Informacione te nevojshme rreth shendetit

[RaPSouL]

Çaj nga kamomili dhe diabeti

Pirja e çajit të kamomilit mund ta ndalojë rritjen e nivelit të sheqerit dhe mund t’i parandalojë komplikimet e tjera të lidhura me diabetin.

Kuercetina, herniarini, apigenini dhe luteolini, janë vetëm disa nga përbërësit e këtij çaji të cilët kanë ndikim pozitiv në rregullimin e sheqerit në gjak.

Është treguar se këto përbërës inhibojnë lehtësisht shndërrimin e sakarozës në glukozë dhe fruktozë, dhe në këtë mënyrë pengojnë rritjen e menjëhershme të nivelit të sheqerit në gjak.

[RaPSouL]

Substancat kimike nga mbështjellësit plastikë dëmtojnë zemrën?

Substanca kimike bisfenol A, e pranishme shpesh në ambalazhet plastike të ushqimit dhe pijeve, është e lidhur me rrezikun e zhvillimit të sëmundjeve kardiovaskulare dhe diabetit.

Shkencëtarët kanë analizuar 1.400 vullnetarë, me ç’rast është treguar se personat me nivel më të lartë të bisfenolit A në urinë, janë dyfish të rrezikuar për t’u sëmurë nga sëmundjet e zemrës dhe diabeti.

Analizat kanë treguar se bisfenoli A është i pranishëm te 90% e popullatës, mirëpo niveli i tij ende nuk është shqetësues për të krijuar panik.

[RaPSouL]

Paracetamoli rrit rrezikun e prekjes nga astma

Disa ekspertё tё mjekёsisё kanё paralajmëruar se përdorimi i paracetamolit pёr largimin e temperaturës tek fёmijёt, mund tё rrisë gjasat e tyre pёr tё vuajtur nga astma, nё periudhën nga mosha gjashtё deri nё shtatëvjeçare.

Paracetamoli ёshtё njё bar mjaft efektiv nё uljen e temperaturës tek fёmijёt, por studimet e mё shumё se 200 mijё fёmijёve, kanё bёrё tё ditur se ata tё cilёt e kanё marrё kёtё bar nё vitin e parё tё jetёs, kanё pasur rrezik 46% mё tё lartё pёr t’u prekur nga astma.

Hulumtuesit kanё thёnё se nuk e kanё tё qartё nёse bari ndikon direkt nё rritjen e rrezikut pёr astmё ose ёshtё ndonjë faktor tjetër ndërmjetës.

Megjithatё, ekspertёt thonë se prindërit edhe mё tej duhet ta përdorin barin pёr temperaturё tё lartё, pavarësisht gjasave mё tё rritura pёr t’u prekur nga astma. Por ata rekomandojnë qё ky bar tё mos përdoret rregullisht tek fёmijёt dhe duhet tё rezervohet vetëm pёr rastet kur temperatura e lartё arrin 39 ose mё shumё, ose nёse fëmija ka dhimbje shqetësuese.

[RaPSouL]

Qumësht pas sportit

Dy studime të reja e konsiderojnë qumështin meritor dhe të dobishëm gjatë rikuperimit të energjisë pas ushtrimeve trupore.

Në studimin e parë kanë marrë pjesë 24 vullnetarë, ndërkohë që qumështi ka nxitur rikuperimin e shpejtë të muskujve nga lodhja.

Në studimin tjetër me vetëm shtatë participantë, qumështi në mënyrë efektive e ka zëvendësuar edhe ujin e humbur.

Participantët kanë ushtruar në ambient të nxehtë dhe të lagësht, me anë të djersës kanë larguar 2% të masës trupore, ndërsa pas pirjes së qumështit jo-yndyror, ata e kanë kthyer këtë humbje të lëngjeve.

[RaPSouL]

Femrat ndjejnë dhimbje më të mëdha

Dhimbjet me intensitet më të shprehur, të cilat i ndjejnë femrat, janë të pakuptueshme për mjekët, andaj ata shpesh i injorojnë këto.

Zhvillimi biologjik i femrave si dhe i hormoneve të tyre, e ndryshojnë dhimbjen dhe e bëjnë atë më të fuqishme. Kjo i bën femrat shumë të ndjeshme, andaj edhe duhet të shërohen më ndryshe dhe me kujdes më të madh.

“Femrat janë më të ndjeshme në dhimbjet kronike, si ndezjet e nyjave dhe sindroma e ngacmimit të zorrëve”, bëjnë të ditur nga organizata International Association.

