Informacione te nevojshme rreth shendetit

[RaPSouL]

Të varurat nga droga duhet të japin gji

Edhe nënat të cilat për shkak të vartësisë nga drogat opioide janë në terapi me metadon, pavarësisht nga vartësia duhet t’u japin gji fëmijëve të tyre me qëllim që të zvogëlohet mundësia e shfaqjes së sindromës së abstinencës te fëmijët e tyre, njofton një studim i ri.

Në studim është treguar se thuajse gjysma prej 450 të porsalindurve pjesëmarrës në studim, nënat e të cilëve merrnin metadon, kishin nevojë të mjekohen nga sindroma e abstinencës. Por, gjithashtu është vërtetuar se nevoja për ta trajtuar abstinencën ishte shumë më e vogël nëse nënat iu kanë dhënë gji fëmijëve të tyre, së paku 72 orë.

Autorët e studimit thonë se sasitë e vogla të metadonit me anë të qumështit arrijnë te fëmija dhe në këtë mënyrë zvogëlojnë simptomat e abstinencës.

Sindroma e abstinencës nënkupton simptomat dhe ndryshimet në sjelljen e personit të varur nga ndonjë lloj droge në momentin kur nuk e merr drogën, ndërkohë këto simptoma në të shumtën e rasteve janë të kundërta me efektet që i jep droga.

[RaPSouL]

Gjumi i pasditës i lidhur me diabetin

Edhe pse ekspertët kohëve të fundit kanë rekomanduar gjumin e pasdites për të shmangur sëmundjet e zemrës dhe trurit, studimet e reja tregojnë një lidhshmëri të fjetjes pasdite dhe sëmundjes së sheqerit.

Personat të cilët rregullisht flenë pas ngrënies së drekës janë më të prirë për të zhvilluar diabetin tip 2, sugjeron studimi i shkencëtarëve britanikë.

Hulumtuesit nga Universiteti i Birminghamit kanë përcjellë afër 16.500 participantë, me ç’rast kanë vërtetuar se ata të cilët flinin pasdite, ishin të rrezikuar për 26% që të sëmuren nga diabeti tip 2.

Këto rezultate shkencëtarët i shpjegojnë me veprimin e disa faktorëve: kohëzgjatja e shkurtë e gjumit të natës, zvogëlimi i aktivitetit trupor, teprica e kilogramëve dhe faktorët gjenetikë.

[RaPSouL]

Kripa antidepresiv natyror

Me anë të studimeve në minjtë laboratorikë, shkencëtarët kanë zbuluar se minjve të cilëve u mungonte kloruri i natriumit- kripa e kuzhinës, nuk merren më me "aktivitetet të cilat i bëjnë të kënaqur".

Autorët e studimit nuk mund të vërtetojnë nëse vërtet shkaktohet depresion te minjtë që kanë mungesë të kripës së kuzhinës, por ata kanë vërejtur humbje të kënaqësisë në realizimin e aktiviteteve.

Ideja që kripa është një bar natyror kundër depresionit, mund ta shpjegojë arsyen pse njerëzit janë të prirë që të konsumojnë ushqimin e kripur, përkundër faktit se marrja e tepërt e kripës shton rrezikun për hipertension, sëmundje të zemrës dhe sëmundje të tjera.

[RaPSouL]

Terapi mjekuese për leukeminë

Shkencëtarë kinezë kanë arritur ta mposhtin leukeminë me terapi, e cila është një kombinimi i toksinave dhe derivateve të vitaminës A, njofton "Makfaks".

Një ekip i shkencëtarëve kinezë nga Universiteti i Shangait, të kryesuar nga Ministri aktual i Shëndetësisë i Kinës, Chan Xhu, pas dy dekadash të punës hulumtuese erdhi deri te rezultatet inkurajuese duke kombinuar terapinë që përmban arsen dhe acid retinoik.

Profesori Chan ka treguar se nga 85 pacientë të sëmurë nga leukemia, te të cilët është zbatuar kjo terapi, 80 prej tyre janë shëruar.

Thelbi i terapisë është që qelizat e sëmura të shërohen dhe të vazhdojnë të zhvillohen, ndërsa qelizat normale të mos dëmtohen.

Derivati i vitaminës A nxitë pjekurinë e qelizave, ndërsa arseni vepron kundër qelizave malinje.

Leukemia është një kancer i qelizave të bardha të gjakut, ku rritja dhe zhvillimi i këtyre qelizave është anormal.

[YlliRiaN]

Konsumimi i shtuar i kalciumit dhe vitaminës mund ta rregullojë nivelin e insulinës dhe në këtë mënyrë të ofrojë mbrojtje nga diabeti, pavarësisht konsumimit të zakonshëm të qumështit dhe produkteve të qumështit, pohon studimi i ri.

Shkencëtarët kanë analizuar marrjen e përgjithshme të kalciumit dhe vitaminës D, nivelin e tyre në organizëm, si dhe nivelin e insulinës te femrat dhe meshkujt e shëndoshë.

