PS pergatit skenarin e bojkotimit te zgjedhjeve te vitit 2009!

[Antimafia]

Këshilltarët e PD dhe përfaqësuesit e MPPTT-së do bllokojnë KRRT-në e Tiranës, në mënyrë që Edvini të mos shesë 30 leje ndërtimi tek klientët e tij

Ja edhe deklarata e plotë e përfaqësuesit e MPPTT-së, e cila mbështet nismën e këshilltarëve të PD-së, dhënë sot në mesditë: “Që në Nëntor 2004 Bashkisë të Tiranës i janë vënë në dispozicion nga donatorët 1,5 milionë USD plus financimin shtesë të Qeverisë Shqipëtare për të hartuar Planin Rregullues, pasi Bashkia refuzonte ta financonte vetë. Më 1 Nëntor 2006 është lidhur kontrata për hartimin e Planit Rregullues, i cili duhet të mbaronte në Korrik 2007. Nuk mbaroi! 8 Gusht 2007 kontrata u shty deri më 31 Mars 2008. Nuk e mbaruan! 27 Nëntor 2007 kontrata u shty për herë të dytë deri më 30 Qershor 2008. Nuk e mbaruan! 20 Qershor 2008 ishte data e shtyrjes të tretë të kontratës me afat 20 Shtator 2008. Përsëri nuk e mbaruan! 9 Shtator ishte shtyrja e katërt e kontratës. Nuk e mbaroi. Më dhjetor 2008 na kërkoi të miratojmë në parim në KRRT-në e Tiranës draftin e Planit Rregullues duke na premtuar që boshllëqet do të plotësoheshin urgjentisht dhe problemet ligjore të tij do të korrigjoheshin. Nuk e mbaroi! Apo më qartë nuk do ta mbarojë. Në këtë situatë të paprecedent babëzie e paaftësie, Kryetari i bashkisë në vend pranojë dështimin e tij kërkon të vazhdojë të drejtojë qytetin pa plan. Dje në darkë Kryetari na lajmëroi për mbledhjen e KRRT-së me një rend dite për 30 leje ndërtimi të klienteve të tij e 20 investime elektorale. Kjo do të thotë as më shumë e as më pak, por vertetim i faktit që Kryetari i Bashkisë vazhdon të abuzojë me lejet e ndërtimit dhe ta përdorë pushtetin e tij në shërbim të klientëve të 15%. Kjo është pengesa reale qe e lë Tiranën pa Plan Rregullues prej 10 vjetësh. Kjo shaka e ripërsëritur e tij duhet të marrë fund. Tirana nuk është çifligu i tij dhe KRRT-ja nuk është bandë që të grabisë qytetin. Ne si profesionistë e të votuar të Këshillit Bashkiak të Tiranës nuk do të marrim pjesë në mbledhjen e KRRT-së të Tiranës. Nuk mund të bëhemi palë në shkatërrimin e kryeqytetit, nuk mund të pranojmë trajtimin e Tiranës si pulla e njolla sheshesh ndertimi. Ne kërkojmë me forcë miratimin e Planit Rregullues të përfunduar në Këshill Bashkiak e deri ne KRRTRSH sikurse ligji e kërkon. Ne kërkojmë një proces të thellë shqyrtimi që të ketë në fokus interesat më të mira të Tiranës dhe qytetareve të saj dhe jo lejet e ndërtimit të Kocove të Kryetarit të Bashkisë”.

