Tuesday, 02 September 2008
Nafta në tregjet botërore tashmë është duke shënuar rënie të jashtëzakonshme. Nga piku i çmimeve ku një fucoi naftë blihej me rreth 147 USD për fuçi, dita e djeshme shënoi një tjetër rënie. Çmimi i naftës në bursat botërore vazhdoi tendencën e uljes që filloi dy netë më parë, pasi u njoftua se uragani Gustav nuk do të prekte instalimet e naftës në rajonin e Gjirit të Meksikës. Çmimi i naftës në bursën e Nju Jorkut arriti sot në 108.70 dollarë për fuçi, pra 6.76 dollarë më pak sesa të premten kur kjo naftë kushtonte 115.46 dollarë për fuçi. Bursa në Nju Jork nuk ka punuar dje për shkak të Ditës së Punës në Shtetet e Bashkuara.Njëkohësisht, çmimi i naftës në bursën e Londrës u ul sot, duke shkuar në 107.51 dollarë për fuçi. Rënia më e fundit e çmimeve të naftës vjen në prag të takimit të ministrave të naftës të Organizatës së Vendeve Eksportuese të Naftës (OPEK), që do të mbahet më 9 shtator në Vjenë. Gjatë këtij takimi, OPEK pritet të marrë vendim për të shtuar prodhimin ditor të sasive emergjente të naftës. Në dy muajt e fundit, çmimi i naftës u ul ndjeshëm në bursat botërore, ndërsa në gjysmën e parë të korrikut arriti çmime rekorde me mbi 147 dollarë për fuçi. Ndërkohë që nafta është ulur rreth 25% në tregjet botërore, në Shqipëri rënia e naftës po ecën me ritme të ngadalta. Nëse një litër eurodiesel blihej me 165-170 lekë për litër, sot blihet me 159-162 lekë. Pra ulja e naftës në Shqipëri nuk ka pasur të njëjtin nivel me tregjet botërore të naftës. Ulja me 5 lekë për litër duket se është i papërfillshëm për konsumatorët shqiptarë. Ndërkohë që biznesmenët shqiptarë janë të parët në ngritjen e çmimeve në krahasim me tregjet botërore dhe të fundit në rastin e uljes së çmimeve.
Përgjigju Duke Cituar
...
Krijoni Kontakt