Ndodhitë në Maqedoni 2008 - 2011

[Faik]

Pengohet hapja e paraleleve shqipe në Idrizovë

Ministria e arsimit nuk firmos vendimin që nxënësit shqiptarë të fshatit Idrizovë të kompletojnë arsimin fillorë në shkollën e fshatit Petar Petrovic Njegosh.

Ministri Pero Stojanovski pengon hyrjen në fuqi të vendimit me të cilin do t'iu lejohet nxënësve shqiptarë të shkollës fillore Petar Petrovic Njegosh nga fshati Idrizovë të kenë mundësi të vijojnë mësimin në këtë shkollë edhe pas përfundimit të klasës së 4. I gjithë dokumentacioni me të cilën do të lejohej vijimi I mësimit edhe nga klasa e 5 deri në të nëntën për nxënësit shqiptarë tanimë dy javë është kompletuar pa ka ngelur në sirtaret e ministrit I cili sic mëson Alsat nga burime brenda kësaj ministrie është ballafaquar me presion të kryetarit të Komunës Gazi Babë Koce Trajanovski I cili nuk lejonë firmosjen e vendimit. Nga kabineti I ministrit Stojanovski nuk kanë komentuar këto zëra por sic mëson Alsat presioni I Trajanovskit për moshapjen e paralele shqipe në këtë shkollë fillore ka të bëjë me frigën e tij se mund të humbasë shumë vota në këtë komun në zgjedhjet e ardhshme locale që pritet të zhvillohen për disa muaj. Megjithatë nga kjo situatë vazhdojnë të pësojnë nxënësit shqiptarë të cilët disa javë me rradhe kanë bojkotuar mësimin duke kërkuar që tiu mundësohet të vijojnë mësimin në këtë shkollë edhe pas kryerjes së klasës së katërt e jo të udhëtojnë disa dhjetra kilometra largë vendbanimeve të tyre për të ndjekur mësimin në shkolla tjera. Nëse bashkëmoshatarët e tyre maqedonas ndjekin mësimin fillorë në këtë shkollë deri në klasën e 9 pse atherë nxënësve shqiptarë edhe pse ekzistojnë kushte për një gjë të tillë nuk u mundësohet e njejta.

Valmir Kuçi

[RaPSouL]

Riker takoi Ahmetin dhe Thaçin në Tetovë

Ambasadori i ri amerikan, Filip Riker sot në Tetovë është takuar me liderët e dy partive më të mëdha shqiptare, BDI-së dhe PDSH-së, Ali Ahmeti dhe Menduh Thaçi.

Në takimin me kryetarin e BDI-së, Ali Ahmeti, ambasadori amerikan ka biseduar për zhvillimet e fundit politike në vend, proceset gjyqësore të lëndëve të kthyera nga Tribunali i Hagës, çështja e emrit dhe çështje të tjera aktuale.

Riker është takuar edhe me kryetarin e PDSH-së, Menduh Thaçi, me të cilin kanë biseduar gjithashtu për zhvillimet e fundit politike në vend. Nga kjo parti nënvizojnë se çështja kryesore e takimit ka qenë rastet e Hagës dhe kërkesa e PDSH-së që këto raste ti nënshtrohen Ligjit për amnisti.

Ambasadori i ri amerikan është takuar edhe me kryetarin e komunës së Tetovës, Hazbi Lika, ka vizituar këndin amerikan në Tetovë si dhe disa lokacione të tjera që janë paraparë në agjendën e vizitës së tij.

(INA)

[RaPSouL]

Cërvenkovski konfirmon praninë në takimin e liderëve

Presidenti Branko Cërvenkovski njoftoi se do të jetë i pranishëm në takimin e liderëve të partive politike të caktuar më 6 tetor nga kryeministri Nikolla Gruevski.

Presidenti Cërvenkovski ka vlerësuar një nismë të tillë që sipas tij është e rëndësishme për të diskutuar për çështjen e emrit.

"E vlerësojë një inciativë të tillë për takim liderësh e cila do të jetë e dobishme ara bisedimeve të ardhshme të caktuara nga ndërmjetësi Nimic për çështjen e emrit midis Shkupit dhe Athinës.Mirë është që caktuat një takim të tillë liderësh, para se Nimic pret të njihet me pozicionet e Maqedonisë para propozimit final për emrin", thuhet në komunikatën e presidentit Cërvenkovski.

