Erion Braçe dhe lidhjet e tij me krimin...

[Duaje Siveten]

mbaje te ndezur luften revolucionare o shoki sali ...

mos kujto se stili i prokurorit pi uje si dikur ...

roli qe ti ke, ashtu dhe braçja jane te stisur me kohe, edhe ti je viktime, ndaj te lejojne qe te vjedhesh e te pervetesosh pasuri te patundshme ...

merresh me ata qe e kane mbyllur dosjen ... te tjere ne boten tjeter ...

ujq, hiena, çakej ... lukuni sigurim-puniste

[beni67]

Erioni te jete valle jo mor se nuk ka mundesi. Ai eshte burre zamani dhe din te shaje bukur. Me siguri e kane ngaterru.

[SKRAPARI]

Keto bisedat telefonike nuk jane prova te mjaftushme.
Duhet vertetuar origjina e pasurise se cdo politikani ne Shqiperi. C`do muhabet tjeter eshte theater.

[Begby]

Erionit mund ti kene vene shume epitete,por ai qe me shkul gazit eshte

Erion xhepisti

Hahahahhahahahahahahahhahahah

Fiks xhepist atobuzi kombinati

[Brari]

begby na trego dicka per erionin si xhepist..
e ke llafin per autobusa kombinati stalin apo mao ce dun?

per pasurite..

mir e ke o skrapari..

rd eshte e varfer ne argumenta.. ndoshta edhe se rd si organ i pd-s ska rrjet informativ sic ka ps ne cdo skute fshat lagje rrugic furr buke e bile shpi sic e verteton dhe taulanti i ballajve ..
nejse..

ja cthot tjater rd-ja..

--



Pjesa e dytë e letrës së "Ujkut gri", skaner i politikës së re socialiste. Janë të njëjtët


Rrëfimi i Kadriovskit: Si dërgohej kokaina me pasaporta diplomatike


"Me Greqinë e kishim kollaj dhe trafiku i drogës kryhej rregullisht me automjete zyrtare dhe pasaporta diplomatike. Pa problem kalonim nga 20 kilogram kokainë. I bëj thirrje A.G. ta shikojë mirë fotografinë time, që të më njohë"


....Pas bisedës erdhi edhe një zonjë që tani është në një post të rëndësishëm shtetëror (viti 2002). Mbeta i habitur kur më kërkuan kokainë që ta trafikonin vetë. Një mik që ishte me mua u mbaroi punën dhe kështu u bëmë më të afërt.


...në Vlorë na shëtitën në disa vende ku njerëzit e pushtetit më treguan se çfarë gjërash disponojnë me njerëz dhe motoskafe. Më thonin duam vetëm të fillojmë punën


Në numrin e nesërm do të lexoni reagimin skandaloz të zëdhënësit të politikës së re të PS për dosjen "Kadriovski"

Në numrin e ditës së dielë gazeta "RD" botoi pjesën e parë të letrës së baronit të drogës, Daut Kadriovskit, i njohur si "Ujku gri", dërguar në shkurt të vitit 2002 medias shqiptare. Në pjesën e parë të letrës së tij, Kadriovski tregonte se si mbërrinte droga nga SHBA në Shqipëri, ku paketohej dhe si merrej ajo në aeroportin e Rinasit me targat qeveritare "RSH". Kush ishte zyrtari i lartë socialist me inicialet L.H. që fshihej pas këtij trafiku dhe me vilë në Amerikë. "Ujku gri", i cili tani po vuan dënimin në burgjet italiane, përmes letrës dërguar medias, pranon se ai ka qenë një nga krerët e trafikut të drogës, por ai shton se një trafik të tillë në Shqipëri e ka bërë me zyrtarë të lartë të pushtetit socialist. Aty dukej qartë se si ishte implikuar zëdhënësi i politikës së re në pazaret e pista të drogës dhe vrasjeve të mafies. Në pjesën e dytë të letrës së Kadriovskit, sot po botojmë të dhëna të reja rrënqethëse për kapjen e politikës së re socialiste nga mafia, njerëzit e së cilës militojnë pa shkëputje që nga viti 2001. Kadriovski tregon se si e transportonte drogën në Greqi me makina zyrtare dhe pasaporta diplomatike. Ai thotë se në Greqi e kishte shumë kollaj, pasi e dërgonin drogën rregullisht dhe pa problem kalonin me nga 10-20 kg kokainë. Makinat zyrtare të mbushura me drogë kalonin pa asnjë problem sepse personat që ishin brenda ishin të pajisur me pasaporta diplomatike. Kadriovski përmend edhe A.G., duke i bërë thirrje "ta shikojë mirë fotografinë time, që të më njohë". "Ujku gri" tregon se si një ditë i kishte shkuar një zonjë zyrtare dhe i kishte kërkuar që kokainën ta transportonin vetë zyrtarët për në Greqi.


