Lajme Nga Bota Islame !

[Archicad]

Bashkësia Islame e Kosovës organizon manifestim në 100 diteshin e pavarësisë



Prishtinë, 26. maj - Në njëqind diteshin e shpalljes së Pavarësisë së Kosovës, Bashkësisë Islame e Kosovës (BIK) e ka organizuar manifestimin "Mesazhi i paqes", duke e konsideruar këtë ngjarje madhështore të historisë. Myftiu i Kosovës, Naim Tërnava, tha para mijera të pranishmëve në sallën "1 Tetori" në Prishtinë, se BIK-u bart përgjegjësinë për udhëzimin dhe drejtimin e besimtarëve muslimane në Kosovën e pavarur.

"Bërja e shtetit është detyrë e të gjithë neve. Puna, sjellja, respektimi i vlerave, tolerance, duhet të na shoqëroj si individë, familje dhe shoqëri".

Tërnava tha se musliman i vërtetë është ai i cili bëhet përfaqësues i denjë i paqes së përgjithshme në botë.

Publicisti Milazim Krasniqi tha në këtë manifestim se Kosova ka nevojë për paqe në kohën kur është duke sendërtuar pavarësinë. Sipas tij, roli i mesazhit islam është shumë i rëndësishëm për këtë synim. "Duhet të vetëdijesohemi përfundimisht se bota mund ta fitoj paqen universale vetëm nëse i respekton shpalljet hyjnore".

Ndërsa profesor Pajazit Nushi tha se studimet psikologjike kanë dëshmuar se pejgamberi Muhammed ishte personalitet i veçantë dhe predikues i suksesshëm i fesë për miliarda njerëz.

Zyrtarët e BIK-ut u kanë ndarë çmimin "Mulla Idriz Gjilani" gjashtë familjeve të dëshmorëve të rënë në luftën e fundit në Kosovë.

Ne fund te manifestimit aktori Enver Petrovci e lexoi Hutben e Lamtumires.
Hutbja e Lamtumires eshte fjalimi i Profetit Muhammed ne malin Arafat.


A.Fazliu
Gazeta lajm

[fisniku-student]

Në Sarajevë filloi konferenca internacionale e da'ves islame


Dje, 27.05.2008, në Sarajevë në hotelin Radon Plaza në ora 18.00 filloi sesioni treditor i Këshillit internacional të da'ves islame. Organizimi i sesionit të 19 të Këshillit internacional të da'ves (misionit) islame është nder i madh për bashkësinë islame dhe vetë muslimanët e Bosnjës dhe Hercegovinës, duke marrë parasysh se organizata e misionit islamik përpiqet për dialog dhe bashkëjetesë mes popujve dhe religjioneve.

Image

Da'veti (misioni) botëror islamik është organizatë shumë e rëndësishme, e themeluar në vitin 1972 në bazë të vendimit të Kongresit të parë të misionit islamik i cili është mbajtur në vitin 1970 në Tripoli.

Në kuadër të kësaj organizate veprojnë 250 organizata dhe institucione të veçanta të cilat ndodhen në të gjitha kontinentet. Këshilli internacional për misionin islamik është Komision ekzekutiv i cili numëron 36 anëtarë. Anëtar i këtij komisioni është edhe reisu-l-ulema dr. Mustafa Ceriqi.

Vlen të theksohet se në këtë sesion mori pjesë edhe Resul Rexhepi, përfaqësues i bashkësive islame të shteteve ballkanike.



Programi i hapjes solemne

Sarajevë - Hotel Radon Plaza


1. Ashere, hfz. Mensur Malkiq

2. Fjalën hyrëse, Dr.Ibrahim Rabu, shef i sesionit për konferenca dhe aktivitete humanitare pranë organizatës internacionale për da've.

3. Ilahi - Kori i studentëve të Fakultetit të Shkencave Islamike.

4. Dr. Mustafa Ceriqi, reisu-l-ulema i BI-së së Bosnje e Hercegovinës.

5. Dr. Mohamed Ahmed Al-Sahrif, sekretari gjeneral i organizatës internacionale për da've.

6. Wiliam Wendly, Konferenca botërore e religjioneve për paqe.

7. Mr. Mohamed Kurashi - përfaqësues i tarikatit tixhanijin - Senegal

8. Përfaqësues i anëtarëve të Këshillit.

9. Përfaqësues i bashkësive islame të shteteve ballkanike, Resul Rexhepi - Kosovë

10. Dr. Mato Zovkiq, përfaqësues i kryetarit të Këshillit ndërkombëtar në BeH.

11. Dr. Haris Silajxhiq, përfaqësues i kryesisë së BeH-së


28.05.2008. www.islamgjakova.net

[fisniku-student]

Holandë: Për policë Kur'ani 50% më lirë


Regjioni policor Amsterdam-Amstelland, ka vendosur që të gjithë punëtorëve t'ju ofroj një lirim për blerjen e përkthimit të Kur'anit nga Abdullah Kadri, i cili javët e fundit është bërë 'bestseller' sipas CPNB Bestseller. Arsyeja, si çthonë ata, është që 'islami të kuptohet më mirë' në shërbimin policor të këtij regjioni.

Amsterdam police

Siç është thënë, policia nuk mendon që përmes çmimit më të përshtatshëm policëve t'ju mundësoj blerjen e Biblës apo Torës, ndërsa gazeta liberale 'Elsevier' pohon se ky rekomandim policor për blerje me një çmim të përshtatshëm të librit kishte ndodhur vetëm një herë - kur një autor kishte shkruar një libër për historinë e policisë holandeze të cilën atëkohë e kishin futur në dhuratën e krishtlindjeve.

Por, duhet të theksohet se ky lajm aspak nuk u pëlqeu shumicës protestante-katolike sipas të cilëve kjo është edhe një dëshmi për ngritjen e pakicës muslimane.
Çmimi i plotë i Kur'anit është 39,95 euro, prandaj policët të cilët dëshirojnë edukim kualitativ islam mund të kursejnë 20 euro.

[altruisti_ek84]

“Islami është feja e vetme e drejtë”

Vladislav Sohim me vite të tëra ishte prift në Kishën Ortodokse Ruse. Gjatë kërkimit të së vërtetës ai u ndriçua nga rrezet e udhëzimit të All-llahut të Gjithëmëshirshëm dhe u bind se besimi i shpallur nga Isai a.s tani i korrespondon vetëm feja Islame.
Intervistë me Vladislav Sohin, ish-prift ortodoks rus i cili ka pranuar Islamin.

