PS pergatit skenarin e bojkotimit te zgjedhjeve te vitit 2009!

[Antimafia]

Ambasadori amerikan Withers

vetëdemaskohet si përgjegjësi kryesor për prishjen e zgjedhjeve të 28 Qershorit

Nga Kastriot MYFTARAJ


Ambasadori Withers, me fjalët që tha ditën e enjte në emisionin “Top story” u vetëzbulua si njeriu kryesor që qëndron pas planit për t’ i prishur zgjedhjet e ardhshme në Shqipëri. E gjithë kjo është pjesë e një agjendës të Edi Ramës për të siguruar një mazhorancë parlamentare aq të madhe sa jo vetëm të mos ketë nevojë për LSI, por të përballojë dhe rrjedhjet e paevitueshme të deputetëve të partisë së tij, pas ndarjes së pushtetit. Ambasadori Withers bëri të vetin argumentin kryesor të Edi Ramës për kontestimin e zgjedhjeve të ardhshme, atë të 750 mijë qytetarëve pa pasaporta, të cilët nuk mund të votojnë nëse nuk pajisen me karta. Ambasadori Withers u shpreh:
“Ne jemi veçanërisht të shqetësuar në lidhje me një grup prej rreth 700 mijë qytetarësh që nuk kanë as pasaportë, as letërnjoftimet e reja për të votuar. Mendoj se është shumë e rëndësishme për besueshmërinë e këtyre zgjedhjeve, që këta qytetarë të jenë fokusi kryesor, që, kur të vijë dita e zgjedhjeve, kjo e drejtë e votës, të jetë një fakt i demonstrueshëm dhe jo diçka që shpresonim të ishte. Në fakt, kjo është edhe një nga kritikat e forta të opozitës, e cila e konsideron procesin të dështuar”.
Me këtë deklaratë ambasadori amerikan, praktikisht vuri si standard për t’ i gjykuar këto zgjedhje, standardin më të lartë të mundshëm, atë që këto zgjedhje të jenë perfekte, gjë që realisht mazhoranca e sotme nuk mund ta bëjë, edhe sikur të ketë gjithë vullnetin për këtë gjë dhe këtë Withers e di mirë. Ambasadori amerikan e di shumë mirë se, pajisja e popullsisë me karta identiteti mund të bëhej nëse mazhoranca e majtë do të kishte përfunduar gjatë tetë vjetëve që ishte në pushtet regjistrin kombëtar dixhital të gjendjes civile, në mënyrë që pastaj mazhoranca e sotme të mund të fillonte procesin e pajisjes së shtetasve me karta identiteti që në fillim të ardhjes së saj në pushtet, dhe të kishte katër vjet kohë për t’ u bërë kjo gjë. Nuk është e vështirë që ta kuptosh se përse opozita e sotme nuk e bëri regjistrin kombëtar të zgjedhësve, me anë të një kompanie të huaj të specializuar, siç bëri mazhoranca e sotme. Një regjistër kombëtar i zgjedhësve me parametra perëndimorë minimizonte hapësirën për manipulim të zgjedhjeve. E megjithatë, nuk dëgjuam ndonjë ambasador amerikan që t’ ia kërkonte me forcë këtë gjë qeverisë së majtë të para vitit 2005.
Dikush mund të thotë se sot gjërat ndryshojnë se jemi anëtarësuar në NATO dhe duhet të zhvillojmë zgjedhjeve sipas standardeve të vendeve të NATO. Shumë bukur! Por opozita e sotme e majtë pretendon se arritja e standardeve për të hyrë në NATO është edhe kontribut i saj. Atëherë çfarë ka bërë opozita e sotme kur ishte në pushtet për dy gjërat kryesore që duhen për të realizuar një proces zgjedhor të denjë për vendet e NATO, dy gjëra që janë regjistri kombëtar elektronik i gjendjes civile dhe kartat e identitetit? Asgjë! Prandaj opozita e sotme ka humbur të drejtën që të kërkojë zgjedhje sipas standardeve të vendeve të NATO.
Kur mazhoranca e sotme ishte në opozitë, para vitit 2005, ajo ka bërë kritika të mëdha për standardin e zgjedhjeve të organizuara nga e majta në pushtet dhe kur i krahason me përgjigjet që qeveria e majtë u jepte ankesave të opozitës së atëhershme, ankesat e sotme të PS të duken si “qiqra në hell”. Opozita e sotme është në gjendje që të japë shifrën prej 750 mijë zgjedhësish pa pasaporta, falë faktit se sot ka një regjistër kombëtar zgjedhësish të realizuar nga qeveria e sotme. Ndërsa opozita e djeshme e djathtë nuk mund t’ i vërtetonte katërcipërisht ankesat e saj të përhershme për listat e zgjedhësve për shkak se qeveria socialiste gjatë tetë vjetëve nuk e mbajti premtimin e saj për të bërë regjistrin kombëtar të zgjedhësve. Asnjë ambasador amerikan gjatë tetë vjetëve që PS ishte në pushtet nuk i kërkoi qeverisë së majtë që të krijonte një infrastrukturë të tillë zgjedhore që të bëhej e mundur të verifikohej lehtë nëse ishte mohuar e drejta e votimit qoftë edhe një qytetari të vetëm.
Opozita e sotme, me anë të Kastriot Islamit, kërcënoi, në mënyrë kurioze në të njëjtën ditë që ambasadori Withers do të dilte në Top story, se nëse nuk sigurohet pajisja e zgjedhësve me karta falas deri në zgjedhje, do të shkallëzojë protestat e saj, duke kërcënuar praktikisht me luftë civile. Mazhoranca e sotme, kur ishte në opozitë, në vitin 2000, pas zgjedhjeve vendore ku Edi Rama u zgjodh për herë të parë kryetar bashkie, zhvilloi protesta me ankesa para të cilave kjo që bën PS sot duket si luks.