Gazetari i pushtetit, mik i trafikut të drogës


Jam befasuar me ju gazetarët. Ju nuk informoni kaq shumë dhe kaq për kasapët, barbarët e Ballkanit që lanë me mijëra fëmijë pa prindër dhe e dogjën Kosovën para syve të botës. Sa për mua, qeshja me vete kur dëgjova për një gazetë, kryeredaktori i së cilës më duket se nuk më ka njohur në fotografi dhe nuk më ka ditur si "Daut" apo si "Mehmet". Më ka njohur dhe u bë shumë kohë që nuk më ka takuar, prandaj është ngatërruar. Tani nuk e di se çfarë pune bën, por 2-3 vite më parë mbante disa poste, inicialet i ka A.G. Më kujtohet nëpërmjet një miku, u takuam tek piceri "Shushica" në Tiranën e Re, e m'u prezantua si ish-përgjegjës i gazetës, i paprekshëm, diplomat etj. Më erdhi pak çudi se ishte shumë i ri, mirëpo kur u takuam prapë e vërtetova se bashkë me të ishin edhe dy veta që i njihja unë mirë. Ishin në atë kohë shoqëruesit e një ministri. Pas disa minutash erdhi edhe një zonj, që tani është në një post të rëndësishëm. Gjatë bisedës ngela i habitur kur më kërkuan kokainë për vete. A.G. dhe për disa të tjerë, por prapë një mik që ishte me mua, u mbaroi punën dhe kështu u bëmë më të afërt. Pas disa ditësh më afruan të rrinim në Vlorë ku ishin edhe tre femra që na i prezantuan si shoqe.

Në Vlorë, tek Uji i Ftohtë afër tunelit hëngrëm nga një peshk e pastaj kaloi biseda për biznes. Na shëtitën nëpër disa vende që më treguan se çfarë gjërash disponojmë me njerëz me motoskafe. Duam vetëm të fillojmë punën, mirëpo unë u tërhoqa, vetëm ai miku im filloi biznesin me AG.


Trafiku me grekët


Sidomos me Greqinë e kishim kollaj dhe rregullisht me makina zyrtare dhe pasaporta diplomatike, pa problem kalonin me nga 10-20 kg kokainë, por edhe vendet në makina ishin mirë të rregulluara. Po i bëj thirrje A.G. ta shikojë mirë fotografinë time, që të më njohë, ndërsa për një tjetër koleg tuajin nuk më vjet çudi se ai vetëm emrin e ka në atë gazetë. E kam paur rastin ta takoj në Pogradec, thonë te vila e Enver Hoxhës, ishte së bashku me ish-prefektin e Shkupit dhe me shefin e Policisë së Ohrit. Unë isha me shoqen dhe dy fëmijët. Duhet t'i kujtohem mirë zotërisë. Por habitem kur dëgjoj se kush shkruan.

Ju, në vend që të gërmoni punën e cigareve Slim si tregtarët grekë e marrin nga Ukrahina që ka mbetur qysh në kohën e eksplodimit të Çernobilit dhe e sjellin dikund afër Janinës, ku e pastrojnë me një lloj acidi e pastaj miqtë e tyre e bien në Shqipëri, që pas disa viteve të fillojnë pasojat e të lindin edhe deshnit e jo vetëm mushkat. Më vjen keq që po përmend Slimin, se personat që e organizojnë i kam miq, mirëpo më vjen keq edhe për njerëzit e ngratë, meqenëse kjo punë ju takon juve që ta zbulonit në vend që të merreni me mua.


Më takonin deputetë e ministra


Në të vërtetë vinin deputetë e ministra dhe më takonin në Australi. Përshembull. Njëri nga ministrat më tha se, kam një fëmijë të sëmurë me një sëmundje të pashërueshme në Shqipëri. Më tha se, ka kërkuar, por se nuk kam gjetur ilaçe për atë lloj sëmundje. Unë bëra çmos, 4 mijë km larg shkova dhe ia gjeta ilaçin dhe tani e ka fëmijën top. Si mundet të jem për ju asi lloj egërsie dhe i keq shembull, si mundet një njeri sipas jush aq i keq e fëmijët e tij të jenë nxënësit numër një si në Australi, ashtu edhe në Shqipëri. Aq të shkëlqyer sa që vajza mbaroi shkollën e mesme dhe brenda 2 vjet të lartën, duke kaluar nga një vit në dy vite. Gjithashtu edhe çuni, Berati, pyeteni në kolegjin turk se ata do t'iu tregojnë më mirë. Nuk dua t'ju ofendoj se e di që një përqindje e juaj jeni gazetarë të mrekullueshëm dhe të aftë, kurse një përqindje e madhe nuk ka lidhje me gazetarinë. Ju e dini mirë se në të tjera vende gazetarët e luajnë edhe rolin e dedektivit, duke gërmuar më shumë zbulohet lloj-lloj skandali nga ata se nga policia. Shembull merrni në Amerikë nga presidentët e gjer te terrorizmi, në Turqi shembull 90 përqind e krimeve, kontrabandës, terrorizmit etj., është zbuluar nga gazetarët.


Arrestimi

Daut Kadriovski arrestohet në Golem të Durrësit, Supertrafikanti, super i kërkuari. Kjo është formula me të cilën është shprehur menjëherë drejtësia shqiptare. Janë të paktën 13 shtete që e kërkojnë njeriun me këmbë platini.


"Ujku"

Anëtar i bandës "Ujqërit gri" në Itali, në mesin e viteve '90. Ka ikur nga prangat italiane dhe prej pesë vjetësh jetonte në Shqipëri. Në shtetin fqinj, përtej Adriatikut, ishte i dënuar me 12 vjet heqje lirie në mungesë. Dënimi është marrë nga Apeli i Romës, por trafikanti ka ikur.