Ju keni qenë një prift ortodoks me vite të tëra, cila ishte arsye që ju e braktisët krishterimin?

Unë hyra në shërbim të kishës me vetëdije sepse si fëmijë jam larë më ujin e shenjtë. Fillova të hulumtoj disa çështje siç është feja apo më mirë të them isha kureshtar të dija se pse njerëzit duhet të besojnë dhe pse rusët janë ortodoks. Dhe natyrisht u orientova të studioj shkencat religjioze. Pasi e përfundova shkollën e mesme religjioze unë fillova të ndjekja ligjëratat në "Akademinë e Religjionit" të cilën më vonë e mbarova. Unë studiova religjionin 4 vjet në Universitetin Shtetëror të Kursk-it. Gjatë gjithë kësaj kohe hulumtova realitetin. Gjatë shërbimit tim gjashtë vjeçar si prift ortodoks në kishë kam vërejtur shumë dukuri të mira, po edhe aq dukuri të këqija. Por unë isha i bindur se nuk mund kontrollonte asnjë forcë nga jashtë njeriun ngase në çdo vend ka njerëz dhe si pasojë e dobësisë së tyre të këqijat i shoqërojnë njerëzit. Kur këto dukuri negative reklamohen edhe nëpër media ato normalisht shumëfishohen. Edhe pse feja sado që ka ndikim te jashtëm, megjithatë ajo është një produkt i njeriut. Por me kohe mua filluan te me shqetësonin disa telashe dogmatike të perëndimit. Disa vite punova në shkollën fetare të Kursk-it. Aty ligjëroja për historinë e Kishave Katolike. Pasi që hulumtova historinë dogmatike të kishave mua më filluan të më shtohen problemet lidhur me besimin.
Librat, nga të cilët ligjëroheshin në shkollat ortodokse, nuk më zgjidhën problemet e mia. Dhe unë arrita në një përfundim të ndashëm nga të tjerët. I vetmi besim që njeriu mund të zgjedh për vetë është të besoj në Allahun një, ndërsa besimet tjera po besoj se janë krijuar më vonë.

Pra arsyeja që jeni larguar nga krishterimi është se besimi në Bibël nuk manifeston besimin e pastër monoteist?

Unë pata filluar të studioja librat e shenjtë. Dhe vërejta se në përmbajtjen e Dhiatës së Re ka konfrontime të ndryshme. Por fatkeqësisht krishterët i kanë mësuar këto dhe kanë besuar në ato. Ata mendojnë se këto shkrime janë të mbrojtura dhe mu këto shkrime manifestojnë realitetin Por megjithë pretendimet e krishterëve studimet moderne dëshmojnë se ka pasur ndërhyrje tek libri i shenjtë. Dhiata e Re nuk ka vetëm një transmetues dhe ka versione të ndryshme që nuk janë të pranuara. Shembull, Libri i Paulit nuk ka qenë i pranueshëm ngase ai ka pasur polemika me Shën Peterin dhe Peteri nuk ka pranuar bindjen kristiane të Paulit. Por çuditërisht pastaj versioni i Paulit u bë doktrinë zyrtare në kishat kristiane.

Si u bindët se tevhidi i vërtetë është në Islam?

Për herë të parë kur u njoftova me literaturën Islame mendova se shkrimet janë të gabuara dhe nuk kuptova se çka gjejnë njerëzit në këtë fe. Unë jam i lindur në Kursk dhe një pjesë të madhe të jetës time e kam kaluar aty. Në qytet nuk kishte xhamia dhe unë kur nuk kisha takuar ndonjë musliaman. Kështu që fillimisht kur studioja në teologji kisha lexuar libra për njohuritë e përgjithshme të fesë Islame. Por pastaj fillova të udhëtoj dhe vendi i parë musliman që vizitova ishte Irani. U habita se si njerëzit këtu janë duke jetuar një jetë kaq të pastër. Nuk kishte as narkotikë e as alkool. Pastaj, pasi që komunikova me njerëzit dhe kuptova besimin e tyre, vizitova edhe vendet tjera muslimane, lexova Kuranin dhe fillova të studioj Islamin thellësisht. Njëkohësisht kisha rastin të shkëmbej letra me dijetar të ndryshëm musliman dhe të pyesja për çështjet që më interesonin. Dhe pastaj u binda se Islami është fe e vetme e vërtetë që bart mesazhin e pastër të monoteizmit. Padyshim gjatë kësaj faze të observimit vërejta edhe anët negative po edhe ato pozitive të muslimanëve. Pas luftës vizitova edhe Kosovën për të observuar se si jetojnë muslimanët. Vizitova shumë vende dhe tubova shume material. Vërejta që ka njerëz që e përdorin edhe fenë për të realizuar qëllimet e tyre poltike.

Si reaguan ortodoksët që i keni afër për konvertimin tuaj në Islam?

Padyshim ata u munduan të më bindin se kam gabim, të më "shërojnë" dhe të më "shpëtojnë"... Por përgjithësisht mund të them këtë, shokët e mi dinin se unë hulumtoja Islamin një kohë, por asnjëri nuk mori për seriozisht këtë dhe ata tallenin me mua. Pasi dëgjuan vendimin tim ata u habitën shumë. "Më nuk jam prift ortodoks i kishës ruse dhe pas një studimi natyral dhe objektiv mora vendim të pranoj Islamin' i kumtova atyre. Ata reaguan shumë ashpër. "Çka do që bën është në rregull por vetëm Islamin mos e prano" rezistonin ata. Por njeriu nuk mund të jetoj pa besim fetar, sepse besimi është arsye e ekzistencës sonë. Pranimi i Islamit nga ana ime nuk është konvertim nga një fe në një fe tjetër, por është thjesht një rikthim në Akiden monoteiste.

Si reagoi familja juaj në vendimin tuaj?