Rezultatet kanë treguar se meshkujt dhe femrat me nivel më të lartë të vitaminës D dhe kalciumit reagojnë më së miri në rregullimin e prodhimit të insulinës (hormonit i cili rregullon marrjen e glukozës nga qelizat).

[RaPSouL]

Dieta zvogëlon masën e tumorit

Dihet se zvogëlimi i konsumimit të ushqimit zvogëlon edhe rritjen e tumoreve të caktuar, ndërsa tani është zbuluar se pse ndodh kështu dhe si ndodh.

Ndjeshmëria e tumoreve të caktuar në zvogëlimin e konsumimit të ushqimit, varet nga aktivizimi i enzimës fosfoinozitol-3-kinazës,e cila ka rol të rëndësishëm në përhapjen e qelizave tumorale. Nëse kjo enzimë aktivizohet, atëherë pengohet zvogëlimi i masës tumorale.

Autorët e studimit pohojnë se me anë të modulimit të aktivizimit të kësaj enzime, është e mundur që edhe tumori rezistent ndaj kufizimit të ushqimit të shndërrohet në tumor të ndjeshëm, masa e të cilit zvogëlohet duke zvogëluar konsumimin e ushqimit.

[RaPSouL]

Zbulohet gjeni përgjegjës për sulmet në zemër

Shkencëtarët holandezw kanë zbuluar një gjen i cili është përgjegjës për insuficiencën akute të zemrës te të rinjtë, shkruan revista shkencore "American Journal od Human Genetics".

Shkencëtarët gjatë kohës së studimit kanë vërejtur fibrilacion idiopatik të ventrikulit, një çrregullim i ritmit të zemrës deri tash jo aq i njohur dhe i pashpjegueshëm.

Personat që vuajnë nga ky çrregullim ndjejnë kontraksione të shpejta të muskulit të zemrës, të cilat e bllokojnë funksionimin normal të saj dhe ngopjen e qelizave, që sjell edhe te sulmi në zemër.

Nëse çrregullimi nuk vërehet dhe shërohet me kohë, truri ngadalë do të fillojë të marrë më pak oksigjen se sa është i nevojshëm, që në fund do të rezultojë me një vdekje të papritur.

Çdo i katërti nga personat të cilët vuajnë nga kjo formë e këtij defekti të trashëguar gjenetik, më së shpeshti vdesin para moshën 50-vjeçare të jetës.

Shkencëtarët kanë zbuluar se për këtë çrregullim është përgjegjës një fragment i kromozomit 7q36.

[RaPSouL]

Ulcera e rrezikshme

Një studim i ri njofton se pacientët me ulcerë hemorragjike të lukthit të cilët pranohen në spital gjatë vikendeve, janë shumë më të rrezikuar për të mos mbijetuar, në krahasim me pacientët të cilët lajmërohen në spital gjatë ditëve të tjera të javës.

Përveç kësaj, pacientët të cilët pranohen në spital gjatë fundjavës, janë më të prirë që t’i nënshtrohen operacionit për ta mjekuar sëmundjen, kështu që duhet të kalojnë kohë më të gjatë në spital.

Arsyeja pse ndodh kjo nuk është e njohur, prandaj ekspertët janë duke hulumtuar për ta zbuluar pse ulcera është më e rrezikshme gjatë vikendeve.

[RaPSouL]

Vaji i ullirit me vitamina mbron eshtrat

Shkencëtarët italian kanë shpjeguar se si vaji i ullirit mund të jetë i mirë edhe për shëndetin e eshtrave.

Pesëmbëdhjetë gra gjatë tri javëve çdo ditë kanë konsumuar nga 20 ml vaj ulliri të freskët të pasuruar me vitaminat D, K dhe B6.

Rezultatet e këtij studimi të shkurtër kanë treguar se vitaminat me të cilat është pasuruar vaji i ulliri kishin një efekt pozitiv në biomarkerët në gjak, që tregonin metabolizmin e indit kockor. Kjo do të thotë se vaji i ullirit i pasuruar me vitamina pengon dobësimin e masës kockore.

[RaPSouL]

Vegjetarianët më rrallë sëmuren nga kanceri

Një studimi i realizuar në Universitetin e Oxfordit sugjeron se ushqimi vegjetarian mund të mbrojë nga zhvillimi i kancerit.

Revista “American Journal of Clinical Nutrition” ka publikuar të dhënat e grumbulluara nga 52.700 vullnetarë të moshave ndërmjet 20 dhe 89 vjeç, që ka rezultuar me të dhënat se mungesa e mishit në ushqim zvogëlon rrezikun e sëmundjes nga llojet e ndryshme të kancerit.

Hulumtuesit kanë qenë të befasuar kur kanë kuptuar se vegjetarianët janë më të rrezikuar për t’u sëmurë nga kanceri i zorrës së trashë, një formë e karcinomës e cila në stadet e hershme është e lidhur pikërisht me konsumimin e mishit.

Krahas vegjetarianëve më pak të rrezikuar nga kanceri ishin personat të cilët ishin konsumues të shpeshtë të peshkut.