Gjermania

Në Gjermani sërish emri i Mehmet Ajdinit apo Daut Kadriovskit njeri që sipas akuzës ka përdorur rreth 20 emra, është ndër më të kërkuarit nga drejtësia e këtij vendi. Po sipas organit të akuzës edhe në Gjermani është dërguar në qeli. Por ujku ka arritur të dalë nga qelia. Arratisja i ka kushtuar jo pak Kadriovskit, që është plagosur në këmbë.


Maqedonasit

Disa shtete kërkojnë ta rimarrin Kadriovskin mes të cilave dhe Maqedonia, por e para e ka kërkuar Italia. Më pas, Gjermania dhe Australia. Por, Daut Kadriu ka kundërshtuar duke pretenduar se është pala serbe ajo që kërkon ta fusë në dorë, pasi ai është atentatori i ministrit të Brendshëm aktual serb. Janari e ka gjetur në Itali, në qelinë e munguar ujkun gri.


Faqe nga libri "Sekrete të mafies shqiptare"


Sekretat e mafies shqiptare është libër i autorit Dejan Lluçiç, që i ka kushtuar një vend të veçantë rastit Kadriovski. Don Korleone quhet Daut. Kështu nis tregimi për kumbarën e mafies shqiptare sipas serbëve.

Fq.123

Daut Kadriovski është lindur më 1948 në Shkup e gjykuar sipas të gjitha gjërave është një kriminel shumë inteligjent. Kadriovski është kumbar (nun) i mafies shqiptare.

Fq.130

Në interes të dyanshëm është bërë një marrëveshje në mes të mafies shqiptare dhe asaj italiane. Mafia shqiptare ka marrë përsipër furnizimin me drogë të Italisë së Veriut për kundërvlerë janë marrë para ose armatim që është vlerësuar si biznes i fortë.

Fq.134

Interesante është që qendrat e porosisë së drogës për këtë grup të mafies shqiptare në të njëjtën kohë janë dhe qendra të emigracionit shqiptar, ç'ka të sjell në përfundim që ky grup nuk do të ishte kaq efikas nëse s'do të ishte krijuar bindje që në aksionet e saj nuk ka vetëm veprime kriminale, por edhe mënyrë që të krijohet kapital për blerjen e pasurisë së serbëve në Kosovë. Që lidhja në mes të emigracionit politik dhe kriminaliteti ekziston, tregon edhe angazhimi i oficerit të Ushtrisë Popullore të Jugosllavisë, gjithashtu shqiptari Tahir Zehaj në punë me drogën.

Fq.138

Korruptimi i njërit prej njerëzve kyç, oficerit të UPJ-së i cili punon në Sekretariatin për Mbrojtjen Popullore në Prishtinë na tregon neve që puna e mafies shqiptare është drejtpërsëdrejti në funksion të destabilizimit të Jugosllavisë.





Baroni i drogës flet për lidhjet e tij me funksionarë të lartë socialistë. Politika e re, e njehsuar me interesat e mafies


Letra e Kadriovskit: Ju rrëfej linjën e trafikut të drogës me targa "RSH"

"Ujku gri", anëtar i bandës që ushtronte aktivitet në Romë në mesin e viteve '90, i akuzuar nga mëse 13 shtete për trafik të lëndëve narkotike. Është arrestuar më 3 tetor të vitit 2001 në Golem të Durësit, ndërsa në janar të vitit 2002 është ekstraduar për në Itali ku po vuan dënimin me 12 vjet heqje lirie, që i është dhënë nga gjykata italiane.

I akuzuar dhe për vepra të tjera, shqiptaro-maqedonasi në fillim të shkurtit 2002, Kadriovski nga brenda qelisë i ka dërguar një letër shtypit shqiptar. Ai flet se kush janë veprimtaritë e tij. Miqtë, armiqtë, trafiku, njerëzit e pushtetshëm që u njohën dhe u lidhën me të. Kokaina dhe heroina. Kush ia kërkonte Kadriovskit, mallin e ndaluar. Si e nxirrnin në Greqi kokainën dhe heroinën me makina me targa RSH, si dhe njerëz të pajisur me pasaporta diplomatike. Lidhje të çuditshme me median, njerëz të njohur dhe të panjohur. Për këto dhe gjëra të tjera Daut Kadriovski ka shkruar në letrën që po ribotojmë.

"Ujku gri", i cili tani po vuan dënimin në burgjet italiane përmes një letre dërguar medias pranon se ai ka qenë një nga krerët e trafikut të drogës, por ai shton se një trafik të tillë në Shqipëri e ka bërë me zyrtarë të lartë të pushtetit socialist. Si mbërrinte droga nga SHBA në Shqipëri, ku paketohej dhe si merrej ajo në aeroportin e Rinaist me targat qeveritare "RSH", kush ishte zyrtari i lartë socialist me inicialet L.H. që fshihej pas këtij trafiku dhe me vilë në Amerikë.