Padyshim se u habitën shumë, sepse ne të gjithë jemi lindur në Rusi dhe këtu sundon familja ortodokse. Normalisht familja e një priftit duhet të ruajmë më shumë ortodoksizmin, por kur thellohesh në studim dhe arrin në solucion e duhur atëherë besimi është i lirë dhe çdo njeri e ka rrugën e tij. Natyrisht familja ime kur dëgjuan se kam pranuar Islamin, nuk mirëpritën dhe fillimisht deklaruan se kjo është një akt armiqësor. Por besoj koha është ilaçi i gjithë problemeve. Kalimit tim në Islam reaguan ashpër njerëz krishterë që kryesisht nuk lexojnë Biblën, por çuditërisht edhe ata që nuk besojnë në Zot reaguan negativisht kur dëgjuan se një rus ka pranuar Islamin" Si mund të ndodh ne gjithë jemi ortodoks" këmbëngulnin ata . Njerëz të tillë kanë paragjykime ndaj Islamit dhe shkaku i këtyre paragjykimeve janë mediat të cilët servojnë Islamin si "fe e terrorit dhe e dhunës", por Islami është fe e paqes dhe e adhurimit të Zotit të Madhërishëm. Inshallah njerëzit fillojnë të mësohen gradualisht me gjendjen time. Njerëzit këtu pretendojnë se Islami është fe e arabëve dhe tatarëve, atëherë edhe ne me një logjikë të njëjtë mund të pretendojmë se Krishterimi është fe e grekëve dhe hebrejëve. Atëherë feja e vetme e vërtetë për Rusinë do të ishte feja ruse. Unë besoj se feja është globale dhe arabët, grekët dhe rusët nuk kanë fe të veçantë për veten e tyre. Feja është vetëm të besosh se në Allahun një dhe nëse dikush lind në Rusi nuk do të thotë se ai duhet të jetë ortodoks.

Çfarë botëkuptimi kanë ortodoksët rus mbi Islamin?

Në mes të shumë lutjeve të krishterëve ortodoks është edhe lutja për tu mbrojtur nga mallkimi i 'muhammedanve'. Unë mendoj se kjo sqaron gjithçka ngase në ortodoksizëm Islami konsiderohet si pabesim ngase mohohen bazamentet e ortodoksizmit siç janë shenjtëria e "Merjemes" dhe zotësia e "Isait", të cilët përbëjnë dogmat themelore të kësaj feje. Nëse një ortodoks ka lindur në një vend ku jetojnë shumicë musliman atëherë ai do të ketë marrëdhënie normale me muslimanët. Ndërsa kur një rus e pranon Islami normalisht kundër tij tregohen sjelljet armiqësore. Si të mos ndodh kjo kur fatkeqësisht as mediat e as grupet e tjera nuk reflektojnë mendime pozitive ndaj Islamit.

Cilat janë të metat edukative të kishës ortodokse ruse?

Fillimisht vetë priftëria është problem, ne kur analizojmë mund të mendojmë se prifti është një udhëheqës i cili lutet para njerëzve. Në kohët e mëhershme priftërit kthenin fytyrat e tyre kah njerëzit dhe bënin lutje së bashku para Zotit, ndërsa tani prifëtrit ia kthen njerëzve shpinën dhe fshihen pas mureve duke qëndruar shumë larg njerëzve. Të metat e tilla janë të shumta, shembull një nxënës që edukohet në shkollat fetar i thuhet se "Pesë librat" i shkroi Musai a.s. ndërsa thirrjen për tek hebrejët e shkroi Pauli shenjtë.
Pasi të kalohet në nivelin akademik thuhet se përmbajtje e pesë librave janë shkruar më vonë, pastaj hebrejët e humbën Tevratin dhe atë e memorizuan ne mendjet e tyre. Janë shumë gjera që janë në kundërshtim me vete burimet biblike. Në njërën libër thuhet se Allahu fillimisht i krijoi shtazët e pastaj njerëzit, ndërsa në pjesën tjetër thuhet se fillimisht u krijuan njerëzit e pastaj shtazët. Dërgimi i Paulit tek hebrejët është pranueshme nga shumë njerëz në botën krishtere, ndërsa tani është vërtetuar se nuk qëndron puna ashtu. Neve thjesht na thuhej kështu " Po kjo ka ndodhur ashtu, por mos e cekni ju këtë gjatë lutjeve sepse mund të përgënjeshtroheni nga pjesëmarrësit e ceremonive". Kjo është një shembull i thjeshtë dhe në tërë Kishën Ortodokse Ruse mund të gjeni standarde të tilla të dyfishta.


Si është raporti besimtarëve ortodoks me priftërinjët e tyre?

Priftërinjtë janë shkaktar pse janë besimtarët në këtë gjendje të rëndë. Edhe pse është në kundërshtim me parimet e krishterimit sërish tek ne ekzistojnë priftë që i shkelin parimet krishtere. Vazhdimi i aplikimeve të ritualeve të kota dhe injorante i konvenon shumë priftërinjve. Disa njerëz që i vizitojnë kishat janë njerëz që nuk kanë lexuar librat e shenjta dhe botëkuptimet e tyre janë të njëjtë me disa parime moderne, ata kërkojnë të vërtetën në rrugë shumë të çuditshme, ata kërkojnë qetësinë në mrekullia dhe në shumicën rasteve priftërinjtë janë shkaktar për këtë. Taktika e lënies së besimtarëve në mosdije është një taktikë e vjetër e zbatuar e cila ende zbatohet nga priftërinjtë që përfitojnë nga kjo situatë. Ne siç dimë në historinë e kishës katolike, askush nuk mund të lexonte Biblën përveç atyre që ishin prift apo ata që përgatiteshin të bëheshin prift, dhe në këtë mënyrë njerëzit mbaheshin nën kontroll.

Çka ju pëlqen më së shumti në praktikën Islame?

Fillimisht secili njeri duhet të jetë i vetëdijshëm për njëshmërinë e Krijuesit të Gjithësisë. All-llahu është një dhe në parim kjo është e njëjtë edhe në Krishterizëm. Por një gjë është evidente se në gjitha fetë me kohë po paraqiten përçarjet. Për mua Islami ishte shpëtim nga bindjet e gabuara lidhur me njëshmërinë a All-llahut. Islami është feja ku besohet All-llahu një dhe asnjë njeri apo shtazë nuk është i barabartë me të. Një gjë tjetër që më ngre te Islami është edhe pastërtia në Islam. Fatkeqësisht shumica e krishterëve nuk e kanë këtë veti, një gjë tjetër që e dua në Islam është edhe raporti i muslimanit me trupin e vet, me shëndetin dhe me rrethin e vet ku jeton. Unë e pranoj dhe e mbështes dënimin kapital e paraparë ne drejtën e Sheriatit për ata që përhapin mjetet narkotike. Në botën ku jetojmë sundojnë të metat, veprimet antiligjore dhe paraja. Ne duhet të mbrojmë popullin tonë. Unë mendoj se shpëtimi i Rusisë dhe e gjithë botës është në Islam. Sot bota Islame nëpër media shumë keq pasqyrohet, por unë besoj në pastërtinë dhe shëndetin e njerëzve të botës Islame. Unë mendoj se ata duke e mbrojtur veten e tyre nga dukuritë negative i mbrojnë edhe gjeneratat e reja. Por në Rusi kur del në mbrëmje vëren njerëzit të dehur dhe narkoman nëpër rrugë që bëjnë sjelljet amorale. Të gjitha këto veprime do të sjellin fundin e popullit tonë, ndërsa në këtë aspekt Islami ka një përparësi të madhe.

