Lajme Nga Bota Islame !

[Drini_i_Zi]

Mbreti kërkon bisedime ndërmjet muslimanëve


Kjo thirrje erdhi gjatë fjalimit të cilin ai ua drejtoi krerëve të shteteve dhe të delegacioneve të haxhit në pallatin mbretëror të Minës.


E hënë, 15 Dhjetor 2008 20:23
Pas suksesit të jashtëzakonshëm që pati nisma për dialog ndërfetar, mbreti Abdullah, kujdestar i dy xhamive të shenjta i bëri thirrje botës muslimane të nisin një dialog me qëllim që t'i bashkojnë qëndrimet e tyre si dhe t'i çrrënjosin ideologjitë ekstremiste dhe ideologjitë që predikojnë dhunë.

Kjo thirrje erdhi gjatë fjalimit të cilin ai ua drejtoi krerëve të shteteve dhe të delegacioneve të haxhit në pallatin mbretëror të Minës.

Mbreti pasqyronte dëshirën e themeluesit të Arabisë moderne që ta shoh një botë të bashkuar muslimane e cila në këtë kohë haxhi do të frymëzohet nga uniteti dhe barazia ndërmjet besimtarëve.

"Të dashur vëllezër: Në haxhin e kaluar unë fola për rëndësinë e dialogut ndërfetar në kohën kur mbretëria kërkonte që kjo ide të shqyrtohet me dijetarët muslimanë në Mekë të cilët e mirëpritën atë dhe mbi bazën e sheriatit i dhanë mbështetje kësaj ideje. Pastaj ndodhi konferenca ndërfetare e Madridit ku morën pjesë përfaqësues kulturash dhe të feve të ndryshme të cilët e shikuan deklaratën e dijetarëve muslimanë e cila kërkonte një zbatim më të gjerë të idesë së dialogut përmes OKB–së e cila tash së fundi e mbështeti përzemërsisht këtë ide në asamblenë e Kombeve të Bashkuara ku ishin të pranishëm liderë të njohur botëror" - tha mbreti.

"Qëllimi i këtij dialogu ndërfetar që u ndërmorr nga vëllezërit tuaj në mbretëri është që të rritë krenarinë e Islamit dhe t'i shërbejë njerëzimit. Suksesin dhe miratimin që e ka marrë na bëri ne optimist se do të arrijë edhe më shumë sukses në të ardhmen, dashtë Zoti " –shtoi mbreti.

"Ne kemi nevojë sot për dialog brenda vet botës muslimane" –tha ai. Mbreti vuri në dukje se mosmarrëveshjet, padituria, dhe ekstremizmi janë pengesa të cilat ua rrezikojnë shpresat muslimanëve. Por, edhe terrorizmi po e kërcënon botën dhe kjo po u mveshet muslimanëve për shkak të veprimeve të disa ekstremistëve të cilët nuk e përfaqësojnë asnjeri përveç veten e tyre. Edhe po të jenë të fshehur pas Islamit, prapë se prapë kjo fe nuk mban përgjegjësi për veprimet e tyre. Kjo e bën të nevojshëm dialogun e botës muslimane që ka si qëllim t'i bashkojë radhët, të përkrahë maturinë, t'i mënjanojë shkaqet e konfliktit dhe ta çrrënjosë ekstremizmin" -tha ai.

kingabdullah.gov.jo/mesazhi.com

[Drini_i_Zi]

Kongresmeni i parë në haxh

Ellison kishte planifikuar udhëtimin për në haxh qe një vit, thotë zëdhënësi i tij, Rik Zhauert.

E martë, 16 Dhjetor 2008 22:29
Në Shtetet e Bashkuara të Amerikës, ai është një nga 535 ligjvënësit me të fortë në Amerikë, por javën e kaluar, në javën më të shenjtë në Islam, në qytetin më të shenjtë Islam, Kejt Ellison ishte vetëm një nga 3 milion udhëtarët që shkuan për ta kryer haxhin në Meke.

Ai është muslimani i parë që u zgjodh në Kongresin Amerikan dhe tani është anëtari i parë i kongresit që ka bërë haxhin, udhëtim ky që është obligim për çdo person që ka aftësitë për ta kryer atë njëherë gjatë tërë jetës së tij.

