Ndodhitë në Maqedoni 2008 - 2011

[RaPSouL]

Këshilli për eurointegrimi kundër deklaratave të Gruevskit

Kryeministri Gruevski kërkon alibi për dështimet e politikës së tij kur fajson Greqinë se pengon anëtarësimin e vendit në BE, vlerësoi Këshilli nacional për eurointegrime.
Shumica e anëtarëve të këshillit nacional për eurointegrime kritikuan deklaratat e dhëna ditëve të fundit nga ana e kryemisnitrit se Maqedonia ka bërë gjithçka për anëtarësimin e vendit në strukturat euroatlantike por Greqia është ajo e cila pengon këtë proces. Kjo sipas tyre është vetëm kërkim i alibisë për mangësitë e bëra në këtë drejtim.

"Unë do të kisha dashur, ngjashëm siç përmendën edhe disa deputetë që tu bëj apel jo vetëm Qeverisë por edhe shumë politikanëve që kanë ndikim në opinionin maqedonas, se deklaratat e llojit, sa edhe sado që të punojmë do gjejnë arsye, vetëm që ta arsuetojnë veton e Greqisë, janë shumë kontraproduktive për shtetin tonë", tha kryetarja e Këshillit për Eurointegrime, Radmilla Sheqerinska.

Këshilltarja e presidentit të shtetit, Natasha Savova, tha se sikur të mos ishin serioze, deklaratat e kryeministrit do të ishin qesharake.

"Këto përplasje dhe këto deklarata kontradiktore edhe nga kryeministri jonë dhe ministrat, dhe nga përfaqësuesit e Komisionit Europian nga ana tjetër. Njëra palë thotë se i kemi përmbushur 75 përqind të kritereve ndërsa pala tjetër habitet dhe thotë se nuk është e kënaqur", tha Savova.

Ndërkaq zëvendëskryeministri për eurointegrime Ivica Bocevski tha se këshilli nacional duhet të ndihmoj këtë proces e jo të merret me politikë ditore.

"Historia na ka sjellë në këtë pozitë në të cilën gjendemi tani dhe historia është ajo e cila do të na gjykojë në bazë të asaj se si do ta udhëheqim këshillin. Në histori nuk ka vend për pikë të imta politike. Roli i Këshillit nacional nuk është aspak i tillë, por duhet të kontribuojë drejt procesit eurointegrues të Maqedonisë", tha Ivica Bocevski.

Edhe deputetja Boneva nga shumica parlamentare tha se dialogu politik funksionon në Kuvend, ndërsa kthimi i PDSH-së në institucionin ligjdhënës është çështje ditësh.

"Më vjen keq që PDSH-ja ende nuk është kthyer në parlament. Jam e bindu se në pyetje janë ditë kur PDSH-ja do të jetë pjesë përbërëse e kësaj përbërje nacionale dhe punës së Kuvendit", shtoi Silvana Boneva.

Kryetarja e këshillit nacional për integrime evropian kërkoi nga të gjithë pjesëmarrësit që me seriozitet ti qasen procesit të integrimit evropian duke dhënë secili maksimumin e tyre. Ndërkaq vërejtjet kryesore të cilat edhe do të përfshihen në raportin i cili do të arrijë në nëntor do jenë mos bashkëpunimi mes presidentit dhe kryeministrit, mungesa e dialogut politik, bojkotimi i Kuvendit nga ana e opozitës dhe moszbatimi i reformave në gjyqësor.


Alsat

[RaPSouL]

"Danas": Maqedonia me 22 shtator do ta njoh Kosovën

Burime për gazetën beogradase "Danas" bëjnë të ditur se Maqedonia do të njoh Kosovën më 22 shtator, me c'rastë edhe do të tejkalohet kriza parlamentare në këtë vend.

Gazeta thirret në burime nga partitë shqiptare në Maqedoni me të cilat kryeministri Nikolla Gruveski dje ka pasur takime joformale dhe në të cilat ai është pajtuar " për njohjen e pavaresisë së Kosovës për shkak të stabilitetit të brendshëm në vend".

Sipas burimeve të gazetës, vendimtar ka qenë fakti që Ymer Selmani, i cili u nda nga Partia Demokratike Shqiptare (PDSH) të Menduh Thaçit dhe po formon partinë "Demokracia e Re", i ka "refuzuar dëgjueshmëri" kabinetit të Gruevskit.

