PS pergatit skenarin e bojkotimit te zgjedhjeve te vitit 2009!

[kleantin]

cfare nuk pret nga antishqiptaret

[DYDRINAS]

Ceka: Zhurma e PS, alibi per humbjen

Denis Dedej

E Shtune, 28 Mars 2009

"Pretendimet dhe zhurma qe po ben kryetari i Partise Socialiste, Edi Rama, ne lidhje me kartat e identitetit, eshte nje alibi qe po perdor ai per te justifikuar humbjen e sigurt ne zgjedhjet parlamentare te 28 qershorit". Kjo eshte deklarata e bere nga presidenti i Partise Aleanca Demokratike, per gazeten "Koha Jone", mbi shqetesimet e ngritura here pas here nga Partia Socialiste per ceshtjen e shperndarjes se leternjoftimeve. Ai sqaron se Rama e dinte qe ne momentin kur u bene ndryshimet Kushtetuese dhe per me teper ne momentin kur u miratua Kodi i ri Zgjedhor, se nuk do te hyhej ne zgjedhje pa karta identitetit ose pasaporta. "Dinte dhe afatet kohore, por atehere nuk foli. Ndersa tani, gjithe kundershtite, paralajmerimet, jane nje alibi per te justifikuar humbjen. Sot ai nuk duhet te flase me per Kodin apo per kartat e identitetit", shpjegoi Ceka shqetesimet e socialisteve. Perpos kesaj, edhe nenkryetari i Partise Aleanca Demokratike, Arben Demeti, u shpreh ne te njejten linje. Ai tha se problemi eshte qe Partia Socialiste po e perkeqeson situaten dhe po e pershkallezon sepse keshtu e gjykon. "Kjo i sherben per nje alibi, sepse qe atehere ka nje marreveshje midis Rames dhe Berishes mbi keto pune", deklaroi per "KJ", Demeti. Ndryshimet e fundit Kushtetuese, sipas nenkryetarit te PAD-se, u bene per dy arsye, qe Rama te marre keshtu lidershipin ne partite e majta dhe e dyta, te pastrohet nga xhaketat e vjetra dhe mendjen e ka te mbledhur, humbjen e ka te sigurt dhe te parashikuar. "Nuk ka asnje lidhje me ate elektorat, por ka si qellim t'i sherbeje vetvetes nepermjet pushtetit politik, te uzurpuar nga PS-ja, t'i sherbeje dhe interesave ekonomike dhe per t'u mbrojtur nga goditjet e mundshme qe mund t'i vijne", deklaroi Demeti. Sipas tij, Berisha i ka ne dore materialet shtrenguese, ka dosjet e korrupsionit, ka dosjet e Lustracionit, ka edhe dosjet e perversiteteve, fotografi, albume, filmime. Ai sqaron se gradualisht gjate kesaj kohe, kane dale te dhenat dhe PD eshte bere me agresive, duke akuzuar drejtperdrejt, i ka nxjerre nje pjese te materialeve dhe nje pjese i ka akoma aty. "Por Partia Socialiste, per te ardhur deri tek dita e zgjedhjeve, do te gjeje elemente te ndryshem qe lidhen me plotesimin e kushteve per nje proces zgjedhor te rregullt dhe te ndershem", theksoi Demeti. Ai vijon te me tej, se kjo parti do te dale te kartat e identitetit, me pas tek dicka tjeter, me vone zhvillimet, pastaj tek fushata, deri ne menyren se si do te votohet dhe menyren se si do te numerohen votat etj. "Te gjitha keto, do te jene elemente qe do te cojne drejt nje kontestimi", tha nenkryetari i PAD. Aleanca Demokratike eshte e mendimit se nuk ka asnje lloj diskutimi, qe zgjedhjet fitohen qartazi nga Partia Demokratike. "Ne keto kushte, Edi Rama eshte nje nga njerezit me te qarte ne kete drejtim, por do te perpiqet, do te gjeje shkaqe te ndryshme. Kemi informacione qe po shkon drejt kesaj dhe do te vije drejt nje kontestimi zgjedhor te fuqishem ne fund, qe do ta kete si alibi. Ai eshte me i qarte se te gjithe qe humbi, por do te beje nje kontestim te forte, mundesisht te shkoje drejt nje bojkotimi te zgjedhjeve", rrefeu Demeti.


koha jone

[Shkelqesia_E_Tij]

DYDRINAS nga 55-çet paske kalu ke KJ-istet e Frangajteve qe flasin per Cekistet thinjosh enverosaliste...

[ai_shoku]

Ceka eshte kopja e Xhuvelit, nje plere qe se ka shokun.

