Lajme Nga Bota Islame !

[Archicad]

Sistemi kapitalist në kolaps, Islami shihet si zgjidhja më e mirë!

Mr. Ejup Haziri

Kolapsi amerikan

Kriza ekonomike që ka përfshirë Shtetet e Bashkuara të Amerikës, me falimentimin e bankave më të mëdha në vend dhe dështimin kataklizmik, e që as miratimi i planit prej 700 milardë dollarësh nuk ishte i mjaftueshëm, ka bërë që të preken edhe shumë vende tjera në mbarë globin, si dhe të dalin në shesh shumë probleme tjera në lidhje me financa që prej dekadash ishin fshehur.
Gazeta US Today, e kishte akuzuar rëndë qeverinë amerikane, ngase sipas saj, në dekadat e kaluara nuk kishte marrë mësim nga krizat financiare të shumë vendeve të ndryshme, si kriza e dikurshme në Meksikë, Tajlandë, Rusi, e vende tjera. Poashtu kritika kishte marrë qeveria për shkak të lënies së ekonomisë së lirë, duke mos i interesuar fare kjo punë qeverisë, e që sollën shumë faktorë negativë në shoqëri, si papunësia, varfëria, etj.
Samir el-Mufti është profesor i financave politike në Universitetin Amerikan në Kairo, ai thotë se rënia dhe dobësimi i ekonimisë amërikane kishte ndodh para kësaj krize, bile sipas tij shumë kohë para kësaj krize. “Amerika pas luftës së dytë botërore, zotëronte 48% të ekonomisë së mbarë botës, por më vonë ndodhën ndryshime graduale në qendra të ndyshme ekonomike, si në Japan, Gjermani, dhe në shtete të Azisë Juglindore. Departmenti i Bushit, u mundua ta shpëjtojë këtë veprim për ta rikthyer ekonominë e dikurshme por kjo nuk përshtatej me fuqinë financiare amerikane, andaj në fund u shfaqë kriza ekonomike”-shprehet kështu prof. el-Mufti.
Deri në vitin 2004, gjendja ishte deri dikun e mirë, por pas rritjes së kamatës, dhe shtimit të madh të borgjeve e kredive, saqë në mars të vitit 2007, kreditë arritën në 1.3 trilion dollar, e në gjysmën e dytë të atij viti, kriza vetëm rritej e shtohej edhe më shumë. Derisa, shteti më i fuqishëm ekonomikisht në botë, hyri në kolaps të madh ekonomik, duke lënë një numër të madh qytetarësh në pasiguri të madhe. E në anën tjetër, 28 milionë njerëz janë duke u mbështetur në ndihmat qeveritare për të mbijetuar, ky është ‘great depression’, jo i vitit 1929, por i vitit 2008.

Sistemi kapitalist kolaps apo riformim?

Kjo krizë akonomike, ka nxjerrur në shesh shumë gjëra, ka vënë sistemin kapitalist në mëdyshje, shumë ekonomist mendojnë se duhet të ndërrohen bazat e sistemit kapitalist, i cili ka për qëllim realizimin e fitimit të skajshëm, pa marrë parasysh mënyrën e fitimit.
Sipas el-Mufti, sistemi materialist në Amerikë do të pësojë ndryshime thelbësore. Ndërsa Nebil Hashad, kryetar i Qendrës Arabe për Studime Financiare, thotë se ‘Amerika do të del nga kjo krizë edhe më e fuqishme se që ka qenë, ai kujton krizën e vitit 1929, ku Amerika doli prej saj shumë e fuqishme. “Ashtu sic doli Amerika me një ekonomi të fortë nga kriza e vitit 1929, do të ngjan e njëjta gjë edhe në krizën e tanishme”-thotë z. Hashad.
Z. Hashad, refuzon atë cka thuhet se hapat që i ka ndërmarrë Amerika për ‘shërimin e krizës’ janë kolaps i bazave të kapitalizmit, të cilat ngritën në baza se shteti duhet të qëndrojë larg nga ekonomia.