[DYDRINAS]

Islami: Qeveria ka fshehur numrin e personave pa pasaporta

Socialistët pretendojnë se shifrës zyrtare i mungojnë 270 mijë zgjedhës

Partia Socialiste publikoi dje shifra të ndryshme me qeverinë për sa u përket shtetasve që nuk kanë pasaportë dhe duhet të kenë prioritet të pajisen me karta identiteti. Veç të tjerash, PS i bëri edhe disa propozime që përmirësojnë dhe garantojnë ecurinë normale të procesit. Deputeti i Partisë Socialiste, njëherësh edhe nënkryetari i komisionit "ad hoc" për zgjedhjet, Kastriot Islami, deklaroi se realisht janë 1 milion shtetas pa pasaportë, ndërsa qeveria ka publikuar shifrën 730 mijë. Sipas Islamit, nga 1 milion shtetas pa pasaportë që nga 12 janari kanë aplikuar vetëm 120 mijë zgjedhës. "Mbeten rreth 880 mijë votues pa pasaportë për të aplikuar kur kanë mbetur edhe 60 ditë punë deri në 12 qershor 2009 pa përfshirë ditët e shtuna që pothuajse kudo nuk punohet", theksoi Islami. Ndërkohë, sipas tij, vetëm 36 mijë votues kanë marrë kartën e identitetit dhe ka shumë mundësi që numri i votuesve pa pasaportë që ka marrë kartën të mos jetë më i lartë se 10 mijë. Duke iu referuar ritmit të punës, Islami doli në përfundim se "nëse do të vazhdohet me këtë ritëm dhe këtë vullnet e paaftësi parashikohet që mbi 300 mijë zgjedhës do të mbeten të papajisur më kartë identiteti, pra nuk do të mund të votojnë". Islami theksoi se PS vazhdon të këmbëngulë për të pajisur falas të gjithë votuesit pa pasaportë që aplikojnë deri më 12 qershor, ndryshe penalizohen me pagesën e saj dyfish. Njëkohësisht, Islami në emër të PS-së vuri në pah se procesi i dhënies së kartave të identitetit po politizohet dhe po kthehet në një fenomen korruptiv. Ai tha se ka biznese që po marrin tenderë nga qeveria dhe kanë filluar në mënyrë të organizuar e selektive të paguajnë kartat për militantët e PD. Njëkohësisht, PS shtoi edhe disa propozimeve të reja pas nismës ligjore të pak ditëve më parë. Islami tha se duhet të saktësohet urgjentisht baza e të dhënave e të gjithë votuesve pa pasaportë ose kushdo që paraqitet dhe deklaron se nuk ka pasaportë të lejohet të aplikojë dhe të mbahet shënim emri i tij për të verifikuar saktësinë e deklarimit të tij. PS kërkoi njëkohësisht përmirësimin e disa kushteve teknike që lidhen me oraret dhe shtimin e ditëve për të aplikuar. Islami propozoi që orari i pikave ku bëhet aplikimi do jetë deri në orën 19, të punohet edhe ditën e shtunë dhe nëse është e nevojshme edhe ditën e diel. Një tjetër propozim është ai që të merren masa që të mos ndërpritet energjia dhe lidhja me internet apo aksesi në bazën e të dhënave, sepse kjo demotivon vajtjen sistematike të votuesve. Sa i përket kompanisë, Aleat me qeverinë, selia rozë kërkoi që të bëhet një analizë dhe një plan special veprimi për të garantuar pajisjen me kartë identiteti të çdo votuesi pa pasaportë dhe ky plan të bëhet publik, të ndërmerret një fushatë sensibilizuese për të lajmëruar e nxitur votuesit pasaportë të aplikojnë. Në propozimin e fundit, socialistët kërkuan që të jepet një informacion ditor nga kompania Aleat për të gjithë aplikimet, prodhimin dhe shpërndarjen e kartave të identitetit për të gjithë votuesit pa pasaportë. Ndërsa disa ditë më parë, kryetari i PS-së, Rama, publikoi një nismë ligjore ku kërkohej që shtetasit pa pasaportë, meqë përbëjnë shtresën më të varfër të popullsisë t‘i marrin kartat falas.

shqip

[DYDRINAS]

