Lajme Nga Bota Islame !

[eldonel]

Doktori i filozofisë me origjinë serbe bëhet musliman.
E mërkurë, 20 Gusht 2008 23:50
Më 27 korrik 2008 - e diel, në lokalet e Xhamisë haxhi Qazim në Shkup erdhi një i panjohur me qëllim që para hatibit të kësaj xhamie Ahmed efendiut t'a shpreh shehadetin dhe të pranojë Islamin si fe të tij.

Në të vërtetë ai ishte një intelektual me origjinë serbe i cili që në kohën rinore jetonte në Gjermani. Bashkëshortja e tij ishte një myslimane nga një fshat i rrethit të Shkupit e cila së bashku me te dhe fëmijët e saj kishin ardhur tek hatibi i xhamisë së lartpërmendur me qëllim që edhe ajo të prezantojë në aktin e pranimit të islamit të bashkëshortit të saj.

Pas një bisede të gjatë me hafiz Ahmed efendiun dhe pas mendimeve që i kishin këmbyer ndërmjet vete, si në aspektin e filozofisë së përgjithshme, ashtu edhe në atë islame, deklaroi se vullnetarisht e pranon Islamin, ndërsa teologut të lartpërmendur iu kishte drejtuar me fjalët "Edhe pse unë jam doktor i filozofisë, ti do të jesh mentori im në islam".

Kjo ishte një kënaqësi dhe një rilindje e tij, që me pak fjalë e kishte shpreh myslimani i ri i cili për emër të tij e kishte zgjedhur emrin Ali.

Kjo është një shenjë që feja e Allahut asnjëherë nuk do të humbet, e ajo që është më me rëndësi, mund të thuhet se numri më i madh i atyre që kalojnë në islam, këtë e bëjnë nga pikëpamjet dhe qëndrimet e tyre logjike, intelektuale, madje edhe shkencore, e jo nga ndonjë qëllim tjetër. (Allahu e di më së miri).


Behxhet Jashari - Shkup

[eldonel]

Një libër kunderthënes ne lidhje me jetën e Profetit Muhamed u tërheq nga libraritë ne Serbi për qellim te largimit te konflikteve me pakicën Myslimane atje, thotë botuesi i librit.
E mërkurë, 20 Gusht 2008 12:59
'Margaritari i Medinës'", një novelë nga gazetarja amerikane Sherri Xhons, doli ne shitje me një Gusht, një jave para se te ndalohej edhe ne SHBA.

"Këtu ne Serbi ka treg për novela historike gjithnjë", thotë Aleksandër Jasiq, drejtor i shtëpisë botuese Beobook. "Nuk e kam menduar se do te jete ofenduese për dike"

Te dielën, dy jave pasi libri arriti ne libraritë Serbe, bashkësia Islame e Serbisë kërkoi për ndalimin e shitjes se librit. Deri atehere, ata kishin shitur 600 kopje, por shtëpia botuese pranoi te ndal distribuimin e 400 kopjeve te mbetura prej botimit fillestar.

Bashkësia Islame e Serbisë tha se novela, dhe veçanërisht detajet e përshkruara te lidhjes ne mes Muhamedit (a.s) dhe Aishes (r.a), i kane ofenduar ata.

Novela vështron jetën e Ajshes prej fejesës e deri ne vdekjen e profetit Muhamed.

"Jeta private është diçka qe ne duhet ta mbajmë për vetveten dhe askush nuk duhet te fol për te", tha Muhamed Jusufspahiq, imam i lartë ne Serbi.

Kjo sjelli një rikujtim te rasteve te mëhershme te paraqitjes negative te Islamit.

By Ivana Sekularac, BELGRADE (Reuteri)

Përktheu: Xhemail Grisholli

[eldonel]

Vullnetarët muslimanë në Kaliforni marrin pjesë në panairin shtetëror me shtandin për informata me emërtimin "WhyIslam".
E shtunë, 23 Gusht 2008 09:03
Duke shpërndarë fletushka, kopje të Kur'anit dhe duke iu përgjigjur pyetjeve lidhur me çështjet progresiste të islamit, muslimanët në Kaliforninë Jugore janë duke u përpjekur që të vendosin lidhje me shoqërinë më të gjerë në këtë panair shtetëror.

"Dëshirojmë të tregojmë se jemi pjesë e kësaj bashkësie" thotë Arshad Khan nga organizata Islamic Circle of North America (ICNA).

Vizitorët e panairit shtetëror në Kaliforni ( i cili mbahet prej 15 gushtit deri me 1 shtator) kanë rast të njihen më tepër rreth Islamit në saje të aktivitetit të këtyre vullnetarëve përmes shtandit "Përse Islami".

Në panairin të cilin do ta vizitojnë më se 900.000 vetë, muslimanët vullnetarë janë të gatshëm të përgjigjen në pyetjet e parashtruara, të shpërndajnë fletushka dhe kopje të Kur'anit.

Ky shtand është pjesë e projektit trevjeçar të organizatës ICNA me emrin "WhyIslam" , i cili fokusohet në vendosjen e lidhjeve me shoqërinë përmes kontakteve direkte me jomuslimanët në Kaliforninë Jugore, ku jetojnë më se 600.000 muslimanë.

Për shumë vizitorë, shtandi "WhyIslam", është rast i mirëseardhur për të marrë informata për islamin nga dora e parë.

„Nuk njoh asnjë musliman, ndërsa nuk mund t'i afrohem një njeriu që se njoh. " thotë Cindy Cassidy.

„Ky ka qenë rast shumë i mirë për mua t'i marrë informatat që më kanë interesuar".

Islambosna.ba

[eldonel]

Kosova fton vendet arabe ta njohin si shtet
Është mbajtur në Prishtinë konferenca ndërkombëtare, "Kosova dhe bota arabe", organizuar nga Forumi 2015.
E hënë, 25 Gusht 2008 17:54
Në të cilën kanë marrë pjesë përfaqësues të ndryshëm të shoqërisë civile dhe të medias nga bota arabe dhe përfaqësues të institucioneve, analistë dhe zyrtarë fetarë të Kosovës.

