Lajme Nga Bota Islame !

[Sabriu]

Provoni ekonominë Islame


E enjte, 06 Nëntor 2008
Nga: Dr. Aid El-Karni

Me të vërtetë, bota gjatë periudhës së sistemit socialist, kishte provuar që ekonominë ta zbatojë sipas këtij sistemi, mirëpo, me rënien e socializmit të gjithë pjesëmarrësit u gjunjëzuan dhe bankrotuan.Më pastaj bota provoi sistemin kapitalist ku u shtua pasuria individuale me të gjitha mjetet dhe rrugët e paligjshme duke shfrytëzuar djersën dhe mundin e të varfërve. Por, me kalimin e kohës, edhe ky sistem deklaroi falimentimin dhe përfundimin e tij. Andaj Islami ka mbetur si e vetmja zgjidhje për të shpëtuar ekonominë globale, i cili fton dijetarët islam që të punojnë me këtë sistem hyjnor. S'ka dyshim se Allahu i Madhërishëm e di më së mirë se ç'është më e dobishme dhe më e favorshme për robtë e Tij, mirëpo, fatkeqësisht njerëzit refuzuan të zbatojnë këtë Ligj hyjnor dhe përqafuan idetë, iluzionet dhe ligjet njerëzore. Allahu i Madhëruar thotë: "A thua mos po kërkojnë gjykimin e kohës së injorancës, po për një popull që bindshëm beson, a ka gjykim më i mirë se ai i Allahut?" (Suretu el-Maide 50). Sistemi ekonomik në Islam është valvul sigurimi për individin dhe shoqërinë. Ky sistem (sistemi ekonomik islam), për dallim nga sistemi socialist, mbron të drejtën e pasurisë së individit nëpërmjet rrugëve të ligjshme dhe legale sado që arrinë pasuria e tij. Po ashtu, ky sistem, për dallim nga sistemi kapitalist, ndalon fitimin e pasurisë nëpërmjet rrugëve të ndaluara dhe të dëmshme për njerëzit siç janë: kamata, fajdeja, ryshfeti, mitoja, etj., dhe u siguron nevojtarëve gjërat e nevojshme jetësore nga zeqati i të pasurve (që është 2.5% e pasurisë së mbetur për çdo vjet). Gjithashtu, i nxitë të pasurit që edhe nëpërmjet sadakave dhe lëmoshave të tjera të ndihmojnë vëllezërit e tyre të varfër. Është e habitshme se disa ekspertë të ekonomisë në Perëndim kanë kërkuar që të ndahen 2% nga fitimet dhe të ardhurat e secilit punëtor dhe ato mjete të destinohen në vendet përkatëse për të zbutur gjendjen ekonomike të shtresave të varfëra. Mirëpo, mos të harrojmë se feja e jonë Islame, para 14 shekujve ka paraparë dhe ka vendosur një ligj të tillë (siç është zekati). Shikoni se si e ka lejuar tregtinë dhe ka ndaluar kamatën, se si i fton njerëzit të fitojnë pasuri në mënyrë të ligjshme dhe të lejuar (hallall), pastaj i thërret ata ta ruajnë dhe ta mbrojnë pasurinë e tyre (pasi ajo në Islam është e shenjtë), i nxitë që të japin sadaka (lëmoshë) për të varfërit, si dhe bëri obligim (farz) dhënien e zekatit dhe ndaloi çfardo lloj fitimi në mënyrë të ndaluar (haram). Sipas teksteve kur'anore, inkurajohet investimi i lejuar. Abdurrahman ibën Aufi thoshte: "Më tregoni se ku është tregu"!. Kurse halifi i parë i muslimanëve, (kryetari i shtetit islam) Ebu Bekër Es-Siddiku r.a., vazhdimisht shkonte në treg dhe bënte tregti derisa as'habët i brengosi një gjë e tillë dhe i caktuan detyrimisht një rrogë nga arka shtetërore (bejtul mal), e pastaj u kthye në administratën shtetërore. Vërtetë është për t'u habitur se si disa musliman ftojnë ummetin islam që në aspektin ekonomik t'i imitojnë sistemet socialiste dhe kaptaliste te Lindjes dhe Përëndimit dhe harrojnë Ligjin e pastër hyjnor të Allahut të Madhërishëm!!! Ska dyshim se ky është imitim i verbër. I mposhturi nuk i beson më sistemit dhe programit të tij. I rrethuari nuk sheh më larg se sa muret e dhomës së tij. Lajkatari servil imiton ashtu siç imiton papagalli. Është fatkeqësi e madhe që disa nga arabët treguan mosbindje ndaj misionit të përhershëm Islam duke përqafuar marksizmin e kuq, socializmin e maskuar dhe kapitalizmin e planifikuar. Allahu është më i madhi dhe shkatërron të gjithë ata që tregohen tiranë dhe të padrejtë ndaj të tjerëve.
Atëherë ftoj botën e qytetëruar që të provojë ekonominë Islame ashtu siç provoi më parë sistemet njerëzore të cilat edhe koha dëshmoi se kanë dështuar rrënjësisht. E them këtë, për shkak se Ligji i Allahut të Madhërishëm në të gjitha veprimtaritë jetësore është më i larti ngase është nga Zoti i të gjitha botrave, kurse ligjet njerëzore janë më të ultat. Bota është në pritje të një shkatërrimi ekonomik, andaj zgjidhja e vetme është kthimi tek ekomomia e pastër Islame. Para kësaj, botën (joislame) e ka goditur edhe shkatërrimi i moralit dhe familjes së shëndoshë, andaj unë kundërshtoj me ngulim se mund të ekzistojë ndonjë problem çfardo lloji qoftë ai, i madh apo i vogël e që nuk ka zgjidhje në Islam. Si rrjedhojë, shumë ligjvënës në Perëndim kanë kërkuar ndihmë dhe zgjidhje nga dispozitat Islame, qofshin ato në vepra penale, marrëdhëniet familjare, të drejtat e gruas etj... Atëherë ku janë dijetarët (ulematë) tanë? Përse nuk i tregojnë njerëzimit se çfarë përmbanë kjo fe e pastër dhe kjo thirrje e sinqertë?! Përse nuk ju bëjnë të qartë Perëndimit se feja Islame është fe e vërtetë, e lehtë, tolerante, e drejtë, transparente etj.? Fatkeqësisht dijetarët tanë akoma janë në kundërthënie të vazhdueshme në mes veti sa i përket hënës së re (El-Hilal) gjatë muajit të Ramazanit, se a duhet të shikohet me sy apo me mjete astronomike!!!
Për fund, edhe një herë i drejtohem botës mbarë se zgjidhja e vetme për të dalur nga kriza financiare globale, gjendet tek ne (muslimanët) e që është një zgjidhje hyjnore, të cilën na ka sjellur Profeti Muhammed s.a.v.s. nga meleku Xhibril, e ky i fundit nga Allahu, Zoti i të gjitha botëve.

