Lajme Nga Bota Islame !

[altin55]

Socialistë
Shpëtim Idrizi një nga figurat e rëndësishme në Partinë Socialiste, është një besimtar i devotshëm. Ai çdo vit ka mbajtur Ramazan, ndërsa këtë herë për shkak të detyrimeve të shumta politike nuk mundi. /

O Drini i zi a po bene hajgare me keto shkrimet apo ke vertet

[Drini_i_Zi]

Ekspozita Italiane për muslimanët që shpëtuan çifutët


Kjo ekspozitë e hapur gjatë tërë muajit shtator tregoi për muslimanët që ndihmuan çifutët gjatë luftës së dytë botërore

E diel, 05 Tetor 2008 09:37
Kjo ekspozitë tregoi për dy Boshnjak, tre Shqiptar, dy Turq dhe një Iranian që ishin në mesin e personave të cilët ndihmuan çifutët që ti shpëtojnë arrestimit dhe transferimit të tyre nga ana e Nazistëve për në kampet përqendruese gjatë luftës së dytë botërore.

Qëllimi i kësaj ekspozite ishte "luftimi i prirjeve të dhunshme dhe radikale qe fatkeqësisht po bëhen në emër të fesë e sidomos në emër të Islamit," tha Halid Qauk, drejtor i sajtit musliman në Itali Minareto.it.

Asociacioni i Rinisë Islame në Itali organizoi ekspozitën dhe një seri debatesh që u mbajtën në kuvendin historik të Santa Cecilias në qendër të Romës. / worldbulletin

[Drini_i_Zi]

U hap paralelja për femra


Driton ZENKU
Gostivar, 6 tetor - Në hapësirat e myftinisë së Gostivarit, të hënë dhe zyrtarisht filloi mësimi i paralelës së shtrirë për femra të Medresesë "Ise Behu" në Shkup. Në fillimin e procesit edukativ të paraleles, në vitin e parë janë regjistruar 18 nxënëse të regullta dhe nxënëse të tjera që mësimin do ta ndjekin me korrespodencë. Të pranishëm në inaugurim ishin Reis ul ulema Sulejman efendi Rexhepi dhe drejtori i Medresesë "Isa Beu" Ibrahim Idrizi. Në fjalimin e tij, Reis ul ulema Sulejman efendi Rexhepi, theksoi se hapja e paralelës së femrava të medresesë, është një ditë e madhe për qytetin e Gostivarit. "Është ndoshta dita me e ndritur e popullatës islame të Gostivarit me rrethinë. Kam bindjen e plotë se me stafin mësimdhënës që është përzgjedhur nga myftinia e Gostivarit dhe që ka marrë bekimin tonë, medresantet e reja do të arrinë që të aftësohon maksimalisht për përvetësimin e vlerave dhe njohurive të islamit", theksoi efendi Rexhepi. Sipas tij, në paralelet e shtrira për femra të medresesë "Isa Beu" në disa qytete të vendit, janë regjistruar 320 vajza, që sipas Rexhepit do ta luajnë rolin e një ushtrie në predikimin e vlerave si dhe kultivimin e kulturës shumë shekullore të islamit në vendin tonë. Kryetari i Bashkësisë Fetura Islame në Gostivar, Shaqir efendi Fetahu nënvizoi se hapja e paralelës për femra në qytetin e Gostivarit, paraqet një ditë të rëndësishme në historinë e islamit pasi që dhe zyrtarisht në Gostivar do të fillojë që në mënyrë institucionale dhe profesionale të mësohet mësim-besimi islam. "Në suaza të paralelës për ferma, është caktuar një koordinator si dhe kemi angazhuar 13 mësimdhënës", nënvizoi ai. Në ditën e parë të fillimit të vitit shkollorë, nxënëset e paralelës së femrave në Gostivar si orë të parë kishin lëndën e Kiraetit.

[Drini_i_Zi]

