Lajme Nga Bota Islame !

[Drini_i_Zi]

Për herë të parë haxhitë në Mine në vend të çadrave do të vendosen në ndërtesa



Për herë të parë këtë vit në Mine një pjesë e haxhinjëve në vend të çadrave të rregulluara prej të cilave edhe është emërtuar "qytet i çadrave" do të banojnë në ndërtesa që ndoshta do t'ia kthej emrin në "qytet i rrokaqiejve". Autoritetet e Arabisë Saudite çdo vit punojnë në sigurimin e kushteve sa më të mira për haxhinjtë numri i të cilëve nga viti në vit rritet.



Prijësi i regjionit të Mekes dhe kryetar i Këshillit organizativ për haxh Halid Fejsal ibn Abdulaziz tha se ky është një tentim provues për pengimin e tollovisë dhe sigurimin e kushteve sa më të mira për haxhinjtë të cilët vijnë nga mbarë bota. Nëse ky tentim tregohet i suksesshëm dhe kualitativ, autoritetet do të vazhdojnë me ndërtimin e ndërtesave të bukura dhe me këtë haxhinjëve do t'ju mundësohet që ditët në Mine t'i kalojnë në komoditet.

Mekka këto ditë është qendër e botës e cila pret haxhinjë nga e tërë bota. Pritet ardhja e më shumë se katër milion njerëzve.

[Zombi]

Me ne fund e paska gjetur fene e vet Mustafa!

[RaPSouL]

Deri sot 10 herë ka ndëruar besimin ky.

[Cimo]

Muslimanet pranojne pedofil ne rradhet e tyre !

[fisniku-student]

Muslimanet pranojne pedofil ne rradhet e tyre !

O dashamire qfar te pengon dhe madje te intereson nese Mikail Jacksoni hyri apo doli ne Islam???

Islami i ka dyert e hapura per qdo Krijese,pavaresisht se qfar permban ne vetevete ajo krijese, d.m.th Islami eshte Mekanizmi i vetem qe nepermjet tij mundesohet qe njeriu si krijese te vendos rreth se ardhmes se tij ne jeten e pas vdekjes.

Islami (keshilla e Fundit e Njerzimit)eshte i vetmi qe ka autorizim te vendos per qdo krijes (sepse nuk ka tjeter)dhe poashtu i jep mundesin qdo krijese qe te beje rikthim ne jeten e tij duke u penduar ,pavarsisht te kaluares se tij sepse Allahu ia ka mundesuar nje gje te tille.

Qdo njeri eshte gabimtar/mekatar (ai qe mohon kete eshte poashtu Mekatar/Gabimtar),dhe si i till ka kete destinim ,d.m.th qe te gaboj ne jete ,keshtu qe njeriu nuk ka mundesi qe te kaloj qoft nje dite te vetme pa bere mekate,edhe nese flen tere diten (mekati ketu eshte se nuk e ka shfrytezuar diten por ka fjetur) keshtu qe Islami kete gje e ka shpjeguar mire dhe se ne Kuran Allahu i ka paralajmruar njerzimin se ju jeni krijesa qe beni mekate dhe se duhet te pendoheni tek Une ne menyre qe te pastroheni dhe mepastaj te futeni ne meshiren Time.

Keshtu qe edhe ne kete rastin e Mikail Jacksonit ne vetem mund te supozojm dhe mund ta pergojojm aktin e tij ,sepse nuk e dijm sinqeritetin e tij ,dhe ne mund te flasim ne te ardhmen per sinqeritetin e tij se sa ka qen transparent mund ta bejme kete vetem nese kalojn ca vite dhe nese ky person eshte permisuar dhe ka bere kthim ne jeten e tij ateher mund te konkludojm se Mikail Jackson ka gjetur prehjen ne Keshillen e Njerzimit - Islamin. Ndersa nese verejm se nuk ka ndryshuar pozitivisht ne jeten e tij ateher lirisht mund te themi se ka bere sy e faqesi per interesa te dyshimta..

[Drini_i_Zi]

Rreth gjysmë milioni haxhilerë arrijnë në Medinë


E shtunë, 22 Nëntor 2008 23:47

Sipas statistikave zyrtare të lëshuara nga Komiteti i Haxhit në qytetin e shenjtë të Medinës deri tani kanë arritur përmbi 420.000 haxhilerë deri në mbrëmjen e së Martës, ndërsa përmbi 160.000 janë nisur për në Mekë.

Numri më i madh deri tani është numri i haxhilerëve nga Indonezia që arrin përmbi 57.000, që pasohet nga Pakistanezët me përmbi 32.000 dhe Indianët me mbi 30.000 persona.

Statistikat tregojnë për 79% të hoteleve të zëna deri tani.

Arabnews.com

[Drini_i_Zi]

Britania nis delegacionin e fundit për në Haxh


Sekretari i jashtëm Dejvid Miliband të Mërkurën nisi delegacionin e fundit për ndihmë haxhilerëve që do të kryejnë Haxhin e sivjetmë.

E shtunë, 22 Nëntor 2008 23:59

Delegacioni i Haxhit, i nënti më radhë prej se Britania është bërë i vetmi shtet i Krishterë që bën organizime speciale për Haxh dhe ju ofron ndihmë haxhilerëve ishte një shembull i partneritetit në mes qeverisë dhe muslimanëve Britanez, tha Miliband.