[Brari]

POLITIKË

Ulen çmimet për marrjen e kartës së identitetit, 300 lekë për pensionistët, 200 lekë për studentët dhe falas për invalidët
30-03-2009 /

Gazeta 55


Vendimi ka dalë për të përshpejtuar procesin e pajisjes së qytetarëve me karta identiteti, para mbajtjes së zgjedhjeve, por sërish do të mbeten në fuqi sanksionet shtetërore për qytetarët që nuk përmbushin këtë detyrim ligjor

TIRANE - Qeveria shqiptare ka vendosur që ti japë një shtysë të mëtejshme procesit të pajisjes së qytetarëve shqiptarë me kartat e reja të identitetit, duke vendosur uljen e ndjeshme të çmimit për disa kategori në nevojë. Ministri i Brendshëm, Bujar Nishani, tha se vendimi i fundit prek të gjithë pensionistët që kanë pensionet minimale në qytet dhe të gjithë pensionistët në fshat , të cilët kanë aplikuar deri më tani apo do të aplikojnë deri me datën 1 maj 2009, për të cilët çmimi i letërnjoftimit do të jetë 300 lekë të reja.

Vendimi i fundit
“Vendimi prek gjithë studentët, për të gjithë ata që përfitojnë ndihmë ekonomike për shkak të papunësisë, si dhe për të gjithë ata që deri më datë 28 Qershor 2009 mbushin 18 vjeç dhe votojnë për herë të parë, të cilët kanë aplikuar deri më tani apo do të aplikojnë deri më datën 1 Maj 2009, çmimi i kartës do të jetë 200 lekë të reja si dhe për të gjithë personat para dhe tetra, plegjikë si dhe për personat e verbër, letërnjoftimet do të jepen falas”, deklaroi ministri Nishani.
Sipas tij duke filluar nga data 1 Prill 2009 deri më datën 1 Maj 2009 personat që e kanë pasaportën për udhëtim jashtë vendit nuk do të lejohen të aplikojnë për letërnjoftimin elektronik. Në një kohë që për të gjitha ato komuna ku ende nuk ka filluar procesi i aplikimit, ky vendim do të jetë në fuqi deri më datën 1 qershor 2009.

Masat dhe sanksionet
Vetëm dy ditë më parë zëdhënësi i këtij dikasteri Fatmir Konja paralajmëroi qytetarët se nuk do të përfitojnë asnjë shërbim nga institucionet shtetërore nëse nuk paisen me kartat e identitetit. Konja saktësoi se letërnjoftimi elektronik është një dokument që nuk vlen vetëm për zgjedhjet parlamentare të qershorit, por edhe për të marrë shërbimet e institucioneve shtetërore dhe se “mospasja e kartës së identitetit do të krijojë pamundësinë e marrjes së këtyre shërbimeve për pensionistët, studentët dhe të gjithë qytetarët e tjerë.
Deri në datën 28 mars procesi i aplikimit për letërnjoftime elektronike deri më tani ka filluar në 210 njësi vendore, ndërsa deri në datën 26 Mars kanë aplikuar 350 mijë shtetas, ndërkohë në Qendrën Kombëtare të Personalizimit të të Dhënave janë prodhuar 250 mijë karta identiteti.
Kryeministri Berisha ka kundërshtuar pak ditë më parë propozimin e Partisë Socialiste
për shpërndarjen falas të kartave të identitetit si një tendencë që sipas tij që synon zhvlerësimin e këtij procesi shumë të rëndësishëm për vendin.

Kompensimi i paralajmëruar
Pavarësisht stigmave periodike opozitës së majtë dhe kryesisht Partisë Socialiste në lidhje me këtë proces, qeveria ka qenë e ndjeshme ndaj impaktit social që ky proces
ka tek shtresa të caktuara të popullsisë. Kështu vetëm dy muaj më parë, saktësisht në 14 janar 2009, Këshilli Ministrave vendosi që të kompensonte një pjesë të pagesës pensionistët, studentët, shtresat në nevojë dhe administratën për pajisjen me letërnjoftime. Konkretisht vendimi parashikonte kompensimin në masën 65-70 për qind të tarifës për shtresat në nevojë dhe studentët, 56 për qind për pensionistët dhe 30 për qind për administratën.
Me tarifat e miratuara asokohe studentët dhe shtresat në nevojë do të paguanin për kartat vetëm 500 lekë, pensionistët 800 lekë dhe punonjësit e administratës 1 000 lekë të reja. Kjo ulje e re e çmimit të kësaj karte duke e reduktuar atë në një çmim simbolik largon çdo alibi për mospajisjen me këtë kartë të gjithë qytetarëve që kanë të drejtën e votës në zgjedhjet e 28 qershorit.


