Informacione te nevojshme rreth shendetit

[YlliRiaN]

Personat në moshë të shtyrë të cilët mbajnë regjimin e ushqimit mesdhetar, japin rezultate më të mira në testet e aftësive njohëse.

Ushqimi i pasur me pemë, perime, peshk dhe vaj ulliri, zvogëlon për më shumë se 30% mundësinë e dobësimit të kujtesës dhe përqendrimit, ndërsa rreziku për shfaqjen e sëmundjes Alzheimer bie për 43-48%, njoftojnë hulumtuesit pranë Universitetit Columbia në Neë York.

Studimi i publikuar në revistën “Archives of Neurology”, pohon se përveç efekteve pozitive të lartëpërmendura, tashmë dihet se regjimi mesdhetar i ushqimit zvogëlon edhe rrezikun e shfaqjes së sëmundjes së Parkinsonit, si edhe sëmundjeve të zemrës.

[YlliRiaN]

Vetëm një gotë lëngu të freskët të portokallit siguron 100 mg vitaminë C që është më tepër se rekomandimet ditore prej 60 mg.

Përveçse është i pasur me vitamina, lëngu i portokallit ka edhe substanca që japin aromë të mirë.

Analizat e reja kanë treguar se në lëngun e portokallit ekzistojnë më shumë se 300 substanca kimike të cilat japin aromë.

Njëra nga këto substanca është limoneni, i cili gjendet në lëvoren e portokallit dhe limonit, ndërsa supozohet se mbron në 30% të rasteve nga shfaqja e kancerit të lëkurës.

[RaPSouL]

necky lexo më lart se të njëjtët shkrime janë postuar më herët jo vetëm ti postosh këtu për herë të dytë.

Me tmira!

[RaPSouL]

Sasia e tepërt e vitaminës E dëmton foshnjën

Një studimi i shkencëtarëve holandezë tregon se marrja e tepërt e vitaminës E gjatë shtatzënisë mund të shtojë rrezikun për probleme me zemër te foshnja e porsalindur.

Duke analizuar të dhënat e grumbulluara nga 274 nëna, fëmijët e të cilave kishin lindur me probleme në zemër, si edhe 324 nënave tjera, fëmijët e të cilave kishin lindur me gjendje normale, hulumtuesit kanë vërtetuar se marrja e tepërt e vitaminës E në fazën e hershme të shtatzënisë, është e lidhur me paraqitjen e problemeve në zemër te fëmijët e tyre, ndërsa ky rrezik është i lartë (70%).

Revista shkencore “BJOG: An International Journal of Obstetrics and Gynecology” njofton se rreziku për problemet me zemër te të porsalindurit, ishte për pesë deri nëntë herë më i lartë te fëmijët e nënave, të cilat përveç marrjes së lartë të vitaminës E me anë të ushqimit, kishin marrë edhe preparate shtesë të kësaj vitamine.

[YlliRiaN]

Nje falemderim te shkon ty RaPSouL per te gjitha keto sjellje ne lidhje me shendetin te lumt!!!

[RaPSouL]

Pasojat e tronditjes së trurit

Dëmtimet të cilat mund të vijnë si pasojë e tronditjes në tru, zgjasin me dekada.

Studimet e sportistëve në SHBA, të cilët vazhdimisht pësojnë tronditje në tru, ofrojnë lajme të këqija në lidhje me shëndetin e tyre mendor në të ardhmen, shkruan në lajmet e “Ivanhoe”.

Njëri nga studimet, i cili ka analizuar kohëzgjatjen e pasojave të tronditjes së trurit, ka treguar se sportistët, të cilët kishin pësuar tronditje në tru, pas më shumë se tridhjetë vitesh, kishin pasur probleme me kujtesën, vëmendjen dhe lëvizjet.

