PS pergatit skenarin e bojkotimit te zgjedhjeve te vitit 2009!

[juanito02]

Ik o cun a goce ca je se ti je jashte loje. Ik e hidhe voten atje ku do dhe mos shkruj budallalliqe katunaresh.
U erdhi fundi bejlereve dhe komunistave skam degju ksoj shprehje idjote ku qekan bashke bejleret dhe komunistet.
Medet kujt i ka rane interneti ne dore.

[DYDRINAS]

Kartat, qeveria gënjen BE. PS: Të shtyhen zgjedhjet


Dërguar më: 05/06/2009 - 06:14

Tedi Blushi/Darina Tanushi

Qeveria mashtron Bashkimin Europian në lidhje me ecurinë e procesit të pajisjes së shtetasve shqiptarë me kartat e identitetit. Në progres-raportin për periudhën tetor 2008 - maj 2009, që Ministria e Integrimit ka paraqitur në Bruksel, shprehimisht thuhet se: “Në bazë të të dhënave operative, deri në datën 31 maj, numri i aplikimeve në total është 1.172.279. Janë prodhuar 1.045.910 letërnjoftime elektronike, janë tërhequr nga zyrat e aplikimit 1.019.956 dhe iu janë shpërndarë kartat e identitetit, 652.067 shtetasve”. Ndërkohë, të dhënat e servirura Bashkimit Europian bien në kontradiktë me të dhënat që i ka bërë të ditur opinionit publik shqiptar, ministri i Brendshëm, Bujar Nishani. Pikërisht, në datën 31 maj ai ka vizituar ambientet e prodhimit të letërnjoftimeve elektronike të kompanisë “ALEAT”, për të marrë pjesë në ceremoninë e prodhimit të kartës së njëmiliontë të identitetit. Në prononcimin e tij për mediat, Nishani informoi se, “deri më tani numri i personave që kanë aplikuar për këtë dokument është 1 milion e 150 mijë shtetas”. Ndërkohë, drejtori i kompanisë “ALEAT”, Jean Alain Jouan, në deklaratën e tij, pretendoi se po tejkalohen kapacitetet prodhuese në mënyrë që asnjë aplikant, sipas tij, të mos mbetet pa kartë identiteti. “I kemi dhënë qytetarëve shqiptarë një kapacitet më të madh se ç’është nevoja. Brenda 10 ditëve kemi regjistruar 1 milion shtetas dhe kemi prodhuar po kaq karta që do të jenë që nesër në zyrat e njësive bashkiake”, - tha Alain Jouan. Pra, si ministri i Brendshëm, ashtu edhe drejtori i kompanisë “ALEAT” kanë dhënë në datën 31 maj, të tjera të dhëna nga ato që qeveria i jep Bashkimit Europian në progres-raportin për periudhën tetor 2008 - maj 2009. Mashtrimi në këtë rast është evident për çdo shifër të servirur. Konkretisht, në progres-raportin thuhet se, deri në datën 31 maj, numri i aplikimeve në total është 1.172.279. Nga ana tjetër, Nishani në po të njëjtën ditë thotë se numri i personave që kanë aplikuar për këtë dokument është 1.150.000 shtetas. Pra, diferenca është jo e pakët, pasi bëhet fjalë për 22.279 aplikime. Mashtrimi i radhës lidhet me numrin e letërnjoftimeve të prodhuara. Qeveria, në progres-raport shkruan se, deri në datën 31 maj “janë prodhuar 1.045.910 letërnjoftime elektronike”. E po këtë ditë, ministri Nishani merr pjesë në ceremoninë e prodhimit të kartës së njëmiliontë të identitetit. Diferenca kësaj here është për 45.910 karta të prodhuara. Kësisoj, qeverisë nuk i mbetet gjë tjetër veçse të sqarojë: janë shifrat e dhëna në progres-raport të gënjeshtërta apo gënjen ministri i Brendshëm, Bujar Nishani?

