Ideja apo Materia ?

[GrimReaper]

Jam dakord me ate qe the, nuk e mohova,
por ti nuk dhe nje perkufizim te idese ne formen e saj abstrakte,
ti na dhe manifestimin e idese ne trurin fizik dhe perpunimin e saj.
Mos harro se jemi tek filozofia ketu .

Sinjali elektrik eshte vete idea. Sinjali elektrik eshte informacioni i cili formohet ne tru dhe shperndahet ne tere trupin qe ta beje ate te reagoje psh nese informacioni thot ta levizim doren e majt , sinjalet elektrike qe shokjne ne doren e majte e japin informacionin ( idene ) qe ta levizin. Nuk si di ta thjeshtesoje me shume .

Ose ja edhe nje menyre qe tregon se materia i prin idese. Nese nuk ka materie , ka zbrazetire (vakuum) , dhe hec e jep ti ide ne zbrazetire (vakuum). Idea ne zbrazetire (vakuum) nuk mund te ekzistoje.

[baaroar]

Nese nuk e ke problem e shpjegon pak me qarte se cfare ke kerkuar te thuash sepse ndoshta te njejten gje kam thene dhe une ne nje postim te meparshem por te thene pak me gjate e me qarte.

Ideja është atribut i një forme tjetër të materies (emërtojë si ta duash) e cila shoqëron dhe ndikon njeriun fizik duke i dhënë atij këtë veti/aftësi, thjeshtë manifestohet tek ai.

[xfiles]

Ideja eshte dicka abstrakte, kur thua qe nuk mund te egzistoje pa materjen e vetmja menyre me te cilen une mund te bie dakord me ty eshte nese themi se Ideja nuk mund te manifestohet pa materjen.
Po as materja nuk mund te manifestohet pa patur nje Forme, dhe kjo forma eshte Ideja.
Me gjej nje shembull manifestimi materjal qe nuk shoqerohet te pakten me nje Forme, me jep nje shembull materje pa Forme.

Jane dy ekstreme, jane dy faqet e se njejtes monedhe, jane Shpirterorja(Ideja) dhe Materjalja qe nuk mund te egzistojne pa njera tjetren.
Nuk po shkruaj me sepse jane gjera qe jane thene gjere e gjate ne kete teme dhe madje shume here me ne thellesi por nese ti perton ti lexosh ose mendon se nuk ja vlen atehere mendoj se nuk kam me asgje per te thene. Nuk me pelqen te perseris veten, plus qe nuk eshte ne natyren time te kerkoj te bind njeri, perkundrazi respektoj opinion tend me te cilin sic te thashe jam pjeserisht dakord, thjesht kerkoj te gjej nje pike takimi te perbashket ne te gjitha idete qe parashtrohen sepse besoj se meqe te gjithe e kemi origjinen nga i njejti burim po ashtu edhe mendimet tona sado te ndryshme mund te bashkohen gjithmone ne nje pike te perbashket.

[xfiles]

Ideja është atribut i një forme tjetër të materies (emërtojë si ta duash) e cila shoqëron dhe ndikon njeriun fizik duke i dhënë atij këtë veti/aftësi, thjeshtë manifestohet tek ai.

Eshte ajo qe kam thene gjate gjithe kesaj teme, jemi plotesisht dakord te dy.

[baaroar]

@xfiles
Çfarë mund të themi për idenë kur lënda nga e cila përbëhemi si një ndër format e materies transformohet në një formë tjetër?
Kur thua se ideja nuk manifestohet pa materien, për cilën formë të saj e ke, për lëndën nga e cila përbëhemi ne apo për një formë tjetër?
Kur flasim për transformimin e materies, a kemi të bëjmë me një cikël të mbyllur ku dukuria e shfaqjes dhe transformimit të një forme të caktuar të materies përsëritet pafundësisht duke u shfaqur një numër i fundëm formash të saj apo kemi të bëjmë me transformimin e vazhdueshëm në pafundësi duke u shfaqur një numër i pafundëm formash të saj?

[Dasius]

Ndërkohë që materia ekziston dhe krijon formë edhe në mungesë të ndërgjegjes njerëzore, ideja nuk e ka këtë privilegj. Prandaj, këtu komplikohet paksa ai mendimi yt se ideja dhe materia janë faqe të së njëjtës monedhë.

