Lajme Nga Bota Islame !

[Drini_i_Zi]

Xhamia e Pejgamberit (a.s) fillon të mbushët


"Pamja e Turqve, Indianëve dhe Indonezianëve në xhaminë En Nebevi është një shenjë e hershme se sezoni i haxhit ka filluar," thotë një Malazias që ka jetuar në Arabinë Saudite që ca vite.


E martë, 04 Nëntor 2008 06:56
Safat (rreshtat) në xhaminë e Pejgamberit Muhamed (a.s) kanë filluar të mbushen për pesë kohët e namazit, gjersa autobusët vazhdojnë të sjellin pelegrinë në qytetin e shenjtë për të mbushur hotelet, shenjë kjo që tregon se ka filluar sezoni i haxhit të këtij viti.

Përveç faljes së namazit në xhaminë En Nebevi, që është e dyta më radhë në islam për nga shenjtëria, haxhilerët gjithashtu kanë rastin ta vizitojnë varrin e profetit Muhamed (a.s) dhe të tre kalifëve: Ebu Bekrit, Omer Hatabit dhe Othmanit r.a.

Medina gjithashtu është vendi i xhamisë Kuba, që është xhamia e parë gjatë kohës së Muhamedit (a.s), që është destinacion për miliona haxhilerë gjatë rrugës për në Arafat në fillim të muajit Dhjetor.

"Pamja e Turqve, Indianëve dhe Indonezianëve në xhaminë En Nebevi është një shenjë e hershme se sezoni i haxhit ka filluar," thotë një Malazias që ka jetuar në Arabinë Saudite që ca vite.

Haxhilerët nga Malajzia kanë filluar të vijnë gjatë vikendit të kaluar, duke u bashkuar me mijëra të tjerë nga vende të ndryshme.

Medina qytet ku radhë bie shi ishte i lagur gjatë vikendit të kaluar me temperaturë 20 gradë celsius, me qiell të kthjellët dhe me erëra te vogla.

bernama

[Drini_i_Zi]

Fjalët e profetit në rrugët e Melburnit


Rrugët e Melburnit këto ditë përmbajnë tekste te padeshifrueshme nga shumë njerëz.Çka mund të jenë këto?


E martë, 04 Nëntor 2008 06:24
Në krye të këtyre shkrimeve, është një tekst në gjuhën arabe qe vjen nga profeti Muhamed (a.s), dhe ndërlidhet me mungesën e ujit në Melburn.

Kjo është thënia e profetit (hadithi): "Mos e shpenzoni ujin kot edhe nëse gjendeni afër lumit."

Artisti i ri Muhamed Ali me prejardhje Britanike nuk kishte përvojë me mungesë të ujit deri sa erdhi në Australi para tri javëve.

"Njerëzit më thoshin mos të bëja shpesh dush, dhe pastaj i shihja veturat e ndotura," thotë ai. "Nuk e dija çka do të thotë fjala thatësirë më herët"

Ai erdhi në Australi nga këshilli i Artëve nga Anglia për të marrë pjesë në festivalin e Melburnit. Ai është artist i devotshëm.

Ka disa seri ekspozitash gjatë karrierës së tij si vizatues muresh dhe ka bërë turne në Evropë dhe SHBA.

"Unë e përdori rrugën si medium për ti ofruar njerëzit së bashku, dhe të ofroj mirëkuptime për njëri tjetrin."

"Unë gjithmonë dëshiroj të bëj të qartë se muslimani dhe Islami janë dy sende të ndryshme, dhe çka disa muslimanë bëjnë nganjëherë mund të mos jetë Islam," thotë ai.

[Drini_i_Zi]

Vandalizohet xhamia në Merilend, SHBA


70 topa me ngjyrë janë hedhur në qendrën Islame në Gaithersburg te Merilendit në mëngjesin e të Shtunës.

E martë, 04 Nëntor 2008 07:43
Një xhemat i xhamisë e pa një veturë të shpejtë duke u kthyer afër xhamisë gjersa shoferi hidhte topat me ngjyrë në muret e saj.

Stafi i xhamisë është duke i hulumtuar kamerat e qendrës Islame për ofruar evidencë për policinë.

"Fatkeqësisht, është bërë një fenomen i rregullt, ne shohim këto vandalizma në të gjitha xhamitë në vend," thotë Ibrahim Huper nga Këshilli për Marrëdhënie Amerikano- Islame CAIR.