Ellison kishte planifikuar udhëtimin për në haxh qe një vit, thotë zëdhënësi i tij, Rik Zhauert.

Zhauert thotë se Ellison ishte shoqëruar për në udhëtim nga anëtarë të xhamisë së Minepolisit, edhe pse gruaja e tij, katolike, dhe dy djemtë e tyre qëndruan në shtëpi. "Ishte një udhëtim personal për ta kryer haxhin," thotë zëdhënësi tij duke cekur se Ellison pagoi për udhëtimin nga xhepi i tij.

startribune.com/mesazhi.com

[Drini_i_Zi]

Ndertimi i xhamise me te madhe ne Zyrih te Zvicres por pa minare

Fondacioni "El-Iman" po ben hapa konkret per ndertimin e xhamise me te madhe ne kantonin e Zyrihut ne Zvicer.

E mërkurë, 17 Dhjetor 2008 16:23
Kjo xhami do te ze 500 fales mirepo nuk do te kete minare e as myezin ne menyre qe to mos kundershtohet nga banoret qe e rrethojne xhamine.

Fondacioni "El-Iman" e ka arritur kete me kusht qe ndertimi i xhamise te jete ne perputhje me stilin e arkitektures se banesave perreth.

Sipas gazetes saudite "El-Vatan" fondacioni ka per kerkes per leje ndertim dhe se kerkesa do te shqyrtohet ne mbledhjen komunale. Shqyrtimi i saj munde te zgjase rreth dy muaj me se paku, dhe kur te jepet drita e gjelbert nga komuna ateher fondacioni do te filloje me pune ne veren e ardhrshme .

Marr nga : gazeta wasat

[Drini_i_Zi]

Haxhi ishte transformues – Kejt Ellison


Kongresmeni nga Minepolisi e përshkruan udhëtimin e tij për në qytetin e shenjtë të Mekës.


E premte, 19 Dhjetor 2008 09:35
Nuk kishte ndonjë deklaratë për shtyp atë ditë kur Kejt Ellison u nis për në udhëtimin e tij për në haxh.

"Nuk dëshironim ta kthenim këtë në ngjarje politike," thotë kongresmeni demokrat nga Minepolisi. "Ky jam vetëm unë duke tentuar të bëhem person sa më i mirë qe mundem."

Duke minimizuar rolin e tij si kongresmeni i parë që ka bërë haxhin, ai e quan këtë përvojë si"transformuese."

Nuk kishte të bëj me mua si kongresmen,"thotë Ellison, qe është muslimani i parë qe është zgjedhur ne kongres.

Megjithatë, udhëtimi i tij zgjoi interesim ne media përreth, Gjersa disa nga komentet ishin pozitive, Ellisoni u kritikua për mungesën e tij ne një votim te kongresit.

Ellison udhëtoi për në Arabinë Saudite duke ju bashkuar 3 milionë haxhilerëve nga mbarë bota.

Duke kryer ritualet e haxhit- rite këto qe zgjasin gati një javë Ellison thotë se kishte mësuar shumë për ngjashmëritë e pasuesve te fesë e cila mban në gjirin e vet njerëz nga e tërë bota.

"Ishte një përvojë e mrekullueshme transformuese. Kurrë nuk do ta harroj,"thotë ai.
"3 milion njerëz nga çdo pëllëmbe e tokës, të gjithë duke kaluar mirë ne një botë qe është me shumë trazira."

Gjatë këtij udhëtimi ai thotë se kishte takuar njerëz të ndryshëm, prej nënkryetarit te Bosnjes dhe ish ministrin për naftë të Arabisë Saudite deri te pastruesit e thjeshtë. Por në haxh te gjithë konsiderohen te njëjtë.

"Çdo njëri është vetëm haxhi,"thotë ai.
"Ti nuk mund të shikosh në këpucët e dikujt dhe te tregosh se ne çfarë rangu shoqëror apo ekonomik janë ata, sepse te gjithë veshin sandale."

Ai kishte udhëtuar për në haxh vetëm me disa shokë nga xhamia e Minepolisit; pa gardian sigurie.