Vendimi i fundit
* Për të gjithë pensionistët që kanë pensionet minimale në qytet dhe të gjithë pensionistët në fshat, të cilët kanë aplikuar deri më tani apo do të aplikojnë deri me datën 1 Maj 2009, çmimi i letërnjoftimit do të jetë 300 (treqind) lekë,

* Për të gjithë studentët, për të gjithë ata që përfitojnë ndihmë ekonomike për shkak të papunësisë, si dhe për të gjithë ata që deri më datë 28 qershor 2009 mbushin 18 vjeç dhe votojnë për herë të parë, të cilët kanë aplikuar deri më tani apo do të aplikojnë deri më datën 1 Maj 2009, çmimi i kartës do të jetë 200 (dyqind) lekë,

* Për të gjithë personat para dhe tetra, plegjikë si dhe për personat e verbër, letërnjoftimet do të jepen falas.

* Duke filluar nga data 1 Prill 2009 deri më datën 1 Maj 2009 personat që e kanë pasaportën për udhëtim jashtë vendit nuk do të lejohen të aplikojnë për letërnjoftimin elektronik.

* Për të gjitha ato komuna ku ende nuk ka filluar procesi i aplikimit, ky vendim do të jetë në fuqi deri më datën 1 Qershor 2009.


Vendimi i 14 janarit
Shtresave në nevojë t’u kompensohet pagesa për pajisjen me letërnjoftim në shumat, si më poshtë vijon:

a) Në masën 700 (shtatëqind) lekë:
i. Çdo anëtari të familjes, që trajtohet me ndihmë ekonomike dhe që është mbi 18 vjeç, si dhe të atyre që e mbushin këtë moshë para datës 30 qershor 2009;
ii. Personave me aftësi të kufizuar, të lindur a të bërë të tillë, të cilët deklarohen të paaftë për punë me vendim të KMCAP-së, sipas pikës 3, të nenit 7, të ligjit nr. 9355, datë 10.3.2005, “Për ndihmën dhe shërbimet shoqërore”, si dhe anëtarëve të familjeve të tyre, që janë mbi 18 vjeç, kur personi me aftësi të kufizuar është kryefamiljar;
iii. Personave, që përfitojnë pagesë papunësie;
iv. Studentëve.

b) Në masën 400 (katërqind) lekë:
i. Të gjithë personave që përfitojnë pension pleqërie, në fshat apo qytet, të plotë ose të pjesshëm, si dhe pension invaliditeti;
ii. Personave në ngarkim të pensionistëve, të cilët janë pa të ardhura.

c) Në masën 200 (dyqind) lekë punonjësve të institucioneve buxhetore, me pagë mujore bruto jo më të madhe se 35 000 (tridhjetë e pesë mijë) lekë, si dhe personave në ngarkim të tyre, pa të ardhura.

...

55

--



te shohim cdo shpiki edvin ruci perseri ndonje ankese per kartat..
kishte marre borxh vali leskaj tek arta dadja.. me pagu aplikimin per kartë..
gjynaf..
i poshter paska qenur ki berisha..

[DYDRINAS]