Ne kemi qenë dëshmitarëve të zgjedhjeve vendore të 2000, kur opozita e atëhershme kërkoi hard diskun me listën e përgjithshme të zgjedhësve dhe nuk iu dha me pretendimin se ishte sekret?! Opozita e atëhershme donte të provonte se përjashtimi i qytetarëve nga listat e zgjedhësve ishte bërë mbi bazën e votimit për referendumin për Kushtetutën, në të cilin opozita e atëhershme u kishte bërë thirrje mbështetësve të saj të abstenonin duke mos marrë pjesë. E megjithatë atëherë ambasadori amerikan i kohës, i quajti zgjedhjet si brenda standardeve dhe e përgëzoi qeverinë për realizimin e tyre. Për protestat e opozitës së kohës, ndaj zgjedhjeve të vitit 2000, u ndalua nga policia kryetari i opozitës së atëhershme Berisha dhe u vra një protestues në qytetin e Bajram Currit, akt për të cilin qeveria e atëhershme shpërbleu publikisht disa oficerë policie. Nëse opozita e sotme ka të drejtë të protestojë ndaj këtyre lloj zgjedhjeve që priten, çfarë duhet thënë për qëndrimin e opozitës së sotme kur ishte në pushtet në vitin 2000 ndaj mazhorancës së sotme e cila atëherë ishte në opozitë?
Dy vjet para zgjedhjeve parlamentare të vitit 2001, qeveria e majtë, si përgjigje për kritikat e opozitës për pasaktësitë e njëanshme në listat e zgjedhësve shpalli se do të bënte regjistrin e zgjedhësve dhe kartat elektorale personale të zgjedhësve, për të siguruar opozitën se zgjedhjet do të qenë të ndershme. Pasi kjo gjë nuk u arrit në zgjedhjet vendore të vitit 2000, qeveria e atëhershme e majtë deklaroi se në zgjedhjet parlamentare të vitit 2001 shqiptarët do të votonin patjetër me karta elektorale të cilat do të jepeshin falas. Por kjo gjë nuk u bë dhe edhe kartat që u shpërndanë dolën jashtë parametrave se paratë i vodhi ministri i pushtetit vendor i kohës, i ngarkuar me këtë detyrë, Blendi Klosi, i cili sot del dhe flet në emër të PS për paaftësinë e qeverisë së sotme për t’ i pajisur zgjedhësit me karta identiteti. Edhe këtë herë ambasadori amerikan i kohës heshti.
Në zgjedhjet vendore të vitit 2003, unë kam një eksperiencë personale me një episod qesharak të shkaktuar nga manipulimi i listës së zgjedhësve, kur Prokuroria e cila më kërkonte mua në listën e zgjedhësve për të më arrestuar për një akuzë që lidhej me një libër timin, nuk më gjente dot për shkak të skemës së manipulimit të listave, sipas së cilës skemë ishin ndarë familjet duke shkuar anëtarë të një familjeje në një qendër tjetër votimi, shumë më larg. Si unë e pësuan dhe shumë të tjerë, e megjithatë ambasadori amerikan i kohës i quajti zgjedhjet si brenda standardeve.
Sot, ambasadori amerikan Withers e di shumë mirë, ashtu siç e di dhe Edi Rama, se pjesa më e madhe e 750 mijë qytetarëve pa pasaporta nuk janë fare në Shqipëri, por gjenden jashtë vendit me dokumente të falsifikuara, dhe në vendet ku janë deklaruar si kosovarë për të siguruar strehim, ose kanë deklaruar identitet fals, në përshtatje me pasaportat e personave të tjerë që kanë përdorur për të shkuar në shtetin ku gjenden. Kështu kanë shkuar dhe janë bërë rezidentë në Perëndim pjesa më e madhe e shtetasve shqiptarë, veç atyre pak që hynë në ambasadat në 1990 ose shkuan me eksodin e marsit 1991 në Itali, se emigracion legal nuk ka pasur. Ata nuk kanë marrë pasaporta se nuk u duhen, madje u prishin punë, pasi në vendet ku jetojnë kanë deklaruar tjetër identitet. E vërteta do të dalë kur të kërkohen këta 750 mijë vetë pa pasaporta për t’ u pajisur me karta identiteti. Unë jam plotësisht i sigurt se as 20% e këtyre njerëzve gjenden në Shqipëri dhe se nëse këta nuk marrin karta identiteti deri në zgjedhje është se ata nuk duan të votojnë. Nuk duhet harruar se në Shqipëri numri i zgjedhësve ka ardhur duke rënë. Në zgjedhjet parlamentare të vitit 2001, pjesëmarrja ishte 54.95%, ndërsa në zgjedhjet parlamentare të vitit 2005 pjesëmarrja në votim ishte 49. 23%. Në zgjedhjet e vitit 2005 votuan më pak se 1.400.000 zgjedhës. Sipas kësaj prirjeje, duhet pritur që në zgjedhjet e ardhshme parlamentare të votojnë jo më shumë se 44-45% e popullsisë, çka do të thotë se do të votojnë jo më shumë se 1.400.000 njerëz. Në rast se do t’ i shikojmë zgjedhjet me standarde të arsyeshme, atëherë kjo do të thotë që t’ i shikojmë nga pikëpamja se sa nga këta që do të votojnë do t’ u mohohet e drejta e votimit. Unë kam bindjen, dhe jam i sigurt se edhe ambasadori amerikan është i bindur, se nga këta 1.400.000 njerëz që kanë ndërmend të votojnë, asnjëri nuk do të rrijë pa u pajisur me kartë, në rast se nuk ka pasaportë.
