Informacione te nevojshme rreth shendetit

[RaPSouL]

Vitamina B3 mbron nga sëmundja Alzheimer

Një studim i realizuar në SHBA tregon se vitamina B3 (e pranishme në mish, peshk, fasule, drithëra dhe patate) mund ta mbrojë trurin nga sëmundja Alzheimer.

Eksperimentet e realizuara te minjtë sugjerojnë se vitamina B3 sjell deri te zvogëlimi i pranisë së proteinave ‘tau’, të cilat paraqiten si pasojë e dëmtimeve nga sëmundja Alzheimer.

Krahas mbrojtjes nga sëmundja Alzheimer, studimi ka treguar se ushqimi i pasur me këtë vitaminë ndikon në ruajtjen e kujtesës.

Megjithatë duhet të kihet parasysh se niveli i lartë i vitaminës B3 mund të jetë toksik.

[RaPSouL]

Pagjumësia dhe ndryshimet në tru

Pagjumësia është e lidhur me çrregullimin e baraspeshës neurokimike në tru.

Personat e rritur me pagjumësi primare kanë disbalans të posaçëm neurokimik që është pasojë e vështirësisë në ‘qetësimin’ e trurit para fjetjes, njofton Reuters.

Individët me pagjumësi primare, e cila zgjat më shumë se gjashtë muaj, kanë 30% më pak GABA (acid amino-buterik), i cili ngadalëson aktivitetin e trurit në shumicën e regjioneve të tij.

Në këtë mënyrë, në mungesë të sasisë së nevojshme të acidit amino-buterik, pamundësohet ngadalësimi i aktivitetit trunor, që për pasojë ka pagjumësinë.

[RaPSouL]

Diabeti i nënës dhe të folurit e fëmijës

Diabeti i nënës është i lidhur me çrregullimet e të folurit te fëmija, pohojnë shkencëtarët kanadezë.

Fëmijët e nënave të cilat kanë zhvilluar diabet gjatë shtatzënisë (diabet gestacional) janë më të prirë për të pasur probleme me të folur.

Studimi i realizuar nga Universiteti Laval te më shumë se 2.600 fëmijë, ka treguar se këta fëmijë kanë dalë shumë më të dobët në testet e të folurit dhe se këta fëmijë gjithmonë flasin më vonë në krahasim me moshatarët e tyre.

[RaPSouL]

Pesëvjeçarët nuk mund të përcaktojnë sasinë normale të ushqimit

Hulumtimet me fëmijët pesëvjeçarë kanë treguar se cilido porcion i cili u ofrohet fëmijëve për të ngrënë, ata e konsiderojnë si porcion normal.

Studimi është realizuar në mënyrë që fëmijëve u është nxjerrë po aq ushqim sa kanë kërkuar në pjatë, ndërsa anash u është vendosur një pjatë tjetër e cila ka përmbajtur sasi më të madhe të ushqimit.

Fëmijët pjesëmarrës në studim kanë reaguar më gëzueshëm kur u është ofruar pjata tjetër, në krahasim me atë që e kanë kërkuar vetë.

[RaPSouL]

Gjelbërimi ndikon pozitivisht në shëndet

Madje edhe parqet e vogla të vendosura në mes të qyteteve ndikojnë në zvogëlimin e rrezikut për sëmundjet e zemrës dhe sulmeve në tru, pohojnë shkencëtarët skocezë.

Rezultatet e botuara në revistën “The Lancet” sugjerojnë se parqet e sipërfaqet me gjelbërim ndikojnë në zvogëlimin e stresit te personat të cilët jetojnë në afërsi të tyre, dhe njëkohësisht rritin mundësitë që njerëzit të merren me aktivitet fizik.

Shkencëtarët nga Universiteti i Glasgout kanë njoftuar se sa më të mëdha të jenë sipërfaqet e gjelbëruara aq më i vogël është rreziku për sëmundjet e zemrës dhe ato të enëve të gjakut.

[RaPSouL]

Probiotikët mbrojnë edhe tek sëmundjet e mushkërive

Probiotikët mund të ndihmojnë shumë tek pacientët që vuajnë nga sëmundje të traktit respirator, dhe të cilët kanë rrezik më të rritur për inflamacion (ndezje) të mushkërive.