PS: Kartat, bojkotojmë zgjedhjet e qershorit

» Dërguar më: 02/04/2009 - 13:33



Partia Socialiste nuk do të bëhet pjesë e zgjedhjeve nëse dështon procesi i pajisjes së gjithë shqiptarëve me letërnjoftimet e reja. Sekretari organizativ, Blendi Klosi e ka bërë këtë të qartë për herë të parë, pas shfaqjes së problemeve me procesin e kartave të identitetit. Çështja e letërnjoftimeve të reja elektronike ka qenë një pikë e fortë debati mes Klosit dhe ministrit të Brendshëm, Bujar Nishani, gjatë një emisioni televiziv. “Nëpërmjet këtij procesi vazhdoni të konfuzoni pajisjen e qytetarëve me karta identiteti, vazhdoni që të keni në kokë skema manipulimi për procesin zgjedhor”, - i ka thënë Klosi, ministrit Nishani, gjatë debatit. “Zoti ministër, e kemi bërë publike në konferenca shtypi dhe po ua them dhe drejtpërsëdrejti, opozita shqiptare nuk do të lejojë asnjëherë që ky proces të ndodhë dhe që qytetarët shqiptarë të shkojnë në 28 qershor të sigurt që zgjedhjet do të jenë të ndershme e të lira, përndryshe nuk do të ketë zgjedhje në Shqipëri. Nuk do të lejojmë që të afrohemi në atë proces”, - u shpreh sekretari organizativ i PS-së, Blendi Klosi. Por, i menjëhershëm ka qenë reagimi i ministrit Nishani. “Kjo është filozofia e ndjelljes së të keqes. Shqipëria merrte ftesën për në NATO, dhe ju dilni bëni protestë për të treguar që në Shqipëri nuk ka stabilitet. Dhe, askush nuk ua mori për bazë. Juve ju shkon mendja të qani vetëm të keqen, duhet të hiqni dorë nga kjo, sepse nuk ju jep asnjë pikë politike dhe asnjë avantazh në këtë pikë fushate që jemi”, - është kundërpërgjigjur Nishani. Ky i fundit ka bërë të qartë se nuk do të pranohet kërkesa e PS-së për shpërndarjen e kartave të identitetit falas. Nishani ka dhënë garanci se ky proces do të realizohet me sukses. Deri më tani, opozita, dhe në veçanti PS-ja ka ngritur dhe ka bërë publike vonesat në aplikimin e shtetasve me karta identiteti. Deri tani, sipas shifrave të PS-së, ka aplikuar një masë shumë e vogël dhe periudha e shkurtër nuk e lejon pajisjen e të gjithë shtetasve me karta. Mirëpo, kjo, sipas socialistëve u refuzon shqiptarëve që nuk kanë mjetin e ri të identifikimit, të drejtën e votës. Për ecurinë e këtij procesi, PS-ja propozoi kohë më parë ngritjen e komisionit të posaçëm për monitorimin e të gjithë përgatitjes së infrastrukturës zgjedhore. Mirëpo, aktualisht, ky komision drejtohet nga demokratët. Nga ana tjetër, vetëm dy ditë më parë, Kryetari i Asamblesë Kombëtare të PS-së, Gramoz Ruçi lëshoi alarmin e rrezikut që i kanoset standardeve zgjedhore. Sipas PS-së, mbeten ende një e pesta e votuesve të papajisur me karta identiteti. Më së fundi, PS-ja i propozoi qeverisë edhe një projektligj, sipas të cilit deri në datën 28 qershor kartat të jepen falas për ato kategori që nuk mund ta blejnë atë. Mirëpo, qeveria as nuk e ka marrë parasysh këtë propozim, por ka marrë një tjetër vendim, që ulte tarifat për studentët, deri në 200 lekë dhe për një kategori të pensionistëve, deri në 300 lekë. Pas disa herë thirrjesh drejtuar qeverisë, PS-ja ja kalon të gjithë përgjegjësinë asaj për dështimin e procesit. “Kokëfortësia e qeverisë ndaj çdo propozimi të arsyeshëm për qasjen ndaj problemit, e bën atë plotësisht fajtore për delegjitimimin e zgjedhjeve në vendin më të ri anëtar të NATO-s”, - thuhej dje, në një deklaratë të PS-së.


gazeta shqiptare

[DYDRINAS]

Kartat, Islami: Tre Jo-të e PS-së për zgjedhjet

13/04/2009 - 10:49


Aristir Lumezi

Nënkryetari i komisionit parlamentar ad hoc për kartat e identitetit, Kastriot Islami në një intervistë ekskluzive për “Panorama” tregon tre kushtet e PS për zgjedhjet e 28 qershorit. Sipas tij, PS nuk do të pranojë zgjedhje pa karta identiteti, jo ndryshim të rezultatit me karta dhe në asnjë rast nuk do pranojë zhvillimin e zgjedhjeve përtej afatit kushtetues të 28 qershorit. Sipas tij, në diskutimin për Kodin e ri Zgjedhor, ka qenë PD që ka kërkuar vazhdimisht shtyrjen e datës së zgjedhjeve përtej qershorit.

Në një deklaratë të pak ditëve më parë, ju keni dhënë alarmin për pamundësi kohore në realizimin e procesit të pajisjes së shtetasve pa pasaportë me karta identiteti. Si paraqitet ky proces sot dhe sa hapësira kohore dhe fizike ka ende për të rikuperuar këtë proces?

Ripërsëris se çfarë kam thëne bazuar në informacionin e dhënë në Komisionin ad hoc të Kuvendit: i)Situata rezulton me më shumë shqetësim se një javë më parë; nga shpjegimet rezulton se gjendja është bërë më alarmante. Situata po përkeqësohet dhe rreziku po rritet në kuptimin e ezaurimit të kapaciteteve teknike për pajisjen me karta identiteti të votuesve pa pasaportë; besoj se java e ardhshme do të përbënte në këtë kuptim një moment, kur do të behej e pamundur edhe në aspektin teknik realizimi i detyrimit kushtetues dhe të përcaktuar në Kodin Zgjedhor për votim me pasaportë apo kartë identiteti për të gjithë votuesit, ii) Koha është elementi i parë që po bëhet e pamjaftueshme; në nivel makro edhe për vetëm pak ditë ndoshta 4-5 ditë dhe mund të flasim për pamundësi të realizimit të kësaj detyre, iii) Deri në datën 6 prill, kur deri në datën 12 qershor mbeten vetëm më pak se 9 javë ose jo më shumë se 54 ditë punë, nëse punohet edhe të shtunën edhe të dielën, por nuk punohet të hënën siç është deklaruar, iv) Deri në datën 6 prill janë kryer 159 000 aplikime nga votuesit pa pasaportë ose vetëm rreth 22 për qind e numrit prej 730 mijë të votuesve pa pasaportë, ndërkohë që nga të dhënat tona ky numër është më i lartë dhe mbetet për t’u saktësuar, v) Mbeten nga shifra 730 mijë për të aplikuar edhe 570 mijë votues pa pasaportë ose rreth 80 për qind e tyre; ose më shumë se 730 mijëshi rezulton i rritur; vi) Numri total i kartave të tërhequra nga votuesit pa pasaportë dhe me pasaportë është vetëm 95 mijë, ndërkohë që i atyre pa pasaportë nuk jepet ende nga MB, por me siguri nuk do ta kalonte shifrën 35 mijë ose rreth 4.7 për qind e votuesve pa pasaportë. Situata është më e rëndë nëse analiza bëhet për çdo njësi të gjendjes civile. Nga informacioni rezulton se janë vënë në punë 410 poste aplikimi; por në realitet 1) Në 62 prej tyre kanë aplikuar zero votues, 2) Në 40 prej tyre ka aplikuar vetëm një votues, 3) dhe në 152 prej tyre kanë aplikuar nga 2-15 votues, 4) Pra në 252 prej 410 posteve të aplikimit ose në 62 për qind të rasteve aplikimi mund të thuhet se nuk ka filluar ende. Më keq situata paraqitet me aplikimet për votuesit pa pasaportë në qarqet e i) Dibrës vetëm 4,2%, ii) Elbasanit vetëm 14,2%, iii) Vlorës vetëm 18,5%, etj; kurse në rrethet i) Dibrës 6,2%; ii) Matit 3,5%; iii) Bulqizës më pak se 1% etj.

