Lajme Nga Bota Islame !

[Arber gerguri]

Kjo teme eshte krejt diqka tjeter, por pasi qe ne temen e Alkoolit ishte mbyllur vendosa te postoj nje lajm ketu....

Sot ne oret e mengjesit ne tirane, ne familjen Zhllima, burri vret gruan e tij Hanife Zhllima, pasi qe autori i krimit ishte i Dehur, Ai u arrestua pak ore pas krimit

Pse vendosa ta postoj kete lajm, - Qellimi eshte se disa nga forumistet me heret ne temen e Alkoolit, kerkuan pergjigje se pse eshte haram alkooli, ja pra tani e keni pergjigjen....
Keto raste jan te perditshme, por kjo qe postova ishte aktuale.

Elhamdu lilah qe jemi musliman.

Larg alkoolit.

[Drini_i_Zi]

Ndërtimi i shkollës islame në Spanjë në vitin 2010

Sipas gazetës spanjolle "el Pais" komuniteti muslimanë në Spanjë po përpiqet të ndërtoi qendrën e parë për shkollim fillorë islam në qytetin e Granadës.

E mërkurë, 21 Janar 2009 12:32
Sipas Agjencionit Islam të lajmeve kryetari i komunitetit islam në Spanjë Malik Reiz ka thënë se kjo ide ka ekzistuar qysh para 10 viteve, pastaj ishte paraqitur në vitin 2005 në kohën kur u themelua një fondacion për mbrojtjen ligjore të kësaj ideje.

Kurse tash i kemi dhënë edhe një shtytje këtij projekti për shkak të nevojës së madhe për " kthyerje në vlerat morale" dhe gjithashtu nevojës për "liri".

Në anën tjetër qindra mësues dhe edukatorë nga komuniteti musliman në Evropë debatuan këtë çështje nëpër konferenca të cilat u organizuan nga Qendra për Studime Islame në Granad dhe sipas vendimit fillimi i aktivitetit të kësaj qendre duhet të fillojë vitin 2010/2011.

el-Wasat.com

[Drini_i_Zi]

Fontana,SHBA -Ndërtohet xhamia e parë.

Fontana, Kaliforni- Xhamia e parë është duke u ndërtuar, edhe pse donacionet kanë rënë.

E martë, 20 Janar 2009 23:13
"Shpresojmë se do të kryhet deri në fund të vitit," thotë Imami Faiz Sheh.

Fondacioni i Qendrës Islamike El-Rrahman është kompletuar, punimet e metalta janë gati si dhe rryma dhe kanalizimi po përgatiten.

Muret do të fillojnë të ngritën gjatë dhjetë ditëve të ardhshme, thotë Imami.

Për shkak të krizës ekonomike, donacionet janë ngadalësuar.
Por megjithatë, ai thotë se xhemati i tij janë besimplotë që të japin atë që kanë mundësi kur vijnë për namazin e xhumasë, qe tani mbahet në Akademinë e Arteve Luftarake.

Imami thotë se shumë familje janë shpërngulur dhe kanë ardhur aty afër, disa për shkak të çmimeve të lira të shtëpive por shumica për shkak të ndërtimit të xhamisë së re.

Tani xhemati i tij është rritur në 70 familje thotë ai.

"Ata mëzi e presin hapjen e xhamisë."

redlandsdailyfacts.com/mesazhi.com

[Drini_i_Zi]

Kleriku dhe vajza e tij muslimane vizitojnë Turqinë

Ne besojmë në të njëjtin Zot, dhe Kur'ani thotë gjëra të bukura për Jezu Krishtin dhe gjithashtu thotë se ai do të kthehet," thotë van Buuren.

E martë, 20 Janar 2009 22:49
Kleriku holandez Ari van Buuren dhe vajza e tij, e konvertuar në Islam, udhëtuan për në Turqi për të vizituar vendet fetare në Stamboll gjatë fundit të 2008-ës.

Kryetari i departamentit për Kujdes Spiritual në Univerzitetin e Utrehtit, van Buuren vizitoi xhaminë e Sulltan Ejupit, pallatin Topkapi dhe xhaminë e Sulltan Mehmetit në Stamboll me vajzën e tij dhe gjithashtu i dha disa konstatime interesante në lidhje me Islamin. Vajza e tij, Else Anne, hyri në Islam në vitin 1998 pas një diskutimi me një musliman Libanez në Zvicër.

"Edhe pse unë jam besimtar i krishterë, as unë e as familja ime nuk e kundërshtuam vendimin e vajzës sonë," tha ai, duke e quajtur vendimin e saj si zgjedhje vullnetare. Megjithatë, ai pranon se është përballur me reagime nga kolegët e tij në lidhje me vendimin e saj, por qe 10 vitet prej se ajo ka hyrë në Islam i kanë shërbyer atij për të mësuar ngjashmëritë në mes dy feve dhe ti tregojnë atij se zgjedhja e saj është e drejtë, shton ai.

