Informacione te nevojshme rreth shendetit

[RaPSouL]

A shkakton kafeina vërtet varësi?

Kjo ёshtё njё pyetje qё shpesh e bёjmё, ose dёgjojmё miqtë kur thonё se nuk munden "pa pi një kafe". Mbase ka diçka tё vërtetё nё kёtё, por kjo varet çfarë nënkuptoni me “varësi”.

Pёrbёrёsi aktiv i kafesё dhe çajit, kafeina, ёshtё njё stimulues i sistemit nervor qendror, dhe përdorimi i rregullt i saj shkakton njё varësi tё lehtё fizike.

Por, kafeina nuk kёrcёnon shëndetin tuaj fizik, shoqëror ose ekonomik, nё mёnyrёn se si e bёjnё kёtё drogat.

Nёse ndaloni tё merrni kofeinё menjёherё, ndoshta mund t’i keni simptomat pёr njё ditё ose mё shumё, veçanërisht nёse kemi pirë dy ose mё shumё filxhanё kafe nё ditё. Simptomat e ndërprerjes sё kafeinës pёrfshijnё:

- kokёdhembjen
- lodhjen
- ankthin
- nervozizmin
- disponimin e zymtë
- vështirёsitё nё koncentrim

Pa dyshim, ndërprerja e kafeinës mund tё sjellё disa ditё tё këqija. Megjithatё, kafeina nuk shkakton probleme tё ashpra ose sjellje agresive, siç bёjnё drogat ose alkooli.

Pёr kёtё arsye, shumica e ekspertёve nuk e konsiderojnë kafeinën si njё substancё e cila shkaktor varësi.

[RaPSouL]

Qumështi ndihmon për një gjumë më të mirë

Sigurisht keni dëgjuar për aftësinë magjike që qumështi i ngrohtë të ju lehtësojë të futeni në botën e ëndrrave. E dini se kjo është e vërtetë?

Qumështi dhe produktet e qumështit përmbajnë aminoacidin e quajtur triptofan, i cili është një substance stimuluese e gjumit.

Triptofani është një prej 20 aminoacideve standarde, njësive prej të cilave përbëhen proteinat, dhe bën pjesë në grupin e aminoacideve esenciale, që do të thotë se atë duhet marrë me ushqime, pasi organizmi nuk arrin ta sintetizojë.

Ushqime të tjera të cilat përmbajnë këtë lëndë gjumë-stimuluese janë edhe mishi i shpezëve, bananet, tërshëra, vezët dhe mjalti.

[RaPSouL]

Ushqimi në shtatzëni ndikon te pesha e fëmijës

Shtatzënat të cilat konsumojnë ushqime të cilat përmbajnë sasi të madhe të yndyrës lindin fëmijë të cilët më vonë në jetën e tyre kanë probleme me mbipeshën.

Shkencëtarët nga Universiteti Rockefeller në New York, në bazë të analizave kanë ardhur në përfundim se ushqimi i pasur me yndyra sjell deri te ndryshimet e përhershme në trurin e fetusit, që mund të ndikojë në shtimin e kilogramëve në jetën e mëvonshme.

Yndyrat e konsumuara nga shtatzëna nxitin krijimin e neuroneve të përhershme te fetusi, dhe këto neurone në jetën e mëvonshme shtojnë apetitin për ushqimin që përmban yndyra, tregon studimi i publikuar në revistën “Journal of Neuroscience”.

[RaPSouL]

Çaji pengon thithjen e zhivës

Kohëve të fundit rekomandohet kufizimi i konsumimit të peshkut për shkak të sasisë së zhivës të pranishme në peshk, mirëpo është zbuluar një fakt tjetër i cili tregon se çaji pengon toksinat nga peshku që të depërtojnë në qarkullimin e gjakut.

Shkencëtarët kanë vërejtur se sasia e absorbimi i zhivës gjatë konsumimit të peshkut zvogëlohet në 92% nëse peshku konsumohet në kombinim me ekstraktin e çajit të bimëve.

Katekinet, substanca të pranishme në çaj, gjatë reagimit me zhivën, formojnë substanca tjera kimike të cilat nuk mund të absorbohen, dhe në këtë mënyrë pengojnë thithjen e zhivës nga zorrët.

Për këtë arsye ekspertët rekomandojnë konsumimin e peshkut me çaj të zi ose të gjelbër, meqenëse kanë veprim të njëjtë në pengimin e thithjes së zhivës.

[RaPSouL]

Motivimi për ushtrime ndryshon

Ekspertët njoftojnë se motivimi për të ushtruar ndryshon me kalimin e kohës.

Një studim i ri i publikuar në faqet e “Reuters Health” tregon se faktorët të cilët i motivojnë njerëzit për të ushtruar me kalimin e kohës nuk janë të njëjtë.

I njëjti studim tregon se është një sfidë shumë e madhe që një individ ta ruajë formën e tij aktive gjatë gjithë kohës, prandaj shpesh ndodh që disa ushtrues të rregullt të heqin dorë nga ushtrimet në mungesë të motivimit të tyre.

Rekomandimet e ekspertëve janë që personat e shëndoshë duhet të bëjnë ushtrime trupore së paku tridhjetë minuta në ditë, në formë të ecjes së shpejtë apo vrapimit të ngadalshëm.