Mbi cilat baza mund të zhvillohet dialogu midis muslimanëve dhe krishterëve dhe cilat janë shkaqet e mosmarrëveshjes?

Dialogu duhet të ndërtohet mbi parimin e besimit në një Allah dhe në forcimin e bazave të shoqërisë. Por gjithnjë do të ketë mosmarrëveshje dhe tribunat ndërfetare nuk mund të zgjidhin këto. Pa dyshim se këto nuk janë gjëra të kota ngase edhe unë jam pjesëmarrës nëpër tubime të ndryshme. Unë kam vërejtur se edhe krishterët kanë përçarje lidhur me disa botëkuptime dogmatike, ngase asnjë palë nuk tërhiqet nga bindjet e veta. Në këto tryeza mund të debatohen edhe për çështjet tjera të botës globale ku mund të dilet me solucione konkrete. Unë nuk mendoj se do të ketë rezultate në negocimin e çështjeve të ndjeshme sepse sipas krishterëve Kur'ani është një burim i cili nuk duhet të shfrytëzohet, ndërsa muslimanët besojnë në saktësinë e tij. Edhe nëse fillojnë palët të sjellin shembuj nga Kurani dhe Bibla edhe atëherë nuk do të ketë marrëveshje.

Çka ju ka ndikuar juve nga muslimanët e Rusisë në aspektin pozitiv dhe negativ?

Unë dija paraprakisht se ka gjërat që do të ndikojnë tek unë edhe negativisht. Parimisht kjo është problem i gjitha shoqërive fetare sepse çdo shoqëri fetare ka problemet e tij të brendshme dhe askush nuk mund të ik këtyre problemeve. Një pamje shumë e mirë për mua është ajo kur muslimanët i takojnë vëllezërit e tyre me buzëqeshje. Namazi i cili falet pesë herë tek muslimanët dallon shumë nga lutjet e gjata ortodoksëve. Ngase kur lexoheshin ato lutje ortodokse njerëzit nuk i dëgjonin ato dhe nuk luteshin bashkë me të. Nuk është puna se ata dëshironin të komunikojnë me Allahun por vetëm punë e traditës ngase të dielën apo në ndonjë ditë tjetër shkohet në kishë. Ndërsa gjatë namazit në komunikojmë me Allahun me zemër dhe lutja në Islam paraqet një komunikim normal ditor. Gjatë duasë besimtari shpreh ato që dëshiron të shprehës, nuk është i obliguar që të lexoj diçka që ke shkruar paraprakisht. Krishterët nuk i dinë përkthimet e shumicës së duave që i bëjnë. Më kujtohet kur një prift më tha " Edhe vetë priftërinjtë, shumica e tyre nuk i dinë mirë përkthimet e lutjeve". Unë pata bërë nja anketë në mes të priftërinjve të Kursk-it lidhur me këtë temë. Kërkova nga ata të përkthejnë lutjet që i lexojnë gjatë ceremonive dhe shumica i përkthyen gabimisht. Kjo dëshmon se priftërinjtë ortodoks nuk dinë as kuptimin lutjeve që i lexojnë dhe për këtë arsye unë pata propozuar që të përkthehen lutje dhe njerëzit të kuptojnë se çka po thuan.

Çka ju ka dhuruar juve feja Islame?

Unë kam shpëtuar nga njerëzit që janë të varfër nga besimi i pastër monoteist, kam shpëtuar nga veshmbathjet e panevojshme dhe nga erërat jo të këndshme. Në një anë tjetër pranimi i Islamin nga ana ime më mundësoi të komunikoj drejtpërdrejt me All-llahun. Më kujtohet kur isha prift, njerëzit që kishin probleme e vinin tek unë, më pyetni se para cilës shenjtore duhet ta ndezi qiri dhe cilën shenjtore duhet ta zgjedh për lutje. Unë i këshilloja ata që të drejtohen drejtpërdrejt Zotit dhe të luten Atij siç i vjen nga zemra. Por ata këmbëngulnin që unë të këshilloj një shenjtore. Pra praktika ortodokse i ka shenjtëruar personalitetet dhe Zotin e ka lënë pas dore. Njerëzit mendojnë se Ikonat bëjnë mrekulli dhe shkojnë pas tyre, kështu që lutjet i drejtojnë këtyre ikonave. Rusët luten edhe profetit Naum, të cilën e konsiderojnë si ndihmëtar i atyre që kërkojnë diturinë. Kësi lloje të shoqërimit të All-llahut janë shumë të përhapur në ortodoksizëm. Për mua është me rëndësi se nuk i drejtohem dikujt tjetër për ndërmjetimin lutjes sime, por unë i lutem Allahut drejtpërdrejtë. Pse mos të drejtohem direkt Allahut unë, si mund të jetë që Allahu të mos më dëgjoj mua drejtpërdrejtë, a mund të jetë diçka e tillë?

Çka duhet të ofroj Islami botë se cila është shumë larg përkryersisë?

Evangjelistët pretendojnë se Isa a.s. ka thënë se bota qëndron mbi të këqijat. Edhe pse ka kundërshtime të ashpra, ne duhet të orvatemi të dërgojmë këtë botë në një pozitë më të mirë, me të bukur me të pastër. Ne nuk duhet të jetojmë për nevojat tona ditore por duhet të kontribuojmë në mirëqenin e pasardhësve tanë. Duhet të krijojmë një botë ku nuk do të ketë as dhunime, as amoraliteti e as terrorizmi. Edhe pse ka në botë qarqe të ndryshme që po paraqesin Islamin dhe terrorizmin së bashku, ne duhet të reflektojmë Islamin e pastër të bazuar në tevhidin monoteist. Por nuk duhet të harrojmë se ata që a paraqesin Islami si fe e cila përmban terror janë sionistë dhe propaganduesit pro-amerikan. Terrorizmi i vërtetë është ajo që bën Izraeli në Lindjen e Mesme. Në këtë konflikt padyshim Izraeli është fajtor. Nuk mund të arsyetohet assesi vrasja e popullsisë civile, pleqve, grave dhe fëmijëve. Ndërsa populli palestinez është duke luftuar ligjërisht për tokat e veta dhe për fëmijët e vet.

