Lajme Nga Bota Islame !

[Archicad]

Simbol për integrimin që funksionon - Inagurimi i xhamisë në Duisburg





Me pjesëmarrje të gjerë nga politika e kisha në Duisburg u inagurua xhamia më e madhe në Gjermani. Ceremonia u zhvillua pa protesta. Kjo falë politikës së hapur informative të bashkësisë islame.

Ishte një atmosferë festive të dielën (26.10.) në Duisburg në lagjen Marxloh. Rreth 3.500 ftesa kish shpërndarë bashkësia islamo-turke tek përfaqësuesit e besimeve të ndryshme nga e gjithë bota. Sipas të dhënave të policisë në ceremoninë e inagurimit kishin ardhur 6.000 vizitorë, ndër ta edhe shumë turq e gjermanë nga i gjithë rajoni.

Në një fushë të hapur përballë xhamisë vizitorët mund të ndiqnin ceremoninë përmes një monitori të madh. Festa u zhvillua në një tendë të madhe të vendosur në sheshin e parkimit pranë xhamisë. Aty mbajti fjalimin edhe kryeministri i landit të Nordrajn-Vestfalisë, Jyrgen Rytgers (Jürgen Rüttgers). Në fjalën e tij ai e përshëndeti ndërtimin në Gjermani të xhamive të hapura për këdo. Njëkohësisht kryeministri i landit tërhoqi vëmendjen për më shumë përpjekje për integrim nga të gjitha palët: „Ne kemi dështuar me politikën 40 vjeçare të integrimit, kur shohim sot që një 70 apo 75 vjeçar, i cili ka ardhur si djalë i ri në Gjermani për të punuar, që ka kontribuar për ndërtimin e vendit tonë, por nuk flet gjermanisht. Sot mund të diskutohet gjerë e gjatë mbi arësyet dhe përgjegjësitë. Por kushdo duhet ta shohë veten në pasqyrë.“

Dialog i suksesshëm i bashkësisë islame

Qysh nga fillimi i planeve për ndërtimin bashkësia islamo-turke në Marxloh u bazua tek dialogu. Një qendër kontakti në xhami ka për qëllim që të nxisë shkëmbimet ndërfetare. Dritaret e mëdha simbolizojnë transparencën dhe të qenit e hapur. Pikërisht për këtë arësye edhe në ceremoninë e përurimit ishin ftuar përfaqësues të të dyja kishave kristiane. Peshkopi i Esenit, Feliks Gen (Felix Genn) dhe kreu i kishës evangjeliste në zonën e Rinit, Nikolaus Shnajder (Nikolaus Schneider), sollën urimet. Shnajder vlerësoi politikën e hapur të informacionit që ka ndjekur kjo bashkësi: „Qysh nga fillimi i projektit ju si përgjegjës keni njoftuar hapur dhe në mënyrë transparente komunitetin. Duke kontaktuar shumë njerëz nëpër shkolla, kisha e në pjesë të tjera të qytetit, ju keni bërë për vete partnerë për këtë projekt. Kjo është arsyeja përse ndryshe nga qytetet e tjera, ku ndërtimi i xhamive është shoqëruar me protesta, ju keni gjetur këtu mbështetjen e gjerë të politikës, të kishës dhe të shoqërisë civile."

Kritika dhe rezerva kundër këtij projekti në Duisburg ka pasur fare pak. Shumica e fqinjëve janë dakord me ndërtimin e kësaj xhamie.