Opozita e rrezikshme e Edi Ramës


NGA NEBIL ÇIKA


Përfaqësuesit e BE-së duket se i kanë dhënë fund alibisë së radhës të shefit të opozitës, Edi Rama, një përpjekje djallëzore për të justifikuar humbjen e pritshme të partisë së tij në zgjedhjet e ardhshme parlamentare. Zoti Rama po përdor një diversion që synon bllokimin e procesit të pajisjes së qytetarëve me kartat e identitetit, gjë që do t’i jepte atij mundësinë e justifikimit të disfatës elektorale, njëherazi edhe dorëheqjes nga kreu i partisë, gjë kjo e sanksionuar në statutin e PS-së. Duket qartë që e gjithë vëmendja politike e z. Rama, njerëzve dhe mediave pranë tij, është përqendruar tek krijimi në opinionin publik të idesë së manipulimit të zgjedhjeve, një taktike kjo e vjetër e humbësve në politikën shqiptare. Jo më kot procesi i pajisjes me letërnjoftime është vënë në shënjestër të tyre, pasi kane qenë pikërisht manipulimet me listat e votuesve që i kanë dhënë partisë së tij dhe atij vetë disa herë fitore të pamerituara. Legalizimi i qytetarëve shqiptarë njëherazi edhe i listave të votuesve, është pa dyshim baza e një procesi të lirë e të ndershëm zgjedhor. Vetë procesi i garantimit të zgjedhjeve brenda standardeve të BE-së përbën një sfidë jo vetëm për qeverinë e mazhoracën, por për të gjithë shqiptarët. Pas anëtarësimit në NATO, integrimi në BE përbën sfidën tjetër të madhe të Shqipërisë dhe shqiptarëve. Përfaqësuesit e BE-së kanë bërë të qartë se statusi i kandidatit, që qeveria po këmbëngul ta arrij sa më shpejt të jetë e mundur, kushtëzohet nga realizimi i standardeve të zgjedhjeve dhe zgjidhjes së problemit të pronave, si dy parakushte thelbësore, ndaj të cilave nuk mund të pretendohet tolerancë.