[Beni_Sh]

Tirana e periudhës osmane është quajtur qytet i selvive dhe i minareve, pasi ato ishin të shumta dhe zotëronin lartësitë. Duket se paraardhësit tanë ishin besimtarë të devotshëm dhe tregonin kujdes në ndërtimin e xhamive. Në pjesët që nuk kishin dekoracione, xhamitë ishin gjithmonë të bardha, dhe kishin minare tejet elegante. Edward Lear, ndërsa vizitonte Tiranën në shtatorin e vitit 1848, vinte re se "Tirana është dukshëm një qytet me vëmendje të madhe ndaj fesë. Në asnjë pjesë tjetër të Shqipërisë nuk ka xhami kaq të bukura", (E. Lear, Journals of a landscape painter in Albania &C, London, MDCCCLI, (1851), f.106).
xhamia e Et'hem Beut, ne qender te Tiranes

Ndërtimi i xhamive kryhej nga njerëz, (apo familje), të pasur. Pasi ndërtoheshin, xhamitë mbanin emrin e atij që kishte dhëne paratë për ndërtimin e saj. Disa xhami njihen me dy emra, sepse më shumë se një person kishte kontribuar për të. Megjithatë, për Xhamitë e Tiranës nuk është bërë një studim gjithëpërfshirës, madje shumica e tyre as nuk janë fotografuar. Për ketë ka penguar qëndrimi i regjimit komunist ndaj fesë, i cili kulmoi me prishjen dhe shkatërrimin, thuajse total, që iu bë ndërtesave të kultit në vitin 1967, por edhe më përpara.

Në statistikat e tij, Teki Selenica ka shënuar se në vitin 1927, në Tiranë ka pasur 82 xhami dhe 95 hoxhallarë, (T. Selenica, Shqipëria me 1927, Tirane, 1928, f.446). Shënojmë se këtu bëhet fjale për atë që ne sot quajmë rrethi i Tiranës. Ibrahim Dalliu shkruan se në fund te shekullit XIX, në qytetin e Tiranës ka pasur 19 xhami të mëdha e të vogla, (H. I. Dalliu, Patriotizma me Tiranë, Tiranë, 1930, f.17).

Le të përpiqemi t'i rendisim këtu xhamitë e Tiranës: 1. Xhamia e Vjetër e ndërtuar në vitin 1614, nga Sulejman Pasha; e djegur në nëntor 1944, dhe e prishur në vitin 1945. 2. Xhamia e Fires, (fotoja horizontale), e ndërtuar në fillim të shekullit XVIII prej Mehmet Fires, e rindërtuar në vitin 1859 nga Selman Beshiri, (për këtë arsye kjo xhami quhej edhe Xhamia e Beshirit). Ajo ndodhej aty ku sot është shkolla e mesme "Sami Frashëri", dhe është prishur në vitet '60 të shekullit të kaluar. 3. Xhamia e Mujos e ndërtuar në fillim te shekullit XVIII, në lagjen që shtrihej në lindje të rrugës Elbasanit dhe në jug të rrjedhës së "Lanes". 4. Xhamia e Kokonozit e ndërtuar nga Mahmud agë Kokonozi, (H. I Dalliu, po aty, f.90), në vitin 1750, (rindërtuar në vitin 1932), tek Pazari i Ri. 5. Xhamia e Zajmit e ndërtuar në gjysmën e dyte të shekullit XVIII, nga Mehmet bej Zajmi. Ajo ndodhej në anën e djathtë të rrugës së Dibrës, pa arritur tek ndërprerja e saj me rrugën "Thanas Ziko". U prish përpara vitit 1967, "për nevoja urbanistike". 6. Xhamia e Et'hem beut filloi të ndërtohej nga Molla beu dhe u përfundua në vitin 1821 nga i biri, Et'hem beu, (emrin e të cilit mban edhe sot xhamia). Ndodhet në sheshin "Skenderbej" dhe është xhamia e vetme që ka shpëtuar nga periudha osmane. 7. Xhamia e Karapicit, (fotoja vertikale), e quajtur ndryshe Xhamia e Esnafit, e ndërtuar në shekullin XVIII. Sipas traditës, familja Karapici e restauroi në mesin e shekullit XIX, (1858). Xhamia u shpronësua nga shteti dhe u prish në vitin 1929, për hapjen dhe rregullimin e sheshit "Skenderbej", dhe në vend të saj u ndërtua Bashkia e Tiranës, (1930-1), e cila u prish në vitin 1980. 8. Xhamia e Tabakëve e ndërtuar në shekullin XVIII, në të majtë të "Lanes". Më 16 tetor 1927 rrufeja çau ndërtesën e cila u rrezua duke vrarë një ushtar dhe plagosur 11 persona të tjerë. Pas kësaj, Xhamia e Tabakëve u rindërtua. Në vitin 1967, ajo u kthye në magazinë, dhe pas vitit 1990 u rikthye në faltore, u ndërtua rishtas minarja, dhe mban edhe sot emrin Xhamia e Tabakëve. 9. Xhamia e Recit e ndërtuar në shekullin XVIII. Ajo ndodhej në anën e djathte të rrjedhës së sipërme të "Lanes". 10. Xhamia e Stermasit ndërtuar në vitin 1837, (L. Rey, Guide de l'Albanie, Paris, 1930, f.91), nga Mahmud Muhsin bej Stermasi ndodhej në Pazarin e Vjetër dhe u shkatërrua bashkë me këtë të fundit për ndërtimin e Pallatit të Kulturës, në vitin 1959. 11. Xhamia e Berxollit e ndërtuar në shekullin XIX; ndodhej pranë shkollës së mesme "Partizani". 12. Xhamia e Balit në rrugën "Mihal Grameno". 13. Xhamia me Teneqe në rrugën "Hoxha Tahsim". Ajo quhej Xhamia me Teneqe sepse minaren e kishte prej llamarine; për këtë xhami kujdesej familja e Sharofëve. 14. Xhamia e Kodrës së Kuqe ndodhej në fund të bulevardit "Zog I", (në aksin e tij), gjë që solli prishjen e paevitueshme. 15. Xhamia e Bamit brenda varrezave të Varrit të Bamit. 16. Xhamia e Merjes tek Sanatoriumi i vjetër. 17. Xhamia e Islam agë Petreles tek rruga e "Fortuzit", e prishur me rastin e ndërtimit të shkollës "Jeronim de Rada". 18. Xhamia e Voglit në rrugën "Vllazën Huta". 19. Xhamia e Vathit në rrugën "Vathi". Kështu bëhen 19 xhami, siç thotë H. I Dalliu. Xhamia e Sheh Gjuzit tek Sanatoriumi, dhe Xhamia e Tetovës në rrugën e "Shën Gjergjit", (sot "Ali Demi"). ndodheshin jashtë qytetit të atëhershëm, prandaj ndoshta Dalliu nuk i ka numëruar; Xhamia e Haxhi Hafiz Dashit, (e Dinë Hoxhës), në rrugën e "Kavajes", u ndërtua në vitin 1932.