Ju jeni shprehur se pas 7 ditëve, në varësi të reagimeve të qeverisë dhe kryeministrit për këtë kategori, PS do të shprehet për masat adekuate për këtë proces. Mendoni se ka ende alternativa për të përfunduar këtë proces dhe cilat mund të jenë ato propozime që do të ndihmonin procesin?

Ne besojmë se nëse ka realisht vullnet për të organizuar zgjedhje të lira e të ndershme dhe për t’iu larguar deklaratave demagogjike e thirrjeve emocionale, por për të ndërmarrë të gjithë masat, që të tërhiqen votuesit për të aplikuar dhe nëse hiqet kjo taksë votim, atëherë të gjithë kushtet teknike janë ende të mjaftueshme, por në limitet e tyre të ezaurimit. Logjika është e thjeshtë: përderisa karta e identitetit në 28 qershor do të këtë funksionin e kartës së votimit, që shmang të gjithë llojet e manipulimeve dhe për këtë kemi rënë dakord kur është hartuar Kodi, atëherë duket që kjo të mos kthehet në një taksë që pengon të varfrit, pensionistët, komunitetet romë e egjiptianë, njerëzit në asistencë, njerëzit me aftësi të kufizuara e tjerë të votojnë. Pra, kjo taksë votimi duhet hequr, bile duke e zhveshur edhe nga rimbursimi sepse shumë familje nuk mund ta paguajnë taksën paraprakisht dhe për më tepër nuk kanë besim tek sistemi i rimbursimit, i cili realisht nuk funksionon. Konkretisht duke qenë se premtimi për të pajisur me karta falas votuesit e komunitetit rom është totalisht në linjë me propozimin e PS për heqjen e taksës së votimit, kjo na bën të mendojmë se përtej arsyeve elektorale ekzistojnë të gjithë argumentet, që kjo taksë të hiqet edhe për a)Komunitetin egjiptian, i cili vlerësohet të jetë në të njëjtën gjendje sociale për të mos thënë më të vështirë, b) 92 mijë familjarët në asistencë që ndryshe do të thoshte minimalisht 200 mijë votues, c)150 mijë pensionistët në fshat që nuk kanë më shumë se 5500 deri 6500 lekë të ardhura në muaj, d) 100 mijë persona me aftësi të kufizuara me të ardhura të pamjaftueshme për të jetuar dhe kuruar sëmundjet e tyre, e) 30 mijë invalidët, që po ashtu nuk do të kishin mundësi ta përballonin këtë taksë të votimit, f) dhe rreth 20 mijë të tjerë, që jetojnë me të ardhura të papunësisë, pra rreth 500 mijë votues në gjendje sociale të vështirë dhe financiare të pamundur për ta përballuar këtë kartë.

Nisur nga ritmi me të cilin po ecën ky proces dhe kohës së mbetur deri në 28 qershor, pajisja e të gjithë shtetasve pa kartë duket e pamundur në një ambient që nuk gjeneron nxitje të procesit. Mendoni se mospajisja me karta do të detyronte opozitën për të mos hyrë në zgjedhje në 28 qershor?

Qëndrimi i PS është brenda kësaj kornize : 1) Zgjedhjet do të jenë konform standardeve ndërkombëtare vetëm nëse të gjithë votuesve u garantohet e drejta e votimit, që sipas Kodit Zgjedhor sigurohet vetëm me pasaportë e letër njoftimi elektronike, 2) PS në asnjë rast nuk do të lejojë ndryshimin e fitores së saj në 28 qershor 2009 përmes manipulimit selektiv me kartat e identitetit; 3) PS ka kërkuar dhe është krejtësisht e përgatitur dhe e vendosur për të zhvilluar zgjedhjet në 28 qershor 2009.