Ellison thotë se dëshiron ta bën këtë udhëtim përsëri me familjen e tij. Gruaja nuk është muslimane, por katër fëmijët e tyre janë duke u rritur si musliman.

"Fëmija janë te interesuar te dinë më shumë,"thotë Ellison. "Gjithsesi, sepse unë u solla dhurata te ndryshme dhe përmbi 800 fotografi."

startribune.com/mesazhi.com

[Drini_i_Zi]

Del në qarkullim përkthimi i Kuranit në gjuhën teluge


Në një ceremoni të organizuar nga shoqata "Young Men" e Hiderabadit dhe Akademia Telugase e Xhides doli në qarkullim përkthimi i Kuranit në gjuhën teluge

E hënë, 22 Dhjetor 2008 08:42
Ky përkthim i Kuranit që u bë nga Dr. Abdul Raheem Muhammad Moulana, udhëheqës i qendrës për veshkë dhe hipertension në spitalin e mbretit Abdul Aziz në Mekë ishte shtypur në shtypshkronjën e mbretit Fahd në Medinë.

Abdul Khayyum Khan, drejtor i përgjithshëm i policisë në shtetin Andhra Pradesh të Indisë e nxorri në qarkullim këtë përkthim. Khani kishte shkuar në mbretëri për ta kryer haxhin. Meqë ai kishte ardhur për qëllime fetare, nuk qe i gatshëm të fliste për temat diskutabile edhe pse rastisi që ai të jetë zëdhënës i departamentit të policisë së shtetit Andhra Pradesh.
Dr. Abdul Raheem Muhammad Moulana ka lindur në Hyderabad por ka qenë në mbretëri që nga viti 1975 ndërsa në vitin 1983 ai kërkoi nënshtetësinë saudite.

Megjithëse në këtë gjuhë Kurani ishte përkthyer dy herë, këto përkthime ishin bërë nga gjuha angleze dhe ajo urdu ndërsa përkthimi i Dr. Moulanës ishte bërë drejtpërdrejt nga gjuha arabe. Duke folur me këtë rast , Dr. Moulana vuri theksin te rëndësia e shpërndarjes së Kuranit dhe tha se muslimanët duhet që me përgjegjësi ta pasojnë nga një kopje të Kuranit te jomuslimanët. Ai pyeste veten se pse kopjet e Kuranit nuk po mbahen nëpër dhomat e hoteleve në mbarë botën ashtu siç bëhet me kopjet e Biblës në shumë vende.
"Është në përgjegjësinë e çdo muslimani që ta përhap fjalën e Allahut" – tha ai.

Pikëpamjet e Muhammad Saleemit, menagjerit të divizionit për qiradhënie në kompaninë "Zahid Tractors" përkonin me ato të Dr. Moulanës. Sidoqoftë ky thoshte se ishte tepër e rëndësishme që muslimanët në jetën e tyre të përditshme dhe në kontaktet me jomuslimanë të tregojnë sjellje shembullore.

Mir Gazanfar Ali Zaki, sekretar i përgjithshëm i shoqatës "Young Men" të Hiderabadit dhe i Akademisë Telugase në Xhide u shprehi mirëseardhje musafirëve si dhe bëri një përshkrim të shkurtër të arritjeve të shoqatës.

Gjuha teluge është një prej katër gjuhëve të lashta indiane dhe me së shumti flitet në shtetin e Andhra Pradeshit ku është edhe gjuhë zyrtare. Gjuha teluge është një prej 22 gjuhëve zyrtare që fliten në tërë Indinë e sotme.

saudigazette/mesazhi.com

[Drini_i_Zi]

Persona të panjohur ia vunë zjarrin xhamisë në afërsi të Lionit

Xhamia në vendin Saint-Priest në afërsi të Lionit të shtunën është dëmtuar pas vënies së zjarrit nga disa persona deri më tash të panjohur, bënë të ditur ministria e punëve të brendshme, duke dënuar "këtë akt qyqar i cili nuk mund të tolerohet".

Zjarri i është vënë derës kryesore të xhamisë, por për fat zjarri nuk është përhapur, bënë të ditur i njëjti burim. I vetmi dëm në brendësinë e xhamisë është shkaktuar nga tymi.