Shkaqet e kolapsit?

Ekonomistët e mëdhenj dhe real, shkaqet e këtij dështimi të madh, e lidhin kryesisht me dy shkaqe, i pari prej tyre është kamata (pa marrë parasysh e lartë apo jo), dhe e dyta është shitja e borxheve, ku cdonjëra është e lidhur me tjetren.
Shkaku kryesor që erdhi te kolapsi ishte padyshim kamata, e sidomos kamatat e larta që shkatërruan individin dhe shoqërinë.
Johan Bitman, është ekonomist i njohur gjerman, i cili kishte akuzuar shumë sistemin kapitalist, respektivisht bazat në të cilat është ngritur ky sistem, ai bën presion të madh që të largohet kamata, madje ai fenomenit të kamatës ia kushtoi një libër të plotë, që e quajti ‘Katastrofa e kamatës’.
Disa gazeta amerikane dhe evropiane, kishin akuzuar papatin katolik, ngase nuk kishte nxjerrë ndonjë dekret për ta zbutur kamatën e lartë, apo për ta ndaluar atë, por Papa në të gjitha rastet kishte heshtur dhe kishte bekuar ngritjen e kamatës, dhe kjo kishte ndodhur nga përfitimet e mëdha të kishës nga ai sistem i tregut finaciar. Kisha e kishte lejuar kamatën që nga mesi i shekullit të 13-të, pasi që kisha ndodhej në gjendje jo të mirë për shkak të bankrupcionit ndaj luftërave të mëdha të ‘shenjta’ e që zakonisht zhvilloheshin kundër myslimanëve, e që nga ajo kohë, kamata në krishterizëm mbeti e lejuar.

Kush po pëson kolaps?

S’ka dyshim se në rend të parë kolaps kanë pësuar Shtetet më të fuqishme të botës, si Shtetet e Bashkuara të Amerikës, duke mos anashkaluar as shtetet tjera më të industrializuara, e deri tek shtetet tjera më të vogla.
Sidoqoftë, nuk është vetëm Amerika ajo që po vuan nga kriza e rëndë, por janë edhe shtetet tjera që vuajnë gati njësoj si Amerika. Britania e Madhe sigurisht se do të zbatojë planin e ‘shpëtimit’ prej 50 miliardë stërlinash. E Gjermania, Franca dhe shumë vende tjera do të ndërmarin hapa të shpejtë për të shpëtuar nga kolapsi finaciar.


Islami është zgjidhja

Johan Bitman në librin ‘Katastrofa e kamatës’, thotë se duhet të zbatohet sistemi islam në cështjet e financave.
Ai në atë libër, bën thirrje haptazi që të pasohet dhe praktikohet sistemi islam në sektorin e financave. Kur e dha atë mendim, e sulmuan atë pa masë, derisa e quajtën ‘Mulla Bitmani, mirëpo gjërat ndryshuan shumë shpejt, më shpejt se sa që e kanë paramenduar ekonomistët botërorë, andaj sot ideja e tij po vërtetohet, edhe pse ai ishte një krishter, por zgjidhjen e shihte në aplikimin e një sistemi me baza të shëndosha, që nuk ka për qëllim denigrimin e individit dhe shoqërisë, por që ka për qëllim ndihmën e individit nga shoqëria, dhe shoqërisë nga individët.
Islami shihet si zgjidhja më e mundshme për të shpëtuar kolapsin financiar, pasi që në Islam, kamata është e ndaluar rreptësisht, dhe si i tillë forcon individin dhe shoqërinë.
Në kohën kur të menqurit evropian thërrasin për aplikimin e një sistemi me baza të shëndosha si sistemi financiar islam, disa trashëgimtar muslimanësh ngrejnë zërin e tyre se ‘sistemi bankiar e financiar islam nuk është i përshtatshëm për zbatim në këtë kohë.’ Kjo është qudia më e madhe, kur perëndimorët thërrasin dhe thojnë se Islami është zgjidhja, e disa prej muslimanëve thonë sistemi sekular është zgjidhja.