[RaPSouL]

Molla, kyçe për jetëgjatësinë e njeriut

Mollat përmbajnë bashkimin e vetëm organik, që luan rol të rëndësishëm në qarkullimin e gjakut, punën e rregullt të zemrës dhe jetëgjatësinë.
Këtë e shkruan gazeta britanike Dejli Meil, duke shtuar se bashkimi magjik epikatehin polifenol është zbuluar në sortën e posaçme të mollës së thartë angleze, që cilat tashmë nuk konsumohet në Ishullin.

Ekspertë nga Instituti për ushqim nga Noriçi kanë dëshmuar se epikatehin polifenol qetëson arteriet dhe rritë qarkullimin e gjakut. Ai mund ta zvogëlojë deri në 21 për qind ngushtimin e arterieve dhe grumbullimin e shtresave të yndyrës në enët e gjakut, me çka reduktohet rreziku nga sulmi në zemër dhe tru.

Te vullnetarët në shfrytëzimin e epikatehin polifenol është vërejtur përtëritja e enëve të gjakut për 17 vite.

Sipas të dhënave arkivore në Hartfordshir, ku është kultivuar molla me koncentim të lartë të epikatehin polifenol më shumë se 63 për qind e njerëzve kanë jetuar më gjatë se 82 vite.

Sipërmarrja britanike Coressence menjëherë e shfrytëzoi këtë hulumtim dhe krijoi sortë të re të mollës të pasur me epikatehin polifenol. Ajo tashmë lançoi në treg një lëng të pasur me eliksirin e jetëgjatësisë. Sipërmarrja paralajmëroi se së shpejti do të lëshojë në qarkullim edhe produkte tjera të pasura me epikatehin, si granule, pluhur ose ëmbëlsues.

[RaPSouL]

Depresioni dhe mbipesha

Rritja e peshës trupore shpesh ndodh si pasojë e përdorimit të barnave për mjekimin e depresionit. Ky efekt anësor u përshkruhet sidomos antidepresivëve treciklikë dhe inhibuesëve të monoamino oksidazës (MAOi).

Studimet e reja tregojnë se pacientët të cilët fitojnë në peshë në javën e parë të përdorimit të antidepresivëve janë të rrezikuar që më vonë të shtojnë në peshë.

Kjo lidhshmëri ndërmjet këtyre barnave dhe mbipeshës shpjegohet me disa teori: disa pacientë gjatë fazës së depresionit trashen, të tjerëve u shtohet apetiti pas përmirësimit të disponimit, ndërsa ka persona të cilët depresionin e largojnë me anë të ushqimit.

[RaPSouL]

Me ujë kundër rrudhave

Një studim i ri ka treguar se uji rrit qarkullimin e gjakut në lëkurë. Përveç ujit përmenden edhe vitamina C dhe estrogjeni si faktorë të cilët pengojnë tharjen e lëkurës dhe ngadalësojnë plakjen e saj. Megjithatë ende nuk ekzistojnë fakte shkencore për ndikimin e këtyre dy të fundit.

Konsumimi adekuat i ujit është shumë i rëndësishëm për shëndetin e përgjithshëm, ndërsa studimet e reja tregojnë pozitivitetin e ujit në ngadalësimin e paraqitjes së rrudhave.

Dihet se për shkak të dehidrimit, në lëkurë përforcohet paraqitja e rrudhave, ndërsa me konsumimin adekuat të ujit pengohet dehidrimi dhe në këtë mënyrë ngadalësohet shfaqja e rrudhave.

Lëkura mund të mbrohet nga rrudhat edhe duke përdorur faktorë mbrojtës gjatë daljes në diell, me mospirje të duhanit dhe me ushqim të shëndetshëm.

[RaPSouL]

Mungesa e gjumit rrezik për kancer

Një studim i ri ka treguar se ushtrimet e rregullta trupore mund ta zvogëlojnë rrezikun për t’u sëmurë nga kanceri, mirëpo njëkohësisht është vërtetuar se mungesa e gjumit e pengon këtë ndikim pozitiv të ushtrimeve.

Në studimin e shkencëtarëve amerikanë kanë marrë pjesë afër 6.000 femra me moshë ndërmjet 18 dhe 65-vjeçare.

Rezultatet kanë treguar se pjesëmarrëset në studim të cilat kishin fjetur më pak se shtatë orë në ditë, kanë qenë të rrezikuara për 47% që të sëmuren nga kanceri, në raport me moshataret e tyre të cilat flenë më gjatë.

[RaPSouL]

Kthimi i ngjyrës së flokëve

Shkencëtarët gjermanë dhe britanikë kanë zbuluar mënyrën që t’u rikthejnë ngjyrën flokëve të cilat janë zbardhuar si pasojë e ndonjë sëmundje.

Disa sëmundje të lëkurës shkaktojnë humbjen e flokëve te pacientët, ndërsa kur flokët rriten sërish ato mund të jenë të bardha.

Këtë problem e kanë zgjidhur shkencëtarët britanikë nga Universiteti i Mançesterit dhe ata gjermanë nga Universiteti i Lubeckut, të cilët kanë zbuluar se mund ta nxisin prodhimin e pigmentit i cili është përgjegjës për ngjyrën e flokëve.

Shkencëtarët kanë njoftuar se kjo teknikë është ende në kushte laboratorike dhe shpresojnë se do të ketë sukses edhe te njerëzit.