Lajme Nga Bota Islame !

[eldonel]

I riu gjerman pranon islamin ne Mitrovice‏








selam

[muli21]

Elhamdulilah

Allahu është ai që na ka në dorë

TË ALLAHUT JEMI DHE TE AI DO TË KTHEHEMI

Pra më mirë është që rrobi të kthehet te Krijuesi në paqë se sa në konflikt
Allahu na udhëzoftë dhe na rruajt inshAllah

[fisniku-student]

Atletet e mbuluara sfiduese në Pekin




Femrat nga vendlindja e Rukije El-Gasrasë në Bahrejn janë aq krenare për vrapuesen e tyre pioniere në lojërat Olimpike sa që disa prej tyre janë bërë bashkë për të dizajnuar dhe qepur ca palë mbulesa aerodinamike që ajo mund të vrapon me to.

Kalorësja egjiptase Shaima El-Gamel, për se treti herë në Olimpiadë, do të vesh mbulesën Islame, dhe për herë të parë në Pekin. Ajo thotë se tani ajo është më e rritur dhe se është më e vendosur se kurdoherë.

Lojërat Olimpike të sivjetme do të shohin disa atlete të mbuluara aty-këtu të cilat janë të vendosura që të mos ofendohen Muslimanet e devotshme mbrapa në vendet e tyre së paku duke veshur mbulesën dhe duke treguar se nuk është pengesë për to.

Dy prej tyre El-Gasra e Bahrejnit dhe Homa Huseini e Iranit kanë pasur nderin të jenë bajraktare për vendet e tyre në ceremoninë e paradës së atleteve.

'Mbulesa kurrë nuk ka qenë problem për mua. Në Bahrejn rritesh me të,'- thotë El-Gasra, duke veshur kapelë të bardhë përmbi mbulesën e saj të zezë e cila mbulon flokët dhe qafen e saj. Veshja e saj vrapuese zbulon vetëm duart dhe fytyrën e saj.

'Ka për ditë e më shumë femra në sport nga vendet si Katari dhe Kuvajti. Ti mund të zgjedhësh për apo mos veshjen e mbulesës. Për mua është më liberale'-thotë El-Gasra, veshja e së cilës është e bardhë me të kuqe,me ngjyrat e Bahrejnit.

Prej së janë shfaqur për herë të parë disa dekada më herët, mbulesat në Olimpiadë ka tërhequr shikimet.

Këtë vit 6 Egjiptiane, 3 Iraniane, një Afgane dhe një Jemenas do të garojnë me kokat e mbuluara si El-Gasra. Ato thonë se dëshirojnë të frymëzojnë femrat në vendet e tyre që të mos jenë stereotipe.

'Kur unë kalëroj jam krenarë që jam Muslimane. Është shumë simbolike për femrat në vendin tim, 'thotë El-Gamal.

Fshati i atletëve në Pekin ka vënë ushqim hallall për qindra Musliman që qëndrojnë atje, por ka xhami vetëm për meshkuj, pavarësisht nga numri i madh i femrave. /Pekin (Reuters)

[Beni_Sh]

Garat evropiane në leximin e Kur'anit

Bashkësia Islame në Kroaci dhe Qendra Islamike në Zagreb në bashkëpunim me Organizatën Botërore për hifz nga Xhidde më 23 dhe 24.10.2008/24 dhe 25 Shewwal 1429h organizojnë Garat e 15-ta Evropiane të lexuesve të Kur'anit famëlartë në Qendrën Islamike në Zagreb

Garat e sivjetme mbahen me rastin e shënimit të përvjetorit të 21-të të hapjes së xhamisë në Zagreb

Garat do të mbahet ditën e premte në pesë kategori:



1. Në hifz, tërë Kur'ani
2. Në hifz, 15 (pesëmbëdhjetë) xhuze
3. Në hifz, 5 (pesë) xhuze
4. Në tilawet me zbatimin e texhvidit (të drejtë në pjesëmarrje në këtë kategori kanë lexuesit të moshës deri në 40 vjeç)



Medresetë mund të lajmërojnë nga dy pjesëmarrës në tilawet (lexim melodik), 1 mashkull dhe 1 femër.