PS: Kartat mund të shtyjnë zgjedhjet

PS-ja depozitoi dje 3 kallëzime penale në Prokurorinë e Tiranës që kanë lidhje me kartat e identitetit. Sekretari për çështjet ligjore dhe koordinimin në PS, Fatmir Xhafaj, i cili depozitoi edhe dosjet, sqaroi se një kallëzim penal ka të bëjë me manipulimin e kartës së identitetit nga një shtetas. Kallëzimi tjetër ka të bëjë me manipulimin e një funksionari lokal të Partisë Demokratike, duke shitur kupona në këmbim të votës, dhe kallëzimi i tretë ka të bëjë me akuzën që PS-ja ka për falsifikim të të dhënave dhe dokumenteve zyrtare nga strukturat e Ministrisë së Brendshme. Pasi ka lënë paditë në Prokurorinë e Tiranës, Xhafaj sqaroi për mediat se të gjithë këta persona janë të barabartë para ligjit. Ajo që bie në sy në kërkesë-padinë për funksionarët e Ministrisë së Brendshme, është se nuk ka emra konkretë, por kjo i është lënë hetimeve. “Për manipulime të mundshme me procesin zgjedhor, do të përgjigjet përpara ligjit, sot edhe nesër, cilido që do të guxojë të bëjë një veprim të tillë, qoftë ky një shtetas që përdoret nga segmente të caktuara për efekt të manipulimit dhe të ndryshimit të rezultatit elektoral, qoftë i strukturave partiake, qoftë nëpunës apo funksionar i lartë i shtetit”, - u shpreh Xhafaj. “Kjo është një nga rrugët që ne do të ndjekim për t’i prerë rrugën çdo lloj manipulimi të mundshëm në procesin zgjedhor të pritshëm, çdo lloj përpjekjeje për të deformuar rezultatin zgjedhor në zgjedhjet e 28 qershorit. Ne jemi të vendosur të respektojmë Kushtetutën dhe ligjin, por nga ana tjetër për të mos iu lënë asnjë mundësi manipulimi ‘Al Kaponeve’ dhe ‘Arturo Ui-ve’ që dëshirojnë të bëjnë nga këto veprime”, - theksoi Xhafaj.

Shtyrja e zgjedhjeve

Sekretari socialist është pyetur dje nga gazetarët, edhe sa i përket rrezikut të shtyrjes së zgjedhjeve, pas gjithë këtyre problemeve me kartat që ata denoncojnë çdo ditë. “Nuk përjashtohet asnjë opsion”, - është shprehur Xhafaj. “Ne jemi duke e menduar seriozisht këtë gjë, është bërë e njohur përmes konferencave të shtypit, deklarimeve publike, letërkëmbimeve të herëpashershme që kemi pasur me dikasterin përgjegjës në Ministrinë e Brendshme për këtë çështje”, - u shpreh Xhafaj. “Së pari, ne kemi kërkuar dhe vazhdojmë të kërkojmë të dhëna të plota, jo të dhëna të deformuara dhe të falsifikuara si këto që na janë dhënë sot, sepse mbi bazën e atyre të dhënave, ne do të kemi mundësi që të gjykojmë realisht mbi riskun dhe situatën konkrete lidhur me çështjen e kartave të identitetit. Kjo nga njëra anë”, - sqaroi ai. “Nga ana tjetër, natyrisht, mbi bazën e këtij informacioni, ndjekjes së pandërprerë dhe një sistemi të plotë monitorimi që ne kemi në terren, në një moment shumë të përshtatshëm dhe të afërt ne do të marrim vendimet përkatëse politike. Natyrisht, nuk përjashtohet asnjë opsion. Ne nuk do të lëmë asnjë qytetar që të mos i jepet mundësia, në respekt të Kushtetutës dhe të ligjit, për të ushtruar të drejtën e votës”, - deklaroi ai.

gazeta shqiptare



Nga data 15 qershor, kasnecet e Rames kane pergatitur nje kontigjent te atyre qe "regjimi i Berishes nuk po ju mundeson marrjen e kartes se identitetit", qe te protestojne para kryeministrise dhe te dergojne peticione prane ambasadave ne Tirane dhe neper institucionet e BE.