Nëse procesi dështon cilat do të ishin përgjegjësitë politike, ndaj maxhorancës, por dhe ndaj opozitës e cila duke kërkuar karta falas duket se e ka frenuar procesin e pajisjes? Çfarë do të kërkojnë PS ndaj qeverisë dhe kryeministrit?

Nëse procesi dështon, kjo është përgjegjësi totale e maxhorancës dhe e qeverisë Berisha. Së pari, kjo qeveri është e vonuar duke e sjellë këtë proces në 6 muajt e fundit para zgjedhjeve, debati se ju nuk e bëtë për tetë vjet nuk është aktual dhe është në kontradiktë me premtimin e tyre për ta filluar këtë proces në vitin e parë të qeverisjes. Së dyti, ne i ndihmuam kur bënë Kodin Zgjedhor, duke pranuar që krahas kartës së identitetit mund të përdoret edhe pasaporta, sepse ata në këto 6 muaj duhet të pajisnin me karta identiteti 3.2 milionë votues prezent në listat e votuesve, ndërkohë që po ashtu si sot, ata deklaronin se i kishin të gjithë mundësitë e kapacitetet për mbi 3 milionë karta identiteti për 6 muaj (lexoni të gjithë deklaratat e drejtuesve të maxhorancës para hartimit të kodit, pra para janarit 2009). Së treti, qeveria erdhi në janar 2009 pa asnjë program, plan dhe kalendar të qartë veprimi për të pajisur me karta identiteti vetëm rreth 1 milion votuesit pa pasaportë, por e filluan procesin vetëm në Tiranë zhurmshëm e rrëmujshëm. Ndërhymë dhe u bë vendimi i ri i qeverisë bazuar në sugjerimet tona për të pajisur me karta identiteti vetëm votuesit pa pasaportë. Procesi filloi, por pas pak kohësh u vunë re dy dukuri i) të gjithë kategoritë e pamundura financiarisht nuk po aplikonin dhe ii) akoma më keq biznesmenë të PD filluan të blinin kuponë dhe t’ia jepnin falas militantëve të PD, pra një proces selektiv në favor të PD. Në këtë moment bëmë propozimin për heqjen e taksës së votimit, pra për dhënien e kartës falas për të gjithë votuesit pa pasaportë dhe thjesht e jo me rimbursim të shoqëruar më kushte e detyrime e penallti nëse nuk aplikohet deri në 28 qershor 2009. E sqarova gjatë këtë çështje se nuk është PS me propozimin e saj për karta falas për të gjithë votuesit pa pasaportë që ka penguar procesin por ka vetëm dy faktorë 1) mungesa e vullnetit të kësaj qeverie që po shfaqet çdo ditë e më qartë dhe 2)paaftësia e saj për të realizuar detyra kaq komplekse e madhore. Nëse qeveria Berisha dështon në procesin e përgatitjeve të zgjedhjeve të lira ë të ndershme, pra në realizimin e objektivit më të madh me të cilin lidhen edhe imazhi i vendit pas anëtarësimit në NATO dhe ecuria më tej e procesit të integrimit në BE, atëherë PS dhe e gjithë opozita pas një analize të thellë e të përgjegjshme do të duhet të formulojë një qëndrim politik, që besoj është standard për këto raste.

Para një procesi problematik zgjedhor të kontestuar për standarde të cenuara të një vendi të NATO-s, PS do të preferonte shtyrjen e zgjedhjeve deri në përgatitjen e infrastrukturës zgjedhore, apo miratimin e ndonjë dispozite kalimtare në Kod për votim edhe me certifikatë apo leje drejtimi automjeti?

Aktualisht, përsëris vetëm qëndrimin publik. Nuk më lejohet të jem hipotetik aq më tepër që vazhdoj të besoj se ka ende kohe që kushtet teknike të sigurojnë pajisjen e të gjithë votuesve pa pasaportë me karta identiteti. Për momentin qëndrimi i PS është me 3-JO: 1) Jo zgjedhje pa karta e pa pasaportë. 2) Jo manipulim të rezultatit të zgjedhjeve dhe ndryshim të fitores së PS përmes kartave të identitetit apo listat të votuesve 3) Jo shtyrje të zgjedhjeve pas afatit kushtetues.

Mendoni se shtyrja e zgjedhjeve, më shumë plotësimit të standardit të zgjedhjeve do t’i interesonte maxhorancës për përfundimin e atyre veprave infrastrukturore në proces, të cilat rrezikojnë të mos përurohen deri në qershor dhe si do të veprojë PS?

Nuk më intereson analiza e PD. Kjo çështje është shfaqur edhe gjatë hartimit të Kodit Zgjedhor dhe ne kemi ngulur këmbë tek formulimi për caktimin e datës së zgjedhjeve, që është sot në Kushtetutë dhe në kodin zgjedhor. Dhe mbi këtë bazë është caktuar data e zgjedhjeve më 28 qershor 2009. Çdo shtyrje e zgjedhjeve do të kërkonte një trajtim kushtetues të komplikuar. Por përsëris, kjo nuk është në axhendën e PS. Ripërsëris qëndrimin e PS që kam shkruar edhe dy herë të tjera më lart, qëndrimin me 3-JO.

panorama

[DYDRINAS]

PS hedh hapin e dyte drejt bojkotimit te zgjedhjeve.

Hapi i pare ishte paralajmerimi permes konferencave te shytpit e prej sot nisi faza e dyte e skenarit, pra largimi nga parlamenti.

Sikur Berisha t'ua dergoje dere me dere kartat e identitetit dhe falas, perseri PS eshte e vendosur ne realizimin e skenarit te saj, bojkotitmit te zgjedhjeve!

Pse perdor PS kete skenar?

- sepse ajo nuk mundet dot ti fitoje keto zgjedhje, nga shkaku i arritjeve te qeverisjes se PD-se,

- sepse ata perpiqen te luajne me karten e vitit 1996, sepse ne zgjedhjet e kaluara nuk ju piu uje karta e vitit 1997,

- sepse nuk ka rruge tjeter per te shmangur deshtimin e Rames,

- sepse nuk kane se c'ti ofrojne publikut shqiptar,

Permes bojkotit ata synojne te gjunjezojne Berishen dhe mundesisht ta largojne ate nga qeverisja para zgjedhjeve, ne menyre qe zgjedhjet te behen ne kushtet e nje qeverisje teknike e te pranuar nga te gjitha palet, si e vetmja mundesi per t'u rikhtyer ne pushtet permes manipulimit.




Tiranë: Opozita largohet nga Parlamenti për kartat e identitetit

Ilirian Agolli, Tiranë

Zëri i Amerikës
16-04-2009


Deputetët e Partisë Socialiste të opozitës u larguan sot nga seanca plenare e parlamentit në shenjë proteste ndaj shkeljeve dhe vështirësive që, sipas tyre, po kalon procesi i prodhimit dhe shpërndarjes së kartave të identitetit. Përfaqësues të deputetëve socialistë deklaruan se vendimet e qeverisë për kartat e identitetit po e ngatërrojnë procesin dhe se ata kërkojnë që kartat të jepen falas.

Kryetarja e grupit parlamentar te Partisë Socialiste, Valentina Leskaj, tha se zgjedhjet e qershorit janë në rrezik nga mënyra se si po ecën procesi i kartave, ndaj edhe deputetët socialistë largohen nga parlamenti derisa kjo të zgjidhet.

“Duke shkelur të drejtën e votës ju po prishni zgjedhjet. - iu drejtua zonja Leskaj deputetëve të shumicës demokrate. - Ndaj dua që t’u them se nuk ka zgjedhje pa zgjidhur këtë problem. Ne kërkojmë që të hiqni taksën e votës, (çmimin e kartës), hiqni barriera që pengojnë qytetarët të ushtrojnë të drejtën e votës. Përsa kohë që këto të dyja do të zgjidhen, natyrisht që ne do të dalim nga parlamenti”, - tha zonja Leskaj.

Ndërsa deputetët socialistë po dilnin nga salla, ministri i brendshëm, Bujar Nishani, deklaroi se procesi i pajisjes së qytetarëve me karta identiteti po ecën normalisht brenda të gjitha parashikimeve kohore dhe parametrave teknikë.

“Deri sot të gjitha komunat dhe bashkitë e vendit kanë në dispozicion kapacitete të plota dhe puna për aplikimin nga ana e qytetarëve vazhdon normalisht. Deri të martën kanë aplikuar në shkallë vendi më shumë se gjysmë milioni qytetarë shqiptarë për letërnjoftimet elektronike. Janë 512 mijë qytetarë, të cilët pavarësisht përpjekjeve të opozitës për ta dekurajuar këtë proces, janë paraqitur pranë zyrave të aplikimit dhe kanë realizuar këtë proces. Nga këto, janë prodhuar mbi 400 mijë letërnjotime elektronike, që tashmë janë prodhuar dhe po tërhiqen gradualisht nga qytetarët pranë zyrave të gjendjes civile çdo ditë,” - tha zoti Nishani.

Pajisja e qytetarëve me karta identiteti është vendosur në qendër të debateve politike. Ecuria e këtij procesi po përcillet me komente kontradiktore nga pozita dhe opozita, të cilat po përballen politikisht edhe për këtë temë, ndonëse është fjala për një procdurë teknike që tashmë ka filluar.