Ministrja e punëve të brendshme Michele Alliot-Marie në letrën e profesorit Mohammed Moussaut, kryetarit të këshillit francez, shprehu keqardhje në lidhje me këtë rast.

"Të gjitha mjetet e duhura janë vënë në dispozicion në mënyrë që sa më parë të kapen autorët e këtij akti qyqar i cili nuk mund të tolerohet", qëndron në komunikatën e ministrisë.

[Archicad]

U promovua libri “ Kujtime” i Alija Izetbegoviq

Më 21 dhjetor në ora 18:00 në Shtëpinë e Kulturës në Prizren u bë promovimi i librit " Kujtime" i Alija Izetbegoviq.

E enjte, 25 Dhjetor 2008 11:40

Amfitetri ishte i mbushur plot, nga kureshtarët që vini për të dëgjuar edhe për së afërmi, nga dëshmitarët e gjallë, dhe shokët e idealit, luftës dhe pendës së kolosit, dijetarit, luftëtarit dhe filozofit të lindjes e perëndimit, Alija Izetbegoviq.

Kumtesa e tyre i lexuan;

- Nexhat Ibrahimi dhe Dr. Hysen Matoshi
Kurse me fjalë rasti të pranishmëve iu drejtuan: Dr. Adamir Jerkoviq, Dr. Xhemaludin Latiq, nga Bosna dhe Sadık Jıllmaz dhe Akif Emre nga Turqia.

I pari leximin e kumtesës e filloi islamologu prof. Nexhat Ibrahimi, ku ndër të tjera tha:

"Nuk gjej fjalë miradije të shpreh falënderimin tim të thellë, për organizatorët e këtij evenimenti kulturor e shkencor. Të cilët me idenë dhe mundin e tyre, arritën të na e sjellin në gjuhën tonë të ëmbël, këtë libër enciklopedik të Alija Izetbegoviqit.
Pasi bëri një evokim të shkurtër të njohjes personale me Alija Izetbegoviqin, përmes shokëve të tij të idealit si Hasan Çengiq etj, Ibrahimi më shumë u fokusua në anën filozofike dhe letrare të materies së librit të fjalë, duke shprehur madhështinë e figurës së Izetbegoviqit që me një gjuhë të thellë metaforike shpreh mendimin, i cili rrezaton urtësi, sinqeritet dhe saktësi.
"Ai diti, dëshiroi dhe veproi", me këtë maksimë filloi kumtesën e tij z. Nexhat Ibrahimi. Ndër të tjera ai citoi filozofin Henrei i cili kishte thënë për Izetbegoviqin: "Ai u imponua në histori, pa vullnetin e tij". Pra edhe pse modest larg unit dhe egoizmit për t'u imponuar, ai u regjistrua në analet e historisë së njerëzve të mëdhenj. Për të vazhduar më tutje Ibrahimi se: "Prania e librit të Alija Izetbegoviq në mjedisin tonë është edhe fat dhe përgjegjësi".
"Aliu, vazhdoi Ibrahimi më tutje flet në kujtimet e tij nga këndi i lindjes dhe perëndimit, në stilin e Muhamed Ikballt", stil i cili është i rrallë. Për të vazhduar më tutje se "Ai ka lexuar shenjat dhe ka ditur t'i regjistrojë ato. Pra se ai ishte një interpret i kohës dhe i çliroi kufijtë me mendimin e tij, ... Vepra e tij gjen bashkëbisedues edhe jashtë rrethit të tij kulturor e gjeografik".
Para se të përfundonte kumtesën e tij Ibrahimi me nostalgji dhe i emocionuar përkujtoi fjalën e njeriut i cili e njohu për së afërmi shpirtin e madh të Aliut, Mustafa Ceriq: "Tash kur na duket se atë e kemi aq larg, zemra na thotë se atë e kemi afër".
"Ai diti se njëherë vdiset dhe dy herë jetohet, njëherë për hyjnoren dhe herën tjetër për fatin e njeriut", përfundoi Ibrahimi me një mjeshtëri të rrallë tematike dhe retorike kumtesën e tij.