Qellimi i vetem eshte bojkoti i zgjedhjeve ose ne pamundesi shtyrjen e zgjedhjeve!

[Apollyon]

Sot Berisha deklaroi qe zgjedhjet nuk do shtyhen as edhe nje ore te vetme, jo me te caktohet date tjeter.

Kshu qe harrojeni, zgjedhet nuk shtyhen!

[Antimafia]

Ne nje seancen te posatshme "Per Zgjedhjet ne Shqiperi" te Komisionit amerikan te Helsinkit, Kongresmeni amerikan Eliot L. Engel tha :

Edi Rama ka frike se i humbet zgjedhjet e 28 Qershorit, prandaj luan me idene qe ti bojkotoj ato dhe te thote qe zgjedhjet nuk ishin te ndershme.


Pjese nga fjala e Kongresmenit Engel:

...One of the things that I was concerned about is before the Democratic Party and the Socialist Party reserved their dispute over the ID cards, the Socialist Party’s Edi Rama was threatening a boycott of the elections. This had happened once before. And my feeling is, of course, that if a party feels they are going to lose and then they say they are going to boycott and they come up with all these reasons why they are going to boycott because they say things are unfair, that may not necessarily be the case because if you are losing, you
boycott and you say it is not fair
...

.................................................. .................................................. ......................

Per me shume shko tek lidhja e meposhtme

http://csce.gov/index.cfm?FuseAction=ContentRecords.ViewDetail&ContentType=B&ContentRecord_id=451

dhe pastaj kliko:

Unofficial Transcript

.................................................. .................................................. ..........................

[DYDRINAS]

PS: Do manipulohen zgjedhjet. Nuk mund të votojnë mbi 10% e votuesve



Kryeministri, Sali Berisha, tha dje se është i vendosur që të bëjë zgjedhje edhe pa Partinë Socialiste. Berisha tha në Divjakë se Rama ka krijuar koalicionin e bojkotit.

“Kjo fushatë, siç e shihni ju, është një festë e vërtetë. Shqiptarët kanë vendosur të rikthejnë vitin ‘92, lavdinë e tyre elektorale. Por, një njeri, i cili duket se nuk e ka as nanogramin e fundit të moralit politik dhe njerëzor, do të bojkotojë zgjedhjet. Ky është Edi Rama. Edi Rama po përpiqet të krijojë koalicionin e bojkotit. Unë dua t’i them këtu para jush se ne do të votojmë në të drejtën tonë, do të votojmë si qytetarë të një vendi anëtar të NATO-s, do të votojmë të lirë, do të votojmë me maturi politike. Por, në qofte se ti vendos që për karrigen të bojkotosh zgjedhjet, koshi i plehrave të historisë të pret, se ne do të fitojmë”, - tha Berisha.

“Ti, Edi Rama, tregon se ke mbetur në komplekset e lustraxhiut të bustit, ke mbetur në labirintet e atyre, për të cilët vota ishte plumb për armikun. Ty, Edi Rama, të ka mbetur ora te baballarët e tu. Por, unë të them edhe një herë këtu që mos i llogarit hesapet gabim, sepse me ty dhe pa ty shqiptarët do t’i bëjnë zgjedhjet, sepse me ty dhe pa ty do të bëjmë zgjedhjet më të mira, sepse me ty dhe pa ty do të ndërtojmë Shqipërinë evropiane. Merr çdo vendim”, - vijoi më tej Berisha.

Sërish kryeministri tha se është gati të bëjë ndryshime në ligj për t’i mundësuar Ramës që të jetë në listat zgjedhore.

“A keni parë apo keni dëgjuar ndonjëherë ju, të dashur qytetarë, i pyesni edhe socialistët në botë, që kryetari i partisë kryesore opozitare ta nisë partinë në zgjedhje dhe vetë të fshihet nën karrigen e lejeve të ndërtimit të bashkisë?