"Në një farë kuptimi dihet se dajlen nga kriza, autoritetet në Shkup do ta zgjidhin me njohjen e Kosovës dhe ajo do të ndodh më 22 shtator, kurse do të duhet të kontribuojë në stabilizimin e Qeverisë, por edhe në uljen e tensioneve brenda në partitë parlamentare, së pari në ato shqiptare", bëjnë të ditur burme anonime për "Danas"

Burimi i njejtë potencon se " BE-ja dhe SHBA-ja nuk janë të kënaqura nga fakti se vendet e Ballkanit Perëndimor ende nuk e kanë njohur Kosovën dhe se ndaj tyre do të kryhet presion plotësues".


(INA)

[RaPSouL]

Cërvenkovski: Nuk ka alternativ tjetër pos integrimit në BE dhe NATO

Maqedonia nuk ka alternativ tjetër pos integrimit në BE dhe NATO, tha presidenti maqedoas, Branko Cërvenkovski në debatin e gjashtë nga cikli i bisedimeve "Dialogje për Maqedoninë".

Cërvekovski tha se edhe pse mendohet se për këtë temë ekziston konsensus politik, etnik dhe shoqëror, për herë të parë pas 17 viteve në mënyrë të pavarur bëhet komplot për skenar alternativ, i cili garanton zhvillim të përgjithshëm ekonomik, demokratik dhe shoqëror të RM-së edhe pa hyrje në BE dhe NATO.

"Skenar alternativ për integrimet euroatlantike, që ofron zhvillim të gjithanshëm ekonomik dhe demokratik të Maqedonisë nuk ekziston. Ky nuk është rezultat i ndonjë deficiti njerëzor ose institucional, kapaciteti të pamjaftueshëm të RM-së, por shumë më shumë rezultat i një reformatimi global ose formim i konfiguracionit të ri të kontinentit evropian", tha Cërvenkovski. Sipas tij, çdo koncept i cili nuk na dërgon në BE dhe NATO nuk është koncept për zhvillim por për mbijetim, luftë për ekzistencë dhe izolim.

Lidhur me kontestin me Greqinë, ai theksoi se ky problem është një ndër problemet më të mëdha, por jo edhe pengesa e vetme kur janë në pyetje eurointegrimet dhe nuk duhet të shfrytëzohet si alibi për punën e pakryer lidhur me tetë detyrat nga Brukseli, zgjedhjet keq të organizuara në korrik.

Të gjithë pjesëmarrësit në debat u pajtuan se nuk ka alternativë lidhur me integrimet euroatlantike.


Ina

[pacifist]

Maqedonia e njeh Kosovën më 22 shtator ?

Maqedonia do ta njohë Kosovën më 22 shtator, shkruan gazeta e Beogradit “Danas”. Sipas kësaj gazete, me këtë është pajtuar kryeministri Nikolla Gruevski, pas një takimi joformal që ka pasur me liderë të partive shqiptare.

Promotori kryesor i idesë është bërë Ymer Selmani, që para pak ditësh është ndarë nga PDSH-ja e Thaçit. Sipas Danasit, Selmani ka refuzuar dëgjueshmërinë ndaj qeverisë Gruevski, nëse Shkupi nuk e njeh pavarësinë. Njohja e pavarësisë së Kosovës vlerësohet se do të ndikojë në qetësimin e skenës politike në Maqedoni, sidomos në bllokun shqiptar.

shqipmedia1

[RaPSouL]

Zoran Zaev kryetar i ri i LSDM-së

Zoran Zaev, si lider i partisë më të mdhe të opozitës premtoi se do forcojë unitetin e partisë dhe do jetë korektor i pushtetit.
Lidhja Socialdemokrate e Maqedonisë në Kongresin e tetë të saj, zgjodhi Zoran Zaevin lider të partisë. Zaev do ta kryejë këtë funksion partiak deri në përfundimin e mandatit presidencial të Branko Cërvenkovskit, i cili paralajmëroi se pas skadimit të tij nuk do të kandidojë sërish por do të kthehet në LSDM. Zaev do të jetë në krye të partisë gjatë zgjedhjeve të ardhshme lokale dhe atyre presidenciale, që duhet të mbahen në gjysmën e parë të vitit të ardhshëm.
"Më dhatë një përgjegjësi të madhe, një nder të madh që të mund në të ardhmen të krijojë një rrugë në të cilën LSDM-ja çdo ditë e më tepër do të bëhet më e fuqishme dhe më moderne. Së bashku me ekipin e ardhshëm me të cilin do të punojë, kam për qëllim të krijojë atmosferë, në të cilën nuk do të aktrojmë unitet. Do ta udhëheqë partinë në frymën konfirmimit të unitetit. Në atë moment që qytetarët do të arrijnë ta kuptojnë çastin aktual dhe të dallojnë gënjeshtrën nga e vërteta, ne nuk dëshirojmë t'ju ofrojmë krah për të qarë, por do tu ofrojmë që të emi së bashku krah për krah me qytetarët të orientuar drejt jetës më të mirë dhe të evropianizimit përfundimtar të Maqedonisë. Kanë thënë se politikanët e mëdhenjë e udhëheqin popullin, ndërsa ata të vegjlit e joshin. Le ta dinë ata që joshin popullin tonë se do t'ju rrimë në qafë dhe nuk do tju lejojmë që me frontet e hapura në planin e brendshëm dhe atë të jashtëm të bëjnë vilajet familjar në Maqedoni", deklaroi kryetari i ri i LSDM-së Zoran Zaev.