Mirëpo arritja e standardit të zgjedhjeve kërkon pa dyshim angazhimin serioz dhe të ndershëm të të gjitha palëve pjesëmarrëse në të. Nëse formalisht reforma zgjedhore ka pasur angazhimin e të dyja palëve, në praktikë nuk duket kështu. Thirrja e z. Rama për të shpërndarë letërnjoftime falas nuk synon përshpejtimin e procesit, siç pretendon ai, por “legjitimimin” e bllokimit apo bojkotimit të tij, nga militantët e tij, me justifikimin se nuk kanë mundësi financiare për të paguar faturën e kartës së identitetit. Një deklaratë apo propagandë si kjo synon hapur destabilizimin dhe degradimin e procesit të pajisjes me letërnjoftime. Por me përpjekjet për dështimin e këtij procesi, Edi Rama synon edhe më tepër se alibia e humbjes së zgjedhjeve. Ajo që nuk ka asnjë interes të ndalohet e ca më tepër të dështojë procesi i shpërndarjes së letërnjoftimeve, është pa dyshim qeveria dhe mazhoranca. Realizimi i këtij procesi përbën midis të tjerash një sukses të qeverisjes “Berisha”, njëherazi edhe një kartë të fortë elektorale për zgjedhjet e ardhshme parlamentare. Procesi i legalizimit të qytetarëve (letërnjoftimet) janë një arritje e dukshme e qeverisë në projektin e saj të luftës kundër informalitetit, pjesë thelbësore e angazhimit të saj për arritjen e standardeve të BE-së. Nuk mund të pretendosh të bëhesh pjesë e strukturave euroatlantike pa realizuar regjistrimin dhe legalizimin e popullsisë, standardi bazë i një shteti normal. Në këtë situate, destabilizimi i këtij procesi çon automatikisht në dështimin e përpjekjeve për integrim të vendit në BE. Nuk është hera e parë që për arsye meskine të pushtetit personal apo partiak, e majta shqiptare ka kërcënuar dhe rrezikuar interesa të nivelit kombëtar, siç është integrimi në BE. Kujtojmë se në vitin 1995 përfaqësuesit e PS-së votuan kundër anëtarësimit të vendit në KE, ndërkohë që vetë Rama organizoi një protestë pikërisht në ditën që Shqipëria mori ftesën për anëtarësim në NATO. Fakti që Rama është i vetmi politikan që nuk ka u bërë thirrje publike qytetarëve për pajisje me letërnjoftime flet vet për raportin e tij me këtë proces. Për ta përmbledhur në pak fjalë të gjithë argumentin, konkludojmë se përpjekjet e z. Rama për destabilizimin e procesit të kartave të identitetit janë pjesë e strategjisë politike të tij në një moment delikat, që kërcënon jo vetëm dëshirën e tij për pushtet, por edhe vetë karrierën e tij politike. Në këtë situatë, ai është gati të sfidojë jo vetëm procesin, por edhe raportet me ndërkombëtarët të tij dhe partisë së tij , gjë që u shpreh hapur dy ditë më parë me reagimin e ashpër të vartësve të tij ndaj deklaratave të delegacionit të Parlamentit Evropian. Mund të biem dakord që z. Rama i duhet një alibi për humbjen e zgjedhjeve, pasi në pamundësi justifikimi, atij i duhej të linte vendin e kryetarit të PS-së, gjë të cilën nuk besoj se gjendet shqiptar as ta mendojë. Mirëpo stadi në të cilin ndodhet vendi, shteti dhe shoqëria shqiptare, i ka ngushtuar shumë hapësirat për zhvillime politike destabilizuese, mënyra e mjete këto tradicionale të së majtës shqiptare për të justifikuar dështimet elektorale (si p.sh revolucioni i 1997-ës). Si përfundim, përplasja në fytyrë si përgjigje që eurodeputetët u dhanë përpjekjeve të z. Rama për destabilizimin e procesit të letërnjoftimeve, rrjedhimisht edhe atij të zgjedhjeve të qershorit, ishte deklarimi i qëndrimit të qartë të BE-së se nuk do të tolerojë asnjë përpjekje për prishjen e standardeve të procesit të integrimit, në mënyrë të veçantë zgjedhjeve të lira e të ndershme. Kjo duket se i prish shumë punë Edi Ramës, pasi çdo alibi e tij për të justifikuar humbjen, pa akordin me komunitetit ndërkombëtar, në mënyre të veçantë të BE-së, do të ishte e padobishme për opinionin publik, por edhe një armë në duart e kundërshtarëve të tij të majtë, brenda dhe jashtë PS-së numri i te cilëve pritet te rritet pas shpalljes së listës se kandidatëve për deputet, që mezi presin që ai të humbasë zgjedhjet, si mundësia e vetme për ta larguar nga kreu sajë . Alibia e kartave të identitetit duket se është djegur, por kjo nuk do të thotë që z. Rama ka hequr dorë destabilizimi i procesit apo gjetja e një alibie tjetër. Duket qartë se sfida e tij nuk është fitorja e zgjedhjeve, por ruajtja e kreut dhe kontrollit në PS, për realizimin e së cilës, sajimi i një incidenti që mund të prishte imazhin e zgjedhjeve apo gjetja e një alibie të besueshme për të justifikuar humbjen, duket se është një çështje për jetë a vdekje. Kjo mjafton për ta konsideruar opozitën dhe krejt politikën e tij potencialisht të rrezikshme.