Në këtë delegacion po marrin pjesë zyrtarë mjekësor si dhe zyrtar nga zyra për punë të jashtme.

Në vitin e kaluar përmbi 25.000 Britanez morën pjesë në Haxh, ndërsa përmbi 6000 musliman Britanez u ndihmuan nga delegacionet të cilat i këshillonin si dhe u ofronin ndihmën mjekësore dhe kujdesin e tyre.

mathaba.net

[Drini_i_Zi]

Udhëton grupi i parë i haxhinjëve


Gjithsejt 703 persona do ta kryejnë haxhin nën organizimin e BIK-së.

E diel, 23 Nëntor 2008 15:14


Nën organizimin e Bashkësisë Islame të Kosovës sot ka udhëtuar grupi i parë i haxhinjëve për në vendet e shenjta, në Mekë dhe Medinë. Gjithsejt 703 persona do ta kryejnë haxhin nën organizimin e BIK-së.

Për shëndetin e haxhinjëve do të përkujdesët ekipi, i cili gjatë gjithë kohës së qëndrimit dhe udhëtimit, do të jetë në shërbim të haxhinjëve, njofton Bashkësia Islame e Kosovës. /rtk/

[Drini_i_Zi]

Muslimanët në Floridën Jugore të bëjnë reklama Islame në autobusë


Që nga nesër, dhe në vazhdim për 8 javë, sistemi transit në disa pjesë të qytetit do të ketë reklamat gjigante në lidhje më Islamin në më së 120 autobusë.


E hënë, 24 Nëntor 2008 23:15

Të Martën, me 25 Nëntor, udhëheqësit e Bashkësisë Islame të Floridës Jugore do të mbajnë konferencën për lëshimin e projekteve të dizajnuara për qëllime edukative dhe për të larguar keqkuptimet në lidhje me Islamin dhe muslimanët.

Që nga nesër, dhe në vazhdim për 8 javë, sistemi transit në disa pjesë të qytetit do të ketë reklamat gjigante në lidhje më Islamin në më së 120 autobusë.

Projekti i quajtur "Reklamat e Autobusëve," është përgatitur për të ftuar qytetarët për të thirrur numrin falas ku mund të bëjnë pyetje për Islamin si dhe sajti www.CallingIslam.com ku mund të merren informata të shumta të sakta në lidhje me Islamin dhe muslimanët.

"Qëllimi kryesor i këtij projekti është vetëdijesimi në lidhje më muslimanët dhe Islamin për bashkëvendësit tanë Amerika," thotë Altaf Ali, drejtor ekzekutiv në zyrën e CAIR-it në Floridën Jugore.

marketwatch.com

[Archicad]

Muzeu i ri për artet islame

Shteti i vogël i Katarit po përjeton ndryshim të madh. Aty vërehet qartë një vetëbesim i ri i Katarasve. Tashmë vetëm se ekziston një simbol madhështor i këtij vetëbesimi. Muzeu për artet islame.
E martë, 25 Nëntor 2008 19:59
Reklam

Çdokush që ka qenë i interesuar për artet islame është dashur të udhëtojë për në Londër ose në New York. Madje edhe atje janë trajtuar këto koleksione sikur ato të egjiptasve dhe të grekëve të vjetër. Janë të rralla muzetë për artet islame.

Në vendet arabe deri më tash nuk ka pasur asnjë të tillë. Muzeu i ri në qytetin Doha të Katarit është një gjë e re. Një vend ku mund të shihet kultura dhe arti islam. Me një strukturë të kualitetit të veçantë, ky muze ka një sipërfaqe përafërsisht 5000 metra katrorë, duke ia shtuar edhe sallat për prezentim, mësim, lexim dhe konservim të ekzemplarëve.

Në muze do të punësohen rreth 160 puntorë. Ky muze është një ndër projektet më të rëndësishme dhe më monumentale në botë dhe do të jetë pjesë thelbësore e strategjisë së Katarit për t'u bërë atraksion turistik. Shikuar nga këndi arkitektonik kjo është ndërtesa më moderne në lindjen e mesme.

Projektuesi i këtij muzeu është arktitekti kinezo-amerikan I.M. Pei, nga i cili është projektuar piramida e Louvre dhe National Gallery në Washington. Mirëpo ky objekt nuk duket se është projektuar nga ai. Ai ka udhëtuar shumë nëpër botën islame, ka vizituar xhamia e kështjella dhe është inspiruar nga arkitektura e tyre.

Ky ndërtim i ngjan mjaft shumë xhamisë së Ahmed Ibn Tulun-it në Kairo e ndërtuar në shekullin e IX. Në mënyrë gjeniale Pei ka bashkuar format moderne kubike sipas traditës arabe, gërshetuar me kulturën e lindjes dhe të perëndimit. Në këtë muze do të takohen traditat dhe modernizimi. Me këtë le ta shoh bota, që Katari i jep një pasqyrë të re botës dhe kulturës Islame.

www.zeit.de

www.qatarliving.com

Pregaditi: Sokol Gashi