Prilepi s'guxon të ketë xhami


Fitim KRYEZIU
Shkup, 6 tetor - Bashkësia Fetare Islame e Maqedonisë ka reaguar kundër qytetarëve problematik të Prilepit, të cilët kontestojnë punimet për rindërtimin e xhamisë në këtë qytet. Besimtarët myslimanë të këtij qyteti, sipas BFIM-së, nuk do të heqin dorë nga ndërtimi i Xhamisë që ka ekzistuar edhe më herët e që u dogj në shenjë hakmarrjeje nga vandalistë maqedonas gjatë konfliktit të vitit 2001.
"Punëtorët që ndërtojnë Xhaminë e Prilepit në disa raste janë ndaluar nga popullata maqedonase të mos fillojnë ndërtimin. Kjo ka shkaktuar revoltë te besimtarët mysliman, por ne si Bashkësi Islame kemi kërkuar që të mos nxehen gjakrat e të veprohet me koka të ftohura, por nuk e di deri kur do të mund ti mbajmë kështu", ka deklaruar Afrim Tahiri, sekretar i Bashkësinë Fetare Islame. Sipas tij, nëse popullata e këtij qyteti vazhdon të sillën në këtë mënyrë, shumë shpejt mund të eskalojë gjendja. Bashkësia Fetarë Islame kërkon edhe më shumë angazhim nga pushteti lokal që të mundëson kushte për punëtorët, pasi janë siguruar të gjitha lejet për ndërtim. Ndërkohë, besimtarët mysliman të Prilepit vazhdojnë që lutjet fetare ti kryejnë në afërsi të xhamisë së djegur. Bashkësia Islame parasheh që këto ditë ti intensifikoj bisedimet me të gjitha organet kompetente për ndërtimin e Burmali Xhamisë që duhet të vendoset në sheshin Maqedonia të Shkupit. Sipas BFIM-së, edhe pse është dërguar kërkesë, Qyteti i Shkupit ende nuk jep përgjigje për të lejuar ndërtimin e kësaj xhamie. "Ka më shumë se dy muaj që kemi dërguar kërkesë deri tek Qyteti i Shkupit që ndërtimi i Xhamisë Burmali të futet në rend të ditës, por deri më tani nuk kemi marrë kur farë përgjigje. Ne me këmbëngulje do të kërkojmë që kjo xhami të kthehet në vendit ekzistues. Bisedimet tani i kemi orientuar në nivel më të lartë, ku kemi kërkuar takime zyrtare me ministrin e Transportit, por edhe me Qeverinë që kjo kërkesë e të gjithë besimtarëve islam të Maqedonisë të marr fund", thekson Tahiri. Ndërsa, nga Qyteti i Shkupit para lajmërojnë se ky institucion është kundër vendimit për ndërtim të çfarëdo objekti fetar në sheshin e Shkupi. "Qyteti i Shkupit është kundër planit detal urbanistik për ndërtim të çfarëdo objektesh në sheshin Maqedonia, për atë arsye iniciativën tonë e kemi dërguar për të kërkuar drejtësi nga gjykata. Deri sa të sillet vendim, nuk do të ketë kurrfarë aktivitetesh rreth kësaj çështje. Edhe Komisioni anti-korrupsion përkrah iniciativën e Qytetit të Shkupit", thotë zëdhënësi Lubço Pandillovski.

[Drini_i_Zi]

Mbulesa me uniformë lejohet në Norvegji


Forcat e armatosura, shërbimet shëndetësore, ato të publikut dhe të tatimeve, shkurt të gjithë thonë se lejohet të mbahet mbulesa për femrat që punojnë aty së bashku me uniformë.

E martë, 07 Tetor 2008 13:46
Ministria e shërbimeve policore tani është duke marrë parasysh se a mundet femra që mban mbulesë të fillon Akademinë Policore në Oslo, raporton Aftenbladet.no në lidhje me këtë.
Keltum Misum e mban mbulesën e saj dhe ka ëndrrën të behët police.

Në shërbimet tjera ku nevojitet uniforma, ajo do të mirëpritej me mbulesë. Ndërsa Akademia Policore vetëm se ka filluar të hulumtoj në lidhje me mbajtjen e mbulesës.

"Vendimi pas këtij hulumtimi ishte se të gjitha shërbimet ë tjera e pranuan mbulesën dhe me ketë nuk thyhen rregullat e uniformës,"thotë ligjëruesi Xhej Ganapati.


E lejuar

"Forcat do të lejojnë që anëtarët e kategorive fetare të mbajnë simbolet e tyre fetare, deri në atë mënyrë që të duken si anëtarë te forcave tona. Ne do të jua përgatitim uniformat sipas kërkesave speciale,"thotë Vegard Bratetajg nga Ministria e Mbrojtjes.

E njëjta gjë vlen edhe për spitalet, për shembull në Spitalin e Universitetit Stavenger punëtoret lejohen të mbajnë mbulesat e tyre në atë mënyrë që fytyrat të shihen.

Ndër to është edhe Asna Kadir nga Jorpeland.


Njerëzit e pranojnë

"Nuk kam pranuar ndonjë reagim negativ për mbulesën time, dhe me vjen mirë. Disa njerëz me pyesin pse e mbaj mbulesën, dhe unë përgjigjem se është pjesë e traditës fetare dhe identitetit tim. Njerëzit e pranojnë. Disa pyesin se a jam detyruar që ta mbaj mbulesën, dhe unë përgjigjem me "jo" , thotë Asna Kadir.

Në spitalin tjetër Universitar të Ullevallit punëtorët kanë mbulesat e tyre të me emblemë të Ullevallit ne të.

"Ne kemi mbulesat tona dhe jemi të kënaqura me to. Me vite të tëra ka motra medicinale që mbajnë mbulesën këtu, thotë drejtuesja e personelit, Anita Krosbi nga Ullevalli.