S'është e tepërt mbase t'ju kujtoj se regjimi i vjetër me prishjen e xhamive, kishave dhe objekteve të kultit në tërësi, "ndërtoi" Njeriun e Ri, (siç e quante partia). Që nga ajo kohë tragjeditë vazhdojnë.



nga Gazmend A. Bakiu

revistaklan.com

[Murabit]

Afganistan, arratisen 1 mije te burgosur.

Sat, Jun 14, 2008

Rreth 1000 te burgosur kane arritur te arratisen nga nje burg ne Kandahar ne jug te Afganistanit. Nderkaq mediat e huaja shkruaje se te pakten 15 roje sigurie, kane mbetur te vdekur, pas sulmit kamikaz qe coi ne lirimin e te denuarve. Ushtria afgane dhe forcat aleate jane mobiluar ne kapjen e te arratisurve, por deri tani nuk eshte bere i mundur asnje arrestim.

topalbaniaradio.com/lajme/bota

[Beni_Sh]

Vetëm 6 prej gjithsej 57 vende të konferencës islamike e kanë njohur deri më tash Kosovën e pavarur. Myftiu i Kosovës, Naim Tërnava, mori pjesë në kongresin e Lidhjes Botërore Islame, në Mekë, ku disa vende islamike kanë premtuar se do të njohin së shpejt



Edhe pse është pritur që ritmi i njohjes së shtetit të Kosovës nga ana e vendeve islamike të ishe më i shpejtë, derë më tash Kosovën e kanë njohur vetëm 6 nga 57 vende të konferencës së vendeve Islamike. Myftiu Naim Tërnava, i cili sapo është kthyer nga kongresi i lidhjes botërore islamike, thotë se disa vende islamike e kanë shprehur gatishmërinë ta njohin Kosovën, në ditët apo në javët në vijim. Myftiu Tërnava shtoi: "Kam kërkuar nga mbreti i Arabisë Abdullah që ta njohë Kosovën dhe ai i më ka premtuar se këtë përnjëherë do ta bëjnë të gjitha shtetet e gjirit, si: Arabia Saudite, Emiratet e Bashkuara, Kuvajti, Omani, Bahrejni e kështu me radhë".

Sipas Myftiut Tërnava, në mosnjohjen e deritashme të Kosovës nga ana e vendeve islamike ka ndikuar edhe qëndrimi i qeverisë ndaj lobimit në këto vende.
Drejtuesit të Bashkësisë Islame të Kosovës, edhe pse nuk u është kërkuar nga qeveria, brenda mundësive të tyre, kanë lobuar në disa vende islamike për njohjen e shtetit të Kosovës.

Në hezitimin e vendeve islamike që ta njohin Kosovën e pavarur besohet se ka ndikuar edhe miqësia e dikurshme e disa prej këtyre vendeve me ish-Jugosllavinë si dhe presioni i bllokut rus.
Drejtuesit e institucioneve të Kosovës ka përsëritur shpesh se Kosova e pavarur është njohur tashmë nga vendet më të rëndësishme, gjë që është cilësuar si njohje kualitative, ndërsa tani nevojitet shtimi i numrit të vendeve që e njohin, apo, siç është cilësuar, njohja kuantitative". Këto deklarata, në një mënyrë apo në një tjetër, mund të ndikojnë negativisht te vendet e zhvilluara të lindjes dhe të vende tjera.

[Archicad]

Kisha ortodokse rumune: Një befasi

Se Samuel Huntington me tezen e tij rreth konfliktit të civilizimeve nuk është e saktë tregojnë edhe protestat në Rumuni.


Në ketë shtet shtëpia botuese Polirom e ka botuar librin e Salman Rushdie "Vargjet Satanike" dhe atë në 5000 kopje, në të cilin libër autori e ofendon islamin dhe Te Derguarin Muhammed a.s..

Protesta të paparashikuara të ashpra kanë rezultuara kundër këtij akti nga ana e patriarkatit të Kishës ortodokse Rumune RPC.

Në deklaratën për publikun thuhet se kisha kundërshton romanin sepse ka të bëhet me një vepër " në të cilën ofendohen vlerat shpirtërore dhe simbolet fetare".

Ne deklaratën për publik kisha në mënyre eksplicite solidarizohet me myslimanet dhe thërret në fuqizimin e ligjit me të cilin do të sanksionoheshin veprimet të cilët ofendojnë ndjenjat fetare dhe simbolet fetare".

Muftiu i i muslimaneve të Rumanisë e falënderoi RPC -ne. Ai apeloi në bashkësinë e njerëzve që e besojnë Zotin, pa marre parasysh se a behet fjale për te krishterët, çifutet apo muslimanet, që të mos tolerojnë blasfemi të asnjë lloji.

Kishës nuk mund ti vishet oportunizmi për shkak të këtij aksioni sepse ne Rumuni jetojnë 100.000 muslimane prej popullatës se përgjithshme që numëron me 22 milion banore.

Shembull i bukur, prej te cilit ortodokset tanë mund të mësonin se si duhet te zhvillohet jeta me muslimanet.

Islambosna.ba

[Archicad]

Ligjëratë islame në kishë

Me datën 20.06.08 kam qenë i thirrur në kishën e sektit të krishterë "Johannische Kirche" që të mbaja një ligjëratë rreth principeve të islamit. Thirrjes iu përgjigja me kënaqësi dhe për elaborim nga të pranishmit kam marrë reagime mjaft pozitive. Për të Dërguarin e Allahut Muhammedin a.s. thuhet se njerëzve ju ka folur në mënyrën që të gjithë e kanë kuptuar dhe është gabim i madh që njerëzit të ngarkohen me monologje shumë të gjata sepse është e ditur se edhe në rastet më ideale koncentrimi zgjat 40 minuta. Ligjëratën e mbajta me anë të prezentimit në power point, të cilën e kufizova në gjithësejt 4 faqe, ndërsa këtë ndihmesë teknike e zgjodha për arsyen se informata mbetet në kujtesë më shumë nëse audio inputi (vetë dersi) tek dëgjuesit shoqërohet me shqisa vizuele (sytë).