Ai pret që në këtë takim të arrihet një konsensus pozitiv në vend për çështjen e emrit në fazën finale të bisedimeve.

(INA)

[RaPSouL]

Në Maqedoni ushqimi prodhohet pa standarde

Pak objekte hotelierike, ëmbëltore dhe restorante të qumështit zbatojnë sistemin HASAP, ndërsa afati i fundit për të aplikuar këtë standard është fillimi i vitit 2009.
"Ky tullumb nuk është prodhuar sipas standardeve HASAP. Shitësit thonë se ky është prodhimi më i kërkuar në ëmbëltoren e tyre. Një numër shumë i vogël i njerëzve kur do të vijnë të blejnë pyesin se a keni dhe a është bërë sipas standardeve HASAP".

Mirëpo, ne verifikuam dhe mund të konstatohet se është një përqindje e vogël e objekteve hotelierike, ëmbëltoreve dhe restoranteve të qumështit në Maqedoni që kanë aplikuar në punën e tyre standarde HASAP. Megjithatë, afati për këtë është mbarimi i vitit. Prej një janarit detyrimisht të gjithë duhet që të punojnë sipas këtyre standardeve ndërkombëtare dhe evropiane. Mirëpo, tani për tani është i vogël numri i atyre që e kanë zbatuar.

"Numri i objekteve paraqet përqindjen shumë të ulët të numrit të përgjithshëm të objekteve të regjistruara ku është implementuar sistemi HASAP. Mirëpo, do të punohet dhe me forcat e përbashkëta do të tejkalohet kjo pengesë", thotë drejtoresha e Drejtorisë për Ushqim, Marina Popovska-Domazetovska.

Sipas analizave, një problem më të madh për zbatimin e standardeve HESAP paraqet mbajtja e evidencës për të gjithë prodhuesit që janë përfshirë në përgatitje. Për shembull, që të përgatitet një tullumb duhet që të kontrollohen edhe standardet sikurse përbërjet e nevojshme ishin futur në kuzhinë. Kështu gjithnjë derisa prodhimi të mos shitet.

"Si rajon ne jemi të mësuar që të punojmë sipas parimit të thash e thënave. Drejtoria këmbëngul në zbatimin e standardit HASAP prej një janarit të vitit 2009. Nuk është asgjë e pazakonshme dhe asgjë e paditur. Kemi edhe dije edhe potencial dhe nuk është diç e pakuptueshme dhe e vështirë që të zbatohet", thotë mr. Mitre Arsovski, trajnues i sistemit HESAP ("Xhi Si Es – Maqedonia").

Me aplikimin e këtyre standardeve dukshëm duhet që të përmirësohet siguria dhe rregullshmëria e ushqimit. Megjithatë, ende nuk dihet se cili nga institucionet kompetente do ta bëjë kontrollin në terren.


Alsat

[RaPSouL]

