Informacione te nevojshme rreth shendetit

[RaPSouL]

Ngrënia e ngadalshme për trup të hollë

Femrat të cilat hanë më ngadalë ushqim, në fakt shtyjnë më pak kalori në organizmin e tyre në krahasim me ato femra të cilat hanë më shpejtë.

Në studim kanë marrë pjesë 30 femra të shëndosha të moshës ndërmjet 18 dhe 48 vjeçare.

Shkencëtarë kanë krahasuar sasinë e konsumuar të ushqimit te dy grupet, femrat të cilat kanë ngrënë më ngadalë dhe më gjatë, dhe te femrat të cilat kanë ngrënë më shpejt dhe më shkurtë.

Rezultatet kanë treguar se edhe pse koha e ushqimit ishte 20 minuta më e gjatë te femrat të cilat kishin ngrënë më ngadalë, ato kishin konsumuar sasi më të vogël të ushqimit se sa femrat të cilat kishin ngrënë shpejtë.

[RaPSouL]

Çaj kamomili kundër sheqerit?

Çaji nga kamomili shfrytëzohet për largimin e stresit, problemeve me lukth, pagjumësisë etj., ndërsa në të ardhmen ndoshta do t’u rekomandohet edhe të sëmurëve nga diabeti.

Një studim i ri sugjeron se çaji nga kamomili zvogëlon nivelin e glukozës në gjak dhe në këtë mënyrë mund t’iu ndihmojë diabetikëve në parandalimin e verbimit, sëmundjeve të veshkave, dëmtimin e nervave dhe komplikimet e tjera të cilat mund të jenë si pasojë e sëmundjes së sheqerit.

Meqenëse eksperimenti është zhvilluar te kafshët eksperimentale, shkencëtarët thonë se ende është herët që t’u rekomandohet diabetëkevë që ta shtojnë pirjen e çajit të kamomilit.

[RaPSouL]

Të trashët nuk kënaqen me ushqim

Personat e trashë hanë më shumë pasi që nuk kënaqen me ushqimin për shkak të zvogëlimit të reagimit trunor në ushqim, ka treguar një studim i ri.

Në njoftimin e publikuar në revistën “Science”, shkencëtarët pohojnë se personat me mbipeshë e kanë të zvogëluar aktivitetin e dopaminës e cila prodhohet gjatë ngrënies, prandaj personat me reagim të dobët kanë më shumë kilogramë.

Kjo shpjegohet me mungesën e receptorëve të dopaminës, D2, me ç’rast nevojit sasi më e madhe e dopaminës (rrjedhimisht sasi më e madhe e ushqimit) që të ndodh ngacmimi dhe të arrihet kënaqësia e ngopjes.

[RaPSouL]

Pas operacionit të zorrës- çamçakëz

Çamçakëzi shpejton kthimin e aktivitetit normal të zorrës pas operacionit, nxit prodhimin e mukusit dhe punën e pankreasit.

Këtë e kanë treguar studimet te 158 pacientë, nga të cilët është kërkuar që në fazën e shërimit pas operacionit, veç tjerash të përtypin edhe çamçakëz tri herë në ditë nga 45-minuta.

Megjithatë, ndikimi pozitiv nuk është vërejtur te të gjitha rastet duke pasur parasysh se çamçakëzi mund të përmbajë sheqerna alkoolikë të cilat veprojnë më mënyrë laksative, si edhe për shkak të futjes së ajrit në zorrë gjatë përtypjes, i cili nuk është “i mirëpritur” në fazën e shërimit.

Si metodë më e mirë e shërimit konsiderohet që sa më shpejtë të futet ushqim në organizëm, madje një ditë as operacionit, njëherë ushqim të lëngshëm dhe pastaj edhe të fortë.

[RaPSouL]

Truri aktiv më pak i prirë ndaj demencës

Aktivizimi i trurit që në moshë të vogël ndihmon në parandalimin dhe ngadalësimin e simptomave të sëmundjes Alzheimer.

Sipas një studimi, personat të cilët kanë shkollim të mirë ose zhvillojnë aktivitete intelektuale aktive, janë më pak të prirë për ta zhvilluar sëmundjen Alzheimer,

Sëmundja Alzheimer ose siç quhet demenca senile, është sëmundje si pasojë e të cilës humbin shumë funksione psikike, në radhë të parë kujtesa dhe intelekti.

[RaPSouL]

Mundimet në mëngjes-fëmija do te jetë vajzë

Shpesh thuhet se pamja e barkut dhe pulsi i fëmijës tregojnë për gjininë. Në fakt, këto ide janë thjesht fantazi, dhe jo fakte, megjithatë, ekzistojnë disa përjashtime përjashtime.

Disa studime kanë analizuar pohimet se mundimet gjatë mëngjesit lënë të kuptojnë se foshnja do të jetë femër. Është treguar se caktimi i moshës së fetusit saktësi të lartë nëse mundimet paraqiten në tremujorin e parë të shtatzënisë dhe nëse simptomat janë aq shumë të shprehura saqë është i nevojshëm hospitalizimi (gjendje e quajtur heperemezis gravidarum)

Në një studim më të ri, epidemiologët kanë krahasuar 2.111 shtatzëna të hospitalizuara për shkak të mundimeve në tremujorin e parë. Shanset që foshnja të jetë vajzë kanë qenë deri në 80% më të larta.

[RaPSouL]

Edhe vera e bardhë është e dobishme

Një studim i ri ofron qetësi për të gjithë dashamirët e verës së bardhë, pasi që shkencëtarët kanë njoftuar se vera e bardhë e mbron zemrën ngjashëm sikurse edhe vera e zezë.

Deri me tani është menduar se vera e bardhe, ndryshe ka vera e zezë, nuk ka ndikim pozitiv deri në atë shkallë, pasi që pulpa e rrushit nga e cila prodhohet vera e bardhë nuk përmban rezervatrol sikurse korja nga e cila prodhohet vera e zezë.

Mirëpo, një studim i ri i realizuar te minjtë ka zbuluar se vera e bardhë i mbron mitokondriet (organele qelizore që prodhojnë energji) e qelizave të zemrës nga dëmtimet oksiduese, dhe në këtë mënyrë vepron në mënyrë mbrojtëse ndaj zemrës.

[RaPSouL]

Mbipesha e lidhur me inflamacionet

Mbipeshe dhe mungesa e aktivitetit fizik shton rrezikun për zhvillimi e proceseve të rrezikshme inflamatore të cila dëmtojnë baraspeshën biokimike të organizmit.

Një studim i shkencëtarëve amerikanë nga Qendra Biomjeksore për Hulumtime në Pennington, ka treguar se numri i leukociteve është më i madh te meshkujt me tepricë kilogramësh.

Qelizat e bardha të gjakut janë themelore në luftimin e infeksioneve, mirëpo rritja tyre e tepërt mund të jetë edhe shenjë e proceseve inflamatore të lidhura me sëmundjet e zemrës.

Hulumtimet kanë treguar se pjesëmarrësit vullnetarë në studim të cilët kanë pasur peshë të tepërt trupore dhe kanë qenë fizikisht joaktivë, kanë pasur numër të lartë leukocitesh.

[RaPSouL]

Rënia e flokëve në këtë stinë

Këto muaj, si pasojë e ndryshimit të stinës dhe ndryshimit të gjakut, kemi edhe ndryshim në rënien e flokëve. Në këtë fazë rënia e flokëve është më madhe edhe te meshkujt edhe te femrat.

Prandaj rekomandohet që në këtë periudhë të përdoret shampo kundër rënies së flokëve, i shoqëruar me ampula kundër rënies, dhe njëherit duhet që të bëhet masazh i mirë i lëkurës së kokës së paku njëherë në ditë dhe mundësisht të evitohen preparatet për rregullimin e flokëve, siç është geli, shkuma, llaku etj.

Krahas rënies së flokëve në këtë periudhë kohore shtohet edhe yndyra dhe zbokthi i flokëve, për këtë arsye duhet të përdoren edhe shampo të cilat e i largojnë këto dy probleme.

Personat (meshkujt dhe femrat) të cilët kanë flokë të gjata, zakonisht mendojnë se flokët bien për shkak të gjatësisë së tyre dhe bëjnë një hap të gabueshëm duke i shkurtuar ato.

Jo, në fakt te këto raste, përveç larjes me shampo kundër rënies së flokëve, kundër zbokthit dhe yndyrës, preferohet që një apo dy herë në ditë flokët të krihen me krehër me dhëmbë të rrallë, me qëllim që të largohen flokët e rënë.

[RaPSouL]

Vaji i ullirit-të mirat dhe të këqijat

Vaji i ullirit, përbën një formulë shëndeti dhe jetëgjatësie. Në të gjenden acidet omega-3-yndyrore, vitamina A dhe E, metale, selen, si dhe substanca antioksiduese, të cilat mbrojnë qelizat nga shkatërrimi, që mund të vijës si pasojë e radikaleve e të lira.

Dobitë
- Ul sasinë e kolesterolit "të keq" në gjak, që rezulton në uljen e sëmundjeve të zemrës.

- Rrit sasinë e kolesterolit "të mirë", duke ndihmuar kështu funksionin e mirë të enëve të gjakut.

- Parandalon formimin e trombozave. Personat që konsumojnë dy lugë vaj ulliri në ditë, kanë rënie të LDL-kolesterolit dhe ngritje të nivelit të substancave antioksiduese në gjak të cilat kanë efekt pozitiv në mbrojtjen e zemrës.

- Ul presionin e gjakut dhe ndihmon në terapinë e hipertensionit.

- Ndihmon në funksionin optimal të trurit, si dhe në shëndet të mbarë të kockave, sidomos në fëmijë të vegjël, pasi ndihmon në absorbimin e kalciumit.

- Duke qenë i pasur në vitaminë E, ndihmon në mbarëvajtjen e procesit të plakjes dhe, për këtë, është i domosdoshëm për të moshuarit.

- Mbron stomakun nga ulcera dhe gastriti.

- Mbron mëlçinë nga çrregullime dhe infeksione të ndryshme

- Studimet e reja tregojnë se ndihmon në parandalimin e kancerit të lëkurës, të zorrës, të prostatës dhe të gjirit dhe mbron qelizat e ADN-në nga deformimet, që mund të çojnë në shfaqjen e kancerit.

- Është më rezistues ndaj temperaturave të larta të gatimit.

- Ndihmon metabolizmin dhe rregullimin e sheqerit në gjak.

Padobitë

Vaji i ullirit është produkti që, në 100 g ka pothuajse 1.000 kalori, më shumë nga çdo lloj ushqimi tjetër! Për këtë arsye duhet konsumuar me sasi shumë të kufizuara, pasi mund të çojë shumë lehtë në shtim peshe.