Inicialet e emrave që Kadriovski përmend në letrën e tij janë bërë sot zëdhënës të së ashtuquajturës "politikë e re", e cila nuk rezulton gjë tjetër veçse një politikë e interesave të grupeve kriminale të shkatërruara gjatë këtyre tre viteve, por që mbajnë ende shpresë se mund të rilindin duke pasur si garanci pikërisht këta zëdhënësa të politikës së re që gjenden në PS. Letra e Kadriovskit, pjesën e parë të së cilës gazeta po e boton sot nuk është gjë tjetër veçse pjesë e një historie të mafies shqiptare. Por ajo që të shqetëson, nuk është realiteti i së kaluarës, i cili tashmë dihet nga të gjithë se ka qenë një pushtet i kapur nga mafia, por mbajtja kapur nga të njëjtat segmente kriminale e të njëjtës parti që ishte në pushtet në atë kohë edhe pas rrëzimit nga pushteti në 2003. Njerëzit të cilët "Ujku gri" i denoncon me iniciale janë përfaqësues të PS dhe natyrisht që ato do të zbardhen sikurse do të zbardhet gjatë ditëve të ardhshme edhe letra e dytë e Kadriovskit në të cilën ai jep detaje të reja të emrave të "polikës së re" të lidhur me mafien.


LETRA


Unë Daut Kadriu, shfrytëzoj rastin t'ju dërgoj këtë letër nëpërmjet një miku, i cili lirohet nga burgu dhe t'ju siguroj se ku qëndron e vërteta. Kryesorja jam shëndosh e mirë e me këtë rast dëshiroj t'i faliminderohem personelit të burgut, për sjelljet njerëzore dhe civilizuese të tyre ndaj meje. Sa i përket drejtësisë shqiptare ka kaluar çdo kufi me padrejtësira ndaj meje. Unë jam i dënuar nga drejtësia italiane, vetëm me të dhënat e një personi. Nuk e kam ditur se kam qenë i dënuar gjer në ditën e arrestimit e si rregull drejtësia shqiptare u ka dash të thërriste hetuesit italianë që të vinin në Shqipëri për të hetuar çështjen, se a është e vërtetë apo jo. Kur u mbajt seanca e parë, vendosën me 40 ditë burg pa më dhënë sqarime, në seancën e dytë akoma pa kaluar 40 ditë dhe pa e parë dosjen, prokurori në sallë ia dorëzoi avokatit dosjen, kurse gjyqtari lejoi vetëm 10 minuta kohë për ta studiuar atë. Avokati refuzoi të më mbrojë pa studiuar dosjen, kurse prokurori kërkoi 90 ditë burg e gjykatësi e vendosi siç kërkoi prokurori. Të nderuar gazetarë, ju siguroj se dënimi që më është dhënë në Romë është i montuar nga ana e jugosllavëve, me qëllim që të më deportojnë në Jugosllavi. Kur do të lexoni dosjen, atëherë do të shihni të vërtetën.


PAKETIMI I KOKAINES


Puna qëndron kështu. Për veprat që akuzohem, bëhet fjalë në vitet '90, '91, '92 në kohën kur kam qenë në Australi, e që mundin të dëshmojnë mbi 100 artistë. Shembull e kisha rastin në Amerikë pa dashje të hasi në vilën e një ish-funksionari të rëndësishëm, nuk e di a është akoma, L.H. Aty u bënte paketimi i kokainës në krye me mikun tim e pastaj u bë dhe mik i krye... A.B.

A mendoni se ish- funksionari nuk ka dijeni për ngarkesat dhe paketimet që bëhen në vilën e tij në Amerikë dhe i pret në Rinas me makinë "RSH". Si punë delegacioni. Sikur të ishit të guximshëm dhe gazetarë të vërtetë do të zbulonit arinjtë në vend të lepujve. Unë me dëshirë do ju udhëzoja, mirëpo në situatën që gjendem unë duhet shumë guxim, se personi që ma montoi procesin e Romës ka lidhje me disa njerëz të rëndësishëm. Unë për momentin po ju tregoj tregun e ju mundohuni pak vetë. Shembull pse nuk gjurmoni për arrestimin tim. Si bëhet që bash përpara katër muajve të arrestohem kur unë jam prej vitesh në Shqipëri dhe ka pas mundësi me më arrestue me herët se policia e ka ditur se unë jam në kërkim dhe jam i dënuar, kurse unë nuk e kam ditur dhe lirshëm ecja nëpër Tiranë. Më erdhi çudi kur dëgjova me thënë "Ujku gri", se atë emër ma kanë ngjitur jugosllavët para 25 vjet, bile një kryeçetnik i gazetarëve të Serbisë, i cili e ka shkruar një libër kundër shqiparëve e sidomos për mua e përmend një libër. Librin e kam në Tiranë dhe do ia dorëzoj një avokatit e do vërtetoni se emri vjen nga Beogradi e shumë gjëra të tjera janë të dhëna nga Beogradi e Shkupi me anë të nipërit e njerkës sime sllave që i ka në Shqipëri.


KAM BERE VEPRA TE RENDA


Unë, nuk them se jam ëngjell, kam bërë vepra aq të rënda, nis nga armët vrasjet, droga e të tjera punë, por i kam bërë kundra Jugosllavisë e jo kundra Shqipërisë e as Italisë dhe në këtë rast jam i pafajshëm. Kur ta shihni në libër sa keq më akuzojnë Beogradi saqë sipas tyre duhet me më rrjep për së gjalli. Neve kemi qenë mbi 100 veta në grup që punonim dhe e mbushnim Beogradin me drogë pa asnjë lloj fitimi se agallarët e Beogradit nuk kujdeseshin për fëmijët e tyre, por si t'i zhduknin kokat dhe popullin e Kosovës dhe neve me atë që mundeshim e bënim. Unë nuk fshehi realitetin, sikur edhe unë të bëhem ëngjëll është e kotë se dihet procesi i Prishtinës e shka ka folur ish-shefi i policisë serbe tashti ministër rendi, i cili ka qenë rëndë i plagosur nga ana ime. Atë kohë gazetarët serbë dhe maqedon e përmendën fjalën ujk. Më kujtohet shumë bukur kur doli në televizion e gazetarët thanë a mendoni se keni korrur sukses pa u kapur "Ujku" dhe atë ski që edhe ju e përdorët në gazeta. Kurse ke prokurori është pasaporti im me Kadrija dhe në flet arrest që ma dhanë në Drejtori me Kadriu. Gjurmoni pak sa e kam pasur....