Nën dritën e këtyre fakteve, përvetësimi nga ambasadori Withers i ankesës së opozitës për mohimin e së drejtës së votës që po u bëhet 750 mijë shtetasve pa pasaporta, duket absurd dhe me prapamendime destruktive. I njëjti ambasador, para pak kohësh, gjeti mënyrën që të kërcënojë me Revolucion “Portokalli” në Shqipëri për zgjedhjet, duke përdorur, me natyrën e tij prej palaçoje, skenën e spektaklit “Portokalli” në të njëjtin Top Channel, ku, duke folur përballë “Fahri Balliut” të Edi Ramës, Sokol Ballës, përvetësoi argumentin e opozitës për 750 mijë zgjedhësit e supozuar pa pasaporta. Ambasada amerikane ka detyrimin që t’ i kërkojë PS që të hyjë në zgjedhje në 28 qershor, se me këto standarde që tashmë do të kenë zgjedhjet e ardhshme, janë realisht zgjedhjet më të mira që janë bërë ndonjëherë në Shqipëri dhe nëse nuk janë aq të mira sa c’ do PS, përgjegjësia është e kësaj të fundit, që nuk bëri pjesën që i takonte për ndërtimin e infrastrukturës zgjedhore kur ishte në pushtet. Pastaj Washingtoni le të paralajmërojë Berishën konfidencialisht se do të ketë pasoja serioze nëse qeveria ve dorë mbi rezultatin e zgjedhjeve. Por jo vetëm Berishën por edhe Edi Ramën që ka potencë të madhe për të vënë dorë mbi zgjedhjet me anë të strukturave të tij paramilatare të ish-ushtarakëve dhe ish-policëve. Le t’ i fitojë pastaj Edi Rama zgjedhjet e ardhshme.
Por ambasadori amerikan nuk sillet kështu, se ai mbështet Edi Ramën, i cili do zgjedhje të dyfishta, pra zgjedhje të reja që zhvillohen pas zgjedhjeve të kontestuara, në mënyrë që në zgjedhjet e dyta Edi Rama të fitojë mazhorancën që do. Pra, plani i Edi Ramës është që opozita të hyjë në zgjedhjet e 28 qershorit dhe pastaj me justifikimin se qytetarëve po u mohohet e drejta e votimit të mos i njohë zgjedhjet dhe të shkallëzojë protestat deri në përsëritjen e zgjedhjeve, të cilat më pas do të zhvillohen në një atmosferë të ngjashme me atë të zgjedhjeve të vitit 1997. Kjo do t’ i mundësojë PS të Edi Ramës që të sigurojë një mazhorancë aq të madhe sa, jo vetëm të mos ketë nevojë për LSI për të formuar mazhorancën, por të përballojë edhe rrjedhjet e deputetëve të pakënaqur pas ndarjes së pushtetit. Kjo praktikisht do të thotë grusht shteti dhe atentat ndaj institucioneve. Shenjat për këtë janë dhënë derisa Edi Rama bën veprime pa precedent për një parti në një vend demokratik, duke grupuar ish-ushtarakët dhe duke organizuar praktikisht struktura paramilitare me ish-policët. Për të gjitha këto ambasadori amerikan hesht.
Kur PD ishte në opozitë dhe guxonte të bënte qoftë edhe aluzionin më të vogël se do të bojkotonte zgjedhjet nëse nuk arriheshin disa standarde që ngjajnë minimale në krahasim me çka kërkon sot PS, ajo vihej nën presionin e madh të ambasadës amerikane. Sot kur është në opozitë PS, jo vetëm që nuk ndodh aspak kështu, por ambasadori amerikan del dhe bëhet avokat për kërkesën e PS për “qiqra në hell”. Është qesharake të shikosh kur Edi Rama nxjerr Kastriot Islamin që të paralajmërojë protesta nëse zgjedhjet nuk do të zhvillohen sipas standardeve që ka përcaktuar PS. Emri i Kastriot Islamit është i lidhur me zgjedhjet e 31 marsit 1991, në parlamentin e dalë nga të cilat ai u bë kryetar, i zgjedhur nga PPSH, e cila pas pak më tepër se dy muajsh do të ndryshonte emrin në PS. Standardi që ofroi për zgjedhjet e 31 marsit 1991 qeveria e PPSH ku ishte ministër Kastriot Islami si dhe nr. 2 i PS të sotme Gramoz Ruçi ishte ministër i brendshëm ishte se nuk u plotësua kërkesa e opozitës së atëhershme për ligjin e depolitizimit, çka do të thoshte që të shpërbëheshin organizatat e PPSH në ushtri e polici, si dhe për shpërbërjen para zgjedhjeve të Sigurimit të Shtetit famëkeq. Tash ky Kastriot Islami kërkon për zgjedhjet e ardhshme standardet e vendeve të NATO, në emër të PS, ku nr. 2 është ish-shefi i Sigurimit të Shtetit në vitin 1991. Këta të dy janë politikanë të rinj, aq sa ç’ mund të quhen sot si të reja këpucët që Edi Rama vishte në vitin 1991.
PS mburret se e ka dorëzuar paqësisht pushtetin në 2005. Por, ajo që nuk duhet harruar është se testi kryesor për një parti si PS, me një traditë historike origjinare të ardhjes në pushtet me dhunë, nuk është mënyra e dorëzimit të pushtetit, por mënyra e ardhjes në pushtet. Edi Rama është i përgatitur të njohë vetëm ato zgjedhje ku partia e tij e vetme do të fitojë jo më pak se 80 deputetë, se vetëm këtë mazhorancë e quan të sigurt. Kjo do të thotë që politika shqiptare të bëhet praktikisht njëpolare, duke humbur PD statusin e partisë tjetër të madhe dhe duke u reduktuar në një tjetër parti të vogël. Edi Rama e do këtë gjë se kështu siguron jetëgjatësinë e partisë së vet në pushtet. Nëse ndodh kështu, atëherë kjo do të minojë jo thjesht demokracinë por edhe pluralizmin politik në Shqipëri, duke e shndërruar në fiktiv, se kjo do të thotë që politika shqiptare të bëhet njëpolare. Ambasadori amerikan e di këtë plan të Ramës, dhe duket qartë se është vënë në shërbim të këtij plani.