Bakteret e mira mund ta ndërpresin kolonizimin e baktereve të dëmshme në rrugët e frymëmarrjes. Për më shumë, pijet probiotike (p.sh. jogurti i pemëve), kanë dëshmuar se kanë efekt të njëjtë si edhe medikamentet e zakonshme antiseptike, të cilat iu jepen pacientëve me probleme respiratore.

Përparësia e probiotikëve është se kanë më pak efekte anësore dhe për dallim nga antiseptikët veprojnë gjithë kohës, ndërsa jo vetëm disa orë, thonë shkencëtarët.

[RaPSouL]

Çdo ecje numërohet

Këshillat për aktivitetin trupor thonë se është mirë që të keni episode të aktiviteteve aerobike në një kohëzgjatje prej 10 minutash.

Por, a thua edhe aktivitetet trupore të një kohëzgjatje më të vogël po ashtu mund të jenë të dobishme?

Shkencëtarët kanë analizuar dallimet në faktor të nivelimit të lipoideve në gjak si dhe ndryshimet në presionin e gjakut të ecjes së shpejtë prej 30 minutëshe me faktorët e ecjes së shpejtë dhe ecjes së përsëritur treminutëshe me pauza.

Është dëshmuar njëjtë e mirë që të ecet shpejt 30 minuta sikurse edhe 10 herë të përsëritet përshpejtimi treminutësh.

[RaPSouL]

Soja ndikon si afrodiziak

Përdorimi i përditshëm i sojës mund të ndikojë në rritjen e dëshirës seksuale tek femrat, bëjnë të ditur studimet më të reja.

Shkencëtarët kanë vërtetuar se përdorimi i përditshëm i sojës dhe produkteve të saj për një periudhë prej 1 muaji (rreth 2 kg në muaj), ka rezultuar me sindromën e eksitueshmërisë së pandërprerë seksuale.

Llogaritet se për këtë ndikim, përgjegjës janë fitoestrogjenet, të cilat hyjnë në përbërjen e sojës.

Që më herët është besuar se në dëshirat seksuale të femrës ndikojnë faktorë të ndryshëm, në mes të cilëve edhe niveli i hormoneve estrogjen dhe testosteron.

Duket se soja vepron si një burim natyror i hormoneve, të cilët ndihmojnë eksitimin seksual të femrës, thonë autorët e studimit.

[RaPSouL]

Soja dhe kolesteroli

Soja konsiderohet si njëri nga elementët që ndikon pozitivisht në shëndet, ndërsa supozohet se soja në masë të madhe ndikon në uljen e nivelit të kolesterolit në gjak.

Që në vitin 1999 shkencëtarët amerikanë kanë pohuar se konsumimi i përditshëm i sojës në kombinim me ushqimin e zakonshëm (i cili ka sasi të ulët kolesteroli dhe yndyrash të përpunuara) zvogëlon rrezikun për sëmundjet e zemrës.

Ndërsa edhe studimet e reja të realizuara nga viti 2006 e këndej, tregojnë se kombinimi i sojës në kombinim me ushqimin i cili ka sasi të vogël të yndyrave, më shumë fibra ushqyese dhe fitosterole, në masë të madhe ul nivelin e “kolesterolit të keq”

[RaPSouL]

Thithja e gjirit përmirëson funksionin e mushkërive

Madje edhe mundimi fizik i foshnjës gjatë marrjes së qumështit nga gjiri i nënës mund të sjellë deri te përmirësimi shumë më i mirë funksionit të mushkërive, njofton një studim i ri.

Shkencëtarët amerikane nga Universiteti Shtetëror i Michiganit, në bashkëpunim me kolegët e tyre britanikë nga Universiteti i Southamptonit kanë analizuar shëndetin e 1.456 fëmijëve dhjetëvjeçar.

Rezultatet e publikuara në revistën “Thorax”, kanë treguar se te fëmijët të cilit kanë thithur qumësht nga gjiri i nënës së paku katër muaj, kanë funksion mushkëror shumë më të mirë në krahasim me moshatarët e tyre të cilët nuk e kanë bërë këtë.