Alsat

[RaPSouL]

Ren: Pranimi i Maqedonisë varet nga të arriturat

Vlerësimet e Komisionit Evropian (KE) në Raportin për përparimin e Maqedonisë do të mbështeten mbi përmbushjen e prioriteteve kryesore, veçanërisht të reformave gjyqësore dhe administrative, si dhe standardeve zgjedhore.
Këtë sot në Pragë e deklaroi evrokomesari për Zgjerim, Oli Ren, në fjalimin para ministrave evropianë të punëve të jashtme në tubimin "BE-ja dhe Ballkani Perëndimor - viti kritik 2009".
"Çdo rekomandim që ka të bëjë me negociatat për aderim do të varet nga të arriturat e shtetit", deklaroi Reni për proceset evrointegruese në Maqedoni, para publikimit të Raportit të nëntorit të KE-së.
Evrokomesari, lidhur me liberalizimin e regjimit të vizave për shtetet e Ballkanit Perëndimor, bëri të ditur se dialogu do ta arrijë fazën kritike gjatë kryesimit çek të Bashkimit.
"Para do kohë është konfirmuar se është e mundshme, shtetet që më së shumti kanë përparuar në përmbushjen e kritereve, të fitojnë regjim pa viza para fundit të vitit 2009", bëri të ditur Reni.
Sipas tij, viti 2009 do të jetë viti i Ballkanit Perëndimor dhe i Partneritetit të Evropës Lindore.


/Makfaks/

[RaPSouL]

Njohja e Kosovës, Miloshoski ndryshon agjendën

Ka ndryshuar plani dhe përbërja e delegacionit të Maqedonisë i cili është planifikuar të marrë pjesë në sesionin e 63 të Asamblesë së Përgjithshme të OKB-së, njofton televizioni A1 në Shkup.

Sipas këtij informacioni Miloshoski nuk do të udhëtojë në Nju Jork, shkaku i njohjes së paralajmëruar të shtetit të Kosovës, e cila pritet të ndodhë më 22 shtator, dhe angazhimeve që do t’i ketë lidhur me këtë çështje.

Për këtë arsye shefat e diplomacive greke dhe maqedonase, takimin e paralajmëruar në selin e OKB-së, do ta realizojnë sonte në Parisë, në margjinat e konferencës BE-Azi.

Ndërkohë, zv/kryeministrit i Maqedonisë, Abdilaqim Ademi theksoi sot se njohja e Kosovës nga Maqedonia do të ndodhë në kohën dhe momentin e duhur.

“Kjo do të ndodh në momentin kur edhe do t’i nevojitet vetë Kosovës njohja e pavarësisë nga shteti fqinj Maqedonia”, tha Ademi.

Sipas tij, qeveria është në kontakt e sipër edhe me Malin e Zi që njohja e pavarësisë së Kosovës të ndodh në të njëjtën ditë.


(INA)

[RaPSouL]

Mirel: Raporti i KE-së për Maqedoninë do të jetë i balansuar

Raporti i KE-së i cili publikohet në tetor, do të përfshijë jo vetëm të arriturat e Maqedonisë, por edhe ngecjet, në procesin e integrimit në BE, deklaroi Drejtori për Ballkanin Perëndimor i Drejtorisë së Përgjithshme për Zgjerim të KE-së, Pjer Mirel,

“Kriteret politike janë ato për të cilat nevoiten institucionet stabile të cilat do ta garantojnë demokracinë. Pse institucionet nuk funskionojnë në tërësi? Kur do t’i shohim zgjedhjet, ato ishin një hap prapa. Puna tjetër është se Parlamenti ishte i bllokuar, i cili u shfrytëzua për miratimin e shumë ligjeve. Rregullorja e Parlamentit është miratuar pa opozitën, pa konsenzus i cili është i rëndësishëm për suksesin e gjithë procesit të integrimit”, tha Mirel.

Ai premtoi se raporti i Komisionit Evropian për progresin e vendit i cili publikohet më 5 tetor, do të