Në fjalën e tij, presidenti i Republikës, Fatmir Sejdiu, ka thënë se Kosova pret se vendet e këtij rajoni do te kenë azhuritetin që edhe këto shtete ta njohin pavarësinë e Kosovës në një kohë të shkurtër. Ndërsa, ministri i Jashtëm i Kosovës, Skënder Hyseni, ka thënë se diplomacia kosovare është duke punuar intensivisht për njohjen e shtetit të Kosovës. Ai e ka vlerësuar si shumë të rëndësishme për njohjen e Kosovës konferencën "Kosova dhe bota arabe".

Ndërkaq, intelektuali arab, Ridëan al-Sayed, ka thënë se njohja e shtetit të Kosovës nga shtetet arabe do të shërbejë si rast i mirë edhe për Arabinë, sepse do të mundësohej e drejta e vetëvendosjes edhe për popullin palestinez. Ai ka shtuar se njohja e pavarësisë së Kosovës do të ndikonte në zgjidhjen e raporteve kulturore në mes të Kosovës dhe vendeve arabe.

Ndërkaq, publicisti Veton Surroi ka akuzuar diplomacinë kosovare, e cila, sipas tij, është inekzistente. Sipas Surroit, Kosova nuk ka një aktivitet të duhur në politikën e jashtme dhe nuk ka vizion të politikës së jashtme.

Konferenca me titull "Kosova dhe bota arabe" e cila është organizuar nga Forumi 2015" synon përmirësimin e imazhit të Kosovës në shtetet arabe. /ktv/

[eldonel]

Dilema e namazit të së Premtes në Milano
Muslimanëve të qytetit verior Italian të Milanos, u mbeten vetëm edhe një muaj për të gjetur një vend tjetër për të praktikuar namazin dhe lutjet e së Premtes.

"Neve na është lejuar shfrytëzimi i stadionit vetëm deri në fund të muajit Shtator," pohoi Ahmedi, qytetari dhe aktivisti Musliman nga Milano.

"Pastaj, ne do të duhet të gjejmë një vend tjetër për namazin e së Premtes."
Vështirësitë filluan një muaj më herët, atëherë kur bashkia urdhëroi qendrën kulturore Islamike, xhamia e së cilës ishte një ish garazhdë, që vizitohej nga 4000 Musliman çdo të premte për mëse 20 vite, të zhvendoset jashtë qyteit.
Vendimi erdhi pas ankesës së banorëve, se namazi i përbashkët shkaktonte parregullsi publike dhe bllokim trafiku.

Nga atëherë, Muslimanët janë lejuar të përdorin stadionin, e konvertuar në xhami të improvizuar, për një qmim prej 5,000 € në javë, ku 4,000 € pagohen nga bashkia dhe e mbetura nga Muslimanët.

Bashkia ka deklaruar se stadioni mund të përdoret vetëm 4 herë në muaj, kurse çdo vizitor do të duhet të paguaj në hyrje.

Edhe më keq, vendi do të jetë në dispozicion për përdorim nga Muslimanët vetëm deri në fund të Shtatorit.

Në Itali jetojnë rreth 1.2 million Musliman, përfshirë 20,000 të konvertuar, sipas parashikimeve jozyrtare.

Islami është feja monoteiste, më së paku e representuar kundrejt feve tjera në koridoret e fuqisë së Romës.

Muslimanët ankohen se gjetja e një vendi tjetër për të praktikuar namazin e së Premtes, nuk është fare detyrë e lehtë.

Ahmedi, pohon se vendi më i lirë për këtë praktikim në qytet, kushton afro 15 million €.

Muslimanët e shohin këtë krizë të faljes së namazit të së Premtes si pjesë e një problemi më serioz për komunitetin.

www.islamonline.com

[auloni2008]

Allahu ju shperbleft per keto informata
Selam

[eldonel]

Në mesin aktivistëve të paqes, të cilët me dy anije thyen embargon izraelite dhe hynë në Gazza, ishte edhe izraeliti Jeff Halper i cili deklaroi se popullsia në Gazza nuk është e vetmuar.

Vetëm para pak kohe dy anije të nisur nga Qiproja përplot me humanist nga 17 vende të ndryshme të botës arritën të thyejnë embargon izraelite dhe të hyjnë në Gazza. Në mesin e aktivistëve ishte edhe Profesori Jeff Halper, izraelit, i cili kritikoi lëvizjet paqësore të Izraelit për neglizhencë në pjesëmarrje.

Eksperti i shkencave sociale dhe njëkohësisht anëtar i Komisionit për të ndaluar rrënimin e shtëpive në Izraeli, Jeff Halper pretendon se vizita e tij në Gazza dëshmon se palestinezët në Gazza nuk janë të vetmuar.

Profesori ebreit tregon se qëllimi kryesor i vizitës së tij në Gazza ishte thyerja e embargos izraelite në këtë vend si dhe apelimi ndaj pushtetit Izraelit mbi përgjegjësinë ndaj të gjitha veprave që i bën kundër popullsisë në Gazza. "Unë do të mundohem maksimalisht të kontribuoj në përmirësimin e situatës së njerëzve në Gazza" deklaroi profesori Halper.

Halper pretendon se shkuarja e tyre në Gazza së bashku me aktivistë të tjerë nuk ka pasur një synim simbolik, por ka qenë një hap serioz për të krijuar një kanal në mes të Gazzës dhe Botës "Ftoj bashkësinë ndërkombëtare të kryej përgjegjësitë e tij dhe të kundërshtoj në mënyrë të qartë okupimin në Gazza" thotë Halper.