Në ligjëratë morrën pjesë rreth pesëdhjetë anëtarë të kishës. Pasi që prifti më prezantoi, të gjithë u ngritën në këmbë dhe filluan të recitojnë „Ati ynë“. Situata u bë mjaft bizare sepse unë isha i kthyer kah ata, përderisa ata e thonin lutjen. Pasi që e përfunduan fillova me dersin, në të cilin qëllimisht dhe për arsye relaksimi spostoja `off topice' të lehtë të cilat shumë suksesshëm e plotësuan qëllimin e vet.

„Të nderuar zonja dhe zoterinjë, jam i gëzuar që sonte jam i thirrur në hapësirat e kishës suaj që të ju drejtohem me një ligjëratë rreth fondamenteve të islamit. Ligjërata nuk do të jetë më e gjatë se 40 minuta, sepse e dijmë se kur njeriu merr informata për ndonjë gjë të re, është e vështirë që të gjitha të mund t’i analizojë. Për këtë shkak ligjërata ime nuk do të jetë e gjerë- do t’i përmend vetëm gjërat themelore të islamit. Ajo nuk do të jetë as e thellë- nuk dua të ju rëndoj me çështje teologjike, e as që do të jetë e gjatë sepse ndeshja Kroacia – Turqia fillon për nja 45 minuta dhe kjo është arsye shtesë që të nxitoj sepse e di se dashamirët e futbollit në fund të ligjëratës nuk do të më dëgjojnë (të qeshura në publik).

Kur të na tregojnë diqka të re atëherë automatikisht në kokat tona provojmë të gjejmë paralele me atë që e njohim në mënyrë që informatat e reja ti kuptojmë më mirë. Kështu që do të përpiqem- aty ku është e mundur- të shfrytëzj vokabular dhe pamje nga rrethi i kulturës krishtere- oksidentale. Shumë gjëra që do të dëgjoni do të ju jenë të njohura nga Bibla, poashtu do të ju tregojë dallimet ndërmjet krishterimit dhe islamit për të kuptuar më mirë pozicionin islam në gjërat e përcaktuara.
Mësimet qendrore të islamit, në të cilat do të koncentrohem, ndahen në dy grupe: në besimin me zemër, i cili i është i njohur vetëm personit përkatës dhe Allahut. Dhe veprat që kryhen me trup të cilat rezultojnë nga postulatet në të cilat personi i caktuar ka besuar duke u bërë me këtë musliman.
Në kategorinë e parë hyjnë gjashtë kushtet e besimit dhe ato janë:


Besimi ne Zotin Nje.
Besimi i engjejve (Melaikeve) te Zotit.
Besimi ne Librat e Zotit.
Besimi ne profetet e Zotit.
Besimi ne Diten e Gjykimit.
Besimi ne vendimin dhe caktimin e Zotit (Kaderin).

Në kategorinë e dytë të mesimeve themelore të islamit hyjnë veprimet e ato janë pesë kushtet e islamit:
Shqiptimi i deshmise se nuk ka te adhuruar tjeter me te drejte pervec Allahut dhe se Muhammadi eshte i derguari i Tij.
Falja e namazit.
Dhenja e zekatit (Lemoshe e caktuar obligative per besimtarin)
Agjerimi i muajit te Ramadanit.
Vizita e shtepise se shenjte Kabas. ( per ate qe ka mundesi ta kryej kete obligim).


Pasi që i elaborova kushtet e besimit dhe kushtet e islamit më zgjerimisht iu drejtova masës.
Të nderuar dëgjues, ju falenderoj për vëmendjen e juaj. Ligjërata ka zgjatë më pak se që ju paralajmërova. Nëse keni pyetje- lirisht parashtroni- ndërsa unë sipas mundësive të mia do të mundohem të ju jap përgjigjet e duhura.

Pyetje: „Si e sheh islami kurorëzimin ndërmjet muslimanëve dhe jomuslimanëve”?
Përgjigje: “Në dallim prej jomuslimanëve tjerë, të krishterët dhe çifutët kanë privilegje të caktuara. Kështu në Kur’an thuhet se muslimanit mashkull i lejohet që ta martoj një pjesëtare të ndershme nga njerëzit e Librit (këtu mendohet në të krishterë dhe çifutë). Rasti i kundërt nuk është i mundshëm, pra, që një muslimane femër të martohet për një jomusliman, sepse islami përkujdeset edhe për pasardhësit nga ky lloj i martesave. Dhe përderisa fëmijët zakonisht edukohen në besimin e babait, edhepse feministet me mua në këtë pikë nuk do të pajtoheshin (të qeshura në publik) për këtë arsye një muslimani i lejohet ta martojë të krishteren apo çifuten përderisa muslimanja nuk bën të martohet për të krishterin apo çifutin.

Pyetje: - „Pse muslimanët e kanë të ndaluar të konsumojnë mishin e derrit dhe alkoolin. Pse muslimanet duhet të mbulohen?
Përgjigje: „Rregullat lidhur me ushqimin muslimanët marrin direkt prej Kur’anit dhe ndjekja e tyre në rradhë të parë tregon përulësinë ndaj Allahut. Natyrisht muslimanit nuk i është e ndaluar të kërkojë se cila urtësi e Allahut fshehet prapa kësaj. Dhe për shkak të faktit se derri është gjithëngrënës dhe nuk është ripërtypës kjo do të thotë se materiet e dëmshme të cilët i fut në organizëm depërtojnë në mish e të cilat pastaj njeriu i fut në trupin e tij.
Alkooli është i ndaluar sepse e deh njeriun dhe gjendja e dehur është e ndaluar për njeriun sepse njeriu në Ditën e Gjykimit do të jetë i pyetur për çdo vepër të tij, kështu që nuk do të mund të ketë pretekst që përmes alkoolit ka nxitur gjendje të „black-out-it", përderisa Allahu ia ka ndaluar që në start këtë . Edhepse vazhdimisht flitet për alkoolin Kur’ani flet për materiet dehëse, dtth është e ndaluar çdo gjë që e turbullon mendjen, pos alkoolit dhe drogës. Kam përmendur se njeriu sipas zgjedhjes së tij mund të arrijë nivele më të larta se engjëjt kur zgjedh përulshmërinë ndaj Allahut. Ndërsa në gjendje të dehur mund të zbresë në nivele nën ato të kafshëve dhe kuptimi i ndalimit të alkoolit është ruajtja e mendjes për të cilën themi se na ndan prej kafshëve.