Unë jam dakord me faktin që materia bën të mundur ekzistencën e idesë por kjo nuk ndodh dhe anasjelltas. Dmth, materia nuk varet nga ideja.

P.sh. materia kur bashkëvepron sjell dy rezultate, i pari është mendimi për të marrë gotën e ujit, i dyti është një shpërthim vullkanik. Ndërkohë që në bashkëveprimin e parë ka ide, në të dytin ideja mungon. Ajo bëhet prezente vetëm kur i pranishëm është vëzhguesi, ndërgjegja njerëzore.

Pra, edhe pse është tërësisht e qartë që ideja varet ekskluzivisht nga materia, nuk mund të dalim në konkluzionin janë e njëjta gjë.


Ideja nuk mund të manifestohet pa materie - e vërtetë
Materia nuk mund të manifestohet pa formë - e gabuar. Materia nuk ka nevojë që të përcaktohet.
Forma është ide - e vërtetë. Koncept oabstrakt njerëzor.
Ideja është materie - e gabuar

[xfiles]

kur flasim per Ide te mos e kufizojme konceptin vetem ne kontekstin e trurit njerezor,
edhe vete atomi perfaqeson nje ide, nje forme, nje cilesi.
Vete universi eshte totalisht iluziv dhe ka shume totale 0(teme tjeter kjo).
Nese do te kalojme ne ekstrem atehere vetem Ideja/Informacioni ka vlere Reale.

Si thote tek Bibla,
Ne fillim bota ishte Boshe dhe pa Forme,
pastaj ishte Fjala,
Fjala(dicka abstrakte) i dha forme dhe mbushi boten.
Duket qarte simbolika.

Aty ku ti shikon Ndarje une shoh Bashkim. Kjo varet nga pikepamja e ndryshme qe kemi.
Mos i nenvlereso konceptet Abstrakte sepse ndoshta jane me Reale se sa vete Materja qe ne konsiderojme si baze te 'realitit'.

Ne po i levrojme shume keto fjale "ide" dhe "materje" por cfare jane saktesisht keto dy gjera per kete ben fjale tema. Une ju riftoj ta lexoni temen nga fillimi edhe pse 8 faqe postime jane shume por do evitohej te perseriteshin te njejtat gjera. Ju siguroj qe te gjitha ca po shkruajme tani jane diskutuar ne thellesi me pare.

@Dalan, pergjigjen do ta vonoj pak sepse do me duhet ca kohe te te jap nje pergjigje te denje dhe te kenaqshme sepse nuk dua thjesht te kaloj rradhen.

[maksimmilien]

desha t ju them se tema juaj me pelqen vertet shume,teme e cila ka marre nje pjese te mire te mendimeve te mia per nje kohe te gjate.Ndonese dyshoj ne vete fjalet e mia paksa te paqarta ,besoj se ato ne nje fare menyre mund te ekzistojne te dyja te ndara ose jo.pra edhe shpirti mund te ekzistoje vec por edhe materia mund te qendroje pa te

[maksimmilien]

jam pothuasje dakort me ju kur thoni se qenia e materies varet nga ideja.sokrati thote se c do materie ka idealen e saj,ate perfekten pa asnje cen,e cila duhet medoemos te jete e lidhur ngushte me perceptimin tone te kufizuar.
M.Fojard

[user010]

Cfare mendoni per natyren e lidhjes se Idese me Materien ?
Me sa di njeriu eshte trup dhe shpyrt nje i pa ndar, keshtu u krijua.

A shkojme domosdoshmerisht drejt fese sapo Ideja lidhet me Shpirtin ?
Varet per ke fe flet, krishterimi pranon njeriun si nje te pa ndare, trup dhe shpyrt bashk. Per krishterimin ideja, logjika si te duash thuaje perben nje pjes te shpyrtit.

A mund te ekzistoje ideja jashte materies?
Prap i nisur nga feja, ka qenie (p.sh engjejt) qe nuk kan materie, pra ideja nuk kufizohet ne boten e materies (shpresoj mos te kem kuptuar gabim pyetjen).

A eshte njeriu ne gjendje ta gjeje vete kete ekuiliber ?
Sa i afte eshte njeriu me fuqit e veta e ka treguar historia! Per mendimin tim, Ai qe krijoi njeriun eshte burimi i gjithcka te mire, njeriu i bazuar ne vetvete... eshte i kufizuar krejt!