22/03/2009

standard

[DYDRINAS]

"ID Karta", karta e fundit nën mëngën e ndryshimtarëve


NGA ZAMIR GJURGJI



Ndërkohë që qeveria shqiptare ka hedhur në tregun politik gjithë kartat e saj për të qenë në derë të Evropës dhe për të trokitur atje kur evropianët të kenë vënë pak rend "në shtëpinë që po fut ujë", majtistët e Ramës dhe mjaftistët e Erionit nuk kanë kartë më të mirë në dorë për të luajtur bllofin sesa "ID karta", si për të gjetur një casus beli për betejën elektorale, ashtu dhe për të shpëtuar veten nga kryqëzimi politik i verës që vjen. Të mbetur të vetëm dhe pa përkrahje – mjafton të shihet fotoja e tyre në mitingun e "Gërdecit" për të kuptuar gjendjen e tyre shpirtërore, të eklipsuar nga diagrama gjithnjë e në rritje e LSI – PSV’91 – mjafton mbështetja e kësaj force edhe nga një kompani obamiane, të obsesionuar nga "Demokleu" Nano që u rri me shpatë mbi shpatull edhe me heshtjen që flet vetë, të kapur në befasi nga bumerangu që pësuan me "mbërtheckat", të vënë me shpatulla pas muri nga aplikantët e dorës së vjetër që duan të mbeten në listë dhe "të rinjve", që nuk u durohet sa të shohin emrin në lista, të demotivuar edhe nga kriza financiare që nuk e virusoi Shqipërinë, e cila fatmirësisht nuk operonte me këtë sistem të tejpërparuar, të mbetur pa firomë nga znj. Pack që i vuri kapak ID kartave, të mbetur pa "fat" edhe nga reshjet e shiut që po mbushin digat e hidrocentraleve dhe nxjerrin zbuluar kanalizimet në qendër të Tiranës, Ramës dhe ventrilokut të tij, Veliaj, nuk i mbetet kartë tjetër, veçse t'i kthehen edhe një herë dokumentit të identifikimit - versioni i apdejtuar i certifikatës së 2007-s është karta ID e 2009 - e "t'i qahen hënës" se ky produkt me kosto duhet të dalë në treg pa kosto fare. Dhe kjo fjalë del nga goja e njeriu, që fjala i vlen së paku 15% mbi kosto!

Gjithkush që e njeh sadopak mënyrën se si funksion Rama me “vullnetarët” e tij, e kupton kthjelltazi sjelljen e tij dhe atë të tyre që kanë lidhur fatin e xhepit me imazhin e tij publik të Ramës. Këtë kategori nuk e ha fort meraku se po u ikën Rama, por se mund t'u ikë nga dora shansi për t'u trajtuar financiarisht me trefishin e rrogës së deputetit Paloka. Janë këta analistë-kuratorë në top të shqetësimit, në top të ankthit që i ka kapluar se "gjeli nuk do u pjellë më flori", se nuk do të kapardisen më studiove televizive me frizurën e tij, nuk do të kenë më mundësi “të bëjnë lepitkën” me presidentët në pushtet, sepse as Mejdani e as Berisha nuk aspirojnë më për President.

Për këto arsye, e këshillojnë të sillet qetë, të mos shajë e mos mallkojë, të hedhë mbi shpinën e ujkut lëkurën e qengjit që pi edhe nënën nga e majta edhe atë nga e djathta, të ndryshojë taktikë pse jo edhe strategji. T'i lëshojë pe balonës në ditët e ftohta të marsit për ta tërhequr fort në ditët e nxehta të qershorit, të durojë "100 ditët e Elbës së tij" pa i shpërthyer konfliktet me kundërshtarët e mazhorancës, sepse do t'i eksplodojnë "predhat" brenda minorancës, si në një "Gërdec" që do të shkërmoqë imazhin e tij publik - ashtu si ndodhi me Veltronin, Segolenin e Rozën - e që nuk ka të krahasuar me ç'i ngjau imazhit politik të Mediut. Vetëm kështu, kreu aktual i PS-së do të mbajë në një varkë edhe dhinë edhe tagjinë, edhe Erionin e vjetër edhe Erionin e ri, edhe Gjinushin e vjetër edhe Fidelin e ri, edhe Daden e vjetër edhe Xoxën e re, edhe Majkon e vjetruar në pushtet edhe Maklenin e dëshiruar për pushtet, edhe... edhe...