Sa i përket urdhëresës për mbulimin e trupit të femrës përpos fytyrës dhe duarve ajo rezulton nga një sure në Kur’an ku Allahu përmes Muhammedit a.s. urdhëron që besimtaret të vejnë rrobat e tyre përmbi trup. Ky është një urdhër i përgjithshëm ndërsa specifikimi i saj është ardhur përmes thënieve të Muhammedit a.s. Kështu njëjtë Allahu në Kur’an nuk përmend sa herë në ditë të falim namaz, cilat lëvizje duhen bërë gjatë namazit, të gjitha këto detalisht janë spjeguar përmes hadithit. Kështu edhe urdhëri i përgjithshëm i Kur’anit të vënies së vellos mbi trup është i precizuar me hadith. Shamia është shenjë e modestisë së femrës dhe nëse shikoni në statuja të Marisë çfarë gjenden nëpër kisha të krishtera, nuk do të shihni asnjë ku ajo është e kokëzbuluar. Ky urdhër ka qenë i njohur edhe në Dhjatën e Vjetër.”

Pyetje: " Si e shikon islami homoseksualizmin“?
Përgjigje: „Kam përmendur se islami është fe e të gjithë të Dërguarve, dhe njëri ndër ta ka qenë edhe Luti a.s.. Tregimin të cilin e keni në Bibël se si Zoti ka dënuar popullin e tij për shkak të homoseksualizmit e kemi edhe në Kur’an. Islami nuk shikon në këtë dukuri ndryshe nga krishterimi- fjala është për një mëkat, e kjo do të thotë se ai është zgjedhje e lirë e kryerësit, sepse Allahu nuk dënon për gjëra të lindura. Këtë po e përmendi sepse islami i përjashton mësimet sipas të cilave afiniteti ndaj gjinisë së njëjtë është i lindur. Allahu në Ditën e Gjykimit nuk do të pyet pse ju keni ngjyrë ta kaltër të syve, ose lëkurë të zezë, sepse këta janë faktorë në të cilët nuk ke pasë ndikim, por për ato vepra që kryhen sipas zgjedhjes së lirë do të shpërblejë ose do të dënojë. Në grupin e këtyre veprave hyn edhe homoseksualizmi“.

Pyetje: - “Cilët jane drejtimet kryesore në islam”?
Përgjigje: " “Në islam ekzistojnë dy grupe kryesore: të ashq. ‘sunni’ të cilët përbëjnë 90 % të të gjithë muslimanëve në botë dhe të ashq. ‘shiitë’ të cilët janë 10 % - shi tjetër. Shiizmi është konfesioni shtetëror në Iran, por janë të numërt edhe në Liban, Pakistan, dhe në disa shtete tjera. Përçarja ka ndodhur pas vdekjes së Pejgamberit a.s. dhe pasoi çështja se kush do ta udhëhiqte shtetin. Duhet të përmendi se dallimet teologjike kanë pasuar 100-150 vjetë pas vdekjes së Muhammedit a.s., deri atëherë dy grupet janë dalluar vetëm në aspekte politike, kështu ajo çka është sot veçori Shiite (pritja e ardhjes së Mehdiut- Shpëtimtarit, kierarkia e fesë) janë gjëra që janë futur më vonë në fe. Sigurisht edhe nën ndikimin e fortë të kultit i cili ka qenë i pranishëm në periudhën paraislamike në Iranin e sotëm. Por të gjitha xhamitë në Gjermani janë të orientimit sunnit sepse emigrantët në këtë shtet janë të ardhur prej vendeve që kanë shumicë sunnite. Unë e kam të njohur se ekziston vetëm një xhami shiite dhe ajo gjendet në Hamburg”.
Pyetje: "- Rringjallja a do të jetë edhe me trup apo vetëm me shpirt”?
Përgjigje: „Rringjallja do të jetë me trup, por me faktin se konzistenca e asaj se çfarë do të paraqes atëherë trupin tonë, nuk do të jetë e njëjtë me atë që e njohim ne sot. Mjafton ta përmendim një informatë si shembull, në Ditën e Gjykimit dielli do të afrohet në distancën prej një miljes në kokat tona, kështu që djersa nga trupi, varësisht nga mëkatet, disave do të ju vie deri te hundët e tyre; dhe e dijmë se trupi ynë i tanishëm nuk do ta përballonte këtë. Ose shembulli që në parajsë njerëzit nuk do të kenë nevoja fiziologjike, ose që njerëzit në ferr do të digjen përjetësisht etj. Filozofi gjerman Wittgenstein ka spikatur vështirësitë e transportimit të kuptimeve transcedentale me gjuhën të cilën ne e zotërojmë“.

Pyetje: - “A ekzistojnë 10 urdhëresat në islam ”?
Përgjigje: „Nuk ekzistojnë si mësime qendrore të mbledhur në një vend, por ndalesat të cilat gjenden në to janë të njohura edhe në islam, pos urdhëresës së katërt, e cila është festimi i ditës së shtunë,dhe kjo nuk ka vend në islam. Urdhëresat dhe ndalesat tjera janë të njohura në islam (ndalimi i politeizmit, ndalimi i promiskuitetit, ndalimi i përvetësimit të pasurisë së huaj, urdhërimi për të bërë mirë ndaj prindërve etj).“


Kur u krye gjithëçka, prifti mu afrua dhe më tha se ka pyetje të cilat donte të mi bënte në katër sy. Staticiteti i islamit në aspektin e jo - evoluimit të çështjes së të Dërguarve të Zotit, se Muhammedi a.s. si i Dërguari i fundit nuk është ndoshta çështje që është bërë me Caktimin e Zotit. Pastaj më tha, unë besoj se në thjeshtësinë e islamit qëndron tërheqshmëria e tij ndaj njerëzve. Për dallim nga krishterimi në të cilin gjenden "konstrukte avanturistike" të cilët arsyeja nuk mundet t’i akceptojë. Unë psh. as vetë nuk besoj e as nuk mund ta kuptojë trinitetin, më tha ai.

Allahu i udhëzoftë në Islam, dhe prania ime në mesin e tyre le të jetë hapi i parë drejtë kësaj rruge.
Amin!

www.islambosna.ba

[Archicad]

"Johannische Kirche" eshte ne Berlin.