Burimi: http://www.revstudenti.co.nr/

[Drini_i_Zi]

Australia ndihmon muslimanët e Filipineve


Ministri i Jashtëm i Australisë Stefen Smit takohet me studentë në Shkollën fillore Baseko të Filipineve.

E enjte, 16 Tetor 2008 09:27

Smit njoftoi se Australia do të jap ndihmë prej 13 milion eurosh për të ndihmuar zhvillimin e shkollimit për fëmijët Musliman dhe ata vendas në Filipine.

Gjatë 4 viteve të fundit Australia ka ndihmuar Filipinet për zhvillimin e edukimit në rajonin e trazuar të Mindanaos.

[Drini_i_Zi]

Kampionja e së drejtave të njeriut


Kur Hava Yilmaz vendosi mbulesën në moshën 16 vjeçare, ajo nuk e kuptoi që po bënte diçka që do ta ndryshonte jetën e saj, diçka që do ta bënte atë luftëtare për të drejtat e njeriut dhe për liritë e muslimanëve në Turqinë sekulare.


E enjte, 16 Tetor 2008 12:23
"Para se të mbuloheja, e dija kush nuk jam," thotë Yilmaz tani 21 vjeçare për International Herald Tribune.

Në shkollën e lartë si adoleshente, ajo ishte e hutuar për identitetin dhe karakterin e saj.

"Nuk kisha sinqeritet," përkujton ajo. "Ishte i cekët."

Por në Turqi, ku feja është një çështje e përfolur shumë që zakonisht izolohet në jetën private dhe në vendin ku mbulesa ishte ndaluar në shkolla dhe universitete, vendimi i saj ishte ballafaquar me kundërshtime.

Prindërit ishin të zemëruar për shkak se asaj iu deshtë ta lëshonte shkollën dhe shoqëria nuk e thërriste më.

Pas largimit nga shkolla, Yilmazi filloi të merrte pjesë në një grup filozofik- politik për studimin e jetës së mendimtarëve dhe filozofëve të famshëm të perëndimit.

Ajo mësonte sociologjinë në qendrën për mësim falas.

Me konfidencë dhe me identitet të fortë fetar ajo u gjet në ballë të aktivitetit politik për te drejtat e njeriut në vend.

Ajo bëri fushatë për lejimin e mbulesës në konvikte.

Fjalimet e sinqerta të saj dhe te shoqeve të saj tërhiqen vëmendjen e tërë popullit saqë ato u ftuan edhe në emisione televizive, si dhe në intervista në radio dhe gazeta.

Yilmazi dhe shoqëria e saj kanë formuar Popullsinë Rinore, një grup qe kritikon qëndrimet e shtetit ndaj Kurdëve dhe qe lufton për te drejtat e njerëzve në Turqi.

Edhe pse fushata e saj për mbulesë mbaroi me fitore pas vendimit të Gjykatës për lejimin e saj, Yilmazi thotë se nuk do ta ndal luftën kurrë.

"Atë qe e bëmë ia vlejti. Njerëzit i dëgjuan zërat tanë," thotë ajo.

"Nëse punojmë së bashku, ne mund ta luftojmë."

islamonline.com

[Dorontina]

pasha zoti duhet me ju rujt edhe ndihmave se shpesh jan plot sherr..............

[Drini_i_Zi]

Shefi i BBC-së Islami duhet të trajtohet ndryshe


Mark Tompson kërkoi që besimi Islam të trajtohet ndryshe nga fetë tjera për shkak se është minoritet.

E enjte, 16 Tetor 2008 13:29
Në fjalimin e tij, Tompson tha se tani në BBC ka më shumë programe në lidhje me fenë në radio dhe televizion se sa në dekadat e kaluara.