Ceremonia e inagurimit të xhamisë Merkez në Duisburg shënon edhe hapjen e javës së dyerve të hapura të xhamisë dhe të një sërë veprimtarive të tjera. Eshtë planifikuar edhe një simpozium mbi të ardhmen e mësimit të fesë islame. Teologë nga Turqia dhe Gjermania duan të gjejnë rrugën për vendosjen e standardeve të përbashkëta për zhvillimin e orës së mësmit, në mënyrë që të mos u lihet hapësirë forcave ekstremiste. Krahas një xhamie në Manhajm, xhamia e Duisburgut është një ndër më të mëdhatë në Gjermani. Rreth 1.200 besimtarë mund të zenë vend në një hapësirë prej 2.500 metrash katrorë. Kostot e ndërtimit janë rreth 7,5 milionë euro, prej nga 3,2 milionë janë dhënë ngalandi dhe nga BE-ja. Pjesa tjetër është financuar me donacione dhe me borgje.


dw-world.de

[Drini_i_Zi]

Muslimanët nuk festojnë “Natën e shtrigave”

Si shumë të krishterë konzervativ, shumica e muslimanëve amerikan nuk lejojnë fëmijët e tyre të marrin pjesë në festimin e "Natës së shtrigave" për shkak të zanafillës dhe traditave të kësaj feste.


E mërkurë, 29 Tetor 2008 19:52
"Nuk e festojmë sepse kjo festë bie në kundërshtim me besimin tonë," thotë Hadia Hadi, inxhiniere e kompjuterizimit dhe nënë e dy fëmijëve për IOL.

"Dhe përfundimisht, fëmijët e mijë nuk e festojnë këtë festë dhe qëndrojnë në shtëpi dhe bien në gjumë më herët."

"Unë e konsideroj si festë për ta nderuar shejtanin dhe ferrin." Thotë Samir El Masri, baba i katër fëmijëve dhe inxhinier nga Kalifornia.

"Si mund të i mësoj fëmijët e mijë ta adhurojnë Allahun dhe pastaj të i lejoj të marrin pjesë në festa që e nderojnë shejtanin?"

Në "Natën e shtrigave" shumë shkolla organizojnë marsh të mëngjesit ku të gjithë nxënësit dhe mësuesit vishen me kostumet e kësaj nate.

Megjithatë ka edhe shkolla tjera që nuk festojnë "Natën e shtrigave" apo që nuk i lejojnë nxënësit të vishen me maska dhe kostume.

Kjo festë bazohet në doktrinat pagane te Çeltikeve që zakonisht janë mbajtur me 31 Tetor, festë kjo që ndërlidhet me natën e vitit të ri tek paganet e lashtë në Ishujt Britanik.

Ata besonin se forca mbi natyrale tubohen këtë natë dhe thyhen kufijtë në mes humanes dhe mbi natyrales.

Ata besonin se shpirtrat e të vdekurve kishin mundësinë të vizitonin tokën dhe të bredhin andej e këndej.

Kur Krishterimi erdhi në Ishujt Britanik, kisha u mundua që të largojë vëmendjen nga këto rite pagane duke vendosur festë Krishterë në këtë ditë.

Që nga atëherë festa krishtere e "Të Shenjtëve" njihet në mënyrën e njëjtë si kjo festë pagane.

Këto tradita erdhën në Amerikë nga emigrantët prej Irlandës dhe Skocisë.

islamonline.net

[Drini_i_Zi]

Klubi futbollistik i xhamisë së Milanos


Qendra Islame në qytetin e Milanos në Itali ka organizuar ligën multi fetare të futbollit që e vijuan edhe 8 ekipe muslimane dhe jo muslimane rivale për kupën e xhamisë.


E mërkurë, 29 Tetor 2008 22:03
"E quajtëm Turneu Multi Fetar," thotë Ali Ebu Shvaima, kryetari i qendrës Islame për IOL.

Tetë ekipe nga krahina veriore e Lombardisë garuan në turneun një ditor, i organizuar nga qendra Islame si pjesë e festimit të 20 vjetorin e xhamisë El-Rrahman, që është e para e ndërtuar në Itali.

Disa nga ekipet përfaqësuan xhamitë lokale të rajonit dhe disa përfaqësuan disa kisha Katolike.

Një ekip kishte lojtarë musliman dhe jo musliman.

Lojërat u mbajtën në stadiumin e Milanos, që u lëshua nga komuna e qytetit pa pagesë.

Ekipi musliman nga Torino fitoi kupën El-Rrahman.

"Ne gjithashtu dhuruam nga një kopje të Kur'anit të Shenjtë të përkthyer në gjuhën Italiane," thotë Ebu Shvaima.

