Lajme Nga Bota Islame !

[Drini_i_Zi]

Përfaqësues të KBI të Gjakovës vizituan dhe përgëzuan Myftiun Tërnava


Prishtinë,21 tetor 2008



Përfaqësues nga Këshilli të Bashkësisë Islame të Gjakovës vizituan dhe përgëzuan Myftiun Tërnava

Sot një delegacion i Këshillit të BI të Gjakovës me në krye Fatmi ef. Iljazin - kryetari, vizitoi Myftiun Tërnava të cilin e përgëzuan me rastin e rizgjedhjes në postin e Myftiut të Kosovës.
Përfaqësuesit e Këshillit të BI të Gjakovës Myftiut Tërnava i dhuruan një foto të xhamisë monumentale të Gjakovës, Xhamisë së Hadumit.

[Drini_i_Zi]

Erdogan: Projektet e Turqisë do të lidhin Lindjen me Perëndimin

"Të gjitha këto janë projekte për të lidhur Lindjen me Perëndimin, dhe janë hapa për të parandaluar përplasjet në mes qytetërimeve." tha Erdogan


E mërkurë, 22 Tetor 2008 18:56
Kryeministri Turk të mërkurën tha se Turqia është urë e transportit, energjisë, miqësisë dhe paqes.
Ai shtoi se Turqia është duke u munduar ti mbush përgjegjësitë e saj si ura e vetme e transportimit dhe energjisë por gjithashtu urë e miqësisë dhe paqes në mes qytetërimeve.

"Do ta lidhim Londrën me Pekinin pasi të jenë kryer punimet në tunelin e Stambollit dhe hekurudha Baku-Tbisili-Kars," tha Erdogan në ceremoninë e hapjes së Forumit Ndërkombëtar të Biznesit të organizuar nga Asociacioni i Industrialistëve dhe Biznesmenëve të Pavarur (MUSIAD) në Stamboll.

Kryeministri Turk gjithashtu tha se rreth 30 miliard kub metra ta gazit natyror do të transportohen për Evropë një vit pas kompletimit të projektit Nabucco.

Gazsjellësi Nabucco është gazsjellës i planifikuar të transporton gaz natyral nga Turqia për Austri përmes Bullgarisë, Rumanisë dhe Hungarisë. Do të kalon nëpër Erzurum të Turqisë e deri në Baumgarten an der March, qe është qendër e gazit në Austri.

Duke folur për kërkesën për anëtarësimin e Turqisë në EU, Erdogan tha se Turqia po vazhdon ti bëj reformat me vendosmëri pavarësisht nga qëndrimet penguese të disa vendeve anëtare të Bashkimit Evropian.

Ai shtoi se Turqia nuk e dëshiron përplasjen e qytetërimeve, dhe ka vërtetuar së besimet e ndryshme, fetë dhe sektet mund të bashkëjetojnë në territoret e saj.

worldbulletin.net

[Drini_i_Zi]

Koha për xhami në Slloveni


Bashkësia Islame në Slloveni është duke u përgatitur për të ndërtuar xhaminë e pritur për kohë të gjatë, e para për këtë shtet të vogël Evropian.


E mërkurë, 22 Tetor 2008 21:04

"Komuna e Lubjanës ka dhënë lejen për ndërtimin e xhamisë si dhe ka dhënë vendin në zemër të qytetit për një çmim prej 4.6 milion Eurosh," thotë Nexhad Grabus, Myftiu i Sllovenisë për IOL.

"Mirëpo ne duhet të mbledhim këtë shumë parash para fundit të vitit," thotë ai.

Muslimanët Slloven filluan më fushatën për grumbullimin e parave para disa muajve, duke filluar me bashkësinë e tyre.

Ata organizuan ceremoni për grumbullim të ndihmave gjatë muajit të shenjtë të Ramazanit ku një numër i madh i anëtarëve ofruan kontributet e tyre.

"Ne kemi bërë ftesa për të gjithë bashkësinë tonë muslimane, veçanërisht për tregtarët. Në këtë ceremoni u tubuan më së 500.000 Euro," tha Grabus.

Komuna ka dhuruar 5000 Euro si shenjë respekti për komunitetin musliman.

"Deri tani kemi tubuar 700.000 Euro dhe presim që ky numër të arrij 1.000.000 Euro deri në fund të vitit."

Kemi arsye të brengosemi për 3.6 milionët tjera.

Bashkësia Islame e Sllovenisë ka kërkuar ndihmë nga qeveri të ndryshme muslimane dhe organizata ndërkombëtare joqeveritare.

Përveç xhamisë në projekt parashihen të jenë edhe qendra Islame, qendra kulturore, shkolla Islame e para e këtij lloji në këtë shtet si dhe banesa për imamin.

Sllovenia ka rreth 50.000 banorë musliman, apo 2.4 përqind të tërë popullsisë.

Islami është feja e dytë pas asaj Romano-Katolike në këtë shtet Evropian.

Kemi pritur për këtë xhami qe 40 vite, thotë Grabus.

Deri tani gjenden 15 mesxhide ( vende për faljen e namazit ) në tërë Slloveninë, ndërsa dy prej tyre në Lubjanë.

IOL

[Drini_i_Zi]

Përgatitjet e fundit për Kuran Fest 2008


Ka filluar paraqitja e konkurruesve për edicionin e dytë të Kuran fest-it.


E enjte, 23 Tetor 2008 02:18
Vitin e kaluar, kur për herë të parë u organizua gara në lexim të Kuranit, "Kuran Fest" ishte organizuar vetëm në nivel kombëtar. Por, organizatorët qysh atëherë paralajmëruan se edicioni i dytë i Kuran Fest-it do të jetë në nivel të shtetve të Ballkanit dhe se tradita do të vazhdojë edhe viteve të ardhshme.

Në edicionin e parë të Kuran Fest-it ishin paraqitur 25 konkurrues ku nga mesi i tyre vetëm 12 më të mirët fituan të drejtën për të marrë pjesë në natën finale. Fituesi i parë i këtij manifestimi u shpall Salih Beqiri nga Vitia i cili u shpërblye me një udhëtim falas për në Haxhxh. Organizimi teknik i "Kuran Fest 2007" ishte shumë në nivel. Zërimi korrekt dhe paraqitja vizuale e përkthimeve të ajeteve Kuranore që lexoheshin nga garuesit dhuruan qaste të këndshme të githë pjesëmarrësve që gjendeshin në sallën e shtëpisë së kulturës në Prizren. Shpresojmë se edhe sivjet përgatitja teknike do të jenë në nivel, së paku ashtu siq ishte vitin e kaluar.

"Deri më tani janë paraqitur disa konkurrues nga Kosova dhe Maqedonia, ndërsa interesimin për pjesëmarrje në këtë garë kanë shprehur edhe disa lexues nga Shqipëria dhe Bosna, të cilët pritet së shpejti t'i dërgojnë inqizimet e tyre" – deklaroi hfz. Faton Bytyqi, anëtar i Këshillit Organizues dhe vazhdoi: "Shpërblimet për edicionin e dytë të Kuran Fest-it janë: 500 Euro për fituesin e vendit të parë, 300 për të dytin dhe 200 për vendin e tretë. Të gjithë pjesëmarrësit do të shpërblehen edhe me dhurata të tjera, si: CD, libra dhe rekuizita".

Për të gjithë ata që dëshirojnë të konkurrojnë në këtë garë, nuk ka mbetur shumë kohë, pasi konkursi përfundon të dielen më 26 Tetor. Ditën e nesërme në faqen zyrtare të Kuran Fest-it www.kuranfest.com do të publikohen emrat e atyre që do të garojnë në natën finale më 1 Nëntor në sallën e Hotel Therandës në Prizren. /mesazhi/

[Archicad]

Të njihesh me Islamin në Çikago


Lesli Tool ka menduar të hyj në Islam gjatë tërë kohës qe 10 vite. Por kur mësuesi nga Çikagoja e pa reklamën e thjeshtë por tërheqëse në autobus, ai e dinte se momenti ka ardhur.

E premte, 24 Tetor 2008 09:16

"Unë nuk angazhohesha edhe aq, dhe kur e pashë këtë shenjë e dija së ishte shenja e fundit për të bërë hapin e duhur," thotë Tool, 45 vjeçar për IOL.

Ai për herë të parë u ballafaqua me Islamin në një rrugë para 10 viteve kur një person ia dha një fletushkë duke i thënë se do të gjente dritë ne të.

"E lexoja dhe e lexoja dhe doja të isha i sigurt në çka isha angazhuar."

Vetëm në muajin kaluar, një reklamë për Islamin kaloi para syve të tij në një autobus urban. Shenja i ra në sy dhe përfundimisht ai e bëri thirrjen në numrin e madh qe gjendej në reklamë.

"Si të bëhesha musliman ishte pyetja ime e parë."

Tool hyri në Islam të hënën e 29 Shtatorit 2008.

Ky tregim është i ngjashëm me 13 tregime tjera të qytetarëve të Çikagos që kanë hyrë në Islam me ndihmën e reklamës në autobusët e një lagjeje të Çikagos, që ishin vendosur nga ICNA –ja (Rrethi Islam i Amerikës Veriore).

Kjo organizatë kishte shpenzuar rreth 30.000 dollarë për vendosjen e reklamave ne 25 autobus në tërë Çikagon.

Në këtë reklamë ishte vendosur numri falas, si dhe emri i sajtit ku njerëzit mund të drejtoheshin për të bërë pyetje në lidhje me Islamin.

Njëherë fushata ishte paraparë të zgjate prej 19 Shtatorit deri me 20 Tetor, por u vazhdua deri me 23 Nëntor për shkak të vlerësimeve pozitive nga qytetarët e Çikagos.

Ata kishin pranuar me mijëra thirrje në ditë, dhe një numër prej 300.000 klikimeve në sajtin e tyre.

Kur të interesuarit thërrasin në këtë numër atyre iu jepet një kopje e Kuranit të Shenjtë me përkthim në gjuhën angleze dhe një revistë në lidhje me Profetin Muhamed (a.s) e gjithashtu fletushka dhe libra në lidhje me fenë Islame.





Ndihmë shtesë

Por organizata nuk e përfundon punën e saj me kaq

Kur një person hyn në Islam, organizata ofron një person mentor që ta këshilloj muslimanin e ri, duke i dhënë informata dhe ndihmë shtesë.

"Këta mentorë janë si engjëjt mbrojtës,"thotë drejtori i organizatës.

Mentori dhe muslimani i ri takohen dhe qëndrojnë në kontakt me email apo thirrje telefonike.

Tool, i cili ndërroi emrin e tij nga Lesli në Iljaz pas hyrjes në Islam, është shumë mirënjohës ndaj mentorit të tij.

"Ai ka qenë shumë ndihmues. Më ka ofruar shumë libra që të arrij të përparoj."

Iljazi thotë se sa më shumë që din për fenë e tij ai është aq më sigurt që ka bërë zgjedhjen e duhur.


IOL

[Archicad]

Komuniteti boshnjak i Nju Jorkut e blen kishën e Gjon Pagëzorit në Nju Jork

Nju Jork: Në xhaminë e Ali Pashës në Astoria me solemnitet u nënshkrua kontrata përfundimtare rreth blerjes së kishës Gjon Pagëzori



Me datën 21 tetor 2008, në xhaminë e Ali Pashës në Astoria u bë nënshkrimi i kontratës rreth shitblerjes, ndërmjet Bashkësisë Islame dhe Qendrës Kulturore Pllava - Gusia, nga njëra anë dhe nga ana tjetër nga përfaqësues të këshillit të kishës Gjon Pagëzori.
Në një atmosferë të këndshme dhe miqësore, me praninë e anëtarëve të këshillit të Qendrës Islame, përfaqësuesve të kishës Gjon Pagëzori, ekipeve të avokatëve dhe të mediave, u bë nënshkrimi i kontratës së shitblerjes. Në fytyrat e anëtarëve të këshillit të qendrës islame shihej kënaqësia. Sepse në një akcion maraton prej datës 28 prill kur u bë pagesa e 10 % -shit, të vlerës prej 1,325,000 dollarëve, sa kushton i tërë objekti, deri në natën e Lejletul Kadrit, kanë mbledhur $1,400,000 dhe në para të gatshme e kanë bërë pagesën e çmimit të ujdisur. Derisa shkrepnin blicet e fotoapareteve, të pranishmit shkëmbenin fjalë urimi.

“ Falenderojmë Allahun që na i hapi shtigjet dhe na shpërbleu me këtë objekt në të cilën inshallah do të ngrisim veteveten dhe gjeneratat e ardhshme” tha kryetari i qendrës Smail Sërdanoviq.
“ I falenderoj të gjithë donatorët. Së shpëjti do të fillojmë me projektin e renovimit kështu që bëj ftesë të gjithë atyre që dëshirojnë dhe i kanë mundësitë, të na ndihmjnë në këtë projekt shumë të vlefshëm”.
Pas procesit të nënshkrimit pasoi një darkë e begatshme. Gjatë darkës, të pranishmëve iu drejtuan anëtarët e këshillit të kishës, brokeri dhe avokatët e të dy palëve, të cilët treguan respekt dhe kënaqësi në këtë kontratë bilaterale. Ndërsa falenderim të posaqëm këshilli i qendrës islame i drejtoi brokerit i cili e gjeti objektin, si dhe Andreë-it, Steve-it dhe Jason-it, pronarëve të zyres së avokaturës "Culene & Troice", të angazhuarv nga ana e qendrës islame.
Të pranishmëve iu drejtua edhe imami i xhamisë së Ali Pashës, dr. Bajram Muliq, i cili falenderoi dhe ndër të tjera tha: ” Ju falenderoj që ma bëtë këtë ditë më të bukur. Ndihem krenar. Kemi kërkuar një lokacion për këtë objekt, por për shkak të çmimeve mjaft të larta, s’mund të gjenim. Pastaj, na u paraqit ky objekt, shtëpia e Zotit, dhe Zoti na mundësoi që ta blejmë , dhe nëse do Zoti ky objekt do të vazhdoj të funksionojë si shtëpi e Zotit….”

Pos xhamisë së Ali Pashës në Astoria, pastaj të mesxhidit në Monte Cell, dhe me blerjen e këtij objekti, komuniteti boshnjak në Nju Jork është posedues i tri objekteve në vakufin e tij. Objekti i fundit gjendet në paralagjen e Nju Jorkut, në Richmond Hill me një sipërfaqe 100x99 fit (feet).

islambosna.net

[Drini_i_Zi]

Mijëra veta hyjnë në Islam në Arabinë Saudite


551 njerëz, shumica prej tyre nga Filipinet, Evropian, Amerikan, Indian, Nepalez e Shri Lankez kanë hyrë në Islam këtë vit si rezultat i aktiviteteve të Fondacionit për Edukim Islam (IEF) në Alhamrah.


E shtunë, 25 Tetor 2008 10:03
"Rreth 85% të muslimanëve të rinj kanë qenë me prejardhje Filipineze," thotë Ismail Ebu talib, menaxher për marrëdhënie me publikun. Vetëm gjatë 14 viteve të fundit 5744 persona kanë hyrë në Islam në IEF.

IEF me zyrat e tyre në Alhamrah, Corniqe dhe Xhide, operon nën mbikëqyrjen e Ministrisë për Çështje Islame, Thirrjes dhe Udhëzimit.

"Vetëm gjatë këtij viti kemi organizuar 329 ligjërata, tri seminare, 8 gara dhe 16 vizita për Umre," thotë Ebu Talib. IEF gjithashtu ka shpërndarë 2290 kopje të Kur'anit të Shenjtë, 32282 libra dhe me mijëra kaseta.

Gjatë pushimeve të shkollës fondacioni mendon të organizoj programin e quajtur "Fol me mua" ku njerëzve do tu jepet mundësia të bëjnë pyetje për tema të ndryshme. Këto do të mbahen më së shumti në qendra tregtare.

"Programet tona kanë qëllimin e ndriçimit të besimit Islam, vlerave dhe mësimeve si dhe mbrojtjen e rinisë Islame dhe familjeve nga mendimet dhe idetë jo-Islame,"shton ai.



arabnews.com

[Drini_i_Zi]

BASHKESIA FETARE ISLAME E R. Maqedonise

N J O F T I M

Qytetarë të nderuar,


Përpara besimtarëve muslimanë gjendet periudha në të cilën në mënyrë më intensive po bëhen përgaditjet për realizimin e kushtit të pestë islam – haxhxhit. Të gjithë nijetlinjtë, të gjithë ata të cilët kanë vendosur që sivjet ta kryejnë këtë obligim fetar po zgjedhin mënyrën me të cilën do të realizojnë këtë udhëtim kaq të dëshiruar e të pritur. Në përgatitje e sipër është edhe Bashkësia Fetare Islame e Maqedonisë si institucion i vetëm në vend që përkujdeset për jetën fetare islame e që e ka edhe të drejtën ekskluzive për të organizuar Haxhxhin.


Kjo e drejtë e Bashkësisë Fetare Islame është e mbrojtur me ligjin për bashkësitë fetare dhe grupet religjioze, më saktësisht me nenin 18, pika 4 e këtij ligji. Njëkohësisht, këtë të drejtë të Bashkësisë Fetare Islame e mbron dhe e garanton edhe marrëveshja e nënshkruar nga Reisul Ulema i Bashkësisë Fetare Islame dhe Ministri i Haxhxhit i Mbretërisë së Arabisë Saudite me të cilën Republikës së Maqedonisë i ndahet kuota prej 1600 haxhinjëve, kuotë kjo me të cilën do të menaxhojë drejtëpërdrejtë Bashkësia Fetare Islame e Maqedonisë.

Gjithnjë duke dëshiruar të informojmë drejtë besimtarët muslimanë të cilët kanë vendosur të kryejnë haxhxhin, po theksojmë se të gjitha ambasadat dhe konzulatet e Arabisë Saudite në rajon e më gjërë kanë urdhër të prerë nga Ministria e Haxhxhit të respektojnë këtë vendim dhe askujt përveç Bashkësisë Fetare Islame të mos i japin viza udhëtimi për në haxhxh. Njëkohësisht. edhe organet kompetente të Maqedonisë, në bazë të marrëveshjes ndërshtetërore, do të pengojnë çdo udhëtim e organizim të haxhit jashtë kuotës së paraparë që i është ndarë Maqedonisë.

Për fat të keq, jemi dëshmitarë se kohëve të fundit, një numër i konsiderueshëm i agjensive turistike, të cytura nga dëshira për të përfituar materialisht, po organizojnë udhëtime për në haxhxh jashtë përkujdesjes së Bashkësisë Fetare Islame të Maqedonisë dhe në këtë mënyrë po e thyejnë ligjin dhe po e rrezikojnë nijetin e haxhinjëve të cilët , të painformuar drejtë, po vendosin të udhëtojnë më agjensitë e këtilla.

Duke e respektuar vlerën e haxhxhit si njërin nga kushtet e besimit islam dhe duke pasur konsideratë për besimtarët tanë që mund të ballafaqohen me situata të pakëndshme pa fajin e tyre, ndiejmë obligim të njohtojmë opinionin se agjensitë të cilat po bëjnë organizime ilegale dhe të paautorizuara të haxhxhit, vetë do ti bartin konsekuencat eventuale, kurse Bashkësia Fetare Islame e Maqedonisë nuk do tw mbajë kurfarë përgjegjësie për udhëtimet të cilat mund të dështojnë.

Përfundimisht, haxhxhi nuk është udhëtim turistik por një obligim fetar të cilin duhet kuptuar shumë seriozisht, andaj apelojmë te të gjithë besimtarët që kanë vendosur sivjet të kryejnë këtë obligim, të jenë të kujdesshëm me rastin e zgjedhjes së organizatorit të haxhxhit.
Allahu i Madhërishëm ua pranoftë haxhin të gjithë atyre që kanë vendosur të jenë mysafirë të Tij.

Rijaseti i BFIM

[Drini_i_Zi]

Turqia propozon zonë të tregtisë së lirë për vendet muslimane.


Ministri Tuzmen propozoi zonë të tregtisë së lirë për vendet muslimane duke tërhequr kështu tatimet doganore.
E shtunë, 25 Tetor 2008 21:57
Tuzmen mbajti një konferencë të premten për gazetarët nga vendet muslimane që janë në Turqi për të marrë pjesë në Forumin Ndërkombëtar të Biznesit.

"Nëse mund ta bëjmë këtë, tregtia në mes vendeve muslimane do të rritet me shpejtësi, Andaj duhet të punohet për realizimin e saj me ngutje," tha Tuzmen.

Turqia vazhdon ta rrisë tregtinë me vendet fqinje. Kjo po sjell rezultate të mira. Edhe pse kemi rënie prej 10% me eksportim në vendet Evropiane, eksportin e përgjithshëm kemi arritur ta rrisim në 35%.

Tuzmen tha se vendet muslimane mund ti ndjekin të njëjtat politika dhe të kontribuojnë në ekonominë e tyre.

worldbulletin.com

[[Perla]]

Turqia propozon zonë të tregtisë së lirë për vendet muslimane.


Ministri Tuzmen propozoi zonë të tregtisë së lirë për vendet muslimane duke tërhequr kështu tatimet doganore.
E shtunë, 25 Tetor 2008 21:57
Tuzmen mbajti një konferencë të premten për gazetarët nga vendet muslimane që janë në Turqi për të marrë pjesë në Forumin Ndërkombëtar të Biznesit.

"Nëse mund ta bëjmë këtë, tregtia në mes vendeve muslimane do të rritet me shpejtësi, Andaj duhet të punohet për realizimin e saj me ngutje," tha Tuzmen.

Turqia vazhdon ta rrisë tregtinë me vendet fqinje. Kjo po sjell rezultate të mira. Edhe pse kemi rënie prej 10% me eksportim në vendet Evropiane, eksportin e përgjithshëm kemi arritur ta rrisim në 35%.

Tuzmen tha se vendet muslimane mund ti ndjekin të njëjtat politika dhe të kontribuojnë në ekonominë e tyre.

worldbulletin.com

Sa keq qe nuk perfiton Shqiperia