Marrë nga gazeta e njohur arabe: Esh-Sherku el-Eusat dt. 28.10.2008
Shqipëroi: Enes Koshi

Paraqet,Sabri Selmani

[Archicad]

Klerikët mylsimanë dhe romano-katolikë si edhe akademikë fetarë kanë filluar një takim të paprecedent në Romë.

David Willey

BBC, Romë



Seminari 3-ditor është i pari i këtij niveli mes myslimanëve dhe katolikëve që organizohet nga Vatikani.

Ai vjen dy vjet pas protestave ndërkombëtare lidhur me një leksion universitar të dhënë nga Papa Benedikti, që lidhte myslimanët me dhunën në të kaluarën.

Dy ditët e para të këtij forumi do të dominohen nga diskutime se si feja kupton dhe interpreton urdhëresat për të dashur Zotin dhe fqinjin tënd.

Gjatë bisedimeve jozyrtare të dyja palët do të bëjnë propozime lidhur me atë se si të shmangin tensionet në të ardhmen, që ndizen me raste mes myslimanëve dhe të krishterëve.

Protesta të dhunshme shpërthyen në disa pjesë të botës islame pas publikimit të karikaturave të profetit Muhamed nga një gazetë daneze.

Përsëri pati protesta pas vërejtjeve të bëra nga Papa Benedikti në vitin 2006 kur ai bëri një lidhje me islamit dhe dhunës.

Akademikët dhe klerikët myslimanë që po marrin pjesë në takimin e Vatikanit, thonë se protestat mund të ishin shmangur nëse liderët myslimanë dhe të krishterë do të kishin folur sëbashku kundër dhunës së tillë dhe provokimeve që zakonisht fshihen pas saj.

Në botë ka rreth 2 miliard të krishterë dhe gati gjysma e tyre janë katolikë.

Ndërsa myslimanët që numërojnë sot rreth 1.3 miliard, e kanë tejkaluar për herë të parë numrin e katolikëve në botë.

[altin55]

po mire bre burr!!!! kete foton e ketij shrigut, pse e sjell ketu!!!!???? moderator zhuke foton e papes

[Archicad]

Fjala e Mustafa ef. Ceriqit në Forumin myslimano-krishterë në Romë





Reisul ulema udhëhoqi delegacionin e myslimanëve në forumin e Vatikanit (prej 12-15 tetor, 2008) E veçanta e këtij takimi ishte prezenca e 24 myslimanëve dhe 24 katolikëve teolog-intelektual me dialog të hapur.

Në emër të delegacionit mysliman, foli Mustafa Ceriq, i cili në mes të tjerave tha:

"Eminenca juaj kardinal Jean -Louis Taurani, miq të nderuar! Ju falënderoj në fjalët e bukura të mikpritjes.

Ndihem i privilegjuar që mundem në hapjen e seminarit të parë të forumit Katoliko-Mysliman, këtu në Vatikan të falënderoj në ftesë dhe që më është treguar nder që në emër të myslimanëve t'ua kthej me përshëndetjen e paqes dhe vullnetit të mirë. Ky është për myslimanët urdhër i cili buron nga Shpallja e fundit hyjnor, Kur'anit fisnik:

"Kush përshëndeteni me ndonjë përshëndetje, ju ktheni përshëndetje edhe më të mirë . . ." (En - Nisaë, 86)

Eminenca juaj,

Ne erdhëm në Romë që t'ju shprehim vullnetin e mirë të myslimanëve për paqe dhe drejtësi në botë. Erdhëm për dialog të hapur dhe konstruktiv në principin e fjalës së përbashkët në mes nesh dhe jush, e kjo është dashuria ndaj Zotit të madhërishëm dhe dashuria ndaj fqinjit, njeriut (të gjitha qeniet njerëzore janë fqinjët tanë). Sepse ai i cili e do Zotin e madhërishëm, i do edhe njerëzit tjerë. Ai i cili e do me sinqeritet fqinjin e tij, është i vetëdijshëm për veten e vet. Sepse, vetëm nëse jemi të sinqertë dhe veprojmë me ndershmëri në marrëdhëniet e përditshme fqinjësore, mund të themi se i takojmë njerëzimit, si mirëqenie e përbashkët. Shpirti ynë është i krijuar të ndaj jetën me tjerët, ngase të gjithë jemi të krijuar nga dheu dhe dheut i kthehemi. Ne ndajmë shumë gjëra - ndajmë fenë në Një Zot, i Cili na krijoi prej një njeriu, e pastaj na shpërndau si farë në qenie të panumërta njerëzore; ne ndajmë të njëjtin babë Ademin dhe të njëjtën nënë, Havën; ne ndajmë ajrin që e marrim dhe lindjen e diellit që e shohim për çdo ditë; ne ndajmë traditën e Ibrahimit dhe anijen e shpëtimit të Nuhut; ne ndajmë dashurinë dhe respektin ndaj Merjemes së bekuar si dhe ndaj djalit të saj, Isait a.s.; ne ndajmë tregimet e vërteta për Musain a.s. dhe popullin e tij; ne ndajmë gëzimin e suksesit tonë dhe pikëllimin e mossuksesit tonë; ne ndajmë frikën e përbashkët dhe shpresën e përbashkët për paqe dhe drejtësi në botë.

Ne besojmë që koha jonë, është koha e etikës së përbashkët, e cila duhet që gjithmonë të na shpëtojë nga kampet e vdekjes, nga fashizmi dhe antisemitizmi, holokausti, islamofobia, spastrimit etnik dhe gjenocidit. Në vend të kësaj, ne dëshirojmë të luftojmë për jetë të lumtur të secilit njeri, për liri të secilit individ, për barazi të gjithë njerëzve dhe popujve, për vlera demokratike dhe progres të përgjithshëm të njerëzimit. Si mysliman jemi të obliguar që ta kuptojmë qartë fjalën e Zotit - Kur'anin dhe të pasojmë shembullin e bukur të Muhammedit a.s., të dërguarit të fundit të Allahut, e kjo është që të jetojmë dhe përhapim bashkëjetesën dhe tolerancën gjithmonë dhe në çdo vend.

Eminenca juaj, miq të dashur!

Ky për ne është vendi i vërtetë që tu themi fqinjëve tanë - të krishterëve nga tërë bota që islami është fe e paqes dhe që myslimanët janë njerëz paqedashës. Të gjithëve duhet t'u bëhet e qartë që paragjykimet për Kur'anin fisnik dhe fjalët e pashembullta mbi të dërguarit e Allahut nga Ademi nëpërmes Nuhut, Ibrahimit, Musait, Isait dhe Muhammedit a.s., nuk do ta zgjidhin problemin e drogës, sidës, abortet, varfërisë, eksploatimit seksual, ndotjes së mjedisit, urrejtjen, vrasjet, vetëvrasjet dhe terrorizmin në botë.

Zgjidhjet për këtë dhe fatkeqësitë e tjera të kohës sonë duhet kërkuar në dashurinë ndaj Zotit të madhërishëm dhe dashurinë ndaj njeriut - fqinjit.

Jam i bindur dhe i vetëdijshëm që bota e përcjellë këtë takim të vullnetit të mirë dhe pret që të shohë çfarë do të jenë rezultatet e para të këtij seminari të forumit krishterë-mysliman në Vatikan, i cili për shumë gjëra ka rëndësi historike.

Shpresojmë që do të dërgojmë mesazhin e paqes dhe shpresës për tërë botën me lutjen drejtuar Zotit të madhërishëm që bota të bëhet më e mirë dhe vend më i sigurt për jetesë.

Në fund, ju ftoj që të gjithë që të më bashkoheni kësaj lutje boshnjake:

.
Në emër të Zotit, Mëshiruesit, Mëshirëbërësit!
Të lutem o Zot i Plotfuqishëm
Që pikëllimi të bëhet shpresë!
Që hakmarrja të bëhet drejtësi!
Që loti i nënës të bëhet lutje!
Që askujt dhe asnjëherë mos t'i përsëritet Srebrenica!

AMIN

.

islamgjakova.net

[Archicad]

Më ndryshoni emrin, nga Zhak, në Muhamed


http://www.gazeta-shqip.com/artikull.php?id=53209




Shumë njerëz që emigronin në Francë kërkonin të ndryshonin emrin, donin të ishin anonimë në vendin pritës, të fshinin përgjithmonë identitetin e tyre të vjetër për të ndërtuar një jetë të re. Tani, emigrantët e rinj me origjinë afrikane kanë nisur të bëjnë rrugën e kundërt, duke kërkuar që të kthehen sërish në modë emrat e prindërve të tyre. Një shenjë e keqe sipas specialistëve, edhe pse askush nuk është ende në gjendje të përcaktojë përmasat e këtij fenomeni. Por, në vend ka fëmijë me emrat Tieri apo Zhak, e që duan të quhen Mustafa ose Muhamed. Ata ndihen të përjashtuar nga shoqëria franceze dhe mendojnë se emri i pagëzimit që kanë nuk i ndihmon të integrohen në një shoqëri ku të rinjtë me origjinë ekstrakomunitare janë më të shumtë, kur bëhet fjalë për vështirësi. Kështu, përqindja e të papunëve mes tyre, ose të burgosurit janë më të mëdhenj në numër krahasuar me mesataren. Kjo është një nga paradokset e shoqërisë transalpine, që nga njëra anë përkrah Barak Obamën, por nga ana tjetër nuk është në gjendje të zgjedhë ndonjë deputet me origjinë afrikane. Është e vështirë ta përshkruash inatin dhe zemërimin e të rinjve francezë me origjine subsahariane. Të mbash një emër me origjinë afrikane do të thotë shpesh të të mbyllin në fytyrë shumë dyer dhe për shkak të paragjykimeve të mbetesh edhe pa punë. Disa familje kishin kërkuar që ta kalonin këtë problem duke ndryshuar të paktën emrin e fëmijëve të tyre. Por sot, Tieri-t, Zhak-ët, apo Martin-ët me origjinë afrikane duan të kenë emra që i përkasin komunitetit të tyre. Një fenomen ende dytësor ky. Deri më tani, vetëm një rast ka tërhequr vëmendjen, ai i Melun-it, qytezës me 38 mijë banorë, disa kilometra larg kryeqytetit. Në gjykatë, gjyqtarët janë thirrur që të japin vendimin e tyre mbi qindra dosje të këtij tipi. Një numër i pazakontë sipas "Parisien", që i ka kushtuar një rëndësi shumë të madhe kësaj çështjeje. Fondamentalizmi islamik nuk ka lidhje fare me kërkesat.. Më tepër ideja që mund të mos kuptohesh nga të tjerët. Në fakt, është e sikletshme të kesh një emër të krishterë me tipare fizike ekstraevropiane, ndërkaq një njeri me emrin Zhak, që e ka ngjyrën e lëkurës ndryshe nga e bardha, do të shkaktonte shumë polemika. Sipas zëvendësprokurorit të republikës, Herve Çarls, ato pyetje "përbëjnë një fenomen të vërtetë në shoqëri. Njerëzit që paraqesin kërkesat, në pjesën më të madhe burrat, edhe pse gratë nuk mungojnë, e bëjnë këtë për arsye kulturore ose fetare". Kush kërkon të ndryshojë emrin e pagëzimit e bën sepse nuk ndihet i integruar në asnjë pjesë të shoqërisë, as mes francezëve të "vërtetë", as mes miqve të komunitetit. Ndihet i mënjanuar, i lënë pas dore. "Gjatë bisedave që kam pasur me ta, shumë prej tyre thonë se trajtohen në mënyrë të panjerëzishme, ndërsa të tjerë dorëzohen para një shoqërie që nuk i konsideron pjesë të tyren", tregon prokurori. "Ka një mospërputhje mes fizikut dhe emrit tim", thotë Zhaku me origjinë algjeriane. Sipas ekspertëve, bëhet fjalë për një fenomen akoma të kufizuar, por gjithsesi shqetësues, që përkthehet në dëshirën për t‘u izoluar më shumë se sa për t‘u integruar. Ky është edhe mendimi i gjyqtarëve: "Këto ndryshime shkojnë kundër dëshirës për t‘u integruar në shoqërinë franceze". Por nëse në Francë ndryshimi i emrave bëhet për shkak të mosintegrimit në shoqëri, në Britaninë e Madhe është krejt e kundërta. Emri Muhamed është më i pëlqyeri mes fëmijëve dhe që nga viti 2006 ka njohur një rritje të paimagjinueshme. Kështu, nga regjistri i gjendjes civile në Mbretërinë e Bashkuar tregohet një shifër historike, emri më i përdorur për fëmijët britanikë të seksit mashkull është Muhamed, në versionet e tij të ndryshme, të cilat varen nga vendi ku një mysliman e përkthen emrin Muhamed nga gjuha angleze në atë arabe Mohammed, Muhammad, ose Muhamed. Me këtë emër janë quajtur në Mbretërinë e Bashkuar 5991 fëmijë meshkuj brenda vitit 2006, duke zënë vendin e dytë në klasifikimin e emrave më të përdorur pas emrit Xhek. Ky i fundit (Xhek) renditet i pari me 6928 preferenca, madje edhe përpara emrave si: Tomas, Xhoshua, Oliver, Herri, Xhejms, Uilliam, Samuel dhe Daniel, bashkë me Muhamed dhe Xhek janë 10 emrat më të përdorur në Angli. Duke parë se vitin e kaluar emri Muhamed është rritur me 12 për qind, krahasuar me 2005-ën, është parashikuar se vitin e ardhshëm do t‘ia kalojë edhe atij Xhek, duke u bërë absolutisht emri i parë për fëmijët e këtij shteti.

Tamam si një makinë që ecën me shpejtësi të madhe në një rrugë bosh, ashtu edhe emri Muhamed po "fluturon" me shpejtësi drejt "rrugës së lirë" për të arritur në krye të të gjithë emrave.

Mund të duket një statistikë zhgënjyese: myslimanët britanikë janë vetëm një milion e gjysmë (dy milionë duke llogaritur banorët ilegalë ose të përkohshëm), ndërsa e gjithë popullsia e Mbretërisë së Bashkuar numëron 60 milionë banorë. Po si është e mundur që mbizotëron më shumë emri Muhamed se Xhek, apo Tomas?

Shpjegimi është i dyfishtë. Nga njëra anë, prindërit pasues të vendeve të tjera, apo ato laike, zgjedhin pa dyshim mes shumë emrave, ata që u shkojnë më shumë të vegjëlve të tyre, ndërsa prindërit që vijnë nga vendet myslimane zgjedhin emrin Muhamed, me dëshirën e madhe që t‘i thërrasin fëmijët e tyre me emrin e Profetit të Islamit. Kështu, duke qenë se janë një pakicë etnike në Britaninë e Madhe, duke i përqendruar preferencat e tyre tek emri Muhamed, përfitojnë (ose momentalisht të dytin) vendin e parë në klasifikimin e emrave.

Zakonisht, myslimanët marrin dy emra pas lindjes. I pari Muhamed, që është homazhi ndaj Profetit dhe i dyti është emri që do të përdoret në familje për të thirrur fëmijën. Një arsye e dytë për mbizotërimin e Muhamedëve është se myslimanët janë më të shumtë në numër se sa kristianët, hebrenjtë dhe ateistët. Në Mbretërinë e Bashkuar, myslimanët kanë një mesatare lindjeje tri herë më të lartë se popullsia jo myslimane. Me pak fjalë, popullsia myslimane dominon në numrin e lindjeve, që do të thotë edhe pse janë të paktë në numër, në shtëpitë e tyre lindin më shumë fëmijë.

Për sa i përket ndryshimit të drejtshqiptimit, varet nga transliterimi e tingëllimi i emrit Muhamed nga gjuha arabe në atë angleze. Një mysliman jo arab, shkruan te revista "Times", duke komentuar lajmin, se e shqipton emrin me "ed", pra Muhamed, ndërsa një mysliman arab, e shqipton në fund me "ad", duke shkruar Mohamad.

"Prindërit që i quajnë në këtë mënyrë fëmijët e tyre, besojnë se emri do të ketë ndonjë efekt në personalitetin e fëmijës dhe në karakteristikat e së ardhmes", pohon myftiu Abdul Barkatullah, një ish-imam i xhamisë Finchleyroad, një qendër radikalizmi islamike në verilindje të Londrës. "Duke iu vënë emrin Muhamed, fëmija do të bëhet i edukuar dhe i zoti. Edhe pse nuk e njohin historinë e Profetit dhe nuk janë besimtarë praktikantë, kanë dëshirë t‘ia besojnë fëmijën Muhamedit".

Përtej shpjegimeve konkrete, shpërndarja ka një domethënie simbolike: ajo nënvizon rritjen e komunitetit mysliman në Britaninë e Madhe, sinjalizon se ky është bërë vërtet një vend shumë kulturor, larg nga imazhi "Old England" (Anglisë së vjetër). Dikur emrat më të përdorur ishin ata të apostujve të krishterë si: Xhon, Petër dhe Pol, të cilët janë zhdukur nga klasifikimi i 20 emrave më të përdorur. Nga ana tjetër, edhe në Itali Muhamedi nuk është keq në klasifikim. Ai renditet i dyti menjëherë pas Françeskos, ndërsa pas tij vjen Xhulia dhe Sara. Janë këta emrat më të përdorur nga italianët dhe të huajt: fëmijë të lindur nga prindër italianë dhe fëmijë të lindur nga prindër të huaj. Dy lista që tregojnë histori dhe tradita të ndryshme, por që shpeshherë përzihen me njëra-tjetrën.

Në Itali emrat e gjinisë mashkullore më të përdorur janë: Françesko, Aleksandër Andrea, ndërsa për gjininë femërore: Xhulia, e cila qëndron edhe në krye të klasifikimit, vijon më pas Martina, Klara, Sara dhe Alesia. Duke shfletuar statistikat, duket se prindërit italianë i kanë braktisur emrat e vjetër dhe kërkojnë të përdorin ato të yjeve televizivë. Në klasifikimin e 30 emrave më të përhapur nuk ka emra të huaj.

Megjithatë, ekziston një listë paralele, ku gjenden edhe emrat Omar dhe Muhamed, Jusuf, Zakaria dhe Jasminë. Këta janë emrat e fëmijëve të çifteve të huaja që jetojnë në Itali, prindër të cilët kanë zgjedhur traditën e tyre. Mes fëmijëve të huaj, emri i parë në klasifikim është Omar (Omar), duke vijuar me Muhamed, Mateo dhe Alesio. Për vajzat, pesha e traditës është paksa më e lirë, ku emrat e parë në klasifikim janë Sara, Alesia dhe Xhulia, më pas vijnë Aja, Sabrina dhe Jasmina.

Mbiemrat

Në SHBA, pesë mbiemrat më të përhapur janë: Smith, Xhonson, Uilliams, Xhons, Braun; në Angli: Smith, Xhons, Uilliams, Tejlor, Braun; në Kinë: Li, Uang, Zhang, Liu, Çen, Jang; në Spanjë: Garcia, Fernandez, Gonzalez, Rodriguez, Lopez; në Gjermani: Muller, Shmid, Shnejder, Fisher, Mejer; në Francë: Martin

Bernard, Dubois, Tomas, Robert.



Somario

Myslimanët në Francë

9.6 për qind e rezidentëve, ose ndryshe 5.98 milionë e popullsisë


Popullsia

Franca ka një popullsisë prej 62.3 milionë banorësh, mes të cilëve njerëz të shumë kulturave të ndryshme



2 mijë


Janë çdo vit kërkesat për të ndryshuar emrin e pagëzimit, ku 90 për qind lidhen me kërkesën për të vendosur një emër francez





Muhamed

Emri Muhamed ka 16 versione në gjuhën angleze. Në fund të këtij viti mendohet se do të jetë emri më i përdorur në Angli


1 591 000

Njerëz të fesë myslimane jetojnë në Britaninë e Madhe


4 900 000

Rezidentët në Mbretërinë e Bashkuar që kanë lindur jashtë vendit, nga të cilët 569 800 në Indi. Ky është komuniteti i huaj me numrin më të madh.

[Drini_i_Zi]

Pelegrinë nga e tërë bota bashkohen për Haxh

Të gjithë këta që kryejnë Haxhin, pavarësisht nga diferencat e tyre etnike, kulturore dhe të gjuhëve ndajnë të njëjtat rite dhe shpresa.


E martë, 11 Nëntor 2008 00:18
Miliona musliman nga e tërë bota u nisën për udhëtimin e tyre për në Mekë për ta kryer Haxhin.

Haxhi është pelegrinazhi në Meke. Është pelegrinazhi më i madh vjetor në tërë botën. Është shtylla e pestë e Islamit, një obligim që duhet kryer së paku një herë në jetë nga çdo musliman i aftë për ta kryer si dhe që i ka mundësitë. Është një demonstrim i solidaritetit të muslimanëve, si dhe i përuljes ndaj Allahut. Pelegrinazhi është prej datës 8 deri më 12 Dhulhixhe nga kalendari hënor Islam.


501 pelegrin Nigerian u nisën nga aeroporti i Kanos për në Arabi Saudite.

Përmbi 13.000 pelegrinë do të nisën nga ky aeroport për haxhin e këtij viti.

Rreth 200.000 pelegrinë nga Indonezia do të arrijnë në haxh me 497 fluturime prej 11 aeroporteve të ndryshme.

Nga Kashmiri numri është rritur në 1728 deri tani.

Filipinët do të kenë afër 4500 veta këtë vit, dhe do të arrijnë në fillim të muajit të ardhshëm.

25.000 haxhilerëve Britanikë iu është përgatitur kampi ku do të marrin këshillat për shëndet dhe siguri.

Në ShBA kanë filluar të mbahen seminare të ndryshme për mënyrat e kryerjes së Haxhit.

Organizimet kanë filluar edhe në vendet tjera nëpër tërë botën nga Zelanda e Re e deri në Kinën e largët.

Arabia Saudite ka bërë përgatitjet e fundit sa i përket anës së sigurisë për numrin e miliona haxhilerëvë që pritët të vijnë gjatë këtij viti.


worldbulletin.net

[Drini_i_Zi]

Numër rekord i votuesve musliman

89% të votuesve musliman ia dhanë votën Barak Obamës, ndërsa 2% për Mek Kejnin.

E shtunë, 08 Nëntor 2008 21:58
Muslimanët amerikan dolën në votime në numër të lartë dhe shumica e tyre votuan për Barak Obamën në zgjedhjet e kësaj jave në SHBA, sipas të dhënave të votuesve, edhe pse liderët musliman në SHBA janë ndjerë si të lënë anash gjatë fushatave zgjedhore.

89% të votuesve musliman ia dhanë votën Barak Obamës, ndërsa 2% për Mek Kejnin.

Në një konferencë shtypi në Uashington të Premten liderët musliman e uruan presidentin e sapo zgjedhur Obama në këto zgjedhje historike si presidenti i parë Afro-Amerikan në SHBA. Por ata e thirrën atë që të mbajë premtimet e dhëna në fushatën e tij për bashkim dhe përfshirje të të gjithëve dhe për të rregulluar marrëdhëniet e acaruara gjatë kohës 8 vjeçare të presidentit Bush.



the national

[Drini_i_Zi]

Jepet pëlqimi për xhami në Kingston të Nju Jorkut

E martë, 11 Nëntor 2008 23:31
Bordi i planifikimit të qytetit e dha dritën e jeshilët për ndërtimin e xhamisë në Kingston të shtetit të Nju Jorkut.

Anëtarëve të Asociacionit Musliman të qarkut të Ulsterit iu është dhënë leja për ndërtim të xhamisë.

Tarik Gujar anëtar i xhamisë thotë se ndërtimet për shtëpinë e adhurimit pritët të fillojnë në pranverë.

dailyfreeman.com

[Archicad]

Xhamia e tretë më e madhe në botë

Xhamia Sheik Zajed në Abu Dabi, një kryevepër arkitekturore është xhamia e tretë më e madhe në botë.



"Sipas dëshirës së Sheik Zajedit, xhamia u ndërtua në një breg të lartë 9.5 metra kështu që të mund të shihet nga larg. Përfshin një sipërfaqe prej 22,000 metra katrorë dhe mund të akomodojë 40,000 besimtarë” thotë arkitekti i xhamisë Mohammad Ali al-Ameri.

Ky objekt ka filluar së ndërtuari në vitin 1998 nga Sheik Zajed, i cili pos që ka qenë presidenti i parë i Emirateve të Bashkuara Arabe, poashtu ka qenë edhe udhëheqës i emiratit të pasur me naftë, Abu Dabit. Punimet përfundimtare janë planifikuar të kryhen në nëntor të viti 2009.


Janë shtatë llambadarë të importuar nga Gjermania, kryesori është më i madhi në botë me diametër 10 metra dhe me lartësi prej 15 metrave. Qilimi më i madh në botë është punuar nga Kompania e Qilimave nga Irani, është punim dore i punuar brenda xhamisë nga 1200 thurrës me sipërfaqe prej 5,627 metra katrorë. Mermeri i bardhë është marrë nga Greqia. Ndërsa figurojnë rreth 200 lloje të ndryshme të mermerit nga vende të ndryshme të botës. Dyshemetë janë të shtruar me pllaka mermeri me dizajne florale. Pllaka të qeramikës të pikturuar me dorë janë porositur nga Turqia. Tavanet janë punuar me dorë nga mjeshtrit marokenë. Me tri kupolla kryesore, me gjithësejt 57 kupolla të dekoruar me mermer të bardhë dhe katër minare me lartësi prej 115 metra.




"Është xhamia e tretë më e madhe në botë pas Xhamisë së Madhe në Meke dhe Xhamisë së Profetit në Medine " thotë udhëheqësja e projektit, Hawla al-Suleimani,.
Por përkundër dy xhamive të para, kjo xhami e emërtuar sipas themeluesit të shtetit modern të Emirateve të Bashkuara Sheik Zajed bin Sultan al-Nahajan, është e hapur edhe për jomuslimanë.
"Me qindra janë duke ardhur për vizitë për çdo javë që nga hapja e saj zyrtare në ditën e parë të Kurban Bajramit, në vitin 2007” shtoi ajo.
"Pos shumë vizitorëve muslimanë që vijnë të falen, xhamia vizitohet edhe nga shumë jomuslimanë, si shihet në librin e vizitorëve.



www.theage.com.au

[Sabriu]

Mbahet konferenca mbi bankat islame

Në Bahrejn mbahet një konferencë mbi bankat islame
E enjte, 13 Nëntor 2008

Në Bahrejn më 23-25 nëntor do të mbahet një konferencë ndërkombëtare mbi bankat islamike, për të promovuar rritjen dhe zhvillimin e ekonomisë islame.

Sipas agjencisë së lajmeve MEHR, konferenca e 15 ndërkombëtare mbi bankat islame, ka për qëllim të merret me avantazhet e mundësive në sektorin e financave islame, promovimin e zhvillimit të investimeve vjetore përmes financave islame dhe dhënien e propozimeve në avancimin e qëllimeve të bankave islame në Bahrejn.

Në këtë konferencë do të marrin pjesë mijëra përfaqësues të bankave dhe institucione nga 45 vende të botës , për të mësuar mbi aftësitë e bankave islame.