Vijon në numrin e ardhshëm



--

[Duaje Siveten]

Shekulli Marte, 02 Shtator 2008

Asgjësimi i parimeve

Nga Vangjush Saro


Në disa shkrime kohët e fundit, shohim një lloj debati për shtypin. Debatuesit kanë cekur (së paku, ashtu iu duket) probleme të rëndësishme të shtypit. Asgjësimin e parimeve, për fat të keq, nuk e kanë cekur. Të gjithë e dinë se kjo qeveri nuk e fitoi dot luftën me korrupsionin dhe trafiqet; (atëherë u tha se do të çmontohej mekanizmi i korrupsionit).

Mirëpo sot, krerët e shumicës akuzohen se janë të lidhur ose më e pakta, rezultojnë mbështetës të këtij fenomeni në rritje. Por shumë media heshtin. Të gjithë e panë se si ky pushtet, për të dytën herë, e shkeli me këmbë shenjtërinë e pronës private, aq sa ka vënë në dyshim hapat e mëtejshëm integrues të vendit; dhe prapë, një pjesë e mirë e mediave e mbajnë gojën kyçur. Statistikat e muajve të parë të vitit 2008, folën për një rritje të vazhdueshme të deficitit tregtar; (përmbi 20 për qind, krahasuar me të njëjtën periudhë të vitit të kaluar). Por shumë gazeta kopjojnë atë çka ofron zëdhënësi më i parë. Faleminderit me kaq! Dhe prapë: Parime, lamtumirë!

Situata e problemeve sociale, paraqitet mjaft e rënduar, (për të mos e tepruar me cilësorë të tjerë). Pabarazia, babëzia, padrejtësitë sy për sy, papunësia, fukarallëku, kanë prodhuar një tufë me halle, nga më të padëgjuarit ndonjëherë. Dhe qeveria e sotme pothuaj i ka lënë pas dore çështje të tilla, tradicionalisht të vështira, për më tepër në një shtet që kurrherë nuk mban përgjegjësi për dramat e qytetarëve të vet. Për shkallën e papunësisë, institucionet në varësi të ekzekutivit, nuk thonë asnjëherë të vërtetën. Dhe prapë disa nga mediat shkelmojnë parimet dhe përcjellin mediokritete të tilla, si “Filanka, ajo e kafazit, po shkruan një libër...”.

Nga shumë kolegë, është harruar krejt e famshmja “Skema e kafshatës”. Rritja galopante e çmimeve, sikundër ndryshimet e herëpashershme në skemat e sigurimeve, e kanë sfumuar edhe atë pak rritje të pagave e pensioneve, që megjithatë, gjithnjë është shoqëruar me bujë të madhe. Kakofonia e ligjeve dhe udhëzimeve fiskale, çmimet e referencës dhe termat e tjerë lloje-lloje, që ndryshojnë e kokolepsen dita-ditës, i kanë mbërthyer paq bizneset e këtij vendi dhe vetë fatin e qytetarëve të tij.

E megjithatë, disa media (më saktë shumica, sepse ato që vazhdojnë të ruajnë integritetin profesional, sot numërohen me gishtat e dorës) e kanë qepur gojën; ose janë të prirur, më së pari, vetëm për beteja “personale”. Le të vijmë më këtej në kohë. Të gjithë konstatojnë se po bëhen përpjekje për ta hedhur pas krahëve tragjedinë e Gërdecit dhe faji mbeti qyrk; të gjithë e panë se si ish-emisarët e SHIK-ut akuzonin njëri-tjetrin për vrasjen e biznesmenit Hoxha, por u kthyen sërish në detyrat e tyre “të shenjta”, ku i kërkon dhe i mbron Partia. Këto dhe të tjera, këto media i harrojnë shumë shpejt, për t’i zëvendësuar me aktivitetet e mërzitshme të Kryeministrit e të Kryeparlamentares; pa u shqetësuar aspak që është krijuar një hendek i thellë mes tyre dhe publikut.

Humbja e parimeve është një nga arsyet kryesore pse sot shumë media gjenden të hutuara, të shkrehura, pa politikë editoriale, pa motive mbijetese, pa mbështetje nga publiku, pa strehë, pa rrobe fare. Të thuash, lakuriq. Pak a shumë si fotot nudo të vajzave a grave, që ato i botojnë në faqen e parë, në pothuaj gjysmën e sipërfaqes së çmuar, gjoja në emër të... specialeve të tyre. Sërish duke shkelur parimet.

Meqë ra fjala, edhe debatuesit e mençur kanë folur shumë pak për “specialet” me nudo e “vip”-a; mbase ngaqë shfaqen edhe vetë ndonjëherë në këto rubrika. Por kjo është një vogëlsi, përballë faktit që ata ende nuk kanë zënë në gojë risinë më të hidhur në këtë fushë: një pjesë e mediave janë bërë copë e çikë për të “pastruar” figura të dyshimta e personazhe të padëshirueshëm; tamam ashtu siç pastrohen paratë e pista.