Prandaj këshilltarë-opinionistët e tij, ashtu pompozë para studiove me sfond rozë, e këshillojnë që urtë e butë të mbjellë ditët para 28 qershorit një farë, që do ta korrë 24 orë më pas: farën e revolucioneve të njëpasnjëshme të qershoreve në radhë. Dhe në këtë rast nuk do të ketë as Avni '24-re e as Rustem '97-e, por vetëm një "eureka" (lexo kartë-manipulimi), që edhe sipas Kaçit të PS-së, “vërtetohet me sinus e kosinus Kamze”. Kjo pra është karta e vetme që Rama mban nën mëngën e tij, dhe që i ka mbetur ende pa luajtur. Ndryshe, klaustrofobia* që e kaplon herë pas herë do të marrë revan, do të ndrydhet si dy vjet më parë brenda selisë dhe sektit të tij. E nuk do të ketë më Ilir që ta nxjerrë në dritë të diellit, nuk do të ketë më as TV që t'i ofrojë më kamerat. Do të njihet thjesht si një Ramë që lindi në Tiranë, u rrit në Paris, dhe u çorodit po në Tiranë. Si për t'i dhënë jetë shprehjes shkodrane "tuj u rrit e tu u çorodit, si zogu i gomarit".

Sidoqoftë, personalisht besoj se Rama nuk është një zog i tillë, që të zgjedhë për të luajtur me kartën e bllofit. Ai vlen, dhe jo pak, për të mbetur në kujtesën politike të shqiptarëve të pas '90-ës, si një ekscentrik që nxori nga “shtrati i Nilit” të majtën e tej-ideologjizuar shqiptare, duke e ndarë atë në mori përrenjsh, ku rrjedhin ndarazi ujërat e enveristëve, stalinistëve, ramizistëve, çegevaristëve, qamilistëve e qemalistëve shqiptarë. Dhe kjo nuk është pak, përkundrazi. Nga një vullnetariat në tjetrin, nga ata të Enverit tek ata të Edit, ujërat e së majtës lëvizin në drejtime të kundërta. Çka për ekspertët e ujërave ka vetëm një domethënie: kur ndryshon drejtimi i rrjedhës së lumit, prit “cunamin”.



P.S. Klaustrofilia vjen nga klaustro - murg dhe fil - i dhënë, i prirur drejt diçkaje. Prirjet që kanë disa individë për t'u larguar nga shoqëria, tendencë asociale për të qëndruar të mbyllur brenda katër mureve. Klaustrofobia: Dëmtimet e parikuperueshme që pësojnë psikologjikisht individët që nuk ia dalin mbanë të suportojnë gjendjen e izolimit, me të mbeturit i vetëm. (IL Novissimo MELZI, Linguistico, fq. 235)



22/03/2009

satndard

[dragon+++]

Pse se kupton ti ? Nano i plasi ne dore Berishes njelloj si gerdeci. Aq faqezi sa qe Nano e pa Berisha e i tha o lum miku ste bej dot president se humbas shume vete. Po ke ne dore me bej president Bamirin se do ta shperblej. Bam Nanua gjeti 3 kamikaze qe votuan per Topin.
Bam Berisha Nanos 3 milion euro nga 500 mije kamikazeve kusurin ne xhep.
Une jetoj larg dhe i di keto gjera cudi si si di ti.

qa jan kto budadhadheqe jan me teper film thriler politik e jo realitet mos harro se sala e futi ne burg nanon atje ku nuk e kapte dielli as 1 or ne dit .duhet te jemi me serjoz e smund te shkruajm qfar degjojm ne kafene .......