Drejtuesit e xhamisë donë që të vendosin pengesa të lëvizshme për vetura në mënyrë që të pengohen kriminelet si dhe të zhvillojnë monitorimin me kamera.

gazzette.net

[eldonel]

Klerikët mylsimanë dhe romano-katolikë si edhe akademikë fetarë kanë filluar një takim të paprecedent në Romë.
Seminari 3-ditor është i pari i këtij niveli mes myslimanëve dhe katolikëve që organizohet nga Vatikani.

Ai vjen dy vjet pas protestave ndërkombëtare lidhur me një leksion universitar të dhënë nga Papa Benedikti, që lidhte myslimanët me dhunën në të kaluarën.

Dy ditët e para të këtij forumi do të dominohen nga diskutime se si feja kupton dhe interpreton urdhëresat për të dashur Zotin dhe fqinjin tënd.

Gjatë bisedimeve jozyrtare të dyja palët do të bëjnë propozime lidhur me atë se si të shmangin tensionet në të ardhmen, që ndizen me raste mes myslimanëve dhe të krishterëve.

Protesta të dhunshme shpërthyen në disa pjesë të botës islame pas publikimit të karikaturave të profetit Muhamed nga një gazetë daneze.

Përsëri pati protesta pas vërejtjeve të bëra nga Papa Benedikti në vitin 2006 kur ai bëri një lidhje me islamit dhe dhunës.

Akademikët dhe klerikët myslimanë që po marrin pjesë në takimin e Vatikanit, thonë se protestat mund të ishin shmangur nëse liderët myslimanë dhe të krishterë do të kishin folur sëbashku kundër dhunës së tillë dhe provokimeve që zakonisht fshihen pas saj.

Në botë ka rreth 2 miliard të krishterë dhe gati gjysma e tyre janë katolikë.

Ndërsa myslimanët që numërojnë sot rreth 1.3 miliard, e kanë tejkaluar për herë të parë numrin e katolikëve në botë./bbc/

[eldonel]

Sivjet, dy arsimtare të mbuluara me shami, njëra austriane dhe tjetra qeke, kanë filluar punën në shkollat e Vjenës.
Në Francë dhe Gjermani, në dy vendet shembuj të demokracisë, në mënyrë demokratike është e ndaluar një gjë e tillë, në stilin e respektimit të të drejtave të njeriut. Në Austri ende nuk është. Dy arsimtare me shami, të cilat ia kanë nisë punës në shkollat e Austrisë janë Emine Polat-Sürel, politikanja e parë austriane me shami, dhe një qeke e cila është konvertuar në Islam.

"Zonja Polat na është mbështetje e fortë, jo vetëm si arsimtare. Më shumë se një e treta e nxënësve tanë rrjedh prej familjeve turke. Ajo i largon barrierat ndërkulturore dhe gjuhësore" thotë drejtoresha e saj Sigrid Exenberger-Bernthaler.

Mirëpo, punësimi i saj nuk ka qenë aq i lehtë.

"Një kolege e saj pat thënë se ajo nuk do ta lëshontë fëmijën e saj në klasën ku jep mësim një arsimtare e mbuluar me shami".

Në anën tjetër, deri më tani, nuk ka pasë ankesa nga ana e prindërve, si në shkollën e saj, ashtu edhe në shkollën e arsimtares tjetër të mbuluar me shami.

Österreich

[Archicad]

Kuvendi i Da'ves në Tripoli






Nga 27 - 30 tetor në Tripoli është zhvilluar Kuvendi i tetë i Da'ves, organizatë botërore islamike, me titull "Islami është feja e vetme e vërtetë tek Allahu".



Në kuvend morën pjesë përfaqësues të 460 organizatave islamike nga tërë bota, përfaqësues të organizatave krishtere të interesuara për dialog ndërfetar e kulturor dhe përfaqësues të shumë organizatave tjera ndërkombëtare.

Në kuvend është shqyrtuar puna e Da'ves në katër vitet e fundit dhe njëherit janë paraqitur deklaratat për aktivitetet e organizatave të cilat hyjnë në përbërjen e Da'ves. Gjithashtu, janë shqyrtuar format, mjetet dhe metodat e përmirësimit të punës dhe njoftimi me fenomenet e reja me të cilat ballafaqohet da'iu.