Kështu ka ndodhur deri diku me përpjekjet e dështuara për të shpëlarë figura të diskredituara, si disa ish-drejtues të SHIK-ut apo të policisë në vitet ‘96-97; ka ndodhur kjo edhe me familjarë të krerëve të qeverisë a të shtetit, që kanë rrëfyer “ndershmërisht” sa ndershmërisht e kanë vënë pasurinë e tyre. E të tjera, e të tjera. Ajo që gjithashtu iu mungon shumë analizave të derisotme, duket se është edhe verifikimi i fenomenit të “trafikimit”... Ashtu siç ka ndodhur rëndom shitblerja e votave, shitblerja e deputetëve, shitblerja e tenderëve soj-soj, e mendjeve intelektuale madje, edhe shumica e mediave na rrëfejnë sot sa zbuluar kanë dalë - apo janë të detyruara të dalin - përpara qytetarëve, hera-herës të zhgënjyer prej tyre.

E vërteta është se një pjesë e mediave shqiptare, prej kohësh, e kanë braktisur publikun e gjerë. Ata që sot mbahen si “gazetarët” më me emër, ca analistë të përjetshëm dhe moderatorë muhabetesh medemek politike pa fund në TV, i shohin zhvillimet e sotme nga perdet e bukura të hoteleve më të mëdha të vendit, që shpeshherë janë burimi i preferuar i informacionit dhe thashethemeve. Edhe në se duhet të shkelin diku, e bëjnë këtë vetëm atje ku gjendet kryeministri apo pushtetarë e politikanë të tjerë, që tashmë shpirtërisht janë shumë larg popullit të djathtë e të majtë, për të cilin (thua se) përgjërohen.

Por më në fund, asgjë nuk varet nga debatuesit dhe teoricienët e medias. Thelbi i debatit në fjalë, pas shumë kohësh heshtjeje e pajtimi me mediokritetin, është një zhvillim pozitiv. E mbase kjo i ndihmon shumë nga mediat të kthehen në bazë; në se nuk është fjala për ndonjë fanfarë, siç kanë qenë rëndom shumë zhvillime të tjera në këto vite tranzicioni.

[Brari]

Të vërtetat e hidhura të "ujkut gri" sjellin reagimin skandaloz të zëdhënësit të Ramës


Letra e "Kadriovskit", Braçe kërcënon me burg gazetarin


Botimi i letrës së baronit të drogës, Daut Kadriovskit, në dy numra rresht nga gazeta, ka sjellë reagimin e politikës së re socialiste. Zëdhënësi i Ramës, Erion Braçe, kërcënoi nëpërmjet telefonit gazetarin Basir Çollaku se "do ta fuste në burg dhe se nuk do t'i ndahej përgjatë gjithë jetës". Ajo çfarë e shqetëson politikën e re të Ramës janë të vërtetat e hidhura të baronit të drogës, i cili historitë e tij në Shqipëri nuk i ka pasur me njerëz të rastësishëm, por me zyrtarë dhe njerëz të lartë të ish-qeverisjes socialiste dhe që sot kanë gjetur strehë si zëdhënësa të politikës së re.

Menjëherë pas botimit të letrës së Kadriovskit, Braçe ka telefonuar gazetarin Basir Çollaku, duke iu prezantuar si deputeti dhe nënkryetari i Grupit parlmentar të PS. Me tone kërcënuese, Braçe i ka kërkuar llogari gazetarit për botimin e kësaj dosjeje. Gazetari i ka kërkuar që të mos abuzojë me imunitetin që i jep mandati i deputetit, por nëse kërkon të përballet me të, t'i drejtohet drejtësisë. Braçe i është përgjigjur se nuk do t'i ndahet përgjatë gjithë jetës për këtë dosje të botuar dhe se do të bënte gjithçka për ta futur në burg.

Ajo çfarë e shqetëson Braçen janë të vërtetat e hidhura të "ujkut gri", të cilat do të vazhdojnë të zbardhen edhe në të ardhmen, përmes një letre të dytë, e cila është zhdukur sapo ka dalë nga dera e burgut ku gjendej Kadriovski. Dhe janë të vërtetat e kësaj letre ato që e frikësojnë zëdhënësin e Ramës. Gjithsesi, një pjesë e mirë e saj është lexuar dhe ka lidhje me një vrasje të ndodhur në ato ditë dhe se autorët e saj të dyshuar janë pikërisht zëdhënësa të politikës së re.

Përpara se Braçe të kërkojë bllokimin e të vërtetave të letrës së Kadriovskit, ai duhet të bëjë të qartë se cilat janë arsyet e këtij tensionimi të tepërt të tij, që e bëjnë të humbasë toruan dhe të kërcënojë përmes telefonit gazetarin. Ai duhet të sqarojë se cilat janë arsyet që ai kërkonte me ngulm ekstradimin e Kadriovskit në ato ditë të para të arrestimit të tij përmes gazetës që drejtonte në atë kohë. Ai duhet të japë sqarime se cili është gazetari që Kadriovski e përmend në letrën e tij. Po kështu, Rama duhet të japë shpjegime se si është e mundur që ato emra të përmendur nga Kadriovski me iniciale dhe që kërkonin kokainë për ta eksportuar me skafe drejt Italisë dhe Greqisë janë sot pjesë e srukturave drejtuese të PS.