Milloshoski për Alsat: Njohja e Kosovës, kur të vijë koha

Autoritetet maqedonase vlerësojnë se u duhet akoma kohë për të marrë vendimin përfundimtar rreth njohjes së pavarësisë së Kosovës.
Ministri i jashtëm maqedonas, Antonio Milloshoski, në një deklaratë për Alsat thekson se kjo çështje është mjaftë e rëndësishme dhe serioze, por kur të vijë koha atëherë Maqedonia do të hap debatin për njohjen e Kosovës. Duke komentuar miratimin e rezolutës së djeshme nga parlamenti malazez me të cilën i sugjerohet qeverisë në Podgoricë që të njihet shtetësia e Kosovës, Milloshoski tha se kjo nuk tangon Maqedoninë. Çdo shtet vendimet i merr vet, duke mos shikuar se si veprojnë të tjerët.
"Secili shtet në mënyrë të pavarur i qaset kësaj çështje dhe vlerësoj se Maqedonia gjithashtu kur të vij koha do të ngrit diskutimin për këtë temë rajonale mjaftë të rëndësishme dhe mjaftë serioze. Por mendoj se kemi edhe ca kohë për ta bërë vlerësimin e vërtetë", deklaroi ministri Milloshoski.
Shkupi zyrtar jo vetëm që ende nuk ka marrë ndonjë vendim për njohjen e Kosovës por ende nuk ka ndërtuar edhe qëndrim të prerë se si do të paraqitet delegacioni i Maqedonisë në Asamblenë e përgjithshme të OKB-së ku do të debatohet rreth iniciativës serbe për miratimin e një Rezolute, me cilën do të kërkohej nga Gjykata Ndërkombëtare e Drejtësisë të vlerësoj legjitimitetin e vendimit për shpalljen e pavarësisë së njëanshme të Kosovës. Mirëpo, Milloshoki nuk përjashton mundësin Maqedonia të jetë e përmbajtur.
"Bashkë me partnerët e Unionit Europian kemi konsultime intensive, vendimi akoma nuk është miratuar, por ajo mund të jetë një nga zgjidhjet", tha Milloshovski.
Seanca e asamblesë së përgjithshme e OKB-së në të cilën do të debatohet për iniciativës serbe është caktuar për datën 8 tetor ndërsa në këtë seancë nuk është mundësuar prezenca e përfaqësuesve të Kosovës. Këtë e ka konfirmuar kryesuesi i Asamblesë së përgjithshme Migel D'eskoto Brokman.

Alsat

[RaPSouL]

Trajanovski kundër mësimit të nxënësve shqiptarë të Idrizovës

Kryetari i komunës së Gazi Babës është kundër vendimit të Ministrisë së Arsimit me të cilin do t’iu mundësohej nxënësve shqiptarë të shkollës fillore “Petar Petrovic-Njegosh” të Idriyovës, të vijojnë mësimin në këtë shkollë edhe pas përfundimit të klasës së katërt.
Për 16 nxënës nuk mund të angazhojmë profesorë, kurse nuk ekzistojnë as kushte për një gjë të tillë në këtë shkollë, tha për Alsat, kryetari i komunës së Gazi Babës, Koce Trajanovski.
“A e dini se atje ka vetëm 16 nxënës, hapësira atje gjithashtu nuk ka, prej të parës deri në të katërtën mësojnë këtu. Edhe profesorë nuk na duhen shumë, nuk e dijë sa, por Ministria do të duhet të lejojë 15, 10 ose 11 profesorë, të cilët do të duhet të vijnë këtu. E gjithë kjo duhet të financohet”, deklaroi Trajanovski.
Në pyetjen e Alsat se, për shembull, në Mariovë duhet të udhëtohet 120 kilometra vetëm për 1 nxënës, e jo për 15, Trajanovski me përgjigje: “Këtu duhet të udhëtojnë 12 arsimtarë”.
Ndërkohë edhe pse i gjithë dokumentacioni me të cilin do t’ju mundësohej nxënësve shqiptarë të Idrizovës të ndjekin mësimin në shkollën e tyre edhe pas përfundimit të klasës së 4 është gati, ai vazhdon të presë firmën e ministrit të Arsimit, Pero Stojanovski. Zyrtarët shqiptarë në këtë ministri janë të pafuqishëm të bindin ministrin të firmos vendimin. Atyre ju mbetet vetëm të shpresojnë se ministri më fund do të ndryshojë mendje.
Numan Sallai, përfaqësues i Ministrisë së Arsimit, tha se kërkesa është me vend dhe Ministri i Arsimit dhe Shkencës, ka shprehur gatishmëri dhe ka vullnet që të nënshkruaj vendimin që të mund të fillohet mësimi në gjuhën shqipe në këtë shkollë.
Deri sa ministri të marrë vendim të prerë për fatin e nxënësve shqiptarë, ata edhe më tej vazhdojnë të bojkotin procesin mësimor. Deri në klasën e katërt në këtë shkollë, mësimin e vijojnë gjithsej 95 nxënës, ndërkaq 17 të tjerë që kanë përfunduar vitin e shkuar klasën e katërt nuk pranojnë të regjistrohen në ndonjë shkollë tjetër që është disa kilometra larg fshatit të tyre.