Këtë turp nuk e ka bërë kush kurrë, këtë turp nuk ia lejon vetes asnjë politikan. Madje, këtë turp nuk e kanë bërë as edhe në vendet gjysmë-demokratike, pasardhësit e klikave komuniste. Nëse ti do ta bësh sot, bëje. Ne do të shkojmë në zgjedhje. Po të jap afat 24 orë dhe nesër, në qoftë se do, të ndryshojmë ligjin dhe vihu në krye të listës. Shqiptarët të lexojnë ty lakuriq siç je. Shqiptarët nuk do të të pyesin, ata do të shkojnë në zgjedhje”, - u shpreh kryeministri.

Ndërsa në Librazhd, Berisha akuzoi Ramën se ka fituar zgjedhjet e vitit 2007 me certifikata e tha se një gjë e tillë nuk do të përsëritet.

tema

[Albo]

Edvin Rama nuk po pergatit bojkot per te shtyre zgjedhjet apo per ti bojkotuar ato. Bojkotin nuk e pelqen askush, as elektorati shqiptar dhe as faktori nderkombetar qe do te jete i pranishem ne monitorimin e ketyre zgjedhjeve si asnjehere tjeter ne historine e ketij vendi, pasi jane zgjedhjet qe do te diktojne pranimin e Shqiperise ne BE, nese shqiptaret jane ne gjendje qe te mbajne zgjedhje sipas standardeve demokratike. Ajo qe Edvin Rama po ben eshte pozicionimi i JUSTIFIKIMIT TE HUMBJES ne syte e elektoratit socialist. Eshte nje menyre per te thene qe nuk eshte faji dhe pergjegjesia e tij per humbjen, eshte "faji i kartave", "faji i qeverise", "faji i Berishes".

Persa i perket kartave te identitetit, ideja qe socialistet po hedhin se "te gjithe shqiptaret duhet te jene te pajisur me karta ne menyre qe te mbahen zgjedhjet" eshte qesharake. Eshte qesharake per faktin se kartat e identitetit jane RISI ne procesin elektoral dhe shoqerine shqiptare. Dhe duke qene risi, do te rrisi besimin ne procesin dhe rezultatin e zgjedhjeve pasi votues qe shkojne te votojne me kete karte ne dore i bejne zgjedhjet me te ndershme pasi u presin udhen manipulimeve, ashtu sic rrisin besimin ne rezultatin e zgjedhjeve, pasi procesi elektoral tani eshte plotesisht i digjitalizuar, jo vetem nga kartat, por edhe me pastrimin e listave, edhe me instalimin e kamerave vizive ne cdo qender votimi, edhe ne kodin zgjedhor, edhe ne trajnimin e policise per rolin e tyre prane qendrave te votimit. Arsyeja tjeter qe e ben kete pretendim te socialisteve qesharak, eshte fakti se kur thone qe pa karta nuk behen zgjedhje, jane duke thene qe ato 6-7 zgjedhjet e meparshme te mbajtura ne keto 2 dekadat e fundit ne Shqiperi nuk kane qene zgjedhje te pranueshme per ta, edhe pse socialistet kane fituar edhe vete disa prej tyre. Kjo eshte pjese e diletantizmit politik te liderit socialist Rama.