I pyetur se pse e lejon humorin ne lidhje me priftërinjtë ndërsa atë për imamët jo, ai pranoi se ka pasur qasje tjetër ndaj Islamit në krahasim me Kishen Romano Katolike apo me Kishen Angleze.

"Identiteti i atyre që feja e tyre ndërlidhet me identitet etnik është më ndryshe me atë identitet që ka i tërë populli mbarë."

[Archicad]

Xhamitë e Europës lëvizin prej paralagjeve kah bulevardet

Nga Ulrike Knöfel

Janë bërë gati projektet e qindra xhamive të reja dhe madhështore nëpër tërë Europën – vetëm në Gjermani janë rreth 200. Arkitektura është bërë fushëbetejë e ashpër ideologjike rreth shfaqjes së prezencës së 16 milionë muslimanëve europianë.
Ndërtimi i një numri të madh të simboleve Islame mund të ndikojë në ndryshime shoqërore që asnjë nuk mund të imagjinojë. Në prag të këtyre zhvillimeve, disa janë duke thirrë për mbajtje të qetësisë, derisa disa të tjerë janë duke ua tërhequr vërrejtjen qytetarëve për rritje të influencës së grupeve fundamentaliste.

Fjala xhami rrjedh prej fjalës me kuptim “vend i nënshtrimit apo përuljes”. Por shumë kundërshtarë të ndërtimit të xhamive i shohin ato më shumë si vende të mendjemadhësisë së dukshmërisë se sa diçka tjetër. Për ta më e pëlqyeshme është të shohin një pamje të keqe të stacionit të gazit se sa një minare.
Përpjekjet e panumërta për ti bllokuar ndërtimet ilustron se si një konflikt që përndryshe për shumë kohë ka qëndruar i fshehur në prapaskenë tani është duke u shpërfaqur, dhe atë në fushën e arkitekturës. Kudo që të shkosh, skema është e njëjtë: Në fillim janë ankesat rreth mospërputhjes me mjedisin urban dhe mosmarrveshjeve rreth lokacioneve të përshtatshme, pastaj rreth lartësisë së kupollave dhe minareve – a do të jenë ato 15, 50 apo 55 metra. Apo, si është rasti në Minhen, është fakti se ajo e sfidon anën estetike të kishës më të afërt. Më vonë debati lëviz në çështje më të ndjeshme: frika e banorëve lokalë nga predikimet urrejtnxitëse, nga sulmet terroriste, xhihadi, dhe akuzimi se me çdo xhami të ndërtuar Europa është duke e nënshtruar veten kah ndikimi i fuqisë së Mekës.
Ilyas është vajzë e emigrantëve pakistanezë. Ajo është lindur dhe është rritur në Frankfurt am Main, dhe gjatë viteve të saj universitare në Darmstadt ajo i koncentroi studimet e saj në xhamitë si “trupa të huaj në qytet”.
Projekti i xhamisë së Ilyasës është i lokacionuar në distriktin lindor të Berlinit, në Heinersdorf. Ajo ka punuar në projekte të ngjashme, por xhamia e Heinersdorfit është debutimi i saj i vërtetë.

Në qytetin tjetër, klienti tjetër

Në datën 26 tetor, 10 ditë pasi që është planifikuar të hapet xhamia e Heinersdorfit, do të hapet Xhamia Merkez – e cila do të jetë xhamia më e madhe në Gjermani – kjo do të hapet në zonën industriale të Duisburgut. Për shumë vite, muslimanët me prejardhje turke janë mbledhur për tu falur në kafeterinë e kompanisë së dikurshme të minimit. Ata vendosën ta shkatërrojnë atë dhe ta ndërtojnë një xhami, dhe tani ata kanë një ndërtesë madhështore dhe të ngjyrosur bukur me hapësira për mbledhje dhe hapësirë për falje për 1200 persona. Ndërtimin e bënë përmes donacioneve private dhe publike, dhe ata nuk u ballafaquan me kundërshtime të mëdha.

"Çdo qytet vepron ndryshe" vëren Mustafa Kücük, zëdhënësi i xhamisë së Duisburgut. "Shumë vende kanë mbetur në kohën e gurit sa i përket integrimit". Por, Kücük shprehet se: "Nëse komuniteti lejon ndërtimin e xhamisë, pak a shumë ju thotë njerëzve, 'Jeni të mirëpritur këtu.'"
Parashtrohet pyetja: A është Duisburgu pjesërisht liberal? Por fakti tjetër është se plani i ndërtimit edhe i të dy xhamive tjera në këtë qytet, i cili gjendet në zonën industriale të Rurit në Gjermaninë Perëndimore, ka nxitur protesta të banorëve lokalë.

16 milionë muslimanë jetojnë në Bashkimin Europian, dhe më tepër se 3 milionë jetojnë në Gjermani. Ata e kanë fenë e përbashkët, por jo edhe gjuhën, traditat dhe prejardhjen e tyre. Më shumë se 70 për qind të muslimanëve gjermanë janë me prejardhje etnike turke. Organizata e cila qëndron prapa ndërtimit të shumë xhamive që po bëhen në Gjermani, duke e përfshirë edhe atë në distriktin e Duisburgut, dhe atë të Kelnit, është Unioni turk – islamik për çështje religjioze (DITIB).

Aktualisht janë rreth 2,600 qendra islame në Gjermani bashkë me 200 struktura të reja që mund të klasifikohen si xhamia. Në esencë, kjo nënkupton se grupacionet janë duke lëvizur jashtë nga kuartet e përkohshme dhe të pavërrejtshme në hapësira më të qarkullueshme. Në të vërtetë muslimanët janë duke krijuar vende më të dinjitetshme për adhurim, edhepse ata vetë janë të situuar në lokalitete modeste, disi larg nga qendrat e qyteteve.
Zhvillimet e këtilla krijojnë paradokse për shumë gjermanë. Ju s’mund ti akuzoni muslimanët se barikadohen në prapadhoma dhe refuzojnë të integrohen në shoqëri dhe pastaj ti akuzoni se janë duke dashur të ndërtojnë faltore të përshtatshme- në lagjet në të cilat janë duke jetuar për dy tri gjenerata. Çështja është se ata janë duke dashur të bëhen të vërrejtshëm.

Saktësisht ku qëndron provokimi?

Gjatë debatit rreth xhamisë së Kelnit në distriktin Ehrenfeld, Ralph Giordano, novelist ateist me prejardhje hebreje dhe mbijetues i holokaustit, këtë projekt e emërtoi” grabitje e tokës në territorin e huaj” dhe madje “deklarim të luftës”. Giordano gjeti përkrahje te shumë njerëz, të cilët, në kohëra tjera, më shumë do të dëshironin të dëgjonin për tolerancë. Kjo ngjarje kontraverze bëri bujë në lajme në tërë botën.
Në ndërkohë, leja e ndërtimit për këtë xhami u lëshua, bile edhe një libër u shkrua rreth mosmarrveshjeve për këtë xhami, e cila duket se është më kontradiktorja e këtij lloji në Gjermani. Por ende asgjë nuk është definitive. Edhepse, peshkopët katolikë gjermanë në një deklaratë të lëshuar në muajin shtator flasin në favor të ndërtimit të xhamive, por ata janë kundër çdo shfaqjeje të “pretendimeve për fuqi, rivalitet apo veprimtari agresive”. Ky tingëllon si kërcënim. Kjo paraqet shenjë të brengës rreth garimit për dizajnin e dukjes së qyteteve.



Xhamia e Kelnit



Xhamia e Duisburgut



Xhamia e Penzbergut


Spiegel Online

[Drini_i_Zi]

Përcaktohet vendi për varrezat islame në Austri

Pas negociatave që zgjatën më se 20 vjet u përurua të premten, më datën 3 Tetor varreza e parë për myslimanë në Vjenë.