Alsat

[RaPSouL]

Ivanovski zgjidhet sekretar i përgjithshëm i LSDM-së

Këshilli Qendror i LSDM-së në mbledhjen e sotme ka zgjedhur për sekretar të përgjithshëm, nënkryetarin e deritanishëm Igor Ivanovski.
Në këtë mbledhje mes tjerash janë vërtetuar edhe njëherë pozicionet e partisë rreth tre çështjeve, siç janë, kontesti rreth emrit me Greqinë, ndryshimet në Kodin zgjedhor dhe qëndrimet rreth propozimit të VMRO-DPMNE-së për ndryshimet Kushtetuese, në pjesën e zgjedhjes së presidentit. LSDM, përshëndet takimin e liderëve të caktuar për të hënën dhe shpreson në një debat konstruktiv. Kjo parti mbetet në qëndrimin për zvogëlim të cenzusit nga 50 në 40 për qind, ndërkohë që sa u përket ndryshimeve në kodin zgjedhor i pranon tre vendet e garantuara për diasporën.

Alsat

[RaPSouL]

MPB vazhdon kërkimin e deputetit të BDI-së

Ministria e Brendshme është në kërkim të Hisen Xhemailit, deputetit të BDI-së, të cilit i`u hoq imuniteti dhe ndaj të cilit është shpallur masë paraburgimi lidhur me rastin e maltretimit të punonjësve maqedonas gjatë konfliktit të vitit 2001.

Xhemaili, anëtarë i lartë dhe deputet i BDI-së ngarkohet së bashku me disa persona të tjerë, ish-pjestarë të UÇK-së për matretimin dhe ushtrimin e dhunës ndaj punonjësve maqedonas të ndërmarrjes “Mavrova” gjatë konfliktit të vitit 2001 në rajonin e Tetovë. Kjo lëndë ishte një nga katër lëndët e kthyera nga Tribunali i Hagës, por që tashmë po procesohet nga organet e gjyqësisë në Shkup.

Ministrja e Brendshme, Gordana Jankullovska deklaroi sot se policia akoma nuk ka locuar vendin e strehimit të deputetit dhe nuk ka njohur se ku gjindet ai.

Më 17 tetor është caktuar edhe seanca gjyqësore, ku duhet të paraqitet deputeti i BDI-së, partia e të cilit kundërshtoi heqjen e imunitetit të tij, që u votua nga VMRO-DPMNE dhe Lidhja Social Demokrate në opozitë.

Dy partitë e opozitës PDSh dhe DR kanë kërkuar mos procesuimin e këtij rasti dhe respektimin e Ligjit për amnisti të miratuar pas konfliktit të vitit 2001.


(INA)

[RaPSouL]

Mbi 400 vepra të rënda penale gjatë 10 muajve të 2008

Gjatë 10 muajve të kaluar të këtij viti, në fushën e kriminalitetit klasik janë regjistruar gjithsej 407 vepra të rënda penale, me elemente të dhunës prej të cilëva 17 vrasje, 20 tentime për vrasje, 16 raste kërcënimi, pesë vjedhje, 22 kidnapime dhe 5 raste ku është kërkuar reket.

Krahasuar me vitin 2007 sipas raportit të Ministrisë së Punëve të Bredshme, ky lloj kriminaliteti shënon rrënje për 22 për qind, ndërsa pas masave të cilat i ka ndërmarrë MPB-ja janë zbardhur 228 vepra, me ç’ka është arritur efikasitet prej 56 për qind.

Pjesa më e madhe e këtyre veprave- 219 apo 53.8 për qind janë kryer në rajonin e Shkupit (pesë vrasje, pesë tentime për vrasje, 13 lendime të lehta dhe të rënda, 175 vjedhje, reketime etj), më pas 26 vepra janë kryer në Tetovë.

Numër i njejtë i veprave të tilla penale janë kryer edhe në Prilep, 19 në Ohër, 13 në Gostivar, 12 në Manastirë dhe Strugë, 9 në Strumicë etj.Në kuadër të veprave penale kundër jetës dhe lirës njerzore janë kryer 17 vepra penale.

Në raste se krahsojm me vitin e kaluar këtë vitë kjo vepër penale shënon rritje për 4 raste, pasi që vitin e kaluar janë kryer vetëm 13 vepra penale.Pas hulumtimeve në terren janë dokumentuar 14 vrasje, me çka sipas MPB-së është arritur efikasitet prej 82.3 për qind, ndërsa përpos saj është zbardhur edhe vrasja e një shitësi të devizëve në Ohër.