[DYDRINAS]

Opozita pergatitet qe ne fillim te majit te nise nga protestat, permes se cilave do te synoje te terheqe vemendjen e opinionit publik, qe te mos marre pjese ne zgjedhje, duke perdorur si pretekst kartat e identitetit.

[DYDRINAS]

Islami: PS, thirrje njerezve te pergatiten per te shpetuar demokracine me
rrezistence paqesore

Thursday, 16 April 2009

Kryeministri nuk do të mund të kontrollojë rezultatin e zgjedhjeve duke e kthyer në farsë provimin e madh të 28 Qershorit. Nuk mund të ketë zgjedhje po qe se edhe një shqiptar nuk arrin të votojë për shkak të taksës së votës. PSSH u bën thirrje njerëzve të përgatiten shpirtërisht për të shpëtuar demokracinë në rrezik me rrezistencë paqësore.

Askush të mos vonojë të aplikojë nëse e përballon taksën e votës.


Asnjë masë serioze nuk është marrë dhe asnjë veprim i përgjegjshëm nuk është kryer nga ana e qeverisë lidhur më pajisjen e votuesve me karta identiteti.

Por, fatkeqësisht më duhet të deklaroj me keqardhje se:

Sot më 16 prill, pas më shumë se tre muaj nga dita e fillimit, rrjeti i stacioneve të aplikimit është ende i pashtrirë plotësisht dhe në shumë komuna stacionet e aplikimit nuk janë funksionale;

Ritmet e aplikimeve kanë rënë ndjeshëm dhe mbeten larg mundësive teknike e premtimeve për rreth 100 mijë aplikime në javë;

Komisioni ad hoc kuvendor është paralizuar nga paaftësia e qeverisë për të dhënë në kohë informacion dhe mungesa e vullnetit për një proces transparent.

Dhe së fundi për cudi Kompania Aleat, përmes një shkrese nuk ka pranuar të japë informacion direkt dhe të degjohet në Komisionin ad hoc të Kuvendit, ndërkohë që është një kompani koncensionare që kryen një shërbim publik.



Mbi këtë bazë PSSH vlerëson se:

kapacitetet teknike të aplikimit në fillim të javës së adhshme do të ezuaroheshin plotësisht;

dhe për rrjedhojë pajisja me karta identiteti e votuesve pa pasaporta do të rezultonte e komprementuar dhe e dështuar.



Me deklaratën e fundit, dhe Vendimin e djeshëm të KM; Kryeministri ka pranuar përfundimisht gabimin e vendosjes së taksës së votës por nuk ka marrë asnjë masë për heqjen e saj dhe nuk ka ofruar zgjidhjen e përshtatshme.

Zgjidhja e dhënë prej tij rezulton e cunguar, e komplikuar, konfuze dhe e pazbatueshme, pra, që vazhdon të mbajë peng procesin e pajisjes me karta identiteti të votuesve pa pasaportë.



PSSH vlerëson se per shkak të paaftësisë deri më sot, por mesa duket edhe mungesës së vullnetin të qeverisë, problemi i pajisjes së votuesve pa pasaportë mbetet i pazgjidhur dhe shumë më i rrezikuar se asnjëherë tjetër deri tani. Gjendja është alarmante.



Kërkesa e përsëritur, e thjeshtë dhe e qartë PSSH është:

Të hiqet taksa e votimit dhe Karta e Identitetit për votuesit pa pasaportë të trajtohet si mjet identifikimi vetëm për votimin në 28 Qershor 2009.



Nga ana tjetër qeveria duhet të gjejë zgjidhjet e përshtashme në përdorimin e saj për të gjithë shërbimet e tjera pas zgjedhjeve të përgjithshme.



Nëse situata nuk ndryshon PSSH do të përshkallëzojë shprehjen e refuzimit ndaj këtij procesi tanimë qëllimisht të dështuar e të komprementuar nga qeveria.



Nëse Sali Berisha mendon se mund të kontrollojë rezultatin e zgjedhjeve duke kthyer në farsë provimin e madh të 28 Qershorit PSSH deklaron se nuk mund të ketë zgjedhje po qe se edhe një shqiptar nuk arrin të votojë për shkak të taksës së votës.



PSSH me këtë rast u bën thirrje njerzve të përgatiten shpirtërisht për të shpëtuar demokracinë në rrezik me rrezistencë paqësore.



Askush të mos vonojë të aplikojë nëse e përballon taksën e votës.

Por, nga ana tjetër gjithkush që nuk e paguan dot këtë taksë të turpshme për shkak të varfërisë duhet të dijë se PSSH do të rrezistojë me të gjithë mjetet demokratike për të garantuar lirinë dhe ndershmërinë e zgjedhjeve.



Nuk mund të ketë zgjedhje të lira e të ndershme dhe në përputhje me standartet demokratike pa zgjidhje të kësaj nyje që po mbyt zgjedhjet.


ps.al