Halper kritikoi edhe Ligën Arabe, ku sipas tij, kjo organizatë harroi premtimin e dhënë palestinezëve në Gazza për përfundimin e embargos izraelite në këtë vend. Ai njëkohësisht kritikoi edhe Qeverinë Autonomë Palestineze në Sherian perëndimorë për qëndrim jo korrekt ndaj aktivistëve të paqes.

[eldonel]

"Misioni ynë: të paraqesim frymën e vërtetë islame, e cila thërret në mirëqenie, tolerancë, mirëkuptim dhe respekt të ndërsjellë."
- Xhamia "Mëshira" dhe VIOKL





Nuk është thjesht një moto që jehon, por besim dhe vendosmëri. Jetë prej së cilës fitohet jetë. Të udhëhequr nga bindja e fortë në pastërtinë dhe bukurinë e Islamit, po valojnë flamurin e krenarisë Bashkësia Kulturore Islame "Mëshira" dhe prijësit e Komunitetit Muslimanë në Lucern, të cilët kanë zgjedhur një mision të vështirë, por mision që nuk mund të përfundojë ndryshe vetëm se me ngadhënjim. Një premtim i dhënë nga Zoti i çdo gjëje!

Kështu kur muslimanët ndeshen me një mënyrë tjetër të jetesës, apo kur ndiejnë madhështinë dhe bukurinë e Islamit përballë një kulture tjetër - e cila përderisa absorbon mësimet islame, të tjerëve, e në veçanti shoqërisë islame, u servojnë të mbeturat e aventurave të tyre të dështuara,- kapen edhe më fuqishëm për fenë e pastër, Islamin.

Mendimi se shumica mund pakicën, sepse numëron më shumë në njerëz, i kushtoi shumë muslimanëve, qysh pas betejës së Bedrit, përkatësisht në Uhud. Një shoqëri ngrihet dhe njihet nëpërmjet vlerave e jo të natalitetit të asaj shoqërie. Pra, megjithëse kjo bashkësi islame në Lucern numëron pak në numër, punën që bën, është për t'u admiruar.

* * *

Zvicra një vend i vogël, përafërsisht sa Kosova bashkë me Luginën e Preshevës dhe Shkupin e Tetovën, por aty vetëm një kanton i saj ndoshta punon sa tërë Kosova bashkë me trevat përreth saj! Volumi i shfrytëzimit të kohës në punë ndonjëherë më linte një përshtypje të hidhur e thosha: këta punojnë sikur do të jetojnë në këtë botë deri në amshim; por më vonë kuptova se, ndjeshmëria për kohën është e lartë, e më erdhi në mendje kaptina kur'anore Koha!

Megjithëse aty rendi dhe ligji adhurohet vetëm për një arsye: jetesë të sigurt dhe të qetë; me përjashtim të atyre që besuan Allahun, bën vepra të mira, porositen për të vërtetën dhe këshillohen për durim, pa mëdyshje që, përveç kësaj jete, kanë dhe Jetën e Amshueshme!



Fatkeqësi! Jo pse në rendin shoqëror dhe ligjet zvicrane dominojnë tërthorazi mësimet islame, por pse muslimanët pengohen të shijojnë atë që shijojnë vetë zvicëranët në tokën e tyre.

* * *

Fatmirësi! Muslimanët shqiptarë, zemrat e të cilëve janë më të forta se kalatë, e që brenda tyre e ruajnë Islamin, duke iu përgjigjur me urtësi dhe durim sistemit e ndrojtur që i rrethon, po hapin me dëlirësi dritaret e asaj kalaje që njëherazi edhe po përhapin rrezet e diellit islam edhe në këtë qytet të lashtë dhe historik të Zvicrës, në Lucern.

Këta burra shqiptarë emigruan nga vendi i tyre për arsye të ndryshme, si shumë shqiptarë të tjerë. E veçanta e këtyre, për të cilët po flasim, se me të ardhur këtu, me gjithë luksin që u afroi ky vend, bashkë me largimin e tyre nga vendlindja, me vete bartën fenë dhe traditat e tyre dhe iu qëndruan besnik emanetit të të parëve të tyre.

Lucerni është kanton në qendër të Zvicrës. Si qytet, është ndër më të frekuentuarit nga shtegtarët anekënd botës. Edhe këtu gjeta mjaft shqiptarë. E tërë Zvicra numëron afërsisht 300.000 shqiptarë. Sado që të jenë, numri në njerëz, siç dihet, nuk ka aq rëndësi, sa kanë vlerat që bartin dhe ruajnë.

Shoqëria Islame në Lucern, në veçanti ajo shqiptare, mund të radhitet ndër më të organizuarat në Zvicër, gjykuar në frymën politike të kësaj province, po ashtu në ecurinë e shpejtë të proceseve. Ajo që më ka bërë më së shumti përshtypje, është përpjekja e vazhdueshme për t'i hapur muret e xhamive të improvizuara dhe haptazi të thirret nëpërmjet urtësisë dhe këshillës së bukur në fenë e pastër Islame!

Presidenti i Komunitetit Muslimanë në Kantonin e Lucernit (VIOKL), Abdulnaser Çallaku [1], i emëruar që nga viti 2006, na dha sqarime të hollësishme rreth objektivave të institucionit që ai udhëheq dhe për shumë çështje tjera në lidhje me komunitetin muslimanë të Kantonit të Lucernit:

"Ndër objektivat parësore të këtij institucioni është "riorganizimi i bashkësive islame të të gjitha kombësive" të cilat jetojnë dhe veprojnë në Kantonin e Lucernit; unifikimi i veprimeve dhe aktiviteteve politike-ekonomike-kulturore islame; të jetë një kulm i përbashkët për të gjithë muslimanët e Lucernit; të kenë një gjuhë të përbashkët; të kenë një emërues për artikulimin e qëllimeve dhe sfidave kundrejt qarqeve zyrtare zvicrane; koordinimi i punëve të përbashkëta brenda bashkësive islame, të cilat vijnë prej vendeve të ndryshme të botës.