Enigmë ka mbetur vrasja e 27 vjeçarit në afërsi të motelit “Ignacija” në Gostivar, vrasja e grruas në Kërçovë si dhe vrasja e 56 vjeçarit në rrugën “Kaçaniku” në shkup. Sipas mjeteve të përdoruar gjatë vrasjeve, uniformat blu kanë konstatuar se në pesë raste gjatë kryerjes së veprës janë përdorur mjete të forta goditëse, në katë raste është përdorur armë (thika, spata etj) dhe në dy raste viktmat janë hedhur nëpër puse dhe janë helmuar.

Gjatë këtyre muajve janë shënuar edhe vjedhje të rënda nëpër shtëpi private, pompa benzini etj. Po ashtu gjatë këtyre muajve të kaluar është kryer edhe një vjedhje mbi veturën e Postave të Maqedonisë në Shkup nga ku janë lënduar katër persona të punësuar në Postat e Maqedonisë dhe janë vjedhur 650.000 euro.


(D.J/INA)

[RaPSouL]

Maqedonia vonohet me aplikiminin e standardeve të ushqimit

Mungesa e infrastrukurës dhe kuadri janë mangësitë kryesore që kompanirtë e vendit nuk aplikojnë standardin HASAP, i cili siguron ushqim cilësor.

Firmat e Maqedonisë do të vonojnë me aplikimin e standardeve HASAP, pohojnë ekspertët të cilët po punojnë në këtë problematikë. Problemi më i madh i firmave do të jetë infrastruktura e objekteve dhe kuadri të cili e disponojnë, i cili nuk është i aftësuar sa duhet. Një pjesë e kompanive të Maqedonisë nuk do t'i plotësojnë të gjitha kushtet për aplikimin e standardit HASAP deri në janar prej kur do të fillojë edhe të aplikohet nëpër firma, thonë ekspertët.

"Për shembull nyjet sanitare, objektet për qëndrimin e të punësuarve janë në gjendje të mjerueshme dhe duhet që të intervenohet për t'u ndërtuar si duhet. Nevojitet edhe edukimi i caktuar i kuadrit që punon. Ky nuk është investim, por që të dytë janë të rëndësishëm. Nëse nuk përdoren mjetet e caktuara plotësuese financiare nga organet e shtetit mund edhe të dështojmë", deklaron mr Mitre Arsovski, trajnues i sistemit HASAP (Xhi Si Es – Maqedoni).

Interesimi i kompanive të Maqedonisë për aplikimin e sistemit HASAP është shumë i vogël. Një pjesë e tyre konsiderojnë se aplikimi i standardeve do t'u sjellë obligime dhe shpenzime plotësuese.

"Që të plotësohet e gjithë kjo në një kompani do të nevojiten resurse njerëzore, pra personel. Pasi bëhet fjalë për shumë gjera, por shpresoj se edhe te ne dhe në firmat e tjera që do ta implementojnë sistemin HASAP do të shkojnë në parimin që të bëjnë riorganizimin e kompanive të tyre", thotë menaxherja Maja Stoilova.

Aplikimin e këtyre standardeve gjatë pesë viteve të kaluara shteti e ndihmoi me kredi përmes Ministrisë së Ekonomisë dhe Bujqësisë. Sipas institucioneve kompetente këto standarde janë të rëndësishme edhe për eksportin e prodhimeve tona në botën e jashtme, por edhe për shëndetin e qytetarëve.

"Mendoj se implementimi dhe posedimi i detyrueshëm i standardeve HASAP janë në interes të qytetarëve të Republikës së Maqedonisë, sepse me aplikimin e standardeve të këtilla të gjithë do të dimë se kemi me ngrënë ushqim cilësor dhe të shëndosh. Pra të mos i aplikojmë standardet vetëm për shkak të eksportit", thekson ministri i Bujqësisë, Aco Spasenovski.

Me aplikimin e standardeve eliminohen 90 për qind e mundësive që të ndodhin helmime ose çfarëdo pasojash për shëndetin e njerëzve.


Alsat