Gjatë emisionit, Sokol Balla e pyeti ambasadorin amerikan: “Ju keni mbajtur një qëndrim të fortë që në ditën e parë në çështjen ‘Gërdeci’. A mendoni se kështu po vepron edhe Prokuroria?”
Përgjigjia e ambasadorit amerikan ishte e denjë për në “Portokalli”: “Unë mendoj këtë dhe e mendoj nga një eksperiencë shumë personale. Një shikim pa pengesa i të gjithë fakteve, në fund do të çojë tek e vërteta dhe kjo ka qenë në thelbin e deklaratave të mia. Sistemi gjyqësor të ketë mundësinë të operojë i pavarur nga ndërhyrjet politike apo presionet politike. Sistemit gjyqësor duhet t'i jepet ajo hapësirë që të bëjë punën e tij në përputhje me dispozitat e ligjit, jo diktimet politike. Ne dhe anëtarë të stafit tonë, u ballafaquam me akuza nga një komitet i Kongresit dhe ne na u desh të punonim shumë që të paraqisnim faktet tona, për të treguar se aludimet ishin të rreme. Në fund, Departamenti i Drejtësisë na shpalli të pafajshëm dhe ky zhvillim e riforcon bindjen time të thellë, që një sistem gjyqësor i zhvilluar, ku prokurorëve u lejohet të hetojnë shtegun kudo që të çojnë provat, pa sulme politike e presione, është me rëndësi thelbësore që të mund të arrijmë tek e vërteta. Për qeverinë time, një gjyqësor i pavarur, është themeli i evolucionit dhe rritjes demokratike në vend”.
Palaçoja diplomatik i “Portokallisë” këtu gënjen në mënyrën më të paturpshme. E para, çështja e tij as që kaloi në gjykatë në SHBA, por pafajësinë ai e mori nga ekuivalenti amerikan i Ministrisë së Drejtësisë në Shqipëri. Departamenti i Drejtësisë në SHBA, është ekuivalenti i Ministrisë së Drejtësisë në vendet europiane dhe në Shqipëri, por që ka dhe atributet që ka në Shqipëri Prokuroria e Përgjithshme. Në SHBA, Ministri i Drejtësisë është Prokurori i Përgjithshëm (Attorney General), i cili zgjidhet nga kryetari i qeverisë (Presidenti) dhe është anëtar i qeverisë. E thënë më qartë është njëlloj sikur Berisha të caktonte Enkelejd Alibeajn Prokuror të Përgjithshëm dhe ky pastaj të ishte dhe anëtar i Qeverisë “Berisha”, si Ministër i Drejtësisë. Mënyra se si e mori Withers pafajësinë është njëlloj sikur Ministri i Drejtësisë Alibeaj të kishte kompetencat e Ina Ramës dhe ta shpallte të pafajshëm Fatmir Mediun, duke mos e kaluar çështjen fare në gjykatë. Siç shihet, sistemit gjyqësor amerikan nuk iu dha fare hapësirë që të shprehet për çështjen e Withers, gjë që palaçoja diplomatik i “Portokallisë”, që e ka ulur veten aq sa të vihet nën urdhrat e skenaristëve të “Portokallisë” Vangjel Kozmës dhe Jani Durit, kërkon që të bëhet në Shqipëri për raste analoge. Kjo na qenka ndarja e pushteteve në Amerikën që kërkon t’ i çojë shtetin ligjor Irakut dhe Afganistanit. Imagjinoni sikur Fatmir Mediu, pasi të kishte marrë pafajësinë nga Ministri Alibeaj, të thoshte se në Shqipëri gjyqësori është i pavarur, duke e provuar këtë me faktin se kolegu i tij në qeveri nuk e çoi atë para gjykatës si të pandehur?!
Ambasadori Withers, pasi mori “pafajësinë” nga ministri-prokuror i qeverisë së tij në 8 mars 2009, dha këtë njoftim për publikun në Tiranë: “Jam mirënjohës që Departamenti i Drejtësisë dhe Departamenti i Mbrojtjes tani i konsiderojnë pretendimet kundër meje dhe zyrtarëve të tjerë në Ambasadën në Tiranë të mbyllura. Këta zyrtarë – Stiven Kristina, Patrik Leonard, Paula Thide, Viktor Majev, dhe Robert Njusëm – janë ndër diplomatët më të shkëlqyer që kam njohur. Siç thashë vitin e kaluar, ‘një shqyrtim i drejtë i fakteve do të çojë, në fund, tek e vërteta’ Jam i kënaqur që e vërteta tani është e qartë dhe që këtyre zyrtarëve të shkëlqyer u janë njohur kontributet ndaj shërbimit të vendit tonë”.
Fatmir Mediu do ta kishte ëndërruar një sistem të tillë drejtësie ku “një shqyrtim i drejtë i fakteve do të çojë, në fund, tek e vërteta”, siç thotë palaçoja diplomatik portokalli, të bëhej nga Ministri i Drejtësisë Alibeaj, i cili të kishte dhe atributet e Prokurorit të Përgjithshëm. Mund të merret me mend si do të kishte shkuar fati i Withers dhe i bandës së tij të përmendur më lart, sikur kompetencën për t’ i çuar ose jo në gjykatë ata sit ë pandehur, të mos e kishte Ministria e Drejtësisë e SHBA, por një Prokurori e Përgjithshme e pavarur nga qeveria, pra sikur të gjendeshin para të njëjtit sistem drejtësie si Fatmir Mediu.
Ambasadori amerikan Withers fitoi një thes me para nga afera që plasi në Gërdec. Tash që siguroi “pafajësinë” për këtë aferë, ai është angazhuar që të gërdecizojë zgjedhjet e ardhshme, për llogari të atyre qarqeve ndërkombëtare që mbështesin Edi Ramën për t’ u bërë autokrat i Shqipërisë. Natyrisht Withers do të marrë dhe një thes me para nga Edi Rama për këtë shërbim.