[dragon+++]

Faktet tregojnë të kundërtën!
Ai e mori qytetin e Tiranës, në një kohë kur ngjasonte si një lagje periferike e Kabulit. Kjoska nga të gjitha anët, vetëm kioska të pista ku tregëtohej edhe mish njeriu në zgarë, alkol metelik, rrugët ishin (çfar emri ti vë se nuk ka ndonjë emër që të mund ti përshkruaj)
Ndërtime pa leje nga të gjitha anët. Gardhe dhe kopështe me domate tek 9 katëshet apo tek lulishtja përpara Partisë Demokratike, kope me lopë që lëviznin përmes rrugëve kryesore të Tiranës etj etj.
Gjatë perjudhës së ndërrimit të pushtetit, do me thënë gjatë kohës kur Rama kishte fituar, zgjedhjet kishin mbaruar por nuk ishin shpallur fituesit akoma (sepse Saliu ashtu e ka zakon po nuk harxhoi nja 3 muaj kohë nuk e pranon humbjen) ish Kryetari i Bashkisë së asaj kohe Albert Brojka, firmosi rreth 450 leje ndërtimi, në kundërshim me ligjet e urbanistikës....
Që të mos ta zgjas, edhe pse Tirana sot ka 101 probleme dhe ka nevojë për shumë punë nuk ka ndonjë njeri që e ka vizituar Tiranën (se ne që kemi jetuar aty e dimë akoma më mirë) në këto dy perjudha, që të mos pranoj ndryshimin kolosal që ka ndodhur në qytet.
Unë nuk dua ta fus këtë në planin politik sepse kjo është qeverrisje vendore dhe ajo duhet të jetë 80% e depolitizuar dhe totalisht në shërbim të qytetarëve.
Kjo nuk është merita personale e Edi Ramës por e të gjithë neve, me taksat që kemi paguar dhe me ambiciet tona për një qytet më të mirë.
Të vetmen meritë që unë do ti jepja Edi Ramës është që, ai e vendosi qeverrisjen vendore, të Tiranës së paku, në binarë. Kushdo që të vijë sot në atë zyrë, nuk ka rrugë tjetër përveç se të punojë dhe të bëjë diçka të mirë për qytetin. Standartet janë vendosur lart tani, dhe nuk pranohet një njeri që do të punojë më pak.

po ti o b*yth sh*kerllyer travesti nga tepelena prap mbron kelyshet e komunisteve ....

[Brari]

dragon..

jo me sharje..
argumentime duhen ketu..


flor..


po te kini ndjekur mire.. shtypin edvino bollino-socialist.. do te kishit ven re se.. asnjehere ki shtip nuku ka sulmuar brojkat e sali kelmendet e sander meksat.. por vetem berish berish e vetem berish.. edhe kur ki ishte president.. edhe kur ki ishte opozit.. edhe kur ki sot eshte krieminister..
pse sepse berisha ndryshon.. nga keta pisa..
edvini ka vazhduar rrugen e sali kelmendit e te brojkes.. dhe ka bere te vetet po ata mafioz qe filluan betonimin me brojken e kelmenden..
jo me kot kelmendi e brojka nuk ndihen.. kunder edvinos.. as sander mafishe maksi..
jo me kot edvinua kurre nuk i pergojon a thumbon keta.. ose tu a u gjeje ndonje epitet sic e ka zakon per armiqte e tij pathologjik..
qe do te thote se.. brojk e edvin jan nje.. masakrus lulishtesh e ndertues gratacielesh..pra hajdute me cizme..



une dua tu bej thirrje te gjithve..

Te bejme Kryetar Bashkie ne Tirane.. ALTIN GOXHAJN..

te gjith tjeret jan kot..

[flory80]

une dua tu bej thirrje te gjithve..

Te bejme Kryetar Bashkie ne Tirane.. ALTIN GOXHAJN..

te gjith tjeret jan kot..

Kush është ky Altin Goxhaj?
Se paskam dëgjuar ndonjë herë?

[flory80]

po ti o b*yth sh*kerllyer travesti nga tepelena prap mbron kelyshet e komunisteve

Unë po dëgjoj!!!!!!!!!

[dragon+++]

[QUOTE=flory80;2197760]Kush është ky Altin Goxhaj?
Se paskam dëgjuar ndonjë herë?[/QUOT !!!!!!!!!!!!!!!!!!!!!!!!!