Në Kuvendin e tetë është zgjedhur edhe Këshilli i ri i Da'ves islame, në mesin e të cilëve për herë të dytë u zgjodh reisu-l-ulema nga BeH dr.Mustafa Ceriqi.


islamgjakova.net

[Archicad]

T- shirtet me mbishkrime islame


T – shirtet me mbishkrime islame të cilët është duke i punuar një dizajner grafik në Gjermani me qëllimin që ta luftojë islamofobinë në Perëndim kanë tërhequr vëmendje të madhe





Ky artist kreativ së pari i ka paramenduar parullat të cilat flasin për paragjykimet e Perëndimit, pastaj ato parulla i ka shtypur në rrobet që janë të punuara për të rinjtë. Filloi shitjen e këtyre T-shirteve përmes internetit në web faqen StyleIslam dhe tani ka blerës nga e tërë bota.

Në një intervistë i shpalos idetë e tij:

A mund të na thoni se si ka filluar kjo ide?

Në Dortmund kam studjuar dizajn grafik dhe për një kohë të gjatë kam punuar në këtë fushë. Idenë e parë e kam pasur në kohën kur u publikuan karikaturat rreth Muhammedit a.s. Kam menduar se nuk do të arrihet askund nëse nuk i riparojmë komunikimet ndërmjet kulturave të ndryshme. Kam ardhë në ide se mbishkrimet nëpër T-shirte ngjallin kureshtjen dhe vëmendjen e njerëzve.



Kur keni filluar me punën?

Në tetor të vitit 2007, në muajin Ramazan.

Sa blerës keni?

Për momentin kemi blerës nga e tërë bota, dhe numërohen disa mijë blerës.

Çfarë mbishkrimesh vendosni nëpër T- shirte?

Terrorizmi nuk ka religjion
Adhuroni Krijuesin, jo krijesat
Buzëqeshja është sunnet
Bëhuni pjesë e Ummetit
Musliman jam lind
Mbulesa.. E drejta ime, zgjedhja ime, jeta ime
E përkrah mbulesën
Namaz do të thotë gjithmonë të jesh në lidhje
Isa ka qenë musliman
Duaja është arma e besimtarit

Dünya Bülteni

[Archicad]

Muslimani bashkiak i Roterdamit




Këshilli komunal i Roterdamit, shumica prej të cilëve janë socialdemokrat, në takimin e 17. tetorit emëruan Ahmed Abutalebin bashkiak të ardhshëm të këtij qyteti holandez.



Abutaleb karrierën e tij politike e formoi në "Partinë e punës" socialdemokrate (PVDA). Për momentin është duke ushtruar detyrën e sekretarit shtetëror për punë dhe çështje sociale në qeverinë në pushtet të cilët e përbëjnë partitë e krishterëve demokrat dhe socialdemokratëve.

Bashkiaku i ardhshëm i Roterdamit, 47 vjeçari Ahmed Aboutaleb, ka lindur në Marok. Në Holandë erdhi me prindërit e tij si fëmijë, sot krahas shtetësisë holandeze ka edhe atë marokene.

Partisë së djathtë liberale për liri dhe demokraci (VVD) i pengon që Aboutaleb krahas nënshtetësisë holandeze ka edhe atë marokene. "Zgjedhja e muslimanit me dy pasaporta është sinjal i gabuar", njofton VVD.

Për dallim nga VVD gazeta liberale holandeze Trouw thekson se "Zgjedhja e muslimanit në krye të një qyteti të madh paraqet përparim të madh në diskutimet nacionale për integrimin e emigrantëve".

Emërimi i bashkiakut të ardhshëm të Roterdamit, i cili duhet të hyj në fuqi më 01. janar të vitit 2009, duhet ta vërtetoj ministria holandeze e punëve të brendshme.


islamgjakova.net

[Drini_i_Zi]

Muslimanët në Poloni po lulëzojnë


Muslimanët e Varshavës po lulëzojnë në bashkësinë e tyre të vogël në një kënd të kryeqytetit; një mikro kozmos në vendin me popullsi shumicë katolike.

E mërkurë, 05 Nëntor 2008 23:31
Xhamia e vetme gjendet në një lagje te qetë dhe vështirë shihet nga shtëpitë përreth me derën e saj të harkut.