"Besimi në Zot dhe vëllazëria i bashkojnë të gjitha fetë. Unë e di se muslimanët gjithashtu kanë një libër dhe se të gjithë e shohim Abrahamin si shumë të rëndësishëm. Ne besojmë në të njëjtin Zot, dhe Kur'ani thotë gjëra të bukura për Jezu Krishtin dhe gjithashtu thotë se ai do të kthehet," thotë van Buuren.

"Unë besoj se Muhamedi ishte profet"

Fjalët e fetarit Gjerman Hans Kyng patën ndikim të madh në van Buuren-in, i cili shpjegon se Krishterimi, Judaizmi dhe Islami të gjitha kanë të njëjtat rrënjë. "Ashtu si edhe Kyng, unë besoj se Muhamedi ka qenë profet" thotë Buuren.

Hyrja e vajzës së tij në Islam e ka afruar pastorin protestant më afër muslimanëve të Holandës.

Tani janë më se 1 milion musliman që jetojnë në Holandë, shumica e tyre me prejardhje Marokiene dhe Indoneziane. Po ashtu ka Malajzian dhe Turq.

Van Buuren tani kontribuon në zhvillimin e dialogëve ndërfetare si dhe është anëtar i Iniciativës së Bashkuar Religjioze, organizatë kjo që është formuar në 2000, e cila mbron vlerat fetare dhe unitetin.
Kjo organizatë ka mbi 1000 anëtare qe prezantojnë përmbi 100 tradita të ndryshme fetare në 65 vende të botës.

"Ne bashkohemi me lutje individuale të secilës fe. Në këtë mënyre, të gjitha fetë mbajnë esencën e tyre," thotë van Buuren.

todayszaman/mesazhi.com

[Drini_i_Zi]

Italianëve nuk u pëlqen lutja e muslimanëve jashtë xhamive

A mblidhen spontanisht pas përfundimit të protestave, apo na provokojnë duke u lutur pas manifestimeve pro palestineze në vendet të cilat rastësisht apo qëllimisht janë simbole të qyteteve tona, pyeten italianët.

Fjala është për muslimanët të cilët nga data 06. janar mblidhen tre herë në ditë në sheshet kryesore të qyteteve italiane për t'i kryer lutjet e tyre.

Të shtunën e kaluar më shumë se 4000 musliman pas përfundimit të protestave kundër ofensivës izraelite në Gazë, i cili u mbajt në Romë, u ulën në gjunjë para Koloseumit dhe aty filluan lutjet një orëshe.

Në të njëjtën kohë muslimanët janë lutur edhe para katedrales Duomo në Milano dhe në sheshin Maggiore, pranë njërës ndër kishat më të bukura në Bolonjë, San Petronio, dhe prapë në Milano para stacionit kryesor të trenit...

Gianfranco Fini, president i dhomës së ulët në parlamentin italian nga Emiratet Arabe, ku momentalisht gjendet në vizitë zyrtare, porosit:

- Vendi i vetëm ku muslimanët mund të falen është xhamia. Por, vetëm në gjuhën italiane, shton Fini. Arsyeja? Kështu do të ketë më pak urrejtje dhe kështu mund t'i shmangemi përleshjeve, sepse të lutesh në gjuhën e vendit ku jeton do të thotë të respektosh traditën dhe kulturën e saj. Fini thotë se me këtë pajtohet edhe nikoqiri i tij, princi sheik Mohammed bin-Zayed.

- Çfarë lidhje ka gjuha me nxitje të urrejtjes dhe dhunës? Të lutesh në gjuhën arabe do të thotë ofendim i vendit ku banon? Siç duket Fini nuk njeh shpirtin e Bashkësisë Islame në Itali, sepse në shumicën e xhamive ligjërohet në dy gjuhë - thotë Elzir Ezzedine, zëdhënës i Unionit të Bashkësisë Islame në Itali (UCOII).

- E vërteta qëndron se mes përfaqësuesve të bashkësisë islame dhe politikanëve italian nuk ekziston dialogu - thekson Ezzedine.


21.01.2009.islamgjakova.net

[Drini_i_Zi]

Zvicra nuk dëshiron imamë në ushtri, por ...


Në maj të këtij viti do të takohen të gjithë priftërinjtë - kujdestarët e përshpirtshëm të ushtrisë Zvicerane. Me ta edhe një imam. Rritja e numrit të muslimanëve është sfida më e madhe e së ardhmes për ushtrinë Zvicerane, thotë Urs Aeli, shefi i shërbimit për kujdesin shpirtëror në ushtrinë Zvicerane.