Keto jane zgjedhjet me te mira dhe me te lira qe jane mbajtur ne Shqiperi ne keto 2 dekada, dhe kete e them une e kane vezhguar edhe monitoruesit nderkombetare, muaj para mbajtjes se zgjedhjeve. Teksa PS dhe ministria e brendshme po shkembejne akuza per procesin e pajisjes me karta, drejtuesja e ODHIR ne Shqiperi qe ka monitoruar edhe me pare procesin zgjedhor ne Shqiperi shprehu habine e saj per mediat duke thene: "Asnje parti nuk eshte ankuar deri me sot ne KQZ per listat e zgjedhjeve", dhe kjo eshte nje tjeter risi qe ndodh per here te pare ne dy dekada qe publiku shqiptar dhe partite politike po anashkalojne. Dhe kjo nuk eshte risia e vetme: fakti qe kodi i ri zgjedhor u aprovua ne parlament pa shume buje me mirekuptimin e te dy paleve, si PD edhe PS; fakti qe Ministria e Brendshme shqiptare digjitalizoi te gjitha listat e votuesve dhe i pastroi ato nga te vdekurit dhe njerezit qe kane levizur nga nje fshat apo nje qytet ne tjetrin; fakti qe policia eshte trajnuar per sigrimin e qendrave te votimit duke mos lejuar kanosje apo incidente; fakti qe infrastruktura zgjedhore eshte modernizuar ne menyre qe shqiptaret te mos presin me jave per te mesuar rezultatin e zgjedhjeve; fakti qe ne cdo qender votimi do te kete kamera vizive qe do te regjistrojne gjithcka qe ndodh ne qendrat e votimit, duke rritur ndjeshem transparencen; fakti qe ne keto zgjedhje monitoruesve te huaj do tu shtohet edhe nje shpure monitorues vendas nga OJQ; fakti qe mediat vizive shqiptare do te kene mundesi te transmetojne direkt procesin e numerimit te votes ne cdo qark e ne cdo qender votimi.

Te gjitha keto jane merite e qeverise ne pushtet, pasi eshte pergjegjesia e saj qe te garantoje nje proces zgjedhor te lire e te ndershem. Por kjo nuk do te thote se shtetasit shqiptare nuk mbajne asnje pergjegjesi per zgjedhjet. Ky ne vetvete eshte edhe nje keqkuptim i madh i shume shqiptareve. Shtetasit kane per pergjegjesi qe te pajisen me karta identiteti duke aplikuar, kane pergjegjesi qe te dalin te votojne ne diten e zgjedhjeve, kane pergjegjesi qe te marrin pjese ne demokracine shqiptare. Do te kete edhe nga ata shtetas indiferente qe nuk do te aplikojne fare per karta pasi nuk duan te marrin pjese ne zgjedhje, do te kete te tjere qe do pajisen me karta e nuk do dalin te votojne. Bojkotimi i zgjedhjeve nga shtetasit eshte pjese e demokracise, por bojkoti nuk eshte i pranueshem nga partite politike. Nje parti politike qe bojkoton zgjedhjet eshte nje parti qe i mohon vetvetes nje shans per te ardhur ne pushtet dhe elektoratit te saj nje shans per te votuar dhe per tu perfaqesuar. Ky akt eshte i denueshem moralisht dhe llogjikisht. Perfaqesimi i interesave te elektoratit qe te voton dhe ardhja ne pushtet jane misioni i cdo partie politike, dhe kush bojkon zgjedhjet i bojkoton te dyja, rend se qeni nje parti politike dhe kthehet ne nje klub pensionistesh.

Nese pretendimi i PS se "10% e zgjedhjeve nuk jane te pajisur ende me karta" eshte i vertete, atehere kjo le te kuptoje se 90% e shqiptareve jane pajisur ose jane ne pritje te pajisjes me karta. Pra kjo nuk perben aspak nje shqetesim qe mund te vere ne medyshje procesin zgjedhor. Interesant eshte fakti se ne sondazhinq e ne po bejme ne forum per zgjedhjet, 10% eshte edhe numri i personave qe zgjedhin te mos votojne.

Albo

[prenceedi]

Nese pretendimi i PS se "10% e zgjedhjeve nuk jane te pajisur ende me karta" eshte i vertete, atehere kjo le te kuptoje se 90% e shqiptareve jane pajisur ose jane ne pritje te pajisjes me karta. Pra kjo nuk perben aspak nje shqetesim qe mund te vere ne medyshje procesin zgjedhor.
Albo]

shume "i drejte" mendimi juaj z.Albo ...............
por ku ta di une se ky 10% nuk eshte elektorat i Ps i lene jashte loje me qellim....
dhe me cfare te drejte ketyre votuesve tu mohohet e drejta e votes?
shteti e ka per detyre ti paise me karta pastaj votojn apo jo eshte e drejta e gjithkujt te zgjedhe......