http://www.sot.com.al/index.php?option=com_content&view=article&id=8942:ambasadori-amerikan-withers-fahri-balliu-diplomatik-i-edi-rames-vetedemaskohet-si-pergjegjesi-kryesor-per-prishjen-e-zgjedhjeve-te-28-qershorit&catid=48pinione&Itemid=66

[_AuLoNa_]

Kasterjtot Myftari duhet te dije qe Amerika eshte ajo qe solli ne 2005 Sali Berishen me lutjen e lebetitjen ne kongresin Amerikan te Joe Diouguardi si dhe te shoqes se tij. Kjo nuk eshte asnjegje e re! Sa here e kam thene Amerika i dha Sales nje shanc si te marri per here te dyte qeverine edhe shume projekte qe edhe Amerikanet te fitonin edhe Sala te hante e te fryhej.

Puna eshte se Sala nuk tregohet i afte per projektet qe i japin, mbasi projekte te tilla nuk behen me pune kalamaqerish, por me pune profesionale, pa le te hane se ne e dime qe te gjithe keta te pafryre vjedhin. Parlamenti Amerikan kishte dhene nen dore per kete projekt gati $ 300 miljon dollar qe kishte te hanin keta e te ngelej, mirepo "babezia" e tepert per te perfituar sa me shume i beri qe te villnin ose ne kete rast me mire tu plaste mbas oborrit te qeverise bomba. Keshtu qe me kete prove qe i dhane ata Sales dhe ai nuk diti si ta drejtonte ate pa ze, i beri amerikanet te shikojne me kujdesi se me ke duan ata te bejne biznes.

E kam thene dhe po e them, po bere kontrate me Amerikanet ku ne jemi ne kontrate me ta koke e kembe, mos kujto se do besh si te duash vete, se ta nxjerrin diku po nuk ishe i kujdesshem. Ajo qe plasi ne Gerdec ofendoi edhe vete Amerikanet sepse kjo ishte nje pune private qe ata i besuan Sales, e u doli bitha ne shesht ne Ballkan, aq me teper kur ata po u ulin vlerat gjitoneve qe kemi verdalle. Po kush kupton thua, asnje, vetem dine te hane, pa pune e madhe se c'fare behet.

Une te isha Kasterjot Myftaraj do te hiqja verejtje kushdo qeverije qe ishte ne pushtet per pakujdesine qe tregojne dhe paaftesine ne c'do moment qe ata kane, kur kane te tilla projekte kolosale dhe te rrezikshme ne duar.

[Brari]

auvlone..

me kte shkrimin ketu lart.. nuk me dukesh si vajz e vogel vlore qe po ben tetvjecaren ne amerike..
hmmm..

te tilla mendime i kane ne koke e i bluajn e i kuvendojne.. vetem gerxhot e vjeter te ppsh-se.. qe militojne lart ne ato klanet kryesore te PS-se..
mo e ka shkruar babi kte?

nejse se ne sa me shum mendje duam ne forum..

[Shkelqesia_E_Tij]

Ky K.M eshte nje teveqel burre, pffffffffff nje peshtirrosje e gjalle, tamam si ZP-istet e kohes xhaxhit !!!

[Brari]

po per ZP-istet sot cmendim ke o shkelqo meqe ata te kohes xhaxhit i paske inat.. ?

lol..

[Shkelqesia_E_Tij]

po per ZP-istet sot cmendim ke o shkelqo meqe ata te kohes xhaxhit i paske inat.. ?

lol..

te njejtet jane Braro vetem se tani jane trashur me shume nga "te ngrenit" dhe vishen me kostume Made in Italy

lol

[Antimafia]

Prof. Dr. Bamir Topi u be sot per here te pare (per mendimin tim) Presidenti i Republikës së Shqipërisë.

.................................................. .................................................. ........

Topi: Zgjedhjet nuk do te shtyhen

Presidenti i Republikes hodhi poshte sot cdo mundesi qe zgjedhjet e 28 qershorit te shtyhen.(UPDATE)

Ai nderhyri per here te pare ne debatin per ceshtjen e kartave dhe kerkoi nga politika zgjidhjen e saj dhe dhenien fund te debatit.

"Ajo qe populli ka nevoje te degjoje tani - tha kryetari i shtetit - jane programet e partive per zhvillimin e vendit".

Per here te pare qe pas fillimit te debatit per leternjoftimet, Presidenti i Republikes Bamir Topi, hodhi poshte prerazi cdo dyshim ne lidhje me implikimin qe debati mund te kete ne daten e zgjedhjeve.