E shtunë, 18 Tetor 2008 07:06
Kjo varrezë është e para e këtij lloji në Austri. Deri tash myslimanët janë varrosur në një pjesë të veçantë të varrezave qendrore. Diskutimet zgjatën shumë vite dhe në vitin 2001 u bënë planet konkrete. Këto varreza gjenden në lagjen e 23-të të Vjenës dhe përfshijnë 3.4 hektarë tokë, të cilën ua dha komuna e Vjenës. Fondet për ndërtim i siguroi Bashkësia Islame e Austrisë, ku vlen të theksohet se një shumë të konsiderueshme mjetesh i dha fondi i OPEC-ut. Në këto varreza mund të varrosen deri në 4000 të vdekur.


Përktheu: Sokol Gashi /wien.orf.at/

[Drini_i_Zi]

Superkompjuteri më i madh në botë pronë e Universitetit Saudian

Universiteti i ri do të ofroj kërkim studime në bioshkencat dhe në bioinxhinieri, materiale shkencore dhe inxhinieri, matematikë aplikuese dhe shkenca kompjuterike.

E diel, 19 Tetor 2008 23:39
Universiteti i ri i shkencës dhe teknologjisë në Arabinë Saudite do të jetë pronar i kompjuterit më të madh botëror dhe do të ndihmoj në joshjen e hulumtuesve në shtetin Islam.

Universiteti i Shkencës dhe Teknologjisë "Mbreti Abdullah" (KAUST) është i paraparë të hapet vitin e ardhshëm afër qytetit të Xhides.

"Superkompjuteri do të jetë si themel i kësaj ekonomie të bazuar në dije që ne po e kërkojmë," thotë Mexhid El Gaslan, qe është përgjegjës për dizajnin dhe zhvillimin e superkompjuterit të quajtur "Shahin".

I emëruar sipas skifterit shtegtues, i cili arrin shpejtësi deri në 340 kilometra në orë, Shahin është i paraparë të arrin shpejtësi prej 222 terraflopëve, masë që barazohet me trilion operacione për sekondë, thotë Gaslan. Kjo do ta bëj atë kompjuterin e gjashtë për nga shpejtësia në botë.

Shahin do të ketë mundësinë të imitoj ambientin e Detit të Kuq dhe të paraqes fushat e naftës në tri dimensione.

Me një donacion dhuratë prej 10 miliard dollarëve nga Mbreti Abdullah, do të ketë mundësinë të joshë ekspertet nga tërë bota me një premtim prej fondeve të pakufizuara për punime hulumtuese.

"KAUST është një shtesë e mrekullueshme për pasurinë botërore të kompjuterëve të zhvilluar," thotë Dejvid Kejes, nga Universiteti Kolumbia prej SHBA-ve i cili po transferohet në Saudi.

"Makina e porositur është sendi më tërheqës për mua këtu," thotë ai.

Ky superkompjuter do të përdorët nga KAUST dhe partnerët e saj përfshirë këtu Universiteti Kornell, atë të Oksfordit, Stanfordit dhe A&M nga Teksasi.

worldbulletin.net

[Drini_i_Zi]

Trupi Zgjedhor i Bashkësisë Islame të Kosovës rizgjodhi sot Mr. Naim Tërnavën Myfti të Kosovës

Trupi Zgjedhor i Bashkësisë Islame të Kosovës rizgjodhi sot Mr. Naim Tërnavën Myfti të Kosovës edhe për një mandat pesëvjeçarë

(Po sot Kuvendi i BI të Kosovës në mbledhjen konstituive zgjodhi për kryetar të Kuvendit Dr. Xhabir Hamitin)

Trupi Zgjedhor i Bashkësisë Islame të Kosovës në mbledhjen e sotme rizgjodhi edhe për një mandat pesëvjeçarë Mr. Naim Tërnavën për Myfti të Kosovës.
Myftiu Naim Tërnava nga Trupi Zgjedhor i Bashkësisë Islame të Kosovës që e përbëjnë 54 anëtarë (Trupin Zgjedhorë të BI të Kosovës e përbëjnë 27 anëtarët e Kuvendit të BI të Kosovës, 25 kryetarët e Këshillave vendor të BI, Dekani i FSI dhe drejtori i Medresesë) mori shumicën absolute të votave, 37 sosh kundrejt kundërkandidatit – Dekanit të Fakultetit të Studimeve Islame të Prishtinë, Dr. Rexhep Boja që mori 17 vota.
Mbledhja e Trupit Zgjedhor të BI të Kosovës do të vazhdoj pas një jave kur solemnisht do të bëhet inaugurimi i Myftiu dhe anëtarëve të Kryesisë të cilët Myftiu do t’ia propozojë Trupit Zgjedhor për miratim.
Po sot u bë edhe konstituimi i Kuvendit të ri të Bashkësisë Islame të Kosovë për periudhën e ardhshme pesëvjeçare.
Pas verifikimit të mandateve të kuvendarëve të rinj u bë edhe zgjedhja e kryetarit dhe nënkryetarit të Kuvendit të Bashkësisë Islame të Kosovës.
Për kryetar të Kuvendit të BI t ë Kosovës u zgjodh delegati nga Fakulteti i Studimeve Islame të Prishtinës, Dr. Xhabir Hamiti ndërsa për nënkryetar – delegati nga Medreseja e mesme “Alaudin” e Prishtinës Fadil Hasani.

[Drini_i_Zi]

Kryeministri përgëzon Myftiun Mr. Naim Tërnava


Kryeministri i Qeverisë së Kosovës, Hashim Thaçi përgëzon mr. Naim Tërnavën me rastin e rizgjedhjes Myfti i Kosovës

Në telegramin e urimit thuhet:

I nderuari z. Tërnava,

Në emër të Qeverisë së Kosovës dhe në emrin tim Ju shpreh urimet më të mira me rastin e rizgjedhjes në postin e Myftiut të Kosovës.

Bashkësia Islame e Kosovës ka luajtur rol të rëndësishëm në të gjitha periudhat e historisë sonë të re, në saje të drejtuesve të saj.

Qeveria e Kosovës do ta mbështes punën Tuaj dhe do të jetë e hapur për bashkëpunim në çdo kohë.

Duke ju uruar shëndet dhe punë të mbarë Ju dhe Kryesisë së Bashkësisë Islame të Kosovës u shpreh përgëzime të sinqerta.

Hashim Thaçi,

Kryeministër



Telegram urimi i Presidentit Sejdiu për Kryetarin e Bashkësisë Islame të Kosovës


Presidenti i Republikës së Kosovës, dr. Fatmir Sejdiu i ka dërguar një telegram urimi z. Naim Tërnava, me rastin e rizgjedhjes Kryetar i Bashkësisë Islame të Kosovës. Më poshtë po e japim tekstin e këtij telegrami:

20.10.2008


I nderuari z. Naim Tërnava,

Kryetar i Bashkësisë Islame të Kosovës
Më lejoni që në emrin tim dhe të popullit të Republikës së Kosovës t’ju shpreh urimet më të përzemërta me rastin e rizgjedhjes suaj Kryetar i Bashkësisë Islame të Kosovës
Duke iu dëshiruar shëndet, punë të mbarë dhe suksese të mëtejshme në misionin Tuaj, unë ritheksoj përkushtimin tim të plotë që si President i vendit të vazhdoj bashkëpunimin e mirë me institucionin tuaj dhe me ju personalisht.
Jam i bindur se, edhe në këtë mandat, nuk do të mungojë angazhimi Juaj për thellimin e kulturës së lartë të komunikimit dhe të tolerancës ndërfetare, që pa dyshim është një nga shtyllat e fuqishme të identitetit të Republikës së Kosovës dhe të qytetarëve të saj.
Urime dhe me fat!
Me respekt,
Dr. Fatmir Sejdiu,
President i Republikës së Kosovës