- Kumtesën e dytë "Lëkurëharta e Bosnjës", e lexoi Dr. Hysen Matoshi, Drejtor i Institutit Albanologjik në Prishtinë.

"Memoaret ndihmojnë në perceptimin subjektiv të ngjarjes, kur janë figura qendrore, ato afrohen mbi historinë dhe letërsinë" tha Matoshi në fillim të kumtesës së tij.
Për të vazhduar më tutje se: "Memoarët i kapërcejnë mjeshtëritë e rrëfimit duke sjellë fakte okulare të historisë". "Alija Izetbegoviq ndihmoi të orientojë anijen e luftës mes jetës e vdekjes të njerëzve, drejt bregut të shpëtimit". Ai citoi një thënie të Alija Izetbegoviq të shkruar në librin e tij se: "Nuk kam ditur të shkruaj memoare, por ajo që kam shkruar përkon më shumë me kronikën dhe përvojën time subjektive" (A. Izetbegoviq "Kujtime"). "Kujtimet e tij janë më shumë se memoare, vazhdoi më tutje Matoshi, si dhe shembull se si fuqia morale dhe shpirtërore e njeriut jeton mbi furtunat e kohës".
"Në anën e Aliut ishin vetëm argumentet të cilat mezi dëgjoheshin nga të shtënat e topave. "Ai kishte vetëm përkrahjen hyjnore, ngase ishte rrethuar nga çmenduria shoviniste serbe. Ai nuk hakmerrej për urrejtjen". Duke cituar Aliun i cili thoshte: "Na kanë vënë në sprovë të madhe, ne nuk do të bëjmë si ata. Këtë na e urdhëron Kur'ani i shenjtë". Duke e çmuar se më e keqe se lufta është vetëm robëria, ai nuk tundi kokën në shenjë pohimi para melmesave diplomatike në hesap të popullit të tij".
Më tutje vazhdoi Matoshi në mënyrë të shkëlqyer të trajtoj fragmente nga jeta e tij prej kolosi të rrallë të historisë. "Ai pranon se kishte diferenca të ideve të tij në distanca kohore".
Matoshi vënë në pah edhe një element relikt të modestit se Alija Izetbegovoq ku tha:
"Ai nuk e vëri veten në fillim të personazheve, gjatë shkrimi të memoareve, ai në çdo rast e linte veten në fund të fjalimeve, takimeve, këtë e bënte edhe kur fliste për të tjerët. Ai sqaronte thellë në komentet e tij, ai përmblodhi autobiografinë e tij në biografinë e popullit të tij tragjik", përfundoi Matoshi.



Dr. Adamir Jerkoviq, Këshilltar politik dhe mik i ngushtë i Alija Izetbegovoqit

"Jam i lumtur që isha këshilltar i tij, ngase barti me vete një pjesë të lumtur të jetës sime", filloi fjalimin Dr. Adamir Jerkoviq, pas shprehjes së falënderimeve të thella, lidhur me organizimin e konferencës së parë shkencore në Kosovë, si dhe promovimit për herë të parë të librit " Kujtime", kujtime të cilat disa prej tyre i kishin përjetuar së bashku me të.
Ai falënderoi organizatorët edhe për pritjen, dhe mundësinë që iu ofrua për njohjen më për së afërmi me monumentet e kulturës, në disa qytete të Kosovës dhe me popullin e saj të përvuajtur, popull i cili ka ndarë fatin e njëjtë me popullin e Bosnjës në luftën heroike dhe tragjike për liri dhe pavarësi.
"Alija Izetbegoviq, tha Dr. Jerkoviq, çdoherë ishte kundër robërisë serbe. Ai luftonte në shumë fronte fizike e psikike, jo vetëm me serbët, secesionistët boshnjak, një pjesë të popullit të hutuar, por edhe presionit të madh të bashkësisë ndërkombëtare, ata kanë bërë presion të vazhdueshëm para dhe pas luftës ndaj tij."
Si këshilltar i afërt dhe dëshmitar okular i rrjedhave politike të kohës sa ishte në udhëheqje Alija Izetbegoviq, përkujton fjalët e admirimit dhe përkrahjes së thellë për popullin e Kosovës. "Në Neoevolucionin e politikës së tij, hasen edhe qëndrimet e tij ndaj Kosovës. Kur kërkoi ndihmë personalisht nga vendet islamike dhe bashkësia ndërkombëtare për luftën për liri dhe pavarësi të popullit të Kosovës.



Fjala e rastit iu dha shokut revolucionar, të idealit dhe luftës, i cili nuk ju nda gjatë tërë jetës Alija Izetbegoviqit në rrugën për liri dhe pavarësi, Dr. Xhemaludin Latiq.

Pasi shprehu mirënjohje për organizatoret, shprehu gatishmërinë e tij, të pranonte, edhe përkthimin e memoareve të tij në gjuhën shqipe, memoare ku preken shumë segmente të jetës së Alija Izetbegoviq, të cilat nuk janë në librin "Kujtime".
"Historia është një grumbull i pamundësive, mirëpo All-llahu është pronar i historisë dhe e realizon atë", vazhdoi Dr. Xhemaludin Latiq. "Popujt myslimanë vetëm se e kanë marrë rrugën e demokratizimit dhe islamizimit të tyre. Hegeli, në historinë e Filozofisë së tij thoshte se, "Islami është tretur në letargjinë dhe margjinat e orientit dhe se duke iu falënderuar disa udhëheqësve krishterë në juglindje të Evropës, kanë mbetur disa enklava islame atje". "Jo, tha Latiq, ajo lindi një mendimtar si Aliun. Alija vërtetoi se nuk kanë mbetur vetëm disa enklava, por shkëndija që kanë rrezatuar Botën, me punën, veprat, idetë dhe luftërat e tyre".
"Myslimanet e rinj", një grup i të rinjve të Bosnjës, kanë marrë një leksion nga sureja Jusuf, kur e hedhin atë në bunar, por All-llahu e nxjerr atë dhe e bën udhëheqës të popullit". Ngjashëm ishte edhe historia e grupit "Myslimanët e rinj", në Bosnjë. Më tutje tha Dr.Latiq, se "në luftën e vështirë të Bosnjës ka pasur edhe gabime sporadike, kjo edhe është hije e natyrës njerëzore, duke cekur shembullin të cilin e merrte shpeshherë Alija, të cituar nga Malkom X, "Vetëm Zoti është i pagabuar, neve na takojnë vetëm gabimet".

Fjalën tjetër të rastit e kishte Sadik Jillmaz, letrar dhe studiues nga Turqia.
"Unë vij nga vendi i dytë i Mehmet Akifit (Ankara) pasi vendlindja e tij e pare ishte Peja, i cili siç e dini e ka shkruar himnin kombëtar të Turqisë. Sadaka më e madhe për një njeri është që qenien e tij t'ia përkushtoj Krijuesit të tij, ata në kuptimin simbolik janë dëshmor", duke aluduar në ajetin kuranor "Ata janë të gjallë, nuk kanë vdekur".
Myslimanët nuk pushtuan gjatë historisë së tyre, por ata çliruan. "Fet'h" d.m.th. "Çlirim", pra t'i bësh çlirim një vendi drejtë së vërtetës. Ashtu siç tregohet se Bogomilët i bën kërkesë Sulltan Mehmet Fatih "Ejani dhe na çlironi", Alija ishte i vetëdijshëm se e ka mposhtur armikun me drejtësi, devotshmëri dhe durim. Një urtak u thoshte nxënësve të tyre "Në traditën tonë ka zanate të ndryshme, vetëm dy punë nuk konsiderohen profesion, gjuetia dhe kasapi", kjo aludon në atë se mos u bëni vrasës dhe mbytës. Kapitalizmi ka zhvilluar teknologjinë por ka shuajt vlerat etike dhe morale, andaj pa bashkimin e këtyre vlerave, perëndimore dhe lindore ashtu siç i bashkoi Aliu gjatë jetës dhe udhëheqjes së vet, nuk do të ketë sukses, përfundoi ai.

I fundit të pranishmëve iu drejtua njeriu i cili ka bërë shumë për Alijan, ka shkruar sa libra për të, dhe ka realizuar intervistën e fundit para vdekjes me Alija Izetbegoviqin, intervistë e cila do të jetë udhrrëfim okular për çdo shkrues të biografisë së Izetbegoviqit, gazetari Hakif Emre.

Emre ndër të tjera tha: "Duke shprehur simpatinë dhe respektin për organizatorin, mikpritjen prizrenase dhe të pranishmit e shumtë sot dhe ju urojmë drejtpërsëdrejti Kosovën e Pavarur, mandej edhe promovojmë librin e një lideri i cili tërë jetën e tij e shkriu në shërbim të lirisë dhe pavarësisë njerëzore"
Dua të njoftoj se ky libër është përkthyer edhe në gjuhen turke dhe është emërtuar si "Dëshmitar i historisë". Si për koincidencë, libri është botuar të premten, ndërsa të dielën kemi marr lajmin për ndërrimin jetë të tij.
Duk vazhduar më tutje i emocionuar Emre tha "Alija ishte një lider i cili krijoi Historinë, ai ishte jo vetëm dëshmitar pasiv i saj po edhe krijues aktiv i saj. Bërja e historisë nuk u bë nga ai vetëm si komandant apo udhëheqës i popullit boshnjak, por edhe me idetë e tij. Pati njerëz të cilët patën guxim njerëzor, po asnjë lider nuk pati guxim së bashku me vizion sikur ai"
Dihet se kohën e fundit dhembjen më të madhe e kanë përjetuar popujt mysliman me histori të ndryshme dhe të shpërndarë larg gjeografikisht në harta.
Nën ndikimin e disa religjioneve të huaja, myslimanët nganjëherë janë hasmuar edhe mes veti. Aliu ka dhënë idenë në praktikë se si duhet të bashkohen popujt e ndryshëm. Alija është një lider i pashembullt dhe themelues i Bosnjë Hercegovinës, përfundoi Emre.
Para përfundimit, moderatori i këtij promovimi z. Mehmet Kalisi, fjalën përmbyllëse ia dha prof. Faik Miftarit.

Ai nder të tjera tha: Falënderoj AKEA dhe TIKA, lidhur me organizimin e konferencës madhështor dje në Prishtinë, kushtuar pesë vjetorit të vdekjes së Alija Izetbegoviqit, dhe për këtë promovim të librit të tij " Kujtime". Libër i cili me një përkthim të shkëlqyeshëm dhe përgatitje të lartë teknike, iu ka ofruar shoqërisë sonë në gjuhën shqipe. Po të mos ishte Alija, shteti i Bosnjës nuk do të formohej dhe as që do të ekzistonte. Ai ishte Degol i Bosnjës dhe maksima e tij ishte Islame. Këtë libër do ta preferoja për çdo kënd, student, intelektual, teolog, politikan dhe njeri i cili do të mësoj më shumë për përvojën e shkëlqyer të jetë së Alija Izetbegoviqit"
Dhe duke përfunduar fjalën e tij, ai citoi thëniet e Aliut nga libri " Kujtime":
"Kjo nuk është paqe e drejtë, por është paqe e pamundur në një kohë kur ka luftë të padrejtë por edhe paqe të padrejtë. Zotin e kemi dëshmitar se kemi bërë çdo gjë që është e mundur që të bëjmë shtetin tonë"

Në fund të promovimit u shfaq edhe intervista me Alia Izetbegoviqin, All-llahu e pranoftë prej robërve dëshmor të Rrugës të Tij.

Bashkim MEHANI & Rrahman FERIZI
21 dhjetor 2008, Prizren

[Drini_i_Zi]

Astronauti i parë që fali namazin e parë në gjithësi (vit 2007), malajziasi dr. Shejh Muzaffer Shukur, filloi formimin e Agjencisë kozmike islame.



Dr. Shukur thekson se dëshira e tij është që sa më shumë musliman të shkollohen dhe të përgatiten për astronaut dhe shumë prej tyre të udhëtojnë në gjithësi.

Astronauti malajzias përkujton se deri më tani në gjithësi kanë udhëtuar rreth 500 njerëz, prej tyre vetëm nëntë ishin musliman. Ai, më tej, ankohet në mungesën e arritjeve shkencore në vendet muslimane dhe shton: "Duhet ta dimë se ai që pushton gjithësinë, do ta pushtoj edhe tokën". Ai, gjithashtu, shtoi se SHBA-të dhe Perëndimi kanë arritur suksese të mëdha shkencore, ndërsa Kina, India dhe Korea jugore i janë bashkangjitur garës, dhe u bënë thirrje vendeve muslimane që të punojnë në krijimin e astronautëve të rinj.

Në lidhje me projektin e Agjencisë kozmike islame, dr Shukur është takuar me princin arab Bin Selmanin i cili e përkrahu këtë projekt.

Dr. Shukur është 35 vjeçar kirurg ortoped dhe muslimani i parë astronaut i cili ishte në gjithësi gjatë muajit Ramazan.

[Drini_i_Zi]

Lubjanë: Nënshkruhet marrëveshja për shitjen e truallit komunal për ndërtimin e xhamisë


Bashkiaku i Lubjanës Zoran Jankoviq dhe myftiu Nexhad Grabus të mërkurën nënshkruan marrëveshjen sipas së cilës 50.000 besimtar mysliman në Slloveni mund ta blejnë truallin për ndërtimin e xhamisë në Lubjanë.

Marrëveshja mes qytetit dhe krerëve të Bashkësisë Islame në Slloveni parasheh shitjen e truallit lokal me sipërfaqe më shumë se 11.000 metër katror për 4.7 milion euro. Bashkësia Islame e Sllovenisë obligohet që mjetet t'i paguaj në afat prej tetë ditësh.

Myftiu Grabus falënderoi Jankoviqin për angazhimin e tij që muslimanët slloven pas 40 vitesh nga kërkesa e parë fitojnë objektin e tyre të parë fetare dhe kulturor dhe shpreson që mjetet e nevojshme do të mblidhen në kohë të caktuar për t'u paguar në llogarinë komunale.

Por, ka prej tyre që kundërshtojnë ndërtimin e xhamisë së parë në Slloveni, ndërsa një këshilltar bëri të ditur se brenda një muaji do të tentoj t'i mbledh 11.500 nënshkrime të nevojshme që të mbahet një referendum. Jankoviq e kundërshton këtë ide dhe paralajmëroi se nëse vjen deri te organizimi i referendumit. Do të kërkoj shpjegim nga Gjykata e lartë.

[Archicad]

Shqipëtarët në Amerikë festojnë vitin e ri Hixhri

Viti i ri i hixhretit 1430 u shenua edhe ne Amerik.
E martë, 30 Dhjetor 2008 07:04



Komuniteti musliman shqiptar ne Kenosha te shtetit te Wiskonsinit, te dielen ne mbremje e shenuan ndrrimin e motmoteve sipas kalendarit islam me nji manifestim modest. Para nje numri te konsiderueshem te besimtareve te ketij komuniteti, per rendesine e ndodhise se Hixhretit ne historine Islame dhe ne arenen nderkombetare, ligjeroi Mr. Bashkim Aliu, i cili ne vecanti theksoi te arriturat e muslimaneve 1430 vjet pas hixhretit te Pejgamberit s.a.v.s. Mr. Bashkim Aliu ne ligjeraten e tij theksoi se eshte kenaqesi e vecante te flitet per kete ndodhi ketu ne Amerike, sepse praktikisht shihet se Islami ka arritur edhe ne kete toke te larget, ku jo vetem qe dihet per Islamin, por edhe dita-dites shtohet numri i muslimaneve. Ne vecanti duhet theksuar se per Islamin interesohen personalitetet e feve tjera.

Pas ligjerates, ne nje tubim marathon, te pranishmit parashtruan pyetje te ndryshme, si per hixhretin, po ashtu edhe per ceshtje tjera te muslimaneve te sotem.

Tubimi u hap me leximin e nje pjese nga Kur'ani te cilen e beri imami i Qendres Islame Shqiptare te Wiskonsinit, imam Ilaz Fetahu.

Eshte me rendesi te permendet se ne kete tubim prezentuan edhe nje numer i konsiderueshem i femrave.

Skedarët e Bashkëngjitur 113061