"Kur ka debate te ketij karakteri qe vene ne dyshim, do behen zgjedhjet, s'do behen zgjedhjet, keto corientojne qytetarin, dhe une jam sot ketu qe te apeloj per zgjidhjen sa me te shpejte te ceshtjeve dhe debateve dhe njerezit te shkojne te aplikojne per leternjoftimet dhe te mos vihen ne dyshim asgje per zhvillimin e zgjedhjeve me daten 28 qershor. E them per here te pare ne kete ambient, ky eshte nje hap i gabuar i politikes shqiptare, e cila kishte tere kohen e mjaftueshme per t'u marre me kete problem. Sot partite politike duhet te perballnin programet e tyre dhe kjo eshte ajo qe do te degjoje publiku”, u shpreh Topi.

Presidenti u ndal me pas te cilesia e te berit politike, duke i cilesuar te dhimbshme rastet kur politikane te ndryshem dalin jashte karakterit te tyre.

"Disa prej tyre klonohen, nuk kane me fytyren e tyre, marrin zakonet e liderit, gjestikulacionet e liderit, por nuk kane me jetegjatesi”, tha Topi.

Kjo fraze e fundit ishte per studentet e shkolles politike te Keshillit te Europes, te cilet i pergatit qe ne angazhimin e tyre publik ne fushat prej nga vijne, do te hasen me brryla, qe nuk kane asgje te perbashket me kompeticionin. Por sipas Presidentit, e ardhmja jo vetem ne politike, eshte padiskutim e njerezve te ditur.


http://www.top-channel.tv/new/artikull.php?id=149363

[DYDRINAS]

PS BOJKOT KQZ

22 Maj 2009

Tedi Blushi

Partia Socialiste paralajmëron bojkotimin e Komisionit Qendror të Zgjedhjeve. Forca më e madhe e opozitës bëri dje të ditur se shkak për marrjen e këtij vendimi, “janë tentativat konstante të kreut të KQZ-së, Arben Ristani për të mbrojtur interesat politike të Partisë Demokratike”. Deklarata u bë dje në mbrëmje nga përfaqësuesi i PS-së në këtë institucion, Genc Gjonçaj. Ai braktisi mbledhjen e djeshme të KQZ-së pas debateve të ashpra me Ristanin, në lidhje me çështjen e ligjshmërisë së listave të kandidatëve për deputetë në zgjedhjet parlamentare të 28 qershorit. Përplasjet Gjonçaj-Ristani nisën në momentin e interpretimit ligjor të pikës 4, të nenit 73 të Kodit Elektoral, që shprehimisht thotë se: “Emrat në listat shumemërore dhe renditja e tyre nuk mund të ndryshohen pas miratimit përfundimtar nga ana e KQZ-së”. Përfaqësuesi i PS-së, duke iu referuar Kodit sqaroi se, çdo subjekt që garon në zgjedhje ka paraqitur pranë KQZ-së 12 lista kandidatësh që korrespondojnë me 12 qarqet e vendit. Sipas tij, në rast se në një apo disa nga këto 12 lista KQZ-ja do të konstatonte ndonjë parregullsi, atëherë këtij subjekti t’i kthehej mbrapsht për rregullim vetëm ajo listë. Ndërkohë që për listat e këtij subjekti që do rezultojnë të rregullta, KQZ-ja të merrte vendim përfundimtar për miratimin e tyre. Nga ana tjetër, Ristani propozoi që subjektit politik t’i ktheheshin mbrapsht të 12 listat në qoftë se edhe në një prej tyre do të konstatohej parregullsia më e vogël. Propozimet respektive u hodhën në votim dhe me 4 vota pro e 3 kundër, u miratua propozimi i Ristanit. Në këtë moment, Gjonçaj akuzoi kreun e KQZ-së, “se ju po luan interesat e PD-së, pasi kam dyshime të forta se kthimi mbrapsht i të 12 listave për një parregullsi të vogël në një prej tyre, është një tentativë për të ndërhyrë direkt në ndryshimin e renditjes brenda një liste për të rrëzuar poshtë një listë të tërë, deri dhe për të mos e regjistruar një parti politike në zgjedhje në rast se kjo parregullsi nuk ndreqet brenda afatit 48 orësh që përcakton Kodi. Në rast se një kandidat i caktuar, dokumentacioni i të cilit ka parregullsi, nuk do të ketë mundësinë për të plotësuar boshllëqet brenda 48 orëve. Jo vetëm ai do të hiqej nga lista, por edhe subjekti do eliminohej nga gara. Kështu, KQZ-ja po ndikon direkt në eliminimin e kandidatëve apo subjekteve të caktuara nga zgjedhjet”, - argumentoi ai. Gjonçaj shtoi se, “kam të gjithë autoritetin për të deklaruar tërheqjen e PS-së nga pjesëmarrja në KQZ, në rast se vendimi që morët nuk rrëzohet”.

30 % femra

Komisioni Qendror i Zgjedhjeve shkeli dje Kodin Elektoral, dhe konkretisht pikën 5 të nenin 67 të tij që thotë se: “Për çdo zonë zgjedhore, të paktën tridhjetë për qind e listës shumemërore dhe/ose një në tre emrat e parë të listës shumemërore duhet t’i përkasë secilës gjini”. Me propozimin e kreut të KQZ-së, Arben Ristani ky institucion votoi dje në mbrëmje me 4 vota pro dhe 3 kundër, që të miratojë listat kandidatëve për deputet të partive politike që nuk e plotësojnë kuotën e 30 për qindëshit, por që i afrohen kësaj kuote. E thënë ndryshe, kjo do të thotë se një listë që plotëson kuotën e femrave me 25% apo 27.8 për qind, të miratohet.