Italia ka popullsi Islame prej 1.2 milion banorëve, prej tyre 20.000 të konvertuar, sipas të dhënave jo zyrtare.

Prijësit musliman e vlerësuan turneun si të suksesshëm me një mbulim të gjerë nga mediat Italiane.

Gjithashtu morrën pjesë shumë shikues musliman dhe jo musliman.

"Kjo tregoi se feja dhe sporti mund të jenë element i bashkimit e jo i ndarjes në shoqëri."

islamonline.net

[eldonel]

Disa vende perëndimore përmes ligjeve dhe vendimeve të gjykatave po i cenojnë liritë fetare duke i dhunuar kështu të drejtat e pakicave.
Vendimi i një gjykate zvicerane kundër lirimit të studentëve musliman nga orët e detyruara dhe të përziera të notit ka ngjallur debat të nxehtë për respektin e besimit fetar të pakicave kombëtare në Zvicër.

Kryetari i Federatës së Organizatave Islamike ( FIOE ) Chakib Benmakhlouf i tregoi IOL-it se studentëve musliman duhet t'i jepet e drejta për të marrë mësime të notit në përputhje me fenë e tyre.

Disa vende perëndimore përmes ligjeve dhe vendimeve të gjykatave po i cenojnë liritë fetare duke i dhunuar kështu të drejtat e pakicave.

Më 24 tetor gjykata zvicerane e hodhi poshtë kërkesën e një prindi musliman për t'i larguar djemtë e tij nga vijimi i mësimit të përzier në not.

Në vendim thuhej që lirimi i studentëve për arsye fetare nga orët e notit duhet të ndalohet.

Gjykata u arsyetua se me gjithë respektin ndaj fesë, përparësi duhet t'i jepet barazisë gjinore dhe suksesit në procesin e integrimit.

Ky vendim shkon në kundërshtim me atë të vitit 1993 i cili e lejoi një nxënëse muslimane të mos i ndjek orët e përziera të notit të cilat bien ndesh me besimin e saj.

Në Zvicër e cila ka 7 milion banorë jetojnë 340.000 muslimanë

Islami është feja e dytë në këtë vend evropian pas krishterimit.


islamonline

[eldonel]

"Ky ligj do të siguroj mbrojtjen dhe garantimin e Islamit," thotë Hakim Burhan, ligjvënës nga partia demokratike.
Parlamenti Indonezian të Enjten kaloi projektligjin anti-pornografik, për të mbrojtur rininë në vendim më të populluar më Musliman nga materialet pornografike dhe veprat e fëlliqura, duke shkelur kundërshtimet nga grupet minoritare.

"Ky ligj do të siguroj mbrojtjen dhe garantimin e Islamit," thotë Hakim Burhan, ligjvënës nga partia demokratike.

"Nuk është në interes vetëm të një feje. Ky ligj është i paraparë të mbroj artin dhe kulturën dhe jo ti shkatërroj ato."

Me një shumicë të jashtëzakonshme, u votua pro draft ligjit që u sponsorizua nga Partia për Drejtësi dhe Zhvillim dhe partitë tjera Islame të mbështetura nga presidenti.

"Jemi të gëzuar me rezultatin e mundit tonë për mbrojtjen e fëmijëve tanë, dhe femrave gjithashtu," thotë një aktiviste nga grupi përkrahës Motrat Muslimane.

"Indonezianët do të kenë një ringjallje morale së pari – që është baza e një shteti e pastaj një ringjallje ekonomike."

"Ligji mund të mos jetë i përkryer por është fillimi…Ne duhet të mbrojmë familjet tona."

islamonline.net

[eldonel]

"Është shumë me rëndësi të jua shpjegojmë fëmijëve tanë se kjo nuk është festë Islame dhe s'ka të bëj asgjë me fenë tonë."
Teoria më e njohur për prejardhjen e kësaj feste është ajo se Çeltiket e vjetër mbanin festimin e të korrurave për të shënuar fundin e verës.