Në 2006 ky spital fitoi çmimin për diverzitet në punën e saj në integrimin e punëtorëve prej vendeve të ndryshme.

mesazhi

[fisniku-student]

Gjermani: Dita e xhamive të hapura


Më 03. tetor 2008, ditën e premte, xhamitë në mbarë Gjermaninë u kanë hapur dyert e veta jomuslimanëve për t'ju bërë të mundshme marrjen e informacioneve për islamin nga dora e parë.

Një aktivitet i tillë mbështetet në përvjetorin e Ditës së xhamive të hapura, e që këtë vit përputhet me 18 vjetorin e Ditës së bashkimit të Gjermanisë.

[Drini_i_Zi]

Islami nuk është mysafir në Evropë


Kryetari i Organizatës së Konferencës Islamike Ekmeledin Ihsanoglu thotë se Islami është në Evropë qe 14 shekuj dhe nuk është i huaj dhe se Islami nuk është një element plotësues i panevojshëm por është një element themelor i kulturës Evropiane.
E enjte, 09 Tetor 2008 08:59
Në një vizitë të këtyre ditëve në Helsinki pas ftesës nga Presidenti Finlandez Tarja Halonen, Ihsanoglu dha një ligjëratë të quajtur "Islami në Evropë." Duke theksuar së qellimi i ligjërimit të tij është ndalimi i përhapjes së Islamofobisë në Evropë, Ihsanoglu tha për agjensionin e lajmeve Cihan: "Ne mund të argumentojmë se Islami është element themelor i Evropës. Osmanlinjtë sunduan për pesë shekuj në Ballkan, dhe muslimanët sunduan për tetë shekuj në Andaluci. Përveç kësaj, 41 milion musliman jetojnë në Evropë tani. Pra Islami nuk mund të shikohet si element shtesë i panevojshëm për Evropën. Është njëri prej elementeve bazë të qytetërimit Evropian."

Duke theksuar së qytetërimi Evropian u ndërtua me kontributet e mëdha nga kultura Islame në shkencë, filozofi dhe vlerat humane, Ihsanoglu tha. "Në qoftë se pajtohemi me idenë se Islami është një element bazë i Evropës, perceptimi Evropian ndaj Turqisë do të ndërronte." Ihsanoglu tha se është një konfuzion për vendin e Islamit në Evropë. "Islami është në Evropë për 14 shekuj; dhe nuk është i huaj," shtoi ai.

Ihsanoglu gjithashtu tha se nuk është e drejtë të barazohen ata që merren me akte terrorizmi në emër të Islamit me vet Islamin, duke shtuar: "Ku e marrin ata lejen te kryejnë akte terrorizmi në emër të Islamit? Askush nuk e ka këtë të drejtë, as në fe e as në politikë."

www.worldbulletin.net

[altint71]

Gjermani: Dita e xhamive të hapura


Më 03. tetor 2008, ditën e premte, xhamitë në mbarë Gjermaninë u kanë hapur dyert e veta jomuslimanëve për t'ju bërë të mundshme marrjen e informacioneve për islamin nga dora e parë.

Një aktivitet i tillë mbështetet në përvjetorin e Ditës së xhamive të hapura, e që këtë vit përputhet me 18 vjetorin e Ditës së bashkimit të Gjermanisë.

ftografia e pare skadal shum mire si montim o fotomontim,i boj vet prandaj po ta deftoj

[fisniku-student]

Ja fotomontazha tjeter ,por nga kendveshtrimi tjeter...

[Drini_i_Zi]

Myftiu Tërnava priti fëmijët e Fshatit Ndërkombëtar

Sot në selinë e Kryesisë së Bashkësisë Islame të Kosovës, Myfti Mr. Naim Tërnava ka pritur drejtoreshën e “Fshatit Ndërkombëtar të Fëmijëve” në Prishtinë, znj. Remzije Krasniqi e cila shoqërohej nga 44 fëmijë parashkollor dhe edukatoret e tyre.
Myftiu Tërnava u njoftua nga drejtoresha e fshatit me punën që bëhen në edukimin e fëmijëve parashkollor. Gjithashtu drejtoresha e njoftoi Myftiun edhe me kushte që kanë fëmijët në kuadër të kopshtit.

Myftiu ka bashkëbiseduar me fëmijët parashkollor, ndërsa drejtueset e kopshtit i përgëzoi për punën që bëjnë në edukimin e fëmijëve.
Myftiu uroj që fëmijët tanë të kenë kushte të mirë dhe edukim adekuat. Duhet të bëjmë më shumë për edukimin e fëmijëve tanë, ngase këta janë e ardhmëria jonë.
Më pas fëmijët, të shoqëruar nga edukatoret e tyre vizatuan kabinetin e Myftiu dhe ambientet e xhamisë “Alaudin” në Prishtinë.