Paralajmërim: pjesëmarrësit në hifz në tërë Kur'anin, dhe hifz në 15 dhe 5 xhuze nuk duhet të jenë mbi 30 vjeç.

Për pjesëmarrje në hifz 5 dhe 15 xhuze mund të lajmërohen edhe personat të cilët ende janë duke mësuar Kur'anin përmendësh, nëse kanë kaluar 4 (katër) rrethe. Atyre, në bazë të kësaj, do t'ju bëhen pyetje gjatë konkurrimit.

Për më të mirët janë paraparë shpërblime.

Ju lutemi të lajmëroheni para datës 25.08.2008./ 24.Sha'ban 1429.h. përmes formularëve të cilët mund t'i merrni këtu (shkarkoni), dhe t'i dërgoni në adresën Medžlis Islamske zajednice Zagreb, Gavellina 40, Hrvatska, në fax 00 385 1 6137 159, ose e-mail: hfzazizefalili@yahoo.com dhe info@islamska-zajednica.hr

Shpenzimet e udhëtimit dhe strehimit do t'i merr organizatori. Për më tepër mund të drejtoheni në tel: 00 385 1 6137 162.

Pjesëmarrësit nuk mund të marrin pjesë pa kostume. Gjatë lajmërimit pjesëmarrësit duhet të japin biografinë e shkurtë dhe fotografinë.



14.08.2008.islamgjakova.net

[Beni_Sh]

Charles Saint-Prot: “Islami është mundësia e fundit për njerëzimin


Krahas elitës akademike perëndimore, mendimtari francez Charles Saint, njëkohësisht profesor i shkencave juridike në Universitetin Sarbone, ka një qëndrim më ndryshe ndaj Islamit. Në intervistën e dhënë burimeve të timeturk.com ai mbron selefizmin dhe mendon se Islami është zgjidhje e vetme për degradimin moral të shoqërisë perëndimore.


Charles Prot botoi një libër në Francë me titull "Islami: E ardhmja e traditës midis revolucionit dhe perëndimit". Autori, në këtë libër synon të thyej shumë paragjykime dhe mendime të gabuara që kanë qarqe perëndimore për Islamin. Autori ndër tjerash synon të shpjegoj disa terme Islame si Xhihadi, Selefizmi etj që përdorën nga disa grupe ekstreme. Saint-Prot tregon se këto nocione nuk kanë të bëjnë më këto grupe radikale, por janë koncepte të Islamit.


"Unë kam lexuar shumë vepra ku thuhet se dallon Zoti i muslimanëve nga Zoti feve tjera monoteiste, por, pohuesit të tillë, nuk janë të vetëdijshëm se i njëjtë është Zoti gjithë feve monoteiste" shprehet Saint-Port.


Charles Saint-Prot thekson se e vetmja arsye e shembjes së Perandorisë Osmane është braktisje e normave të Islamit dhe zhytja në luks nga ana e Sulltanëve, ndërsa në këtë periudhe bartësi i vërtetë i mesazhit islam ishte Muhamed Abdulvehabi. "Është fatkeqësi që disa qarqe terroriste e përdoron nocionin e selefizmit, këta vetëm se e dëmtojnë këtë nocion,unë duhet të potencojmë se selefizmi i vërtetë nuk përputhet me Bin Ladenin apo Al-Kaiden, por është një lëvizje analogjie moderne" tregon Charles Saint-Prot.