Megjithatë, njerëz prej feve dhe kulturave të ndryshme festojnë këtë festë sipas traditave.

"Njerëzit në ishujt e Britanisë së madhe, ata me prejardhje Irlandeze e shohin këtë festë si kohë për të zvogëluar dallimet prej botës shpirtërore dhe asaj reale," thotë Cien Koner nga Aleanca për Kuptimin e Alternativave Fetare.

Në këtë festë të quajtur "Samhain," besohej se të vdekurit kishin mundësi të bredhin andej e këndej me të gjallët dhe se fantazmat ecnin nëpër tokë.

Praktikuesit e Judaizmit nuk e festojnë këtë festë, por në vend të kësaj ata kanë festën e quajtur Purim.

"Është e ngjashme me "Natën e shtrigave"nga ana se si fëmijët veshën për ta karakterizuar tregimin e Purimit, por më e ndryshme nga "Nata e shtrigave," thotë Mark Vajs nga organizata Jehude e studentëve.

"Purimi është festë përkujtuese e një ngjarjeje që ju ka ndodhur Jehudëve kur ishin në Lindjen e Mesme."

Rajan Hajden, pastor nga Kisha Krishterë e Universitetit, e jep mendimin e tij.

"Filozofikisht, "Nata e shtrigave" ishte natë për të frikësuar shpirtrat e këqij duke u veshur me veshje frikësuese, Kjo është qesharake, dyshoj se djajtë nuk frikoheshin nga kostumet para qindra viteve e lerë më me këto të tanishmet. Kjo festë bënë përqeshje të fuqisë së djallit."

Për Katolikët, kjo natë është "Nata e Shenjtorëve"dhe ne i nxisim fëmijët të vishen si shenjtorë dhe të mësojnë tregimet e tyre,"thotë Rozi Rundell, pastore në një shkollë fillore në Menheten. "Ne e festojmë me meshë në ditën e 1 Nëntorit, qe është ditë e shenjtë dhe obligim për të nderuar shenjtorët."

Mirëpo, disa fe, siç është ajo Islame, nuk preferojnë praktikuesit e tyre të festojnë këtë fe.

"Kjo nuk është për tu nxitur," thotë Ibrahim Salih, nga thesari i Qendrës Islame të Menhetenit. "Profeti ynë Muhamedi (a.s) tërhoqi vëmendjen qe ne duhet të festojmë vetëm festat fetare.

"Është shumë me rëndësi të jua shpjegojmë fëmijëve tanë se kjo nuk është festë Islame dhe s'ka të bëj asgjë me fenë tonë."

kstatecollegian.com

[eldonel]

Me numër në zvogëlim të adhuruesve, Sekretari i Kulturës Britanike Endi Burnam sugjeroi që kishat të kthehen në palestra sporti dhe restorante për ti shërbyer popullit.
"Populli nuk ka nevojë për një ndërtesë qe qëndron si muze por ata kanë nevojë për vend ku mund të takohen,"thotë Burnam për The Independent.

"Ata kanë nevojë për palestra sportive, qendra shëndetësore, vend për edukim dhe për mësim ndërfetar."

Ai shtoi se kishat me vizitorë të paktë, duhet të kthehen në vende shekullare siç janë palestrat sportive apo restorantet.

Ai tha se kishat me vizitorë të shumtë nuk do të preken.

"Ne duhet ti ruajmë ato."

Në Britani janë më së 47.000 kisha, dhe 42 milion Britanez, dhe prej tyre 70% e konsiderojnë veten si të Krishterë.

Në një studim të bërë në 2005 nga Christian Research numri i vizitorëve që vijnë për meshën e së dielës pritet të zvogëlohet për dy të tretat në tri dekadat e ardhshme.
Një kishë e kthyer në palestër :

Grace Lutheran Church - tani Grace Lutheran Gym

islamonline.net

[Drini_i_Zi]

Kompani ajrore që zien ushqim për muslimanët


Kompania ajrore e cila do të ziej ushqim për muslimanët Britanez është e ndihmuar nga biznesmenët me prejardhje prej regjionit Silhet në Bangladesh.


