Informacione te nevojshme rreth shendetit

[RaPSouL]

Di gje njeri, se per ç'fare perdoren ( ne mjeksi ) farat e molles?

Po të lexosh postimin tim më lart me nr #328 do të kuptosh se nga faret e frutave dhe perimeve të ndryshme mund të fitohen ilaçe të llojllojshme dhe lëngje të ndryshme të dobishme dhe mjekuese për ndonjë sëmundje. Sa i përket pyetjes tënde nuk jam në dijeni reth farave të mollës ndoshta nëse gjej dikund diçka në lidhje me pyetjen tënde do ta sjell këtu tek kjo temë.

Me tmira!

[RaPSouL]

Lindja e parakohshme dhe autizmi

Të dhënat e grumbulluara në SHBA tregojnë se fëmijët e lindur para kohe janë dy deri tre herë më shumë të rrezikuar që të shfaqin simptoma të autizmit para moshës dyvjeçare.

Revista “Journal of Pediatrics” ka publikuar rezultatet e grumbulluara nga 988 fëmijë të lindur së paku tre muaj para kohe.

Shkaktarët e çrregullimeve të cilat vështirësojnë komunikimin dhe ndërveprimin e fëmijëve me rrethin mbetet të panjohur. Mirëpo shkencëtarët nga Universiteti i Bostonit pohojnë se studimet e mëparshme kanë treguar se një gjen luan rol në këtë mekanizëm, po ashtu edhe ambienti jetësor konsiderohet si faktor nxitës i autizmit.

Studimi i fundit jep hipotezën se lindja para kohe nuk është e lidhur në mënyrë direkte me shfaqjen e autizmit, porse shkaktari i cili nxit autizmin, është njëkohësisht edhe shkaktar i lindjes para kohe.

Përveç autizmit, lindja para kohe është e lidhur me rrezikun e lartë për t’u zhvilluar retardimi mendor, paraliza cerebrale, vështirësi të funksionit të mushkërive, si edhe humbje të dëgjimit apo shikimit.

[RaPSouL]

Largoni kilogramët me ecje

Një studim i ri tregon se sa më shumë të ecni aq më pak kilogramë do të fitoni me kalimin e viteve.

Ekspertët gjatë pesëmbëdhjetë viteve kanë përcjellë shprehitë e 5.000 participantëve, meshkuj dhe femra. Nga të dhënat e fituara kanë arritur në përfundim se ecja prej gjysmë ore në ditë zvogëlon për gjysmë kilogrami shtimin në peshë, i cili është i lidhur me kalimin e moshës.

Të ecurit është formë e pranueshme e aktivitetit trupor thuajse nga e gjitha popullata, për këtë arsye autorët e studimit ua rekomandojnë të gjithëve ecjen e përditshme.

[RaPSouL]

Funksionet e trurit dhe çrregullimi i të ushqyerit

Disa studime të reja thonë se në paraqitjen e disa çrregullimeve në ushqim, e veçanërisht në bulimi, mund të fajësohet truri.

Shkencëtarët i kanë krahasuar fotografimet e trurit të femrave me çrregullime në të ushqyer me ata të femrave të shëndosha. Rezultatet kanë treguar se femrat të cilat kanë vuajtur nga çrregullimet në ushqim kanë probleme me kontrollin e instinktit, andaj janë edhe më impulsive.

Dallimet janë vërejtur në disa pjesë të trurit të cilat janë përgjegjëse për kontrollin e sjelljes së vullnetshme.

Pasojë e kësaj, siç thonë shkencëtarët, është konsumimi i pa menduar mirë dhe vështirësitë në kontrollimin e konsumimit të ushqimit.

[RaPSouL]

Akullorja e shëndetshme pёr trurin

Shkencёtarёt britanik kanё zbuluar se akullorja ёshtё shumё e dobishme pёr shëndetin dhe ndihmon nё parandalimin e kancerit dhe sulmeve nё tru dhe zemër.

Ata kanё incizuar trurin me anё tё rezonancës magnetike dhe kanё zbuluar se vetëm njё lugё akullore mund ta nxisё qendrën e kënaqёsisё nё tru.

Njё dobi shtesё ёshtё se gjysmё luge akullore nga vanilja jep rreth 17mg kolinё, njё substancё qё mund tё ulё përqendrimin e homocisteinёs nё gjak pёr 9%. Homocisteina ёshtё njё komponentё mbrojtëse nga karcinoma, sulmi nё zemër dhe nё tru si dhe demenca (çmenduria).

[RaPSouL]

Çokollatë të zezë për të ardhme të ndritshme

Shkencëtarët italianë të cilët ka studiuar shprehitë ushqyese të disa vullnetarëve dhe
përqendrimin e proteinës C-reaktive (e cila është tregues i inflamacionit), kanë ardhur në përfundim se ngrënia e një rendi të çokollatës së zezë (20 g) çdo të tretën ditë, zvogëlon dukshëm rrezikun nga sëmundjet e zemrës.

Një pjesë çokollatë (20 gramë) ka 100 kcal. Lajmi i mirë është se 20 gramë çokollatë mjafton për shëndet të mirë.

Ndërkohë, rezultatet e këtij studimi kanë treguar se sasia më e madhe e çokollatës nuk siguron dobi shtesë.

[La_Lune]

Rapsoul po sme the ndonje gje per kete Gripin qe ka rene,FSH-ja do humbi nje anetare te pazevendesueshme si Una.

[eraldi`007]

hihihihi o La Lune te ka kap gripi i pules :P

[RaPSouL]

Vezët dhe diabeti

Konsumimi i përditshëm i vezëve është i lidhur me paraqitjen e diabetit tip 2, sugjeron një studim i shkencëtarëve të Universitetit të Harvardit.

Duke përcjellë 57.000 të rritur, hulumtuesit kanë vërtetuar se konsumimi i përditshëm i vetëm një veze, shton rrezikun për t’u sëmurë nga diabeti tip 2, prej 58% deri 77%, njofton revista “Diabetes Care”.

Ky studim nuk e ka zbuluar mekanizmin me të cilin vezët rrezikojnë për shfaqjen e diabetit, ndërsa shkencëtarët besojnë se rolin kryesor e luan kolesteroli, i cili është faktor i njohur që nxit sëmundjen e sheqerit.

Megjithatë, autorët e studimit rekomandojnë që të mos shmanget tërësisht konsumimi i vezëve, pasi që mban substanca shumë të rëndësishme ushqyese (proteina, vitamine, minerale, si edhe të a.q. yndyra të pangopura), por të kufizohet konsumi tyre.

[RaPSouL]

E keqja nuk vjen vetëm

Një studim i ri tregon se meshkujt të cilët në moshë të re përjetojnë disfunksionin erektil janë shumë të rrezikuar për të zhvilluar sëmundjet e zemrës, në krahasim me ata të cilët nuk kanë probleme të këtilla.

Shkencëtarët nga klinika e njohur amerikane “Mayo” kanë zbuluar se meshkujt të cilët përjetojnë disfunksionin erektil apo impotencë, janë të rrezikuar për 80% që të sëmuren nga sëmundjet e zemrës, ndërsa rreziku është më i madh nëse disfunksioni erektil ndodh ndërmjet moshës 40 deri 49-vjeçare.

Këto rezultatet bazohen në studimin dhjetëvjeçar, në të cilin kanë marrë pjesë më shumë se 1.400 meshkuj, shkruan revista “Mayo Clinic Proceedings”.