Partitë

Komisioni Qendror i Zgjedhjeve shqyrtoi mbrëmjen e djeshme dokumentacionin shoqërues të listave të kandidatëve për deputetë të 8, nga 36 subjekte që do garojnë në zgjedhjet parlamentare të 28 qershorit. Me 7 vota pro, ky institucion regjistroi në këtë garë vetëm Partinë e Gjelbër, listat e së cilës, për 12 qarqet rezultuan në rregull. Po me 7 vota, KQZ-ja ktheu mbrapsht ndërkohë, listat e Partisë Agrare, Aleancës Kombëtare, Partisë së Punës, Ballit Kombëtar, Partisë për Drejtësi dhe Integrim, Bashkimit Liberal-Demokrat dhe Demokracisë Sociale, që rezultuan me mangësi në dokumentacion. Ndërkohë, listat e kandidatëve për deputet të dy partive të mëdha, PD dhe PS do të merren në shqyrtim gjatë ditëve në vazhdim.

gazeta shqiptare



Askush nuk po e beson, por PS dhe Rama jane te vendosur qe te bojkotojne zgjedhjet e 28 qershorit.

Tashme ata i kane parapergatitur materialet qe do te paraqesin si justifikim para opinionit publik per bojkotin e zgjedhjeve.

Gjate kesaj periudhe ata do te bejne nje fushate formale, sepse ne fakt ata do te punojne me shume ne mbledhjen dhe sajimin e fakteve.

Per kete do te sherbejne qindra e mijera vullnetare, qe Rama i propogandon si vullnetaret e politikes se re, do te sherbejne ish-police te pajisur me pajisje speciale pergjimi dhe regjistrimi, qindra anetare OJQ, gazetare vendas dhe te huaj etj.

Rama nuk kandidon, sepse nuk do qe te perdoret gjate ketyre zgjedhjeve te bojkotuara, por ai do te luaje rolin e Mesise gjate periudhes ne vijim, kur ai do te marshoje si protestues rrugeve te Tiranes.

Ai e ka parandjere humbjen dhe po ashtu e ka parandjere fundin e tij si politikan!

E vetmja barke shpetimi per te, ka per te qene bojkotimi i zgjedhjeve dhe shkaktimi i precedenteve nga individe qe do te paguhen shume mire per te kryer akte te ndryshme qe do te ulin besueshmerine e zgjedhjeve te 28 qershorit.


http://en.wikipedia.org/wiki/Orange_Revolution

http://en.wikipedia.org/wiki/Color_revolution

[DYDRINAS]

PD përgatit manipulimin e zgjedhjeve, socialistët 5 kërkesa për mosbojkotimin e tyre.

PS, Islami: PD shpërndan kuponë falas për militantë e saj


Partia Socialiste hedh dyshime për procesin e pajisjes së qytetarëve me kartat e identitetit dhe i bën apel qeverisë të marrë masa të menjëhershme, përndryshe PS-ja nuk do t’i njohë zgjedhjet e 28 qershorit e as nuk do të pranojë shtyrjen e tyre. Ky reagim erdhi pasi “Fiks Fare” denoncoi rastin në Durrës, ku Partia Demokratike u shpërndante kuponë falas simpatizantëve të saj. Ndërkaq, Sekretari për Çështjet Zgjedhore i Partisë Socialiste, Kastriot Islami, i dha ultimatum qeverisë dhe Berishës, për të gjetur një zgjidhje, pasi opozita nuk do të lejojë zhvillimin e zgjedhjeve pa standarde dhe as shtyrjen e tyre. Islami bëri një panoramë të detajuar të procesit të shpërndarjes së kartave të identitetit, duke iu referuar shifrave zyrtare të Ministrisë së Brendshme. “Shifra 353 mijë aplikime për votuesit pa pasaportë dhe ritmi prej rreth 60-70 mijë aplikime në çdo 10 ditë, i bën socialistët të arrijnë në përfundimin se deri në 12 qershor 2009 nuk mund të ketë më shumë se 450-460 mijë aplikime të votuesve pa pasaporte.
Mbrëmë Top Chanel në emisionin Fiks Fare ka dhënë prova të qarta për gjithcka kemi ngritur deri më sot pra që procesi është jolegjitim, i manipuluar dhe selektiv dhe për më tepër drejtuesi i Zyrës së Gjendjes Civile ka lënë të kuptohet se nuk ka asnjë mekanizëm për të bërë të qartë nëse leternjoftimi është i vërtetë apo fallso. Ndaj, dështimi i procesit të pajisjes me letërnjoftimi të votuesve pa pasaportë është akoma më i qartë dhe më i dukshëm”, u shpreh Islami. Më tej ai akuzoi qeverinë se militantë të Partisë Demokratike shpërndajnë kupona tek militantët e PD-së, të cilët për më tepër kanë certifikata fallso, ku sipas tij, kjo implikon rëndë sherbimin postar dhe zyrat e gjendjes civile si dhe Ministrinë e Brendshme.
“I kërkojmë Prokurores së Përgjithshme të fillojë menjëherë hetimet për këtë rast që nuk është i veçuar. Zgjedhjet e lira e të ndershme janë në rrezik më shumë se çdo herë tjetër. Nga faktet e mbrëmshme rezulton se leternjoftimi është më lehtësisht i zotërueshëm në mënyrë jolegjitime dhe më lehtësisht i fallsifikueshëm sesa certifikata e mëparshme. Krahas Prokurorisë së Përgjithshme kjo situatë do ti bëhet prezent menjëherë vëzhguesve të OSBE/ODHIR”, thksoi Islami. Duke u ndalur te procesi i pajisjes së qytetarëve me letërnjoftime elektronike, Islami bëri të ditur se në dhjetëditëshin e dytë të majit, nga të dhenat e MB rezulton se nuk kanë arritur të kryehen më shumë se rreth 70 mijë aplikime të votuesve pa pasaportë. “Mbi 270-300 mijë shqiptarë në listën e votuesve nuk do të mund të votojnë. Ky do të jetë përfundimi tragjik i taksës së votës së vendosur për këto zgjedhje nga Berisha. Pra, sic e kishim parashikuar procesi rezultoi krejtësisht i dështuar për shkak të mekanizmit të gabuar dhe të komplikuar të miratuar nga qeveria në mënyrë të njëanshme dhe që nuk mori në konsideratë as heqjen e taksës së votës dhe as propozimin për një mekanizëm të thjeshtë one stop shop.
Prandaj edhe pas vendimeve të 1 majit 2009 procesi mbeti demotivues, i manipuluar nga shërbimi postar e strukturat vendore të drejtuara nga PD dhe selektiv nga sekserët e biznesmenet e PD që i pamë mbrëme në Fiks Fare”, vijoi Islami. PSSH e demaskon këtë përpjekje të fundit dhe deklaron se nuk do ta pranojë snjë arsyetim, duke e konsideruar një përpjekje tjetër për të mbuluar dështimin. Duke pasur parasysh këto rrethana negative, në emër të PS-së, Islami i paraqet 5 kërkesa konkrete për qeverinë për të shpëtuar zgjedhjet. PS-ja i kërkon qeverisë të vërë në dispozicion të Komisionit ad hoc dhe të OSBE/ODHIR listën e votuesve pa pasaportë që ende nuk kanë aplikuar, këtë më tepër si detyrim ligjor.
I kërkon me forcë qeverisë të bëje publike listën e të gjithë votuesve pa pasaportë që kanë aplikuar për të vlerësuar me saktësi se cfarë kategorish përfaqsojnë ata që do të mbeten pa aplikuar, sepse qe everia po përpunon gënjeshtrën e madhe të rradhës se mbi 300 mijë votues pa pasaportë prezentë në listën e votuesve janë emigrantë ilegalë ose një pjesë e tyre nuk dëshëron të votojë. Kjo është një gënjeshtër që Kryeministri dhe ministrat e tij po shpërndajnë tek ndërkombëtarët, ende jo zyrtarisht. Më tej i bën thirrje qeverisë që të gjetjë një zgjidhjen për të gjithë ata që do të mbeten pa mjet identifikimi në 12 qershor 2009 ose të pranojnë publikisht dështimin për organzimin e zgjedhjeve të lira e të ndershme. Së fundmi Islami u shpreh se mungesa e transparencës për kërkesat e PSSH dhe faktet e mbrëmshme i shtyn socialistët të pohojnë se prapa paaftësisë dhe mungesë së vullnetit qëndron edhe një skemë e manipulimit të sofistikuar për të ndryshuar rezultatin e zgjedhjeve përmes heqjes së mundësisë së votimit të 10 % të votuesve në listën e zgjedhësve.