Por brenda, xhamia shërben si qendër shpirtërore për komunitetin musliman të Varshavës: shumica prej të cilëve ndërtuan shtëpitë e tyre ngadalë në vendin me popullsi plotësisht katolike, dhe pak mund të gjurmojnë rrënjët e tyre Polake me shekuj prapa.

Në Xhuma në Varshavë marrin pjesë rreth 300 persona. Ka mësim të gjuhës Arabe të Shtunave, një shitore hallall është afër saj dhe një qendër Kulturore Islame që ofron fletushka Islame të përkthyera në gjuhën Polake.


Minoritet në rritje

Megjithëse shumica vendosin numrin e muslimanëve në Poloni në 30.000 – më pak se 1% ky minoritet pritet të rritet. Në Varshavë, janë 5000 deri 7000, prej tyre shumë biznesmen, refugjatë politik dhe student të viteve të 80-ta që kanë vazhduar të qëndrojnë.

Shumë prej muslimanëve janë Turq, Sirian, Pakistanez dhe Çeçen, por këtu marrin pjesë edhe disa Polak që janë martuar me muslimane dhe kanë hyrë në Islam apo të tjerë që kanë hyrë në Islam vet.


Jashtë Varshavës, Polonia mburrët me 2 xhami historike të shekullit 17 dhe 18, qe ishin vendbanime të muslimanëve të parë Polak në shekullin e 14.

Tartarët ishin të parët që arritën në Poloni dhe Lituani duke praktikuar fenë lirshëm si zëvendësim për shërbim ushtarak.

Në një kohë numri i tyre kishte arritur në 17.000 por tani vetëm disa familje Tartare kanë mbetur pasi shumica e tyre kanë dalë në qytete për punë.



Ngacmimet nga Polakët

Femrat e mbuluara janë më të sulmuara sepse shihen se janë muslimane, por zakonisht problemet vijnë nga Polakët e moshuar apo të dehur.

"Janë të radha por ndodhin," thotë një musliman.

"Por feja jonë na mëson se nëse dikush dëshiron të të përqeshë, andaj ti e kalon dhe nuk ia vë veshin duke i bërë veshët si tunel. Hyn në njërin e del nga tjetri."

Deutschewelle.de

[Archicad]

Rabini çifut dhe familja e tij kanë kaluar në Islam



Rabini çifut me nënshtetësi turke dhe familja e tij kanë kaluar në Islam, një veprim jo i përditshëm mes çifutëve të Turqisë, - ka bërë të ditur gazeta turke Hürriyet.

Për herë të parë në historinë e çifutëve të Turqisë një rabin bëhet musliman me familjen e tij.

Aaron Kohen, së bashku me bashkëshorten Flori Kohen dhe të bijën Meira, në tetor, ka deklaruar botërisht shehadetin (se nuk ka Zot tjetër përveç Allahut dhe se Muhammedi a.s. është rob dhe i dërguari i Tij) dhe ka zgjedhur fenë islame.









Aaron Kohen ka lutur muftiun e kuartit të Stambollit Beyoglu që të organizojë ceremoninë e kalimit të tij dhe të familjes së tij në Islam.








“I respektoj të tri fetë. Islami është feja e vetme që i pranon të gjitha të tjerat. Thelbi (esenca) i mësimeve të tri feve monoteiste përmbahet në Kur’an. Zgjodha Islamin sepse desha që të dorëzohem para Zotit si besimtar i plotë. Kam dhe ushqej dashuri dhe respekt të madh ndaj Pejgamberit, Muhammmedit a.s.”, - ka deklaruar Kohen duke shpjeguar për çfarë arsye kishte vendosur të pranonte islamin.



Kohen ka punuar në sinagogën Neva Shalom në Stamboll për 36 vjet. Ai ka deklaruar se i ka vizituar shpesh kishat dhe xhamitë.



Ai thotë se bashkësia çifute e Turqisë ka qenë e befasuar me vendimin e tij. “Disa kanë reaguar shumë ashpër. Kanë filluar që të thurin intriga kundër meje” - thotë Kohen, duke shtuar: “Por nuk shqetësohem edhe aq shumë për reagimet e tyre. Qetësia e brendshme që ndiej është më e rëndësishme.”



Marrë nga: islambosna.ba