Gjatë marrjes së barnave të njëjta, dhimbja tek meshkujt kalon derisa tek femrat është ende e pranishme. Si shembull mund ta përmendim paracetamolin, i cili ka veprim më të vogël tek femrat, në krahasim me meshkujt.

[RaPSouL]

Të dashuruarat kanë zemër të shëndoshë

Pas hulumtimeve dhjetëvjeçare te 600 femra, mjekët suedezë kanë vërtetuar se femrat e lumtura në dashuri dhe gratë në martesë të lumtur, kanë zemër më të shëndoshë në krahasim me femrat e vetmuara ose të palumtura.

Pas hulumtimeve, shkencëtarët kanë ardhur në përfundim se lumturia dhe lidhja ndërmjet dy personave të gjinisë së kundërt ndikon pozitivisht në gjendjen e përgjithshme shëndetësore, sidomos në zemër dhe në enët e gjakut.

Ndërsa femrat të cilat në lidhjen e tyre kanë më shumë probleme të cilat nxisin stres, ato përjetojnë tendosje të enëve të gjakut dhe aritmi të zemrës.

[RaPSouL]

Aktiviteti fizik mbron nga diabeti tip 2

Femrat me rrezik tё rritur tё prekjes nga diabeti tip 2, kanё pasur gjasa mё tё mёdha tё qёndrojnё tё shёndosha nёse janë marrё me gjimnastikё, bёjnё tё ditur shkencëtarёt skocez.

Hulumtimi i bёrё nё Glasgow University, ka treguar se programi i ushtrimeve fizike gjatё shtatё javёve tek tё hulumtuarit ka çuar nё ulje prej 22% tё paraqitjes sё rezistencës nё insulinё, faktorit mё tё rёndёsishёm pёr paraqitjen e diabetit tip 2.

Programi i gjimnastikës ka qenё i bazuar nё aktivitete si vrapimi, aerobika dhe ngasja e biçikletës, ndërsa intensiteti dhe kohëzgjatja e ushtrimeve janë rritur vazhdimisht.

Ështё e ditur se fёmijёt e prindёrve me diabet tip 2, kanё rrezik trefish mё tё madh tё vuajnë nga e njëjta sёmundje e sheqerit.

Krahas kësaj, tё dhënat kanё treguar se diabeti trefishon rrezikun e prekjes nga sëmundjet e zemrës, qё ёshtё shkak i vdekjes sё dy tё tretave tё diabetikёve.

[RaPSouL]

Shëndet për jetë më të gjatë

Përqindja e vdekshmërisë mund të përgjysmohet te femrat me sëmundje kronike nëse ato zhvillojnë një jetë të shëndetshme.

Numri i të vdekurve nga sëmundjet e rënda siç është kanceri dhe sëmundjet e zemrës, mund të zvogëlohet nëse femrat ushtrojnë rregullisht, nuk pinë duhan, mbajnë peshën trupore në vlera normale dhe ushqehen me ushqim të shëndetshëm, duke përjashtuar yndyrën dhe mishin e kuq.

Këto të dhëna janë të bazuara nga studimi 24-vjeçar i shkencëtarëve amerikanë dhe britanikë, në të cilat janë përfshirë 80.000 femra ndërmjet moshës 34 dhe 59-vjeçare.

[RaPSouL]

Migrena dhe tromboza venoze

Personat të cilët vuajnë nga migrena janë të rrezikuar më shumë për të zhvilluar trombozën venoze (krijimi i koagulantëve të gjakut në vena).

Në bazë të një studimi italian, është vërejtur se 19% participantëve të cilët kishin migrenë më vonë kanë zhvilluar trombozë venoze.

Autorët e studimit kanë pohuar se kjo është arsyeja pse njerëzit të cilët kanë migrenë janë të prirë që më shpesh të kenë sulm në tru, si pasojë e problemeve me qarkullimin e gjakut.

Gjatë këtij studimi është përdorur ultrazëri me rezolucion të madh, i cili ka dhënë rezultatet të cilët e mbështesin teorinë e rrezikut për trombozë venozë nga personat të cilët vuajnë nga migrena.

Llogaritet se 10% e numrit të përgjithshëm të njerëzve vuajnë nga kokëdhimbja specifike, e quajtur migrenë, kryesisht femrat.

[RaPSouL]

Më shumë se një dhimbje koke?

Të frikësuar se dhimbja e kokës do të shfaqet pas pak dhe nuk do të largohet? E vuajmë gati të gjithë në një kohë të caktuar, por gjetja e shkakut mund të na ndihmojë ta largojmë dhimbjen e kokës.