Keto jane zgjedhjet me te mira dhe me te lira qe jane mbajtur ne Shqiperi ne keto 2 dekada, dhe kete e them une e kane vezhguar edhe monitoruesit nderkombetare, muaj para mbajtjes se zgjedhjeve.

sa per tua kujtuar zgjedhjet nuk jane mbajtur akoma keshtu qe si mundet ju te percaktoni se sa te lira jane ato...............

[MaDaBeR]

Pas deklarates se kongresmenit Eliot L. Engel, ne menyre teper te çuditshme, PS ka bere nje kthese 180 grade persa i perket bojkotit apo jo te zgjedhjeve. Deri ne deklaraten e Kongresmenit PS kercenonte me mospjesmarrje ne zgjedhje, ndersa 1 dite pas kesaj deklarate, çuditerisht kreret e PS dalin ne konferenca shtypi duke e thene me te madhe qe nuk do te bojkotojne zgjedhjet e as do kerkojne ne asnje menyre shtyrjen e tyre. Kjo eshte shume per tu çuditur. Mesa duket PS ka me te vertete frike nga zgjedhjet, dhe sjellja e tyre gjate kesaj fushate ka qene teper e shemtuar.

[DYDRINAS]

PS dhe opozita terhiqet nga procesi zgjedhor me date 26 qershor 2009!



Ne mbremje Rama (pas akordit te arritur me Meten) dhe drejtuesit e tjere te opozites do t'u drejtohen simpatizanteve te tyre me thirrjen: "Mos merrni pjese ne votime"! "Zgjedhjet jane te manipuluara"!

Me 27 qershor e ne vazhdim do te dilet ne protesta, ne te cilat do te kerkohet "vota e lire", "shtyrje e votimeve", "qeverisje teknike deri ne fund te vitit", "pajisje te plote te qytetareve me karta identiteti" etj.

Gjate ketyre diteve jane pergatitur me qindra deklarata e intervista nga qytetare, ne te cilat do te paraqiten "manipulimet" sipas tyre te se drejtes se pajisjes me karte identiteti etj.

Jane manipuluar punonjes te administrates, qe te deklarojne se atyre "po ju behet presion nga drejtuesit e tyre per te votuar PD"!

Te gjitha xhirimet e tyre do te publikohen ne mediat e vendit dhe do te dergohen ne forma digitale ne institucionet nderkombetare.

Rama i dha shenjat e bojkotit te paralajmeruar, qe kur nuk pranoi te vendoste veten ne liste dhe vecanerisht me kercenimet qe ben qe tri dite (pikerisht qe nga skadimi i afatit te pajisjes me karta identiteti) ne publik, se nuk do te leje gje pa bere me 28 dhe pas 28 qershorit 2009!

Ndersa Gazeta Shqiptare dha paralajmerimin permes shkrimit te saj te sotem me titull: "Vërtiten hije të ’96-s"!


Opozita do te luaje serish me karten e njohur te terheqjes nga procesi zgjedhor i vitit 1996, por tashme ajo nuk do te hyje fare ne votime!

[MaDaBeR]

Une uroj me gjith zemer qe ky lloj skenari te mos zbatohet. Nese do ndodhe kjo gje, Shqiperia do te largohet nga te gjitha vendet e Europes dhe do ti duhet te rifilloje tranzicionin nga e para. Shqiperia, nga statusi aktual qe Shqiperia ka ne rajon e me gjere, do te shikohet si nje vend inferior dhe pa prosperitet. Atehere Edi Rama do te jete Enveri i 2-te per kete popull. Une shpresoj qe ne daten 28 Qershor te gjithe votuesit tu drejtohen kutive te votimit dhe te japin verdiktin e tyre per Qeverine e re, pasi kjo eshte e vetmja menyre per te ecur ne gjurmet e vedeve te europes perendimore.