Sfiduese brenda shoqërisë islame në Lucern, shihet mos akordimi i botëkuptimeve rreth proceseve të integrimit, apo rrjedhojave në vend dhe kohë. Ndërsa VIOKL si institucion synon të flakë barrikadat të cilat pamundësojnë grumbullimin e energjive për të qenë unik përballë sfidave që i paraqiten komunitetit musliman në Lucern. Prandaj, VIOKL-i e sheh si domosdoshmëri që të ketë në radhë të parë një dialog të brendshëm musliman, që sa më shumë të koordinohet dhe akordohet veprimtaria e tyre.

Vërtetë është mburrje të kesh njerëz të cilët jo vetëm që krenohen me islamin e tyre, por, madje edhe i thërrasin të tjerët, jo muslimanët, që t'u tregojnë atyre se sa krenar janë me islamin. Ja, se ndër aktivitetet më të ngjeshura të Komunitetit Musliman në Lucern, është dialogu ndërfetarë që zhvillohet me personalitete religjioze të Lucernit dhe më gjerë. Po ashtu ndërmjetësues i vlerave islame edhe në institucionet oficiele të këtij Kantoni.

VIOKL-i si institucion islam organizoi me sukses një ekspozitë islame në vitin 2004, në Shtëpinë e Ekspozitave (RotHaus) në qendër të Lucernit. Kjo ekspozitë qëndroi e hapur për vizitorë plotë 5 javë, e cila tërhoqi vizitorë dhe të etur për të vërtetën më shumë se 13.000 vendas dhe të huaj.

Në nëntor 2005, pas shumë mundimesh dhe peripecish, Parlamenti i Qytetit aprovoi kërkesën e Komunitetit Musliman për të pasur një truall ku do të varrosnin të vdekurit muslimanë.

Që nga viti 2005 vazhdojnë sot e tutje përpjekjet për ndërtimin e një Qendre Islame në Qytetin e Lucernit, e cila duke qenë kulm i përbashkët për të gjithë muslimanët, do të ishte edhe një vend ku islami do të predikohej haptazi dhe, të komunikohej me të gjithë ata që duan të njohin realitetin dhe të vërtetat rreth Islamit dhe muslimanëve.

VIOKL-i ka prani të vazhdueshme në mediumet zvicrane. Ky institucion nuk është dakord me xhami të improvizuara nëpër bodrume e qorrsokake. Do që, edhe bashkësisë islame t'i njihet e drejta për predikimin e fesë së saj në liri të plotë dhe të hapur ndaj të tjerëve. KMKL vazhdimisht është në kërkim të lejes për të pasur një vend ku do të ngrihej një Xhami nga themeli. Lajmi më i freskët, i cili na vjen pas kontakteve dhe angazhimeve të Komunitetit Musliman të Lucernit, lexuam se në gazetën ditore të Lucernit NLZ (Nueu Luzerner Zeitung) më 25 Janar, 2008, shkruante, se, Presidenti i Qytetit të Lucernit citohet të ketë thënë: "Nuk përjashtohet që Kisha Maria hilf Kirche të shndërrohet në Xhami."

"Jemi në bisedime të vazhdueshme dhe është bërë kërkesa me shkrim që kisha e sipërmendur t'i jepet Komunitetit Musliman të Kantonit të Lucernit për shfrytëzim, ose t'i lëshohet leja për një vend ku do të ngrihej një qendër islame. Qëllimi parësor i kësaj qendre do të ishte shtyrja përpara të proceseve integruese të shoqërisë islame në Kantonin e Lucernit", shprehet presidenti i KMKL-së, Abdulnaser Çallaku.

Komuniteti Musliman si barrikadë për ecurinë normale të proceseve integruese frymën ekstreme që përfaqëson SVP (Partia Popullore Zvicrane). Kjo parti ka qenë pengesë e vazhdueshme për shumë projekte, megjithëse disa prej tyre KMKL-ja ia ka dalë me sukses t'i realizoj, por disa prej tyre ende vazhdojnë të jenë pengë e kësaj fryme politike.

"Ne, me ndihmën e Allahut arritëm të sigurojmë një truall për varrezat e muslimanëve këtu në Lucern, realizuam, siç u përmend më lartë edhe ekspozita 5 javësh. Jemi duke punuar edhe për të fituar të drejtën e ngritjes së minareve.", thotë Çallaku.

Partia Popullore Zvicrane (SVP) pas përpjekjeve të vazhdueshme dhe këmbëngulëse të udhëheqësve të KMKL-së për legalizimin e kërkesave të tyre, paralajmëron për organizimin e një referendumi gjithëpopullor në Zvicër, kështu me qëllim për shtypjen e përpjekjeve të tyre. E, dihet se, organizimi i një referendumi të tillë, mund të ishte një goditje e rëndë përballë muslimanëve, shtuar këtu edhe lojën manipuluese të kësaj partie dhe të mediumeve.

VIOKL (Komuniteti Musliman i Kantonit të Lucernit) si institucion ka bashkëpunim të ngushtë me Universitetin e Lucernit, po ashtu me Universitetin e Sarajevës. Në këtë bashkëpunim gërshetohen aspiratat për ngritjen e një institucioni edukativo-arsimor islam në Kantonin e Lucernit.

Shoqëria islame kudo në Evropë përpiqet që të arrij të jetoj si pjesa tjetër e shoqërisë; e lirë të ushtroj bindjet dhe ndërgjegjen e saj fetare. Pra, integrimi i muslimanëve. Edhe në Zvicër, elita e muslimanëve, disa më pak e disa më shumë, lëvizin në këtë drejtim: integrimin e muslimanëve bashkë me identitetin e tyre fetar.

Rreth integrimit të muslimanëve, shprehet teologu i shquar shqiptar, Petrit ef. Alimi [2]: "Filozofia praktike rreth strategjisë për integrim aktiv të muslimanëve në drejtim vertikal, nënkupton zyrtarizimi i bashkësisë islame, si komunitet me fe zyrtare dhe shtetërore, në anën tjetër, me krijimin apo me ndërtimin e infrastrukturave bashkëkohore xhamitë të cilat duken, të hapura për rrethin dhe shoqërinë, krijohet një model i jashtëzakonshëm në proceset shoqërore në një kanton ku muslimanët kanë shansin t'i ndërmjetësojnë vlerat e Islamit."

Sipas Alimit, janë tri forma të integrimit: 1. izolim; 2. asimilim dhe; 3. participim. Ai mendon se muslimanët po mbetën pasiv dhe të izoluar kundruall proceseve vendore dhe atyre globale, mbesin edhe jashtë ombrellës së shoqërisë së mirëfilltë islame, që do të thotë, jashtë begative të Allahut të Madhërishëm. "Është begati të jetosh si musliman në Zvicër, për arsye se në këtë vend sundon rendi dhe ligji", shprehet teologu, Alimi.

"Neve muslimanëve në Zvicër na mbetet emaneti i Zotit, që ta pasurojmë kulturën zvicrane me vlerat islame; besimin në një Zot, tolerancën dhe koekzistencën, dimensionin spiritual dhe shkencor - sepse të jetosh për Allahun, do të thotë në Islam: "të jetosh i nënshtruar ndaj Allahut, në paqe me vetveten dhe të tjerët", siç thotë Gothe, shprehet Alimi.

Me besim të plotë shprehen Abdulnaser Çallaku dhe Petrit ef. Alimi, se "Sot muslimanët i kanë rrethanat e volitshme, posaçërisht muslimanët evropianë, që ta shpëtojnë vetveten dhe të tjerët."

Nuk mund ta përfundoj këtë letër, pa vënë në theks një frazë që shpesh e dëgjoja prej Abdullah Çallakut (i njohur si: Aga Dullë), se: "Muslimani duhet të jetë i gatshëm çdoherë që prej tij kërkohet diçka për Allah, qoftë edhe me flijim dhe vetëmohim!"





Ashtu qoftë!





Avni Tafili
15 Shkurt, 2008, Lucern

[titi-a]

BOTA PO KTHEHET DREJTË ISLAMIT



Profeti sal-lallahu alejhi ve sel-lem ka thënë: ''Sdo ketë shtëpi qoftë ajo në shkretëtirë apo në qytet veçse Islami do të hyjë në të…" Kjo është një profetësi që ne e shikojmë se po vërtetohet dhe duket se është kjo koha e duhur për të cilën bëhet fjalë, do të shohim se si vërtet bota po i kthehet Islamit.