sot

Ne cdo komision lokal, anetaret e opozites do te jene te pajisur me pergjues, po ashtu vezhgues te OJQ te ndryshme, gazetare etj. A lejohet qe anetaret e komisionit te mbajne pergjues?

[Antimafia]

PD përgatit manipulimin e zgjedhjeve, socialistët 5 kërkesa për mosbojkotimin e tyre.

PS, Islami: PD shpërndan kuponë falas për militantë e saj


...Ky reagim erdhi pasi “Fiks Fare” denoncoi rastin në Durrës, ku Partia Demokratike u shpërndante kuponë falas simpatizantëve të saj.

... Islami bëri një panoramë të detajuar të procesit të shpërndarjes së kartave të identitetit, duke iu referuar shifrave zyrtare të Ministrisë së Brendshme. “Shifra 353 mijë aplikime për votuesit pa pasaportë dhe ritmi prej rreth 60-70 mijë aplikime në çdo 10 ditë, i bën socialistët të arrijnë në përfundimin se deri në 12 qershor 2009 nuk mund të ketë më shumë se 450-460 mijë aplikime të votuesve pa pasaporte.

Prof. Dr. Islami mendon se meqenese shumica e shqiptareve nuk e njohin Max Plank-un, ateher ata nuk njohin as aritmetiken e fillores.

Meqenese deri ne 12 Qershor do te kene aplikuar per leternjoftimet e reja 460 mije votues "demokrat" pa pasaport ( them demokrat sepse Kaç Islami pretendon se socit po bllokohen) , nga 700 mije qe eshte numri i pergjithshem i votuesve pa pasaporte, ateher i bie qe mbeten pa aplikuar edhe 240 mije votues "soci" pa aplikuar.

240 mijë x 2 dollar = 480 mije dollar

po e rrumbullakos dhe po e bej 500 mije dollar.

I bie qe:

Ed Rama per 500 mijë dollar (para xhepi keto per kandidatet per deputet te Partise te Bashkise, si Fidel Ylli, Ledia Shamku-Shkreli, Tom Doshi etc.) lejon qe ti digjen 240 mije votues socialist, ose e thene ndryshe 24 mandate deputetesh.

Oooooooooooooooo Kaç !!!!!!!

Shqiptaret e dine shume mire qe Ed Rama & Partia e Ndertuesve te Bashkise jane ne gjendje dhe te gatshem qe te blene 1 mandat deputetiti per 500 mije euro, prandaj mos u mundo ti mashtrosh.

Jo per gje, por sepse me dobsite tuaja ne fushate po ja venitni fitoren Sales.
Do thot bota:
He mer ky Sala kot fryhet. Gjeti nje kal te ngordhet ene i shkuli patkojt. Ta provoj ene i her me Tos Qorrin po ja majti ne 2013.