Ndërmjet të tjerash, në letrën e tij Kadriovski tregonte se si mbërrinte droga nga SHBA në Shqipëri, ku paketohej dhe si merrej ajo në aeroportin e Rinasit me targat qeveritare "RSH". Kush ishte zyrtari i lartë socialist me inicialet L.H. që fshihej pas këtij trafiku dhe me vilë në Amerikë. "Ujku gri", i cili tani po vuan dënimin në burgjet italiane, përmes letrës dërguar medias, pranon se ai ka qenë një nga krerët e trafikut të drogës, por ai thotë se një trafik të tillë në Shqipëri e ka bërë me zyrtarë të lartë të pushtetit socialist. Në letrën e Kadriovskit dukej qartë se si ishte implikuar zëdhënësi i politikës së re në pazaret e pista të drogës dhe vrasjeve të mafies. Në letrën e Kadriovskit flitej qartë për kapjen e politikës së re socialiste nga mafia, njerëzit e së cilës militojnë pa shkëputje që nga viti 2001.

Botimi i kësaj letre nxori edhe një herë në pah se trafiku i drogës, korrupsioni dhe kriminaliteti në Shqipëri pas vitit '97 e deri në fund të rënies së qeverisë së majtë, drejtohej nga vetë pushtetarët socialistë. Nëpërmjet letrës, Kadriovski tregon se si e transportonte drogën në Greqi me makina zyrtare dhe pasaporta diplomatike. Ai thotë se në Greqi kalonin me nga 10-20 kg kokainë, pa asnjë problem, sepse lejohej nga vetë zyrtarët që merrnin pjesën e tyre të luanit. Makinat zyrtare të mbushura me drogë kalonin pa asnjë pengesë, sepse personat që ishin brenda ishin të pajisur me pasaporta diplomatike. Pra, letra e Kadriovskit nxori zbuluar politikën e re socialiste dhe më shumë se cilindo prej tyre tërboi Braçen.

Zëdhënësi i politikës së re socialiste, Erion Braçe, nuk bëri asnjë reagim pas botimit të letrës së Kadriovskit, por përdori rrugën e tij të preferuar, atë të kërcënimit të një gazetari. Kjo gjuhë është përdorur nga Braçja dhe zyrtarët e tjerë të PS sa herë që u është prekur interesi dhe sa herë që u janë zbuluar fijet lidhëse me mafian. Ky zëdhënës i politikës së re socialiste nuk bëri asnjë reagim, edhe pas botimit në gazetën "RD" të lidhjeve të tij kriminale me bandën e Lushnjes. Pesë ditë më parë gazeta "RD" botoi disa pjesë të bisedave të Bandës së Lushnjes, të zbardhura nga Prokuroria italiane tre vjet më parë, ku Erion Braçe, në atë kohë kryeredaktor i gazetës "Zëri i Popullit" dhe deputet i PS, konsiderohej si një nga njerëzit më të besuar të bandës së Aldo Bares. Në këto përgjime është zbuluar se Braçe ka dalë garant tek njëri prej anëtarëve të bandës së Aldo Bares për fitimin e tenderit të autostradës Lushnje-Fier, ndërsa vetë Erioni do të përfitonte në ndërtimin e pikave të karburantit përgjatë autostradës. Ky fakt i botuar në gazetë ka tronditur opinionin publik dhe ka tërbuar Braçen, i cili nuk guxoi ta përgënjeshtronte apo të bënte qoftë dhe një reagim formal.

Rexhep POLISI

rd

[Brari]

Të PENDUARIT që trembin "politikën e re"


Bledi KASMI


Shumë pikëpyetje kanë mbetur pa përgjigje nga sjellja e strukturave shtetërore ndaj atij që njihej nga shumë shtete të Evropës si baroni i drogës. Mënyra se si erdhi në Shqipëri në një kohë që ishte në kërkim nga mëse 12 shtete evropine pa i hyrë gjemb në këmbë, madje i mirëpritur. Si ai qëndroi i lirë për një kohë të gjatë, ndërsa ishte në top-listën e të kërkuarve ndërkombëtarë. Si ishte e mundur që zyrtarë të lartë të pushtetit socialist e frekuentonin dhe arrinin deri atje sa i kërkonin hapur drogë, duke bërë pazare për ta bërë atë ortak në trafikimin e kokainës me pasaporta diplomatike në drejtim të Italisë dhe të Greqisë. Pas arrestimit, ai nuk ka qëndruar më shumë se katër-pesë ditë në Shqipëri dhe ekstradimi është bërë me një urgjencë të madhe, ndërsa enigma më e madhe dhe që është lënë në heshtje, ka qenë vrasja e gruas së tij, ndërsa ai sapo ishte arrestuar.

Kur kishte kaluar vetëm pak orë në burg, Kadriovski përgatiti një letër drejtuar medias shqiptare. Nuk ishte letra e një krimineli, i cili kërkonte pafajësi. Ishte letra e një të PENDUARI. Ai nuk mohonte krimet që kishte kryer, përkundrazi i pranonte ato duke shkruar edhe në letër se kishte vrarë dhe kishte kryer trafik droge. Sjellja e tij prej të penduari trembi jo pak njerëz në ato ditë. Vetë Kadriovski po bënte një skaner të pushtetit të atyre ditëve, ku zyrtarë të lartë i trokisnin në derën e shtëpisë dhe i kërkonin heroinë për ta trafikuar në Itali dhe Greqi me pasaporta diplomatike, ndërsa të tjerë e kishin nisur aktivitetin e drogës duke e bërë ortak "ujkun gri" dhe duke e transportuar drogën nga Rinasi në destinacionin tjetër me targa "RSH", që të gjithëve u kujtohet se ishin targat që dispononin vetëm ministrat.