Charles Saint-Prot po ashtu kritikon pushtimin e Irakut nga SHBA ja. "Pushtimi i Irakut është një tragjedi e madhe, ngase ky pushtim ka shkatërruar Irakun dhe ka sjellë pasoja të rënda popullsisë irakiane. Unë nuk mendoj se Al-Kaide është duke bërë rezistencë në Irak, a mund të quhet rezistencë bombardimi i xhamive të shive në Irak? Unë mendoj se Al-Kaide është një rrjet i formuar enkas nga Amerika për të realizuar qëllimet e saja në Irak, ngase vendosje e bombave në mesin e civilëve irakian krijon arsyen e qëndrimit të SHBA-së në Irak" shprehet Saint-Prot.


"Islame nëse krahasohet me fe tjera është feja më e re dhe më dinamike në botë, ngase posedon në vetë ato vlerat që ika humbur perëndimi. Në shoqëritë perëndimore, ku dominon egoizmi dhe vlera materiale, ka humbur vlera e mbështetjes ndër njerëzore, dhe çdo njëri është mbyllur në botën e vet. Kultura e vetme që dominon në perëndim është kultura e parasë dhe sukseseve financiare, në anën tjetër gjithçka që është shpirtërore ka humbur tërësisht. Një krijaturë e tillë shtazarake pa dyshim se është e gjykuar të humb. Dhe ajo çka ofron Islami njerëzimit janë pikërisht këto vlera që e mbrojnë nderin njerëzor. Kështu që edhe jo muslimanët nuk brengosen pse forcohet Islami, por përkundrazi gëzohen për këtë fakt. Thënë më ndryshe Islami është mundësia e vetme për njerëzimin e cila ka humbur të gjitha virtytet morale" tregon Charles Saint-Prot.


Po ashtu profesori Charles Saint-Prot thekson se aty ku sundon Islami nuk ka nevojë për laicizëm. "Shumica e njerëzve të cilët pretendojnë se janë laik e urenjë fenë e tyre, dhe publikimi i karikaturave që ofendojnë vlerat fetare nuk është orvatja për të ndarë fenë nga pushteti, por janë përpjekje për të shkatërruar fenë" shprehet Charles Saint-Prot.

[eldonel]

DY MUSLIMANE TË REJA NË ULQIN



Të shtunën, më 09.08.2008, pas namazit të akshamit, musafir në Ulqin ishte Dr. Hfz. Safvet Haliloviq, profesor i tefsirit në Fakultetin pedagogjik islam në Zenicë. Ai me këtë rast në Xhaminë e Mezjahut mbajti një ligjëratë, të cilën e organizoi Këshilli i BI Ulqin. Surpriza më e madhe e kësaj nate ishin dy vajza jomuslimane, të cilat në prezencën e rreth 200 xhematlive deklaruan me vullnetin e vet se dëshirojnë të kalojnë prej fesë orthodokse në fenë islame, DRAGICA (Stjepan) BAJOVIQ, 37 vjeçare, shtetase e Republikës së Serbisë, dhe ANNA (Jurij) DMYTRYSHYNA, 21 vjeçare, shtetase e Ukrainës. Dragica, e cila në të ardhmen do të quhet Inshalla, kurse Anna – Amra, shqiptuan shehadetin në gjuhën arabe me përsëritje pas kryeimamit Rexhep ef. Likës dhe në gjuhën boshnjake duke përsëritur pas prof. Safvet Haliloviqit. Ky rast do të mbetet prej atyre që lanë një mbresë të madhe te xhemati, pasi emocionet e përcjellur me lot nuk mundën të përmbahen, si nga ana e motrave të reja muslimane, ashtu edhe nga vetë xhematlitë.

Ligjërata e Dr. Safvetit ishte e inspiruar me rastin e pranimit të islamit të dy motrave muslimane, prandaj tema e ligjëratës së tij ishte Mësimi i islamit mbi njeriun. “Të dërguarit prej Allahut nuk kanë ardhur për t’i bindur njerëzit se ekziston Zoti xh.sh., sepse këtë e pranon secila mendje njerëzore, por për t’i mësuar ata se duhet besuar dhe adhuruar vetëm një të vetmin Zot – Allahun xh.sh.” tha ndër të tjera profesori i nderuar, duke e iu lutur Allahut xh.sh. që motrat e reja t’i forcojë në rrugën e Tij.

Këtyre lutje i bashkangjitemi edhe ne.



Mr. Suad Ukoshata

[eldonel]

Hotelet tërësisht të rezervuara në qytetin e Medinës

14Gusht 2008 Arabi Saudite: Qyteti i shenjtë i Medinës është duke u përballur me një numër të madh të vizitorëve duke kaluar numrin e dy milionëve gjatë këtij muaji të Shabanit(hixhrij) dhe në muajin e ardhshëm të Ramazanit.
E martë, 19 Gusht 2008 13:04
14 Gusht 2008 Arabi Saudite: Qyteti i shenjtë i Medinës është duke u përballur me një numër të madh të vizitorëve duke kaluar numrin e dy milionëve gjatë këtij muaji të Shabanit(hixhrij) dhe në muajin e ardhshëm të Ramazanit. Ky fluks sezonal i vizitorëve të cilët vijnë nga pjesë tjera të Mbretërisë së Arabisë Saudite dhe veçanërisht të Gadishullit Arabik, ka rritur të gjitha aktivitetet tregtare në qytet, sidomos ato të qendrave tregtare dhe hoteleve afër qendrës së qytetit. Drejtori gjeneral i çështjeve të Umres pran Ministrisë së Haxhit në Medine, Muhamed Abdul Rahman El Bixhavi shtoi për Gulf News se hotelet të cilat janë në zonën qendrore përreth xhamisë së Pejgamberi a.s. përballen me një rritje të dukshme të rezervimeve. Sipas tij shumica e hoteleve kanë njoftuar se që nga dita e parë e këtij muaji hixhrij (muaji Shaban), kanë mbyllur rezervimet deri në fund të muajit Ramazan pasi që shkalla e rezervimeve ka arritur në 100 %. Ai theksoi se shkalla e rezervimeve në të gjitha hotelet me 4-5 yje janë ndërmjet 90% dhe 95 % duke iu falënderuar një rritje të numrit të vizitorëve prej 17%, duke krahasuar me të njëjtën periudhë të vitit te kaluar. Më shumë se 2.1 milion vizitorë kanë arritur në qytet që nga fillimi i sezonit te Umres në 15 Rebiul-Evel (23 Mars) dhe deri me ditën e parë të muajit Shaban (2 Gusht). Ky numër pritet të tejkaloi 3.7 milionëshin kah fundi i Ramazanit.



© Gulf News 2008

Përktheu dhe përshtati:

Hajdar Mziu, Kuala Lumpur/Malaysia

mesazhi.com

[eldonel]

Për herë të parë, Maroko dërgon nëntë femra ligjëruese (thirrëse) në vendet e ndryshme të Evropës për t'i përmbushur nevojat fetare dhe shpirtërore të pakicave muslimane gjatë muajit Ramazan.

"Ky është një hap pozitiv", thotë dijetari Abdel-Naser El-Texhani për islamonline.net.

"Ekziston nevojë urgjente për ligjërime dhe udhëzime fetare për femrat muslimane të cilat kanë emigruar në vendet evropiane.

Këto nëntë femra janë pjesë e grupit prej 167 imamë dhe lexues të Kur'anit të cilët Ministria për çështje fetare do t'i dërgoj për vizitë në disa vende evropiane gjatë muajit Ramazan.

Ato do t'i vizitojnë bashkësitë marokene në vende të huaja për t'i "mbrojtur nga ekstremizmi dhe fanatizmi", bënë të ditur kjo Ministri.

Afro 3.3 milion maroken jetojnë jashtë vendit, më së shumti në Spanjë, Francë, Belgjikë dhe Holandë.

Grupi i parë e femrave ligjëruese marokene kanë diplomuar në vitin 2006 me qëllim të mbështetjes së ligjëruesve meshkuj në luftë kundër ekstremizmit dhe promovimit të mesazhit tolerant dhe të qetë islam.

Ato ndjekin kursin një vjeçar nga studimet islame deri te psikologjia, sociologjia, aftësitë kompjuterike, ekonomia, drejtësia dhe drejtimi i biznesit.






12.08.2008.islamgjakova.net

[eldonel]

Qeveria zvicerane ka vendosur të mbaj referendum për ndalimin e ndërtimit të minareve të reja. Një vendim i tillë është marrë pas peticionit të cilin e kanë nënshkruar qytetarët e bindur se minaret rrezikojnë rendin dhe qetësinë.
Ky vendim është aprovuar pasi që Partia popullore zvicerane dhe Unioni federal demokratik kanë mbledhur më shumë se 100.000 nënshkrime të qytetarëve të cilët përkrahin referendumin. Peticionin e nënshkruan qytetarët zviceran dhe politikanët të cilët mendojnë se minaret rrezikojnë rendin dhe qetësinë.

Qeveria zvicerane aprovoi vendimin për shpalljen e referendumit pasi që peticionin për ndalimin e ndërtimit të minareve të reja kanë nënshkruar 11.137 persona, prej të cilëve 113.540 nënshkrime të vlefshme, bënë të ditur 'Reuters'.

Më herët, Partia popullore zvicerane ka filluar kampanjën kundër emigracionit, të cilën organizatat për të drejtat e njeriut dhe Kombet e Bashkuara e vlerësojnë si raciste.

Zviceranët në referendum nuk i përkrahën masat e kësaj partie, të cilat të huajve do t'ju vështirësonte rrugën kah nënshtetësia zvicerane.

Ministrja zvicerane e punëve të jashtme Micheline Calmy-Rey tha se ndalimi i ndërtimit të minareve do të rrezikonte sigurinë, Këshilli shtatëantarësh i këtij vendi bëri të ditur se parlamentit dhe qytetarëve do t'ju propozoj që mos ta pranojnë iniciativën e Partisë popullore zvicerane programi i së cilës është i orientuar në pengimin e krimit, zvogëlimin e shpenzimeve publike dhe mbajtjen e Zvicrës jashtë Unionit Evropian.

Një program i tillë ia siguroi partisë një popullaritet të madh dhe 29% të votave në zgjedhjet e vitit të kaluar.

Sot, në Zvicër ekzistojnë vetëm dy minare, në Zürich dhe Geneve






09.08.2008.islamgjakova.net

[fisniku-student]

Rekomandime nga Akademia Evropiane për Fetva dhe Gjurmime
Porosi rreth Fikhut politik për muslimanët në Evropë.




Rekomandime nga sesioni i gjashtëmbëdhjetë i rregullt i Akademisë Evropiane për Fetva dhe Gjurmime


I tërë falënderimi i plotë i takon vetëm Allahut, Zotit të botëve. Përshëndetjet dhe bekimet qofshin për zotëriun tonë Muhamedin, familjen, shokët dhe ata që e ndjekin rrugën e tij deri në Ditën e Gjykimit.

Me ndihmën e Allahut, seanca e gjashtëmbëdhjetë e rregullt e Akademisë Evropiane për Fetva dhe Gjurmime u mbajtë në Stamboll të Turqisë prej datës 7- 13 të muajit Xhumade-l-ahire të vitit 1427h, që përputhet me datën 3-9 Korrik të vitit 2006. Seancën e kryesoi i nderuari Dr.Jusuf El-Kardavi, kryetar i Akademisë, ndërkaq prezantuan pjesa dërrmuese e anëtarëve të Akademisë dhe disa mysafirë e vëzhgues.
Punët e këtij sesioni filluan në prezencë të një numri të madh të muslimanëve në qytetin e Stambollit. Fjalën hyrëse e mbajti shejh Fejsal Mevlevij, yv.kryetar i Akademisë, ku i bëri një retrospektivë historisë së Akademisë dhe rolit të saj në gjetjen e zgjidhjeve fetare mesatare për problemet e muslimanëve në shoqërinë evropiane.
Pastaj, fjalë rasti mbajti edhe kryetari i Akademisë i nderuari Dr. Jusuf El-Kardavi, i cili në fjalën e tij e vuri në spikamë misionin themelor të Akademisë, metodologjinë e saj dhe orvatjet e saj që gjatë pesëmbëdhjetë sesioneve të kaluara t'i inicojë muslimanët në Evropë për koegzistencë dhe integrim pozitiv i cili nuk bazohet në lëshime dhe shkrirje, por në parime bazike të pandryshueshme përskaj fleksibilitetit në çështjet sekondare. Po ashtu, shejh Kardavi theksoi se Akademia e ndërtoi metodologjinë e vet mbi aplikimin e lehtësimit në fetva, që në fakt është metodologji e Kur'anit dhe Muhamedit s.a.v.s.
Në fjalën e tij, shejhu i nderuar iu qas edhe fatkeqësisë në të cilën është duke kaluar populli palestinez nga cionistët agresorë para gjithë opinionit botëror. Theksoi se atje vriten njerëz të pafajshëm, gra, fëmijë etj, e është obligim që ky agresion dhe zullum të dënohet.
Pastaj, Akademia i vazhdoi punët në këtë session. Seanca e parë iu kushtua temës:" Fikhu (jurisprodenca) politik i muslimanëve në Evropë. Në këtë séancë u shqyrtuan disa pika.


III-REKOMANDIMET

Akademia rekomandon si vijon:

1- Muslimanët në Evropë të punojnë për ngritjen e qendrave hulumtuese profesionale për fikhun politik.

2- Muslimanët në Evropë të koegzistojnë dhe të integrohen në shoqërinë evropiane në atë mënyrë që do ta ruajnë identitetin e tyre pa u izoluar, dhe do të jenë të hapur pa u asimiluar. Me këtë integrim, shoqëria do të aderojë për një të ardhme të përbashkët e cila do t'i realizojë aspiratat e të gjithëve dhe do t'i respektojë të gjitha fetë dhe kulturat.

3- Muslimanët në çdo vend evropian apo perëndimor, le të aprovojnë projekt politik në të cilin do t'i marrin në konsideratë të gjitha rregullat fetare të cilat synojnë interesin e shoqërive për t'u arritur adhurimi i Allahut dhe ndërtimi i tokës.

4- Imamët dhe liderët e organizatave islame le t'i nxisin muslimanët për të participuar në zgjedhjet të cilat bëhen në vendet evropiane, të regjistrohen në listat e zgjedhësve si dhe të aktivizohennë zgjedhjet lokale dhe nacionale.

5- I thirr muslimanët që jetojnë në Evropë të konsultohen mes veti për vlerësimin e aftësive të kandidatëve dhe i thirr që ta zgjedhin më të mirin me qëllim që të realizojnë unitet sa më të madh mes tyre si dhe ta mishërojnë kuptimin e konsultimit-shura të cilin e ka urdhëruar Islami.

6- Të stimulohen studentët e dalluar për studimin e jurisprodencës dhe shkencave politike ashtu që t'i përfaqësojnë muslimanët dhe shoqëritë e tyre në mënyrë profesionale


Po ashtu, Akademia si zakonisht ua rikonfirmon muslimanëve të cilët jetojnë në Evropë, porosinë që:

1-Të jenë të kujdesshëm ndaj të gjitha obligimeve ligjore dhe të reflektojnë pozitivisht duke krijuar imazh pozitiv dhe duke dhënë shembull të mirë përmes fjalëve, veprimeve dhe sjelljeve të tyre.

2- I nxit që të jenë kreativ dhe inovativ në të gjitha nivelet.

3-Të mundohen maksimalisht që t'i kultivojnë bijtë dhe bijat e tyre në frymën e Islamit dhe bashkëkohësisë duke ngritur shkolla dhe qendra edukativo-rekreative, me qëllim që t'i mbrojnë prej devijimit.

4-Të nagazhohen seriozisht të themelojnë kompani dhe institucione ekonomike të cilat nuk do t'i shkelin parimet fetare.

5-Të punojnë për formimin e shërbimeve fetare të cilat do ta kenë përsipër organizimin e çështjeve të tyre civile konform dispozitave të sheriatit islam duke i marrë parasyshë edhe ligjet pozitive.

6-Të bëjnë çmos që shteti të cilit i përkasin apo në të cilin jetojnë ta pranojë Islamin fe zyrtare dhe t'i pranojë muslimanët si komunitet fetar si që është rast edhe me pakicat tjera të cilat i gëzojnë të gjitha të drejtat e tyre dhe të cilët i rregullojnë çështjet e tyre civile si: martesa dhe shkurorëzimi konform parimeve të fesë së tyre.

7-T'u përmbahen argumenteve të Kur'anit,sunetit dhe konsensusit të dijetarëve islamë në drejtim të domosdoshmërisë së zbatimit të detyrave që dikton të qenit shtetas i një vendi apo e drejta e qëndrimit në një vend, si dhe tu përmbahen ligjeve dhe rendit public në vendet në të cilat jetojnë.

8-Të distancohen nga të gjitha format dhe manifestimet e dhunës, por të jenë të mëshirshëm, të butë dhe të urtë në marrëdhëniet e tyre me të gjithë njerëzit, ashtu si që i urdhëron Islami, si dhe ta gjykojnë çdo një që devijon nga rruga e drejtë Islame.

Akademia u rekomandon gjithë muslimanëve, e në veçanti atyre që jetojnë në Evropë, që të kapen fortë për litarin (fenë) e Allahut, ta kultivojnë vëllazërinë islame, tolerancën, mesatarinë, të ndihmohen mes veti në bamirësi dhe devotshmëri si dhe të dialogojnë qetë dhe në format më të shëndetshme për t'i shqyrtuar çështjet diskutabile larg fjalorit të ashpër dhe metodave ekstreme të cilat e njëllosin imazhin e Islamit si dhe i dëmtojnë rëndë muslimanët në përgjithësi, ndërkaq pakicat muslimane në veçanti. Veprimet e këtilla jo të matura dhe ekstreme, armiqtë e Islamit dhe ata që nuk e njohin atë, i shfrytëzojnë për ta akuzuar Islamin, t'i frikësojnë njerëzit nga ai dhe nga pjesëtarët e tij si dhe të nxisin armiqësinë e popujve kundër tij. Allahu i Madhërishëm ka thënë: "Ti (Muhamed) thirr për në rrugën e Zotit tënd me urtësi e këshillë të mirë dhe polemizo me ata (kundërshtarët) me atë mënyrë që është më e mira…" (En-Nahël, 125).

Nisur nga përcaktimi parimor i Akademisë për mbështetjen e kauzave të drejta, Akademia në emër të muslimanëve evropianë e shpreh shqetësimin e saj të thellë dhe e dënon agresionin e egër mbi popullatën e pafajshme në Palestinën e okupuar si dhe shkatërrimin sistematik të kushteve të jetesës së tyre dhe shkeljen e të gjitha vlerave njerëzore nga ana e pushtetit okupator.
Akademia është koshiente për qëndrimet konstruktive të disa shteteve dhe organizatave, për të cilat ka edhe konsideratë dhe shpreson që të jenë edhe më të vendosura në dënimin e agresionit, ndërprerjen e tij dhe ti venë kufij izolimit të pa drejtë.

Akademia i thirr muslimanët dhe gjithë popujt e lirë si dhe shtetet e botës që ta ndihmojnë politikisht dhe ekonomikisht popullin e përvuajtur palestinez si dhe ta thejnë bllokadën e padrejtë që iu është bërë atyre. Allahu i Madhërishëm ka thënë: "Ndihmohuni mes vete me të mira dhe në të mbara, e mosni në mëkate e në armiqësi…" (El-Maide, 2).

Prej arabishtes: Mr.Bashkim Aliu