Muslimanët në ushtri

Zyrih. Numri i muslimanëve në Zvicër që nga 1980 është pesëfishuar. Sot, jetojnë rreth 350.000 musliman. Kështu pas katolikëve dhe protestantëve, muslimanët përbëjnë konfesionin e tretë në vend. 90 përqind e muslimanëve në Zvicër vijnë nga Turqia dhe Ballkani.

"Shifra të sakta nuk kemi. Por, ne qysh tani i kemi shkollat rekrutuese me një pjesë të konsiderueshme të kushteve për muslimanët", thotë Peter Bolliger, shef i shërbimit psikologjiko-pedagogjik të ushtrisë Zvicerane.

Në grupin projektues, të angazhuar për përpilimin e një flete udhëzuese për pjesëtarët jo të krishterë ku bëjnë pjesë edhe dy musliman, në qendër të saj qëndron: lutjet, data festive, ushqimi. Imamët ushtarak - analog me ata të xhamive deri tani ende nuk janë paraparë. Hisham Maizar, kryetar i kryesis së bashkësive islame në Zvicër, me keqardhje thotë: "Angazhimi i imamëve është një nevojë".

Problemi kalon edhe më larg se sa mishi i derrit dhe alkooli, kjo ka të bëjë me unifikimin e identiteteve si musliman, ushtar dhe Zviceran. Është një çështje që ka të bëjë me integrimin.

Njësite të veçanta për muslimanët, sikurse që ka në Austri, do të ishin kontraproduktive.

Nga Gjermanishtja: Naxhi Ibrahimi

breziiri.com

[Drini_i_Zi]

Geert Wilders, autori i filmit antiislam në gjyq


Gjykata holandeze dha urdhrin për fillimin e procesit kundër liderit të partisë "Liria" dhe anëtarit të parlamentit Geert Wilders për shkak të filmit të tij antiislam "Fitna", ku islamin e barazon me dhunën, ndërsa Kur'anin me Majn Kampfin e Hitlerit.

"Në sistemin demokratik, shprehja e urrejtjes është kuptuar seriozisht, kështu që në interesin e përgjithshëm është që të merret një hap i qartë dhe konkret", thuhet në komunikatën e gjykatës në Amsterdam.

Por, autori i filmit antiislam, Geert Wilders , tha se një hap i tillë nga kjo gjykatë është "sulm ndaj lirisë së shprehjes". "Jo vetëm unë, por të gjithë holandezët të cilët kundërshtojnë islamizimin e vendit të tyre do të gjenden në karrigen e të akuzuarit. Atëherë kush do të ngritët në mbrojtje të kulturës tonë, nëse mua ma mbyllin gojën?", thotë Wilders .

Sipas Gjykata së Amsterdamit përfaqësuesi i parlamentit Geert Wilders akuzohet për inicim të urrejtjes dhe diskriminimit ndaj muslimanëve dhe besimit të tyre. Gjykata, gjithashtu, ka gjetur prova për procedurë penale pasi që islamin e krahasoi me nazizmin, thuhet në komunikatën e gjykatës.

Xherad Spong, avokat i shquar, i cili punoi në aktakuzë, përshëndeti vendimin e gjykatës duke thënë se kjo është një ditë e mbarë për pasuesit e islamit të cilët nuk dëshirojnë të hudhen në të njëjtën gropë me nazizmin.

Në mars të viti 2008, Wilders filmin për Kur'anin e vendosi në internet. Më pas pasuan protesta të muslimanëve në mbarë botën. Skena hyrëse me titull "Fitna" paraqet kopjen e Kur'anit përmes së cilës paraqiten fotografitë e sulmeve terroriste në New York, London dhe Madrid.

Në këtë film, gjithashtu, paraqiten skenat e pavërteta të montuara ku muslimanët në demonstrata mbajnë transparente në të cilat shkruan "Zoti e bekoftë Hitlerin" dhe "Në ferr me lirinë". Filmi dokumentar përfundon me mesazhin "Ndaloni islamizimin, mbroni lirinë tonë".

Kryeministri holandez Jan Peter Balkenende tha se në këtë film islami paraqitet gabimisht si religjion i dhunës, duke shtuar se vepra e Wildersit është punuar me qëllim - të ofendoj. Një vit më parë Wilders Kur'anin e kishte përshkruar si libër fashist duke kërkuar ndalimin e shitjes dhe distribuimit të librit siç është rasti me Majn Kampfin.

Lideri i partisë "Liria" vitet e fundit ka jetuar nën përcjelljen policore pasi që në vitin 2004 regjisori holandez Teo Van Gog është vrarë nga një musliman radikal.

Ekspertët politik në Holandë thonë se partia "Liria" e cila ka nëntë mandate në parlament, e ka rritur popullaritetin e saj duke iu falënderuara frikës së qytetarëve holandez nga rritja e imigrimit musliman.