Të PENDUARIT janë në të gjithë fjalorët e mafies si armiqtë më të zinj të saj. Ata kërkohen të eleminohen me çdo kusht dhe me çdo çmim. Sepse ata trembin me dëshmitë e tyre bashkëpunëtorët, trembin kundërtshtartë, trembin sistemin nëse ai është i fëlliqur sikurse ai i disa viteve më parë, trembin këdo që është i njollosur me afera të pista. Ndaj ai sistem reagoi ndaj të PENDUARIT Kadriovski menjëherë dhe me egërsinë e mafies. Vetëm pak orë pas botimit të letrës së Kadriovskit, bashkëshortja e tij, Dile Kadriovski u helmua ndërsa po pinte kafen e mëngjesit. Mesazhi ishte i qartë për Kadriovskin. Kishte prekur aty ku nuk duhet të prekte, kishte përmendur emra zyrtarësh të lidhur me trafiqet si dhe kishte zbardhur linjën e trafikut të drogës që si në asnjë vend të botës, as në Kolumbinë e 20 viteve më parë, nuk kryehej me targa ministrore.

Asnjë hetim nuk u ndërmor ndaj atij helmatimi vrasës të Dile Kadriovskit, sepse i gjithë sistemi ishte në funksion të mafies. Hapi i dytë që u ndërmor për ti mbyllur gojën përfundimisht Kadriovskit ishte esktradimi i menjëhershëm i tij për në vendin fqinj. Të bën përshtypje se gazeta që kërkonte ekstradimin e menjëhershëm të Kadriovskit pas botimit të letrës së tij, ishte ajo e organit zyrtar të partisë që ishte në pushtet dhe që kishte për drejtues atë që sot njihet si zëdhënës i politikës së re. Vetë Kadriovski nuk u tërhoq. I penduari kishte premtuar se po përgatiste një letër të dytë edhe për vrasjen e bashkëshortes së tij dhe autorët që fshiheshin pas asaj vrasje.

Letrat e Kadriovskit trembi shumë njerëz të kollarisur në ato ditë dhe kjo nuk është çudi. E çuditshme është se edhe pesë vjet pas daljes në dritë ajo tremb edhe sot e kësaj dite njerëz të sistemuar tek "politika e re". Zëdhënësi i kësaj politike, Erion Braçe ka reaguar ndaj gazetarit Çollaku duke i telefonuar atij dhe duke e paralajmëruar se nuk do t'i ndahet sa të jetë jeta për t'a futur në burg. Nuk bëhet fjalë për një njeri të çfardoshëm, i cili merr telefonin dhe kërcënon një gazetar, por bëhet fjalë për Nënkryetarin e Grupit Parlamentar të asaj force politike, e cila nesër synon të marrë pushtetin.

Nëse pesë vjet më parë pas botimit të letrës së Kadriovskit, sistemi reagoi ndaj atij të Penduari duke i helmuar bashkëshorten, tani po bëhemi dëshmitarë se si të njëjtët njerëz të atij sistemi të pesë viteve më parë, nxjerrin dhëmbët dhe kërcënojnë sërish me gjuhën e mafies një gazetar për mbyllje goje, i cili nuk ka bërë gjë tjetër veçse detyrën e tij të investigimit të një afere mafioze. Dhe për ironi këta njerëz shesin për çdo ditë moral nën etiketën "politika e re".

Si është e mundur që ky Nënkryetar Grupi Parlamentar të PS, nuk guxon që të dalë publikisht dhe të mohojë lidhjet e tij me mafien, në një kohë që del për çdo ditë para mediave duke denoncuar rritjen e çmimit të qepëve apo të domateve. Si është e mendur që Kryetari i PS hesht dhe nuk reagon publikisht kur emri i përmendet në aferat korruptive të një prej bandave kriminale të këtij vendi, si ajo e "Hakmarrjes për Drejtësi", si është e mundur që zëdhënësi nuk del dhe reagon publikisht kur emri i tij del nga prokuroria italiane si sekser i bandës së Aldo Bares.

Sipas gjuhës së mafies denoncimet nuk zgjidhen në mënyrë zyrtare, por në mënyrë private. Ndaj nuk zgjidhet podiumi i konferencave të shtypit, por merren në telefon gazetarët duke i kërcënuar ata me mbyllje goje. Duke i kujtuar atyre histori se si mund të kenë përfunduar ata që kanë dekonspiruar rrjetin e mafies në këtë vend, pse jo, duke i servirur edhe fatin e familjarëve të të penduarit Kadriovski. Kjo është fytyra e vërtetë e politikës së re që e nxori në pah ribotimi i letrës së Kadriovskit. Është gjuha e mafies e veshur me mantel politik që po pret revansh dhe që këtë e demonstron për çdo ditë.



rd

[Apollyon]

Erion Braçe, Kriminel?

[Begby]

Erion Braçe, Kriminel?

Thuj te drejten a nuk ka tamam ftyr xhepisti?: