i ri.

Shkencëtarët britanikë të cilët e kanë zhvilluar këtë studim pohojnë se komplikimet e veshkave përbëjnë pasojat më të rënda që mund t’i shkaktojë diabeti.

Rezultatet nga analiza e 22.000 participantëve tregojnë se konsumimi i shpeshtë i peshkut, dy ose më shumë herë në javë, zvogëlon paraqitjen e komplikimeve veshkore dhe shenjave të para të saj-makroalbuminurinë (prania e proteinave në urinë).

[RaPSouL]

Foshnja nuk duhet të flejë në një krevat me prindërit

Shumë nëna e ndajnë krevatin me foshnjën e tyre, mirëpo kjo mund të jetë shkak i vdekjes së papritur të foshnjës, pohojnë shkencëtarët.

1/3 e nënave të cilat kanë marrë jesh në programin “Woman, Infants and Children” (“Gratë, foshnjat dhe fëmijët”) kanë pohuar se e ndajnë krevatin me foshnjën e tyre, element ky i njohur si rrezik i vdekjes së papritur të foshnjës, njofton hulumtimi i publikuar në revistën “Journal of Pediatrics”.

Në bazë të këtij studimi të fundit, American Academy of Pediatrics rekomandon që foshnja duhet të flejë në dhomën e prindërve por në krevat ndaras nga prindërit.

[RaPSouL]

Ushqimi i tepërt çrregullon sistemin imun

Duke kërkuar shkaktarët e proceseve inflamatore të cilat janë pasojë e mbipeshës, shkencëtarët kanë zbuluar se ngrënia e tepërt aktivizon përgjigjen imune në tru.

Futja e tepërt e kalorive aktivizon mekanizmat e reaksioneve imunologjike dhe si pasojë e kësaj vjen deri te “sulmi ndaj armikut që nuk ekziston”.

Konsiderohet se reagimi i këtillë i sistemit imun sjell deri te zhvillimi i diabetit dhe sëmundjeve të zemrës.

[RaPSouL]

Vitamina C pengon kemoterapinë

Hulumtimet e reja kanë treguar se preparatet me vitaminë C mund ulin dukshëm veprimin e barnave anti-kanceroze.

Fjala është për disa eksperimente me minj laboratorik tek të cilët preparatet e pasura me vitaminë C i kanë paraprirë hemoterapisë dhe kjo ka rezultuar me një rritje më të shpejtë të tumorit.

Është treguar se edhe trajtimi ‘in vitro’ i qelizave të karcinomës me vitaminë C ul veprimin e substancave anti-kanceroze për 30-70%.

Mendohet se vitamina C i mbron qelizat tumorale dhe pengon shkatërrimin e tyre.

[RaPSouL]

Ekstrakti i mentës kundër kokëdhimbjes

Masazhi me ekstrakt nga menta në pjesën e përparme të kokës, ballit dhe pjesëve anësore të saj, mund të shërojë kokëdhembjen shumë më shpejt se sa një pjesë e barnave.

Studimet kanë treguar se 95% e të hulumtuarve të cilët kanë pranuar masazh me ekstrakt të mentës kanë ndje përmirësim që në dy minutat e para. Të njëjtët persona të hulumtuar, gjysmë ore më pas kanë deklaruar se dhimbja është larguar tërësisht.

Nëntë nga 10 të hulumtuar kanë deklaruar se ekstrakti ka qenë më efektiv se barnat konvencionale kundër kokëdhimbjes.

Përveç që lehtëson dhimbjet, ekstrakti i mentës ka edhe veprim relaksues në muskujt e kokës dhe qafës, ndërsa shumë mirë vepron edhe kundër shtrëngimeve dhe bllokimeve në ato pjesë të trupit.