Ekzistojnë 14 loje të ndryshme dhimbje koke, por që ndahen në dy grupe të përgjithësuara. Dhimbje primare ku përfshihen dhimbjet e kokës nga migrena, dhimbje koke të tipit tensiv, dhimbje koke të tipit “cluster” dhe nga mbidoza e ilaçeve. Dhimbjet sekondare janë përgjithësisht simptomë e një sëmundje tjetër. Pra, nëse jeni ftohur dhe keni sinuset e bllokuara, kjo mundtë rezultojë në dhimbje koke.

Cili është problemi yt?

MIGRENA

Ndien…Dhimbje pulsuese, zakonisht të njëanshme, ndjenjë të vjeljes, bezdi nga drita dhe zhurma.

Përse? Kimia e trurit ndryshon. Një rënie e nivelit të serotoninës shkakton zgjerimin e enëve të gjakut në tru nga ku nxite çlirimi i substancave që provokojnë dhimbjen.

Çfarë duhet marrë? Vlerëso shpeshtësinë e krizave. Në rastin kur krizat janë deri dy në muaj atëherë rekomandohet vetëm mjekimi i tyre. Çelësi i mjekimit të krizës migrenoze është marrja e mjekimit sa më të shpejt që të jetë e mundur. Përdoren analgjetik të ndryshëm si acidi acetyl salicilik (aspirin) 1000 mg, ibuprofen (nuk duhet përdorur në sëmundjet e stomakut si ulcerë, gastrit si dhe kur jua ka ndaluar mjeku), paracetamol. Kur kriza ka filluar, ndër preparatet më të efektshëm,e janë frenuesit e receptorëve 1 të serotoninës (supratriptani etj.).

Mund të ndihmojë mjeku. Po. Kush vuan më shumë se dy kriza në muaj atëherë i rekomandohet përdorimi i terapive mbrojtëse për disa muaj, qëllimi i të cilave është rrallimi i krizave. Këtu mund të përmendim preparate si antiodepresivë triciklikë, betabllokues etj. Trajtime me betabllokues mund të ndihmojnë të parandalojnë dilatatimin (zgjerimin e enëve të gjakut); antidepresivët mbajnë metabolizmin e trurit në kontroll; dhe triptanët rrisin nivelin e serotoninës – një neurotejçues në tru.

Shmang…Duke mbajtur ditar për të përcaktuar shënjestrën. Të përfshihen vaktet pa ngrënë, ngrënia e ushqimeve të caktuara (djathi, çokollata, vera e kuqe, etj), shumë apo pak gjumë, një udhëtim apo fluturim i gjatë, stresi, dritat e forta dhe zhurma e madhe, si dhe krizat e dhimbjeve të kokës. Kështu e njihni më shumë sëmundjen dhe rrethanat e shfaqjes së krizës migrenoze.

MIGRENA HORMONALE

Ndien…Shenja migrene që shfaqen vetëm dy deri në tre ditë para ciklit menstrual, ose në ditën e parë të ciklit.

Përse? Dhimbja e para-ciklit besohet të shkaktohet nga rënia e nivelit të estrogjenit në trup, ndërsa dhimbja në ditën e fillimit të ciklit lidhet me substancat e quajtura prostaglandin që kontrollojnë kontraktimet e uterusit (mitrës).

Çfarë duhet marrë? Për dhimbjet e kokës para-ciklit, merret i njëjti trajtim si për migrenën. Për dhimbjet e kokës në ditën e parë të ciklit merret qetësues dhimbjesh apo një kombinim i kodeinës dhe paracetamolit.

A mund të ndihmojë mjeku? Në disa studime, Migard (serotonin agonist, vepron duke stimuluar receptorët e serotoninës – “hormonit të lumturisë”) ka rezultuar i efektshëm. Kujdes! Ka kundërindikacione., ndaj për përdorim duhet të këshillohesh me mjekun)
Alternativa... Reduktoni ërdorimin e ushqimit me shumë dhjamë e yndyra ose të alkoolit në periudhën para ciklit. Përdorimi I 100mg në ditë co-enzym Q-10 mendohet të parandalojë shfaqjen e dhimbjes migrenoze.

DHIMBJE KOKE E TIPIT TENSIV

Mendohet se shkak ka tkurrjen (ngërçin) e muskujve të skalpit apo të qafës. Personat që vuajnë zakonisht kanë ndryshueshmëri emocionale.

Ndien…Dhimbje si një fashë e ngushtë rreth e qark kokës me natyrë shtypëse, djegëse apo sikur ke një peshë në të; lodhje; nervozizëm; mbindjeshmëri të muskujve në zonën e shpinës e të qafës.

Përse? Stresi shkakton tendosjen e muskujve, ndikon në rrjedhën e gjakut për në kokë dhe irriton nervat prej nga shfaqet dhimbja. Faktor kryesor rëndues janë stresi dhe mbilodhja.

