Lajme Nga Bota Islame !

[Drini_i_Zi]

Solemnisht iu dorëzua Menshura Myftiut Naim Tërnava


Prishtinë, 25 tetor 2008


Sot në xhaminë “Sulltan Murat” në Prishtinë

Solemnisht iu dorëzua Menshura Myftiut Naim Tërnava

Sot në Prishtinë, në Xhaminë “Sulltan Murat” para namazit të drekës, në një manifestim të organizuar enkas për dorëzimin e Menshurës u bë përurimi publik i Myftiut të rizgjedhur Mr. Naim Tërnava.

Në këtë manifestim që si i tillë mbahet për të parën herë në Kosovë, përpos anëtareve të Trupit Zgjedhor të Bashkësisë Islame të Kosovës, imamëve, alimëve, zyrtarëve të këshillave vendore, mysafirëve të shumtë nga të gjitha viset e Kosovës qenë të pranishëm edhe Reisi i Bashkësisë Fetare të Republikës së Maqedonisë, Sulejman Rexhepi, Reisi i Malit të Zi, Rifat ef. Fejziq, Myftiu i Sarajevës, Huseijn ef. Smaiç- i dërguar i Reisit të Bosnjes- Mustafa Ceriç.

Ndërsa kryetari i Komunitetit Mysliman të Shqipërisë, Selim ef. Muça, i cili për shkaqe familjare nuk ishte sot në Prishtinë, kishte dërguar një telegramurimi i cili u lexua para të pranishmëve.

Fillimisht të pranishmeve me një fjalë përshëndetëse në emër të Kryesisë dhe Komisionit për dhënien e Menshurës i’u drejtuar H. Resul Rexhepi- sekretar i Kryesisë së BI të Kosovës.

Më pas tekstin e Menshurës në gjuhën arabe e lexoi para myftiut dhe të pranishmeve Bahri ef. Simnica, ndërsa në gjuhën shqipe Sabri ef. Bajgora.

Në tekstin e Menshurës ndër të tjerat thuhet:

Duke u nisur nga fakti se Krijuesi ynë na dalloi nga shumë krijesa dhe na bëri Ymmet më të mirë e më të zgjedhur për njerëzimin, Ne ua besojmë Shkëlqesisë suaj

Mr. NAIM (Pajazit) TËRNAVA këtë Menshur – Besatim, me fjalën e Unitetit, e cila rëndon mbi supet Tuaja, si një përgjegjësi dhe barrë e rëndë, për t’u kujdesur për çështjet e myslimanëve në Republikën e Kosovës, të pavarur e sovrane, duke ju porositur që:

- Të jeni të kujdesshëm në mbrojtjen e interesave të myslimanëve dhe që vazhdimisht të jeni në shërbim të tyre

- Të jepni maksimumin në forcimin dhe lartësimin e parimeve të Fesë së ndritshme Islame,

- Të jeni Thirrës në rrugën e Allahut të Madhërishëm me urtësi e këshillë të mirë.

Ne gjithashtu ju bëjmë thirrje që të mos kurseni mund, kohë e as pasuri për t’i plotësuar përgjegjësitë Tuaja të mëdha, kurse obligimi Ynë është të gjykojmë për Ju me drejtësi.

Ne kemi obligim të ngrisim para Jush çështjet e imamëve, këshilluesve dhe atyre që kërkojnë dituri, në mënyrë që të punojmë bashkë për ngritjen arsimore të tyre duke i pajisur ata me njohuri fetare, në mënyrë që të jenë udhëzues në rrugën e drejtë islame.



Menshurën solemnisht i përcjellur nga tekbiret e të pranishmeve, Myftiut të rizgjedhur Mr. Naim Tërnava ia dorëzoi kryetari i Kuvendit të BI të Kosovës, Dr. Xhabir Hamiti. Më pas të pranishmeve nga hytbeja e Xhamisë “Sulltan Murat” me një fjalë rasti iu drejtuar Myftiu i Kosovës Mr. Naim Tërnava, i cili ndër të tjerat tha:

Sot e pranova edhe një herë një përgjegjësi shumë të madhe, përgjegjësi kjo e cila më obligon edhe më shumë. Unë edhe gjatë mandatit tim të kaluar jam përpjekur dhe jam angazhuar për të mirën e islamit dhe myslimanëve dhe mbarë shoqërisë në përgjithësi. Në të vërtetë, pozitën e myftiut e kam kuptuar dhe vazhdojë ta kuptoj jo si privilegj, por krejtësisht si obligim dhe përgjegjësi, përgjegjësi në radhë të parë para Allahut, përgjegjësi para zgjedhësve dhe para vëllezërve të mi besimtarë.



Pas manifestimi për të pranishmit dhe të ftuarit e tjerë Myftiu Naim Tërnava shtroi një drekë solemne, në të cilën morën pjesë edhe përfaqësues nga institucionet e vendit, përfaqësuesit diplomatik të akredituara në Kosovë dhe udhëheqës të partive politike.

[Drini_i_Zi]

Dita e muslimanëve bashkon fetë

Rreth 2000 musliman dhe të tjerë pritet të bashkohen në Parkun e Madh gjatë këtij vikendi për të festuar ditën e muslimanëve.

E diel, 26 Tetor 2008 15:59
Kjo ngjarje organizohet nga këshilli i xhamive të Atlantes. Aty do të ketë ushqime hallall, një treg dhe lodra për fëmijë.

Gjithashtu do të ketë lojëra sporti dhe gara në Kur'an.

Numri i muslimanëve në Atlanta thuhet të jetë 80.000.

live5news.com

[rapsod]

Rastisa sot ne nje forum arab ku flitej mbi Mickael Jackson, kengetarin me fame boterore te muzikes Pop, ose siç njihet me King of Pop dhe u befasova kur lexova aty se M. Jackson kish pranuar Islamin ne Bahrejn dhe rreth keti fakti kerkova ne Google dhe pashe:
www.religionnewsblog.com i cili kish vene nje titull me date: 24 shkurt 2007:
"Michael Jackson Confirms Conversion to Islam" bazuar ne nje gazete Izraelo-Arabe e quajtur Panorama, faktin e konvertimit te M. Jcksonit ne Islam.
Aty fliste i vellai i kengetarit Jermaine Jackson i konvertuar ne 1987, ish pjestar i "Jacksons 5" dhe thoshte per interesimin e M. Jackson per Islamin, kur Jermaine ishte kthyer nga Haxhi dhe i kishte dhene disa libra.
Nga forumi arab, lexova se M. Jackson kish kerkuar doren e nje vajze muslimane arabe me emrin Aishe por ajo s'kish pranuar per faktin e fese dhe i kish dhene te lexonte Kur'anin. Sipas keti forumi M. Jackson ishte impresoinuar shume dhe kish shkuar ne Bahrejn ku ne doren e Shejhut Abdullah Ed-Dekhijl kish pranuar fene Islame (me poshte do te ve edhe nje foto momentet e bisedes me Shejhun Abdullah ne Bahrejn)....

Mickael Jackson ka ndertuar ne Bahrejn edhe nje xhami e cila sipas news.webindia123.com, eshte rreth 30 m (98 foot).

Zedhenesi i "Discover Islam", Ejmen Khalid thote: "Qindra njerez kane perqafuar Islamin dhe Michael Jackson eshte vetem nje prej tyre".

Sipas "Dailytelegraph" King of Pop e ka quajtur veten Jacko X.

[rapsod]

ِAvokati i M. Jackson ka theksuar se Jackon X do te jetoje "permanently" (perherere) ne Bahrejn dhe ai jeton momentalisht ne nje rezervim te pallatit te princit Selman.
Sipas "Khaleej Times" Xhamia do te sherbeje per te mesuar parimet e fese Islame dhe nje mesim te mire te anglishtes, ku do te vijne nga USA mesues te nje standardi te larte.
Po te hedhesh nje sy raporteve te me parshme do te shohesh se ne 7 mars te 2006 CBS News raporton per "on the verge" (ne prag) te konvertimit, pra qe para 3 vitesh perafersisht.
Gjithsesi BC MAgazine raporton se M. Jackson po i fal te pesta vaktet e namazit, cituar nga "Panorama", te gjitha burimet vijne nga Bahrejni dhe M. Jackson ka deklaruar se eshte bindur per kete besim te tijin.
Ne baze te nje incizimi nga telefoni Jackson ka deklaruar se Cifutet jane "Gjakpires" (Leeches), dhe mendon se studion e tij do ta kaloje ne Bahrejn ku ka gjetur lirine te cilen nuk e gjeti dot ne Amerike.

[Monna]

Cdo njeri me wirtyt te larte duhet me qene gzushem qe 1 njeri e ka shpetu weten, e jo me ja permen mekatet e meparshme qe i ka bo.!
Ska njeri perfekt e pa mekate, weq ZOTI xh.n. eshte i PERKRYER
As pejgamberet nuk kane qene pa mekate..
Mu om erdh shume mire qe nje njeri kreit i shfrenuar eshte kthyer ne Islam.!
Kjo nenkupton qe ndjen pendim per te kaluaren, edhe nuk i perserit ma ato gabime..
Me te mira..!

[dibrani2006]

Eshte gje normale nese njerzit zgjedhin sipas deshires te vet ate fe qe e deshirojne.
Po tani Majkell Xheksoni u be musliman edhe çka me tutje te vritemi mes vetit ne shqiptaret u be u be mbaroj filmi, ska gje te keqe.

Nejse do ti leme zenkat, personalisht Majkell Xheksoni eshte dhe do te mbetet King of Pop i muzikes boterore pa dyshim a ishte pedofil apo nuk ishte eshte pune e tij, por ky ka be historin e vete ne muziken boterore .

[Drini_i_Zi]

Mbishkrime anti-islame në xhaminë e Brnos


Kriminel të panjohur shkruan mbishkrime anti-islame në xhaminë e Brnos këtë vikend, thuhet nga zëdhënësi i policisë së Brnos.

E hënë, 27 Tetor 2008 18:54
Vizitorët në xhami gjetën të shkruar të dielen mbishkrimet "Stop Islam"në mur të xhamisë si dhe fjalën "Jo"në derën e xhamisë në Brno te Çekisë.

Kjo është një krim serioz thotë Lukas Lotan nga agjencioni i lajmeve Libertas.

"Dyshojmë se krimi është kryer nga persona të motivuar për tu hakmarrë ndaj fushatave Islame kundër ksenofobisë që u mbajtën në Brno." thuhet në Libertas.

Nëse gjendën, ata do të dënohen më nga një vit burgim.

Xhamia në Brno është më e vjetra në Çeki dhe është ndërtuar para 10 viteve.

Muslimanët nga Brno para disa viteve ndërmjetësuan për ta liruar reporterin televiziv Mihajl Kubal dhe kolegun e tij të kidnapuar në Irak.

ceskenoviny.cz

[Drini_i_Zi]

Muslimanët në North Bay hapin xhaminë e parë

Muslimanët në North Bay në Kanada festuan hapjen zyrtare të xhamisë së parë në qytetin e tyre me prerje të shiritit nga kryetari Vik Fedeli Sundej.

E martë, 28 Tetor 2008 22:11
Xhamia e parë është një hap para për komunitetin musliman në North Bay, xhami kjo që është duke u ndërtuar qe një vit. Prijësit musliman thonë se janë krenarë për kryerjen e ndërtimit së xhamisë së parë për ta.

"Kryetari Fedeli ka demonstruar lëvizje të madhe drejt multi etnicitetit, emigracionit dhe çiltërsi ndaj praktikimit te feve.

europenews.dk

[Archicad]

Mësimbesimi Islam më në fund hyri nëpër shkollat e Mynihut


Edhepse lënda e Etikës me përmbajtjen e saj iu ishte dedikuar fëmijëve që nuk i përkasin asnjë grupacioni fetar, por në të kaluarën fëmijët muslimanë kanë qenë të obliguar që ta ndjekin dhe ta mësojnë këtë landë. Ata nuk kanë pasë zgjedhje më të madhe, në dispozicion të tyre ka qenë landa e Etikës ose Religjioni i Krishterë.
Në vitin 2001 u miratua ligji në nivel shtetëror të Gjermanisë dhe të krahinës së Bajernit që fëmijët muslimanë mund të zgjedhin të mësojnë edhe landën Religjioni Islam.
Ajo që u miratua në vitin 2001 nuk e pa dritën deri në këtë vit, kur zyrtarisht në disa shkolla të Mynihut filloi të jepej landa e Mësimbesimit Islam.
Javën e kaluar, në një orë mësimi të Mësimbesimit Islam, kanë marrë pjesë edhe përfaqësuesit e qeverisë si dhe një numër i madh i mediave gjermane. Pas përfundimit të orës mësimore dhe pas bisedës me mësuesin fetar në Mynih, me Mirsad Nikshiqin, përfaqësuesit e qeverisë plotësisht e përkrahën këtë projekt duke theksuar se kjo është njëra nga rrugët themelore të integrimit të muslimanëve në Gjermani.
Për tu bërë mësuesi i parë i Mësimbesimit Islam, nderi i takoi një muslimani shumë aktiv dhe ambicioz nga Sanxhaku, Mirsad Nikshiq.

Mirsad Nikshiqi për televizionin shtetëror gjerman përmendi se është shumë i kënaqur që u startua me Mësimbesimin Islam dhe me këtë rast iu falenderua përfaqësuesve të qeverisë dhe të gjithë atyre që e mbështetën këtë projekt.
Mësimbesimi Islam tani është tërësisht i barabartë me Mësimbesimin Katolik. Kjo landë do të notohet dhe nota do të mblidhet për të fituar notën mesatare dhe përqindjen e kalueshmërisë në fund të vitit, si të gjitha notat e landëve tjera.

bh muslim monitor

[Archicad]

Hollivudi përgatit një film epik për Të Dërguarin Muhamed

Islamonline.net

Hollovudi përgatit një film të ri për Profetin Muhamed (paqja dhe bekimi qofshin mbi te) dhe mbi ardhjen e Islamit.
Filmi nuk ka indikacione t’i paraqesë ndarjet dhe konflikte por i tëri është i fokusuar në virtute të pasura, gjëra të përbashkëta për tërë muslimanët, si mëshira dhe tolerance, ka thënë producenti i filmit Oscar Zoghbi në një komunikatë.
Filmi “Lajmëtari i Paqes” do të paraqesë sekuenca nga jeta e të Dërguarit Muhamed për ta portretizuar ardhjen e Islamit, dhe do të xhirohet në vendet e shenjta, në Meke dhe në Medine.
Zoghbi, i cili ka kontribuar edhe në fimin e vitit 1976 "Mesazhi", vlerësoi se si një portretizim epik i Islamit, ai e kupton ndjeshmërinë dhe sfidat që ndërlidhen me këtë subjekt.
Ai potencoi se nuk do të ketë paraqitje të imazhit të Profetit Muhamed në ekran.
Islami ndalon personifikimin e të gjithë profetëve të Zotit nëpër filma dhe drama.
“Në shekullin e 21 është nevoja reale për një film të këtillë që do ti mundësonte publikut një udhëtim emotiv në periudhën që ndërlidhet me ardhjen e Islamit” tha drejtori i Holloiwudit Ramsey Thomas, personi i cili do ta shkruaj skenarin.
Producenti ekzekutiv i filmit të ri, Hajja Subhia Abu Elheja, poashtu potencoi se për gati tri dekada, vetëm një film i Hollivudit, filmi “Mesazhi”, ka pasë karakter Islam.
“Vetëm një film historik është xhiruar me tematikë Islame, një religjion me 1.5 miliardë përfaqësues, përderisa krishterimi është subjekt për 30 e më shumë filma” tha ajo.
Sikur Thomas, edhe Abu Elheja pajtohet se media dhe industria e kinemasë veçanërisht mund të ndihmojnë në tejkalimin e hendekut që ekziston ndërmjet botës muslimane dhe shoqërisë perëndimore.
“Që nga 11 shtatori imazhi i Islamit ka pësuar tmerrësisht” tha ajo.