"Në Letnicë në Cërnagore,
e kam dëgjuar për së pari zërin e Zotit,
thirrjen time,
dhe kam vendosur t'i shërbëj Zotit
si Zonja e Bekuar.
në tërësi,
të jem shërbëtorja e Tij.
Më përkujtohet mbrëmja
para Zonjës,
kur isha me qirinj në dorë,
me këngë në gojë,
me flakë në zemër
dhe me një vendim:
dëshiroj të jem plotësisht e Zotit!"
NËNË TEREZE
Torrkerry
Ndryshuar për herë të fundit nga torrkerry : 26-11-2008 më 12:14
PËRSHPIRTËRIA E NËNËS TEREZE NDAJ ZONJËS SË BEKUAR.
Kur erdhi për herën e parë në Skup në vitin 1970, menjëherë vazhdoi rrugën për te Zonja Cërnagore. Me një devocion të madh, të prekshëm, me një gëzim të paharrueshëm qe ndalë një kohë të gjatë para Zonjës. Mbas një kohës së lutjes-uratës, që ndalë para truporës dhe gjatë e shikoi, si fëmija Nënën, sidomos si Nënën e thirrjes. Pastaj përcjellësit, Mons. Nikollë Minit, i tha:
“Petkat ja kanë nderruar, nuk janë më ato të përparshmet.
SYTË DHE FYTYRA, FYTYRA ËSHTË E NJËJTË”!
Dhe në Osllo me mall dhe me dashuri, me fjalë të zgjedhura dhe tejet të bukura e përkujtoi Letnicën, Zonjën Cërnagore. Ndër të tjera ajo tha:
“Bëni që të vij në vizitë dhe për hapjen e shtëpisë në Shkup gjatë gushtit, sidomos për Zonjën Cërnagore.
Edhe sot më kujtohet se aty e kam dëgjuar zërin e thirrjes. Aty vendosa t’i kushtohem Zotit, njeriut, por këtë e mbaja të fshehur vetëm në zemrëm time. Më kujtohen ato ditë të bukura, posaçe kënga e Zonjës Cërnagore: ‘në Cërnagore kem nji Nanë’.
Dua të vij dhe t’i falënderoj Zonjës Cërnagore për të gjitha”.
NËNA TEREZE
(Nëna jonë Tereze: 120-121)
Torkerry
PËRSHPIRTËRIA E NËNËS TEREZE NDAJ ZONJËS SË BEKUAR.
Në Kushtetutën-rregulloren e motrave Misionare të Dashurisë, Zonja e Bekuar quhet ‘Mrojtësja jonë’. Aty gjenden shumë vende ku flitet për pëshpirtërinë ndaj Zonjës, Nënës së tyre.
“Secila motër, duhet ta përtërijë jetën e Zonjës së Bekuar. Ajo si e mori Krishtin në zemër, pasi që ai u mishërua në të, shkoi për t’i ndihmuar kushërirës së vet, Elizabetës, për t’ia pruar Krishtin, prania e të cilit e gëzoi Elizabetën dhe e bëri të pastrohet në kraharorin e saj Gjonin e vogël.
Edhe ne duhet t’ia bijmë botës Krishtin”.
NËNA TEREZE
(Nëna jonë Tereze: 122)
Torkerry
PËRSHPIRTËRIA E NËNËS TEREZE NDAJ ZONJËS SË BEKUAR.
“Të dashurat mortra të mia, me 7 tetor është festa e falënderimit për bashkësinë tonë: është festa dhe dita kur Zoti i jonë i mirë bëri të lindë shoqëria e jonë. Mbasi shoqëria e jonë është pronë eksklusive e Zonjës së Bekuar, është plotësisht e drejtë që shi në këtë ditë t’na jipet ky hir, kjo dhanti e madhe, për të jetuar dhe për t’u rritur nën mbrojtjen e saj. Tash na takon ne që të rritemi si një dru-pemë e drejtë, i bukur dhe plot me fryte...
Bijat e mia të dashura, kam shumë gjëra në zemrën time, që tani dëshiroj t’iu them, por posaçe dy gjëra tejet të rëndësishme: dashuria dhe dëgjesa...”
NËNA TEREZE
(Nëna jonë Tereze: 122)
Torkerry
PËRSHPIRTËRIA E NËNËS TEREZE NDAJ ZONJËS SË BEKUAR.