Çfarë duhet marrë? Ibuprofen dhe kafe.

MIGRENA CLUSTER

Ndien… Dhimbje të papritur koke, tipikisht të njëanshme, nuk gjen qetësi (do të lëvizësh sa andej-këtej), hundë që kullon në anën e prekur, skuqje të njëanshme, lëkurë me djersë dhe e zbehtë, ënjtje përreth syrit të prekur, bebja e syrit e zvogëluar, qepalla të mbyllura si dhe ënjtje të kapakut të syrit. Fillon zakonisht natën dhe zgjat deri nga 15 deri 180 min deri 8 herë në ditë.

Përse? Mendohet që shkaktarë të mundshëm të jenë alkooli, duhani si dhe përdorimi i disa medikamenteve si trinitrina dhe përdoret për trajtimin e sëmundjeve kardiake. Nga kjo lloj migrene preken kryesisht burrat e moshës 20 deri në 40 vjeç.

A mund të ndihmojë mjeku? Nuk ka kurim për këtë lloj migrene. Qëllimi i trajtimit konsiston në zvogëlimin e dhimbjeve të forta të kokës dhe në shkurtimin e periudhës së dhimbjeve. Qetësues dhimbjesh si aspirina apo ibuprofeni nuk bëjnë efekt, pasi dhimbjet mund të largohen po aq shpejt si erdhën, pa arritur që këta qetësues të veprojnë. Trajtimi përfshin oksigjenin, frenues të receptorëve 1 të serotoninës, në rast krize është parë të jetë e efektshme dihydroergotamin.

Shmang…Parregullsitë e gjumit natën, gjumin e drekës, alkoolin, duhanin dhe burimet e forta të dritës.

MIGRENA NGA MBIDOZA E ILAÇEVE

Ndien…Dhimbje e përditshme koke, shpesh që ju zgjojnë që në mëngjes herët, vazhdon gjatë ditës, ndjenjë të vjeli, ankth, probleme me kujtesën, depresion, çrregullime me gjumin.

Përse? Në rast dhimbje koke, gjithkush u drejtohet qetësuesve. Ata mund të ofrojnë qetësim të menjëhershëm në rast dhimbjesh koke të rralla. Por, ka një kufi. Nëse e shikoni veten duke pirë më shumë se dy deri tre herë në javë, ilaç për dhimbjen, mund të kontribuoni për krimin e dhimbjeve, sesa për qetësimin e tyre.

A mund të ndihmojë mjeku? Për qetësimin e dhimbjeve, mjeku mund t’ju rekomandojë dihydroergotamine.

Alternativa…Akupunktura, hipnoza, meditimi, masazhi, vitaminat dhe mineralet.

Shmang….Çrregullimet e gjumit, lënien e vakteve, stresin, duhanin.

KUR DUHET TË SHQETËSOHESH

Dhimbja është e fortë dhe e vazhdueshme, theksohet nga përkulja e qafës dhe nga kolla – këto flasin për sindromë meningeale. Një dhimbje koke serioze me ngritjen e qafës dhe ethe, konfuzion mendor, çrregullime të të folurit dhe mpirje ose paralizë janë shenja të meningjitit.

Nëse dhimbja e kokës shoqërohet me ndryshime të papritura të personalitetit, konfuzion dhe përgjumje, mund të jenë shenja të encephalitis. Dhimbjet e kokës me origjinë nga tumoret cerebrale zakonisht janë të përhapura, të vazhdueshme, që acarohen nga kolla dhe lëvizjet më të vogla. Në këto raste ka më shumë të ngjarë që fillimisht të ndiesh shqetësime të të parit, marrje mendsh, dhe dobësi në gjymtyrë. Kemi dhe rastin e dhimbjeve të kokës pas traumave. Graviteti i traumës nuk është në raport të drejtë me gravitetin e dhimbjes.

Një vend të veçantë zënë edhe dhimbjet e kokës me shkaqe të përgjithshme. Dhimbja mund të zbulojë një anemi, ose insuficiencë respiratore (probleme të mushkërive), dhimbje koke nga hipertensioni arterial që bëhen më evidente në gjendje ankthi ose migrenat që shpërthejnë ose zbulohen nga hipertensioni arterial. Tiparet e dhimbjes nga tensioni arterial janë të tipit: dhimbje pas koke e pranishme në mëngjes, në zgjim e që zbutet gjatë ditës. Në praktikën mjekësore një dhimbje koke tiparet e së cilës nuk lejojnë një diagnozë të saktë kërkon skaner të kokës.