Islami, feja që sipas statistikave është feja e cila po përhapet me ritmin më të shpejtë në gjithë botën tregon pa dyshim për vërtetësinë e saj. Është feja e çdo moshe, vendi dhe në përputhje me natyrën njerëzore. Islami është feja që përputhet me të vërtetat e shkencës, kjo është dhe arsyeja përse shumë shkencëtarë janë kthyer në Islam kohët e fundit. Shumë prej fakteve shkencore që kanë qenë zbuluar dhe po zbulohen janë gjetur të përmendura qartë në Kur’anin e Shenjtë dhe në hadithet e Profetit sal-lallahu alejhi ve sel-lem, kjo patjetër që forcon besimin në All-llahun dhe ngrohë zemrat e gjithë besimtarëve. I fton në besim dhe ju tregon si të drejtohen në rrugë të drejtë jobesimtarëve.
Dikush mund të habitet përse skllevërit dhe të varfërit në kohën e Profetit sal-lallahu alejhi ve sel-lem e pranuan Islamin pavarësisht nga turturat dhe presionet e vazhdueshme të zotërinjve të tyre… Çfarë i shtyu ata drejtë Islamit? Si ikën muslimanët e parë nga Meka në Medine duke lënë çdo gjë që posedonin? Po tani çfarë po i shtyn drejtë Islamit jo vetëm të varfërit dhe njerëzit e thjeshtë, por dhe shkencëtarët?
Ja përse ndodh kjo, do tju tregojnë disa prej komenteve të shumta mbi Islamin nga njerëz të njohur të historisë botërore.
Lexoni opinionet e disa prej shkencëtarëve që u habitën nga Kur’ani.
Profesor Keith Moore, një nga shkencëtarët më të suksesshëm dhe me influencë në fushën e anatomisë dhe embriologjisë në Universitetin Toronto të Kanadasë thotë: Ka qenë një kënaqësi e madhe për mua shpjegimi i argumenteve Kur’anore që flasin për krijimin e njeriut. Mua më është bërë e qartë që këto argumente që Profetit Muhamed i kanë ardhur nga Zoti (All-llahu), sepse kjo dituri dhe faktet shkencore nuk janë zbuluar veçse shekuj më vonë. Për mua kjo është provë se Muhamedi ka qenë i dërguar nga All-llahu.
Profesor Palmer, shkencëtar Amerikan."Kemi nevojë ti kthehemi kërkimeve të historisë së Lindjes së Mesme për të marrë vesh se nga i dinë ata gjithë ato fakte historike, të cilat janë të vërteta. Nëse s’ka ndonje burim reference që i ka regjistruar ato, atëherë kjo shton besimin se Zoti ia ka transmetuar këto Muhamedit, transmetime të tilla janë zbuluar prej nesh të jenë të vërteta vetëm në kohët e fundit. Ju ftojmë për një dialog të vazhdueshëm në çështjet që kanë të bëjnë me Gjeologjinë. Shumë faleminderit.''
Profesor Armstrong, shkencëtar në NASA. ''Jam shumë i impresionuar kur shoh se si shkrime kaq të vjetra (ka për qëllim Kur’anin dhe Hadithet) janë në përputhje të plotë me zbulimet e kohëve të fundit në shkencën e Astronomisë. Patjetër që këtu fshihet diçka përtej asaj që ne kuptojmë me eksperiencë njerëzore.''
Profesor William W. Hay, është një ndër shkecëtarët më të njohur të marinës në SHBA në veçanti përsa i përket fotografive me anë të sateliteve etj, Profesor Hay thotë: ''Është shumë interesante që informacionin, të cilin e shoh gjendet në Kur’anin e Shenjtë mendoj se është tepër interesante shpjegimi i disa referencave ende të pa zbuluara nga ne. Mendoj se ekziston Një Qenije e Shenjtë, Zoti.''
Shkrimtari Gorge Bernard Show ka thënë: ''E kam vlerësur me rrespekt të madh fenë e Muhamedit për shkak të vitalitetit të mrekullueshëm që ka ajo. Për mua është e vetmja fe që ka forcën për ta ndihmuar njeriun të përballet me çdo stinë të moshës së tij. E kam studiuar këtë burrë të veçantë dhe për mendimin tim në vend se ta quajnë disa njerëz antikrisht duhet ta quajnë Shpëtimtarin e njerëzimit. Kam besim të plotë se nëse një njeri si ai do të merrej me problemet politike dhe Diktaturat e kohës së sotme do ti kishte zgjidhur ato dhe do të kishte sjellë paqe dhe lumturi në botë. Unë parashikoj se besimi i Muhamedit do të pranohet në Europën e së nesërmes siç po pranohet ne Europën e ditëve të sotme.”
Lamartine, në librin Historia e Turqisë. vol 11 faqe 276-277, shprehet kështu: ''Themeluesi i 20 empireve tokësore dhe një empiri shpirtëror, ky është Muhamedi. Kam vetëm një pyetje, përsa i përket standarteve me të cilat mund të matet madhështia e një burri kush mund të jetë më me famë se ai?''
Profesor Tagata Tagasone, themelues i departamentit të Anatomisë dhe embriologjisë në Universitetin Shiang të Tailandës, aktualisht drejtor i universitetit të mjeksisë. ''Besoj se çdo gjë e sjellë në Kur’an 1400 vjet më parë ështe e vërtetë dhe kjo vërtetohet me argumente nga shkenca. Dihet që Profeti Muhamed nuk dinte të shkruante e të lexonte ai ishte profeti që erdhi me të vërtetën, e cila iu shpall atij nga Ai që është Krijuesi, Zoti i vërtetë. Ky është All-llahu, unë mendoj se është koha për të dëshmuar Laa ilaahe il All-llah. Askush se meriton të adhurohet me të drejtë veç All-llahut, dhe se Muhamedi është i Dërguari i Tij''.
''Kam lexuar për Islamin dhe për librat tjerë fetarë dhe të gjithë librat e shenjtë të feve të mëparshme dhe mendoj se ajo që gjeta ne Kur’an ështe persosshmëria. Kur’ani në krahasim me librat që kam lexuar ështe si Dielli. Jam i bindur se kushdo që e lexon Kur’anin duke synuar gjetjen e të vërtetës në të inshallah do të bëhet musliman''. Saifudin.Dirk Walter Mosing.U.S.A.
"Islami është feja që po rritet me ritmin më të shpejtë në SHBA, një zgjedhje dhe shtyllë stabiliteti kjo për shumë shtetas Amerikan… ''Hillary Rodman Clinton, Losangelos Times, 31maj 1996 faqja 3 e kësaj gazete.
''Sa më tepër që studiojmë për Islamin dhe zhvillimin e kësaj feje, aq më madhështore shfaqet. Të gjitha fetë e mëparëshme e triumfuan me përpjekje të mëdha dhe kur udhëheqësit e tyre pranuan besimin, Islami triumfoi më lehtë dhe me ndihmën e mrekullive që dërgoi All-llahu saqë gjatë dy gjeneratave kaloi nga Pirenej në Himalaja dhe nga shkretëtirat e Afrikës deri tek ato të Azisë. A.M.L.Stoddard. Marrë nga libri: ''Islami, feja e të gjithë profetëve. faqja 56. Autori: Begum Bawai.

Marrë: nga Enciklopedia e Mrekullive të Kur’anit
Përktheu:
Ummu Uvejs
9 gusht 2008

[titi-a]

Artistja dhe udha e saj drejt dritës
Es-selamu alejkum ve rahmetullahi ve berekatuhu: Motra juaj, Emet All-llah, muslimane kanadeze, mirrem me artin e ngjyrosjes të xhamave.
Kam filluar udhën time drejt Islamit qysh para dy vjetësh apo pak më shumë, pikërisht në një prej netëve të shkurtit të vitit 2003, kur isha vetëm në shtëpi. Më erdhi në mendje xheneti dhe zjarri, vendbanimi i njeriut dhe udhëtimi i tij në këtë dunja. Dhe përfundimi i tij në fund. Mendova se njeriu mund të jetojë pak, prandaj duhet që të bëjë diçka për përfundimin e tij, e të bëjë çështë e mundur që të ndihmojë të tjerët. Gjithashtu duhet që të adhurojë All-llahun si Krijues. Fillova të qaja dhe të falesha namazin e të krishterëve, dhe e luta All-llahun që të më ndihmojë që ta (shërbej atë) gjatë gjithë jetës që më ka mbetur. Vendosa që nga ky moment të bëhem katolike e sinqertë.
Mendova të studioj Ungjillin, dhe të lidhem më shumë me kishën. Pastaj mbasi qava gjatë dhe ndjeva se u afrova drejt All-llahut, shkova të flej.
Dy ditë mbas kësaj ngjarje, ra zilja e derës (nuk kisha dëgjuar për Islamin akoma porse kisha dëgjuar për muslimanët, dhe nuk kisha takuar asnjë musliman apo muslimane më parë).. pashë para syve një grua muslimane e veshur me hixhab. Mendova se kjo veshje është nga zakonet dhe traditat e vendit të saj, dhe kultura e këtij vendi. Kërkoi prej meje xham të vizatuar me zbukurime Islame. Ngaqë nuk dija zbukurime Islame fillova të kërkoja për to në Internet.
Kur e shkruajta emrin "Islam" në katrorin e kërkimit më dolën disa faqe Islamike. Fillova ti lexoja e i harrova zbukurimet!! Fillova të kërkoja më shumë, e të mësoja, ndjeva se kjo është fe e saktë. Besova se ka vetëm një "ZOT" porse nuk kisha dëgjuar më parë për të Dërguarin e All-llahut, salall-llahu alejhi ve selem. Ndjeva kënaqësi të pakufishme dhe lumturi të papërshkruar, dhe dëshirë për lexim sa më shumë, ku nuk munda të përmbahem.
Menjëherë bleva disa libra; një kopje nga Kur'ani dhe përkthime të tij. Më afruan shumë ato çka i lexova për Islamin për të cilën falënderoj All-llahun.
Pa kaluar akoma muaji maj i të njëtit vit mora në telefon një prej xhamive, ku me pak frikë shkova të shfaq Islamin, në të cilën xhami dëshmova dy dëshmitë e vërteta (sehadetin). Takova atje një prej thirrësve e cila më dha tefsirin e xhuzit të 30-të të Kur'anit, dhe një lipër të shpjegimit të akides Islamike. Dola nga xhamia sikur kisha lindur për së dyti. Muslimane pa asnjë gabim apo gjunah, ky është rast në favorin tim që të jetoj nën bindjen e All-llahut dhe ta adhuroj me adhurimet më të mira.
O sa e mrekullueshme është të gjesh të vërtetën dhe o sa madhështore është kjo fe!!
Qysh në hapin e parë të futjes në Islam, ndjeva se mora përsipër detyra të reja dhe përgjegjësi të mëdhaja, ndaj vetes fillimisht, e ndaj të tjerëve së dyti. Që ti shpëtoj nga tmerri i errësirave...
Fillova që të njihja farzet e Islamit, e të mësoj abdesin, pastrimin, namazin dhe hixhabin sipas sheriatit. Namazin e fal rregullisht qysh në futjen në Islam velilahil hamd vel min-neh.
Jetoj në një qytet të vogël prandaj kur dilja me hixhab tërhiqja vështrimet e të tjerëve, më kujtohet se e vishja hixhabin e pak flokë më dukeshin e vendosja të kuq buzësh lehtë.
Në fillim më zuri frika nga fjalët e njerëzve në qytetin tim, e kur u ktheva në shtëpi: hapa librin (mësimi i akides islame), në të cilin lexova se njeriu nuk duhet të ketë frikë vetëm se prej All-llahut të madhëruar. Në momentin kur e lexova këtë më zuri një lumturi e madhe sepse e mësova se duhet të kem frikë vetëm prej All-llahut të madhëruar, Zotit të botrave e mos të frikësohem prej fjalëve të askujt prej njerëzve. Qysh nga ky moment e vesha hixhabin plotësisht me gjithë nikab (perçe). Edhe pse jetoj në këtë qytet të vogël, ku nuk ka shumë myslimanë e ku veshja ime e nikabit konsiderohet shumë e vështirë, e kërkon vullnet.
Porse, Elhamdulilah, munda që tia dal mbanë, sepse unë fillova që të mos ua vëj veshin disa komenteve të kota me të cilat tallen me mua. Pra falënderimi i takon All-llahut i Cili më zgjodhi dhe më ndihmoi që të jem robëreshë e Tij dhe të përfaqësoj fenë e Tij të pastër.
Me ndjejën se tani përfaqësoj Islamin në fshatin tim, u shtuan përgjegjësitë. Kalova një kohë të gjatë në studime. Nga fundi i muajit qershor takova një grup motrash, i ndërtuar ky takim nga ftesa që më bëri një motër të cilën e takova në xhami ditën që shfaqa dëshminë. Ma çoi ftesën nëpërmjet postës elektronike (e-mail-it) për të marrë pjesë në një festë islamike. Mora pjesë dhe e takova motrën e cila ishte shumë bujare. Më ftoi që të merrja pjesë në disa mbledhje islamike në shoqërimin e saj.
Dhe ashtu ndodhi, shkova e u kënaqa shumë me këto mbledhje, porse gjeta se kjo nuk është mënyra shembullore për mësimin e fesë Islame.
Fillova që të pyesja për kërkimin e dijes derisa gjeta një dijetar nga dijetarët e mëdhenj i cili studion sheriatin. Fillova të shkoj e të marr pjesë rregullisht më shumë se një vit (sepse mësimi i sheriatit është gjëja më e rëndësishme për mua). Mësova akiden me argumente të plota e të sakta. Sikur mos të ishte kjo do të kisha rënë në bidate, si unë e sikur shumë prej muslimanëve të cilët i kam takuar edhe pse kanë nijetin për të ndihmuar. Porse ka prej tyre të cilët filluan të më mësonin Islamin sipas zakoneve të tyre, dhe bidateve e gabimeve të përhapura në të cilat kanë rënë shumë prej muslimanëve. Prandaj i këshilloj muslimanët kudo qofshin në çdo cep të dunjasë, që të korrigjojnë akiden e tyre pikësëpari në mënyrë që të përhapin fenë e tyre saktë.
Ai i cili e ka humb këtë prej tyre, natyrisht do ta përhapë islamin të paqartë, sepse ai i cili nuk ka dije mbi diçka nuk ka se si të ftojë për në të.
Unë tani po mësoj gjuhën arabe dhe kam mësuar disa sure nga Kur'ani, ku përkrah kësaj mësoj edhe texhuidin dhe falënderoj All-llahun e madhëruar për këtë mirësi. Edhe pse mësimi i gjuhës arabe është gjëja më e vështirë që po has.
Duke u mbështetur mbi besimin për përgjegjësi ndaj Islamit edhe pse kjo është detyrë për mua. Fillova të bëj dave me veten dhe veprat e mia ku mora pjesë vullnetarisht në një prej kampeve të dëbuarish në Toronto i cili është 45 minuta me makinë, larg shtëpisë sime. Ku unë jam muslimanja e vetme e cila marr pjesë vullnetarisht në këtë akivitet. Me thënë të drejtën të gjithë vullnetarët atje më presin shumë mirë. Gjithashtu më dha mua rast veçimi në veshje dhe veshja e nikabit që të sqaroj veshjen e kësaj dhe njësimin e All-llahut të madhëruar dhe bisedë për Vulën e të Dërguarve, Muhamedin, salall-llahu alejhi ve selem…
All-llahu e din se sa u gëzova për përhapjen e Islamit nëpërmjet veprave të mira kundrejt nevojtarëve, të cilat dhanë frute, Elhamdulilah, të mira. Një prej pjesëtarëve të këtij kampi i cili është 80 vjeç, u interesua për Islamin ku mori pjesë me mua në xhami tre herë. E një tjetër pranoi Islamin. Shumë prej pjesëtarëve të kampit tani kanë njohuri mjaft mirë mbi Islamin, ku më parë nuk dinin për të asgjë. Me gjëra shumë të pakta mundem që të përhap Islamin ndërmjet nevojtarëve, si shembulli i këtyre pjesëtarëve të këtij kampi. Si psh; nëpërmjet butësisë, dhe ndodhjes së disa pajisjeve të domosdoshme sikur batanije, ushqim, para etj. Ku u fut edhe një person tjetër në Islam sapo pyeti per mësimin e tij. Unë e kam ndërmend gjithmonë mësimin e Islamit nevojtarëve menjëherë sapo të marrin ndihmat e para. Duke u nisur nga kjo filluan të më ndihmonin disa motra në këtë aktivitet humanitar gjithashtu edhe prej bijve të mij ata që pranuan Islamin.
Me thënë të drejtën All-llahu i madhëruar më dhuroi mua që të ftoj familjen time në Islam. Ku unë jam e ndarë nga bashkshorti. Dhe dola me sukses në thirrjen për në rrugë të All-llahut, të fëmijëve që janë me mua. Tani Elhamdulilah djali im, i cili është 14 vjeç tha dëshminë, masha' All-llah. Edhe vajza e vogël falet me ne, e do të veshë hixhabin insha'All-llah…
E lumturia arrin skajet e saj kur ne të tre falemi së bashku e adhurojmë All-llahun së bashku. Tani vajza ime e madhe akoma nuk e ka pranuar Islamin porse Insha'All-llah do ta pranojë një ditë prej ditësh. Më parë thoshte se është e krishterë, ndërsa tani thotë se nuk është sikur ishte më parë, dhe se ajo tani beson në njëshmërinë e All-llahut dhe për vulën e Pejgamberëve, salall-llahu alejhi ve selem. Kam një djalë i cili jeton me babain e tij, e ai e kundërshton pranimin e Islamit, porse Insha' All-llahu do të bëhet musliman..
Gjithmonë bëj dua për të dhe për të tjerë që ti udhëzojë All-llahu…
Ndërsa babai im ka histori në vete me të cilën dua të përfundoj me ju këtë bisedë…
Babai im pranoi Islamin gjithashtu nga fundi i muajit Qershor. ثshtë nga personat më të kapur për fe dhe më të turpshëm që kam njohur, ai adhuronte një Zot gjatë gjithë jetës së tij. Porse mendimet e tij ishin të çrregullta. Edhe ai gjithashtu nuk ka pas ditur asgjë mbi Islamin, e as mbi vulën e Profetëve, salall-llahu alejhi ve selem. E ndihmoi All-llahu dhe e udhëzoi për në Islam, shqiptoi shehadetin. Mbas disa ditësh shkova me të tek doktori që të bënte vizitë ku na doli se ka kancer në gjak. Ditën e dielë babai im u sëmur shumë, e çuam në spial dhe vdiq mbas 14 ditësh.
Elhamdulilah vdiq në formë të mirë, ku e llogaris, insha'All-llah, me përfundim të mirë. Ai nuk mundesh që të fliste porse vazhdimisht merrej me tesbih dhe thënien e shehadetit, qëndrova pranë tij gjatë gjithë kësaj kohe. Fjeta me të në dhomën e tij, ku vazhdimisht vija kaseta me Kur'an dhe vetë i lexoja Kur'an. Në momentet e frymëmarrjes së fundit ishte duke përmëndur All-llahun, e vdiq në këtë mënyrë… Falënderoj All-llahun e madhëruar i cili e shpëtoi në duart e mia nga Zjarri..
Në fund dua të them se: Secili prej nesh është përgjegjës për veten dhe për të tjerët, dhe për fenë e All-llahut të madhëruar. Duhet që të përhapim fenë e All-llahut të madhëruar, e të emigrojmë për tek All-llahu i madhëruar. Ne e dimë se nuk jemi melaike e as pa gjunahe porse ti pranojmë gjunahet e të lusim All-llahun e madhëruar të na i fali. Unë e di se unë sot nuk jam sikur atë ditë që u futa në Islam, ku atë ditë isha sikur atë ditë që më lindi nëna pa asnjë gjunah, porse e lus All-llahun e madhëruar të më fali, e të më ndihmojë që të punoj që ti shërbej Islamit derisa ta takoj Atë e Ai të jetë i kënaqur prej meje... Ves-selamu alejkum e rahmetullahi ve berekatuhu
Motra juaj, shërbyesja e Islamit, (Emet All-llah)
Marrë nga: Islamway.Com
Përktheu: F.Gurra
Islamway.Com,
26.8.2005