“Lartësia e Nënës së Zotit dhe Nënës sonë ishte në përvujtëri...Jeta e jonë ka aq shumë nevojë të madhe për përvujtëri, aq më tepër sa të jemi në botë, në vemendje të njerëzve...Njerëzit na duam dhe na falënderojnë për punën tonë...por ne do të mbesim gjithmonë të përvujta, sepse kjo është vepra e Zotit...Njerëzit dëshirojnë që motrat të jenë të përvujta, sepse ato janë vepra e Zotit,, arma e Zotit. Edhe të varfërit dëshirojnë të shërbëjmë, të sillemi me ta si me të bijtë e Zotit, dhe si ndaj robërve”
NËNA TEREZE
(Nëna jonë Tereze: 122)
Torkerry
PËRSHPIRTËRIA E NËNËS TEREZE NDAJ ZONJËS SË BEKUAR.
Fort të dashura bijat e mija,
Sot është një ndër festat më të bukura të Zonjës sonë...A e dimë më të vërtetë përse e duam kaq shumë Zonjën e Bekuar? Sepse ajo ka qenë pasqyra e panjollë së dashurisë së Zotit...
Ta lusin Zonjën eBekuar që t’na japin dashurinë vetëmohuese dhe të ëmbël për të varfërit e Zotit...Këtu ne kemi të varfër të vërtetë shpirteror...
Dashuria e Zonjës ka qenë aq e madhe sa që shtëpia e Nazaretit është bërë shtëpia më e madhe e pranishmërisë së Zotit. Shërbenju me gjuhë për të mirën e të tjerëve. Goja e juaj le të flasë për mirësinë e zemrës, për mirësinë e Zotit...
Motrat e mia shkojnë e vijnë, punojnë me ruzare në dorë, me uratë dhe me Zotin në zemër. Deri më sot kurrë nuk kanë pasur kurrëfarë problemi, padije, apo diç tjetër, edhepse punojnë ndër të sëmurë, gërbulur, pijaneca, të droguar, ambjente të dyshymta dhe të jetës së mbrapshtë. Për këtë posaçe i falënderoj Zonjës së Bekuar”.
NËNA TEREZE
(Nëna jonë Tereze: 123-4)
Torkerry
PËRSHPIRTËRIA E NËNËS TEREZE NDAJ ZONJËS SË BEKUAR.
Kur motrat e nënës Tereze mbërrinë në Aman, aty mbretëronte lufta vëllavrasëse, shkatërrimi. Edhe në këtë rast, sikurse edhe në shumë rastë të tjera, motrat mbështetën në Zotin, në lutje dhe mbroje të Zonjës. Nëna Tereze shkruan kështu mbi këtë:
“Në vend së të frikësohen dhe të dridhen nga mjerimi, nga vrasja dhe nga lufta, motrat tona në Aman e kanë lutur pjesën e rruzarës gjithnjë dhe rezultati ka qenë ky që të nesërmen (me 9 tetor 1970), trupat armiqësore janë ndalur në afërsinë tonë, sepse u mbërri paqa...
Njerëzit kanë dëshirë t’i shohin motrat në shoqëri me Zonjën e Bekuar, me rruzare në dorë, gjithnjë të gatshme që t’iu bijnë njerëzve lajme të mira”.
NËNA TEREZE
(Nëna jonë Tereze: 124)
Torkerry
NËSE ZOTI NA KA DHËNË NEVE NËNËN TEREZE ËSHTË EDHE SEPSE AI DËSHIRON QË T’I NDËRROJMË METODA TONA BARITORE SIPAS SHEMBUJVE TË SAJ.
Pak më vonë Nënën Tereze e thirrën që ta çeli një shtëpi edhe në Jemen. Këtë ftesë ja bëri Kryeministri, mbasi dëgjoi për të dhe për motrat e saja.
Jememi është një vend tipik musliman, pa asnjë meshtar apo kishë katolike, pa mostra, pa asgjë. Qe gjashtë shekuj me radhë nga ky vend është zhdukë dhe shkatërruar çdo kujtim, shenjë e krishterë, është përiashtuar Jezu Krishti. Tani Ai kthehet në Jemen nëpërmjet të Nënës Tereze.
Ajo e pranoi këtë thirrje, por me një kusht, që me motra të shkonte edhe një meshtar, për ta pasur Krishtin në mesim e tyre. Mbi këtë kështu thotë Nëna Tereze: “Kryeministri ka thënë se do të bëjë çdo gjë për motra...Qeveria në çdo mënyrë do t’na përkrahë dhe ndihmojë...Për ta treguar vullnetin e mirë, ai ma ka dorëzuar ‘Shpatën e arit’...Mbas gjashtë shekujve u kthye Krishti ndër këta njerëz...Popullsia mbas pak kohe na pranoi dhe kështu filloi një punë e frytshme...”.
Ja çka thotë një ndër motrat e para për këtë përvojë, punë në Jemen: “Muslimanët janë mjaft të përzemërt me ne.
Ata na thrrasin Hajis, sepse jemi të veshura me pëkta të bardha, sikurse veshën ata kur shkojnë në shtegtim në Mekë...Ata nuk kuptojnë se çka do më thënë të jesh motër, murgeshë, por na nderojnë shumë...Dalë ngadalë e kemi mësuar edhe gjuhën...”
E para motër në jemen ishte m. Gertruda, një ndër motrat e para që erdhi në shoqërinë e Misionareve të Dashurisë.
Ajo është me origjinë nga Bangladeshi, shumë inteligjente, e përgatitur në jetë dhe në punë, mjeke e famshme.
Ajo tregon se si qeveria i ka pritur mjaft mirë, ju ka ndërtuar shtëpinë, dy herë në javë iu dërgonin ushqim për të varfërit. Puna më e madhe e motrave ka qenë ndër të gërbulurit, të cilët ishin të përjashtuar nëpër lagje të shkreta. Në këtë punë pastaj iu ndihmonte edhe populli, posaçe të rejat, rinia. Ajo përfundon tregimet e veta kështu:
“Para dashurisë dhe forcës së Zotit nuk ka kurrfarë pengese, vështirësie. Zoti është me ne, pra...”.
NËNA TEREZE
(Nëna jonë Tereze: 143-144)
Torkerry
Çdo shtëpi e Misionareve të Dashurisë hyjnore është një histori e gjallë e Provanisë Hyjnore.
“Isha në Londër. Kërkoja një shtëpi për ta çelur noviciatin e parë në Europë. Kishte mjaft vështirësira. Mbas shumë kërkesave dhe hetimeve të kota, motrat zbuluan se një grua e kishte një shtëpi në shitje, e cila neve na përgjigjej mjaft mirë...Ajo shtëpi kushtonte 6.500 sterlina dhe të gjitha të hollat duhet t’i jepnim menjëherë.
Dy motra së shpejti filluan të vizitojnë njerëzit, familjet, të sëmurët, të flasin mbi jetën dhe punën tonë, aq sa mberrin të flasin edhe në radio. Mbas pas kohe filluan t’na arrijnë të hollat nga çdo anë. Një mbremje u ndalëm për t’numëruar se sa të holla kemi fituar dhe ja befasia: ishin pikërisht 6.500 sterlina. Të nesërmen në mëngjes heret e blemë këtë shtëpi. Provania hyjnore gjithmonë na përcjell...”
NËNA TEREZE
(Nëna jonë Tereze: 144)
Torkerry
NËSE ZOTI NA KA DHËNË NEVE NËNËN TEREZE ËSHTË EDHE SEPSE AI DËSHIRON QË T’I NDËRROJMË METODA TONA BARITORE SIPAS SHEMBUJVE TË SAJ.
“Një mbrëmje isha në Londër. Dikush më thrret në telefon.
Ishte policia. Me thonë: “Nëna Tereze, këtu afër shtëpisë sonë është një grua, është shumë e dehur dhe gjithnjë ju kërkon.S’dëshiron të lëvizë pa ardhur ju këtu...Së shpejtë shkuam me një motër për ta pruar në shtëpinë tonë. Posa e hetova prej së largu, ajo i hapi duart dhe e gëzuar më tha: Nëna Tereze, Jezu Krishti është i mirë. Ai e ka shndërruar ujin në verë për ne, që të kemi çka të pijmë”.
NËNA TEREZE
(Nëna jonë Tereze: 145)
Torkerry
Regullat e Postimit
Përgjigju Duke Cituar
Krijoni Kontakt