[RaPSouL]

Rekomandim i ri: 50 minuta ushtrime në ditë

Ekspertët pranë "American College of Sports Medicine" besojnë se është e pamundur të shmanget rritja e peshës trupore nëse merren për bazë rekomandimet e deritanishme, sepse nuk mjaftojnë 30 minuta ushtrime trupore në ditë.

Këto shkencëtarë pohojnë se duhet të ndryshohen rekomandimet e vitit 2001, sepse për ta ruajtur shëndetin dhe vijën trupore nevojitet kohë më e gjatë për t’u marrë me aktivitet fizik.

Këto pohime të publikuara në revistën “Medicine & Science in Sports & Exercise”, rekomandojnë që për të zvogëluar peshën trupore dhe për të shmangur rikthimin e kilogramëve duhet ushtruar së paku 50 minuta në ditë, dhe njëkohësisht ushtrimet duhet të kombinohen edhe me dietë.

[RaPSouL]

Ngrënia e tepërt e programuar

Duket se për disa persona nuk ka ndihmë kur është në pyetje ngrënia e tepërt.

Në një studim janë përfshirë 131 fëmijë të moshave, ndërmjet katër dhe pesë vjeç, të cilëve pas ushqimit iu janë ofruar ëmbëlsira.

Te fëmijët, të cilët kishin ngrënë më shumë ëmbëlsira, është vërejtur ndryshim në gjenin i cili ka të bëjë me madhësinë trupore.

Këto rezultate sugjerojnë mundësinë që ngrënia e tepërt të jetë e programuar gjenetikisht, pohojnë autorët e studimit.

[RaPSouL]

Çipsi armiku i zemrës tuaj

Disa studime tё fundit kanë dhënë arsye shtesë se pse çipsi duket të konsumohet në sasi të kufizuar.

Çipsi në të vërtetë mbështillet me akrilamid dhe shkencëtarët polak kanë zbuluar një lidhje mes akrilamidit nga ushqimi dhe rrezikut të rritur të sëmundjeve të zemrës.

Pasi personat e eksperimentuar nё kёtё studim kishin konsumuar njё sasi tё çipsit, e cila nё ditë kishte dhёnё mesatarisht 157 μg akrilamid, pёr katёr ditё tё tjera ishin vërejtur disa ndryshime biokimike.

Shkencёtarёt kanё vërejtur ndryshime negative nё nivelin e LDL-kolesterolit, rritje tё disa markerёve tё inflamacioneve, por edhe rritje nё nivelet e disa antioksiduesve, tё cilёt ndihmojnë eliminimin e akrilamidit nga organizmi. Qё tё gjitha kёto janë shenja tё rritjes sё rrezikut tё sëmundjeve tё zemrës.

Përndryshe edhe mё herët ishte vërtetuar edhe lidhja nё mes tё akrilamidit dhe çrregullimeve tё sistemit nervor, ndërsa disa studime e kanë lidhur atё edhe me rritjen e rrezikut nga kanceri.

[RaPSouL]

Pemë dhe perime të freskëta kundër diabetit

Konsumimi i vetëm një porcioni me sallatë të lakrës ose i tre porcioneve me pemë, zvogëlon rrezikun për t’u sëmurë nga diabeti tip 2, pohojnë shkencëtarët. Ndërkohë që konsumimi i lëngut të pemëve, shton rrezikun e shfaqjes së diabetit tip 2 te femrat.

Në bazë të këtij studimi, ekspertët u rekomandojnë grupeve të rrezikuara që të konsumojnë çdo ditë sallatë të lakrës, lulelakrës dhe spinaqit, si edhe konsumimit të pemëve të freskëta (mollë, banane, portokaj dhe shalqi), dhe jo të konsumohet lëngjet e pemëve, të cilave gjatë përpunimit u shtohet shumë sheqer.

Shkencëtarët po ashtu rekomandojnë që personat me rrezik të lartë për diabet tip 2, t’i zëvendësojnë të gjitha ushqimet e përpunuara me ushqime të freskëta.