[Arber gerguri]

Pikturoi Profetin Muhamed,digjet karikaturisti


Kopenhagën-Karikaturisti nga Danimarka,që publikoi në gazetat daneze karikatura të Profetit Muhamed (s.a) është gjetur i vdekur në banesën e tij.
Vdekja e karikaturistit ka ardhur nga rënia e zjarrit,duke e lënë të vdekur në vend për shkak të plagëve të shumta që kishte marrë.
Lajmi nuk është publikuar në media,për shkak të censurimit të rastit.
Megjithatë,lajmin në epokën e internetit,merr dhenë brenda pak çasteve.

Karikaturisti,publikoi disa karikatura në median daneze,jashtë çdo etike dhe morali njerëzor,duke cenuar fenë Islame.
Në atë,karikatura të tilla shkaktuan zemërim dhe pakënaqësi,ku në shumë vende myslimane pati protesta të shumta.

[Archicad]

Karvani i ndihmave nga Londra për në Gaza





Mbledhja e ndihmave për këtë karvan është duke u bërë nëpër tërë Britaninë.

E martë, 27 Janar

Në muajin shkurt prej Londrës do të niset karvani i ndihmave për në Gaza organizuar nga parlamentari George Gallovey, Koalicioni Kundër Luftës si dhe Organizata Anglo-Arabe, përfshirë këtu edhe shumë unione tregtare të Britanisë dhe një numër organizatash muslimane.

Mbledhja e ndihmave për këtë karvan është duke u bërë nëpër tërë Britaninë.

Karvani i prirë nga autoambulancat dhe kamionët e zjarrfikësve do të udhëtojë përmes Francës, Spanjës, Marokut, Algjerisë, Tunizisë dhe Libisë, pastaj në Egjipt dhe do të hyjë në Gaza përmes vendkalimit kufitar në Rafah.
Ky karvan do të ketë ndihma të ndryshme nga populli i Britanisë përfshirë aty medikamente dhe ushqime.

[Archicad]

Per here te pare iniciativa per bojkot Izraelit me inicim ne SHBA

Gjate flakes se luftes, te sulmeve izraelite ndaj Gazes, nje grup i profesoreve universitare amerikane per here te pare kane lansuar kampanjen nacionale te bojkotit akademik te Izraelit.

Perderisa ne Britanine e Madhe akademiket disa here kane provuar te inicojne bojkote akademike, ky eshte rast i pare i ketij lloji ne SHBA.

Ne cilesine e mesuesve te ndergjegjes, ne nuk mundem te qendronim te qete dhe te vezhgonim ne heshtje sulmet izraelite ndaj Gazes dhe ne institucionet arsimore te saj, behet e ditur ne hyrjen e deklarates per publik te Kampanjes per bojkotin kulturor dhe akademik te Izraelit.

Kampanjen kane inicuar 15 akademike, kryesisht nga Kalifornia, por ajo per momentin eshte duke u perhapur, per tu themeluar rrjeti i cili do te perfshinte tere SHBA –ne, siç thote David Lloyd, profesor i gjuhes angleze ne Universtitein e Kalifornise Jugore. “Iniciativa fillimisht u nxit nga agresioni brutal i Izraelit ndaj Gazes, dhe pastaj nga vendosmeria jone qe te thonim:
“Çka eshte mjaft, mjaft eshte”.

Reagimet ndaj kampanjes jane shume domethenes duke pase parasysh kontrollin specifik ndaj politikes dhe ndaj mediave qe kane organizatat, sikur AIPAC-u (Komiteti amerikano – izraelit per Çeshtje Publike) dhe veçanerisht per shkak te kampanjes per frikesimin e akademikeve te cilet marrin guximin per te kritikuar Izraelin, ka shkruar Lloyd ne nje email per te perditshmen izraelite Haaretz.
Per nje kohe te shkurte pas publikimit te kampanjes, gjate vetem nje uikendi, me teper se 80 akademike nga i tere vendi iu bashkangjiten ketij akcioni.

Ne pyetjen se a do te pranonin perkrahjen e akcionit te tyre nga ana e Hamasit, Lloydi pergjigjet: Ne nuk kemi asnje politike te paradefinuar karshi atyre qe i bashkangjiten apo qe e perkrahin kampanjen tone, deri ne rastin qe i kundervihen qellimeve kryesore te cilet i kemi shpallur. Ne shume raste Hamasi ka kerkuar bisedime direkte me Izraelin, te cilet do te qonin de facto deri te pranimi i Izraelit dhe ka diskutuar hapur per braktisjen e politikes destruktive ndaj Izraelit duke kerkuar garancione te barabarta nga ana izraelite.
IslamBosna.ba
Burimi: Haaretz