E shtunë, 01 Nëntor 2008 14:19
Silhet Air do të fillojë fluturimet e para nga Stanstedi për Mançester në Dhjetor, pavarësisht nga 28 dështime të fluturimeve në vitin e kaluar.

"Shumë njerëz mendojnë se ne jemi të çmendur," thotë Kabil Khan, drejtori për marketing dhe komunikim i kësaj kompanie te re. "Por ne ndjehemi se tregu qe ne i shërbejmë është imun për këto kushte."

Kjo aero kompani do të fluturoj ne destinacionet qe janë më të kërkuara nga muslimanët në Britani dhe Evropën Qendrore, veçanërisht për pelegrinët e Mekës për në Haxh dhe Umre.

Gjithashtu do të ketë vend edhe për jo muslimanët në udhëtimet për Vjenë dhe Dubai.

telegraph.co.uk

[Drini_i_Zi]

Planet për mega xhaminë e Londrës ecin para


Mega Xhamia e propozuar për tu ndërtuar në Londër është lejuar që të vazhdon me kërkesën e saj për leje, pavarësisht nga kërkesat për tu ndaluar ndërtimi i kësaj xhamie.



E hënë, 03 Nëntor 2008 09:44

Edhe me peticionin prej 250.000 nënshkrimesh për mos lejimin e ndërtimit të kësaj xhamie, planet e ndërtuesve po vazhdojnë.

Zëdhënësi i xhamisë Abi Mills thotë : "Nuk e di si është ilegale. Kjo është pronë e jona prej vitit 1996, dhe rregullisht kemi pasur takime me autoritetet, dhe ata janë të gëzuar derisa ne jemi duke bërë progres në projektin tonë."

Përfundimet e ndërtimit të kësaj xhamie të madhe priten të përfundojnë në vitin 2012.

Kjo qendër islame e quajtur Blloku Markez do të përdorët si vend tubim i muslimanëve gjatë kohës së Lojërave Olimpike që do të mbahen ne Londër në vitin 2012.

Shumica e donacioneve për ndërtimin e kësaj xhamie që do të kushtoj 100.000 milion funta pritet të vijnë nga Arabia Saudite.

Ja edhe nje Video rreth ndertimit te kesaj Mega Xhamie>>




gazetat londineze

[Drini_i_Zi]

Myftiu priti në takim lamtumirës, të ngarkuarin me punë të misionit turk në Kosovë Mustafa Sarnic


Prishtinë, 31 tetor 2008

Myftiu i Kosovës, Mr. Naim Tërnava ka pritar sot në takim lamtumirës shefin e Zyrës turke në Prishtinë Mustafa Sarnic, me ç'rast Myftiu Tërnava i ka shprehur falënderimin në emër të Bashkësisë islame të Kosovës për angazhimin e drejtpërdrejtë të tij në thellimin e marrëdhënieve ndërshtetërore në mes Turqisë dhe Kosovës.

"Kontributi i juaj dhe i shtetit tuaj për Kosovën është i madh në të gjitha proceset që kaloi Kosova. Shteti turk ndaj Kosovës u soll me përgjegjësinë e një miku të vërtet, andaj për të gjitha që ka keni bërë ju si mision diplomatik dhe shteti i juaj ne u jemi mirënjohës ndërsa ju personalisht ju konsiderojmë si mik të madh të Kosovës, ngase këtë e keni dëshmuar me punën tuaj të vazhdueshme gjatë mandatit tuaj”- tha Myftiu Tërnava .

Më tutje Myftiu tha z. Sarnic ju uroj sukses në detyrën tuaj të re por mbetem me shpresë se kontributi i juaj për Kosovën dhe popullin tonë nuk do të ndalen po do jeni një përkrahës i fuqishëm Kosovës.

Ndërsa, Sarniç, pasi pohoi se nga Kosova po ndahej me kujtime e përjetimit më të mira, theksoi se Turqia do të jetë edhe në të ardhmen një përkrahëse e fortë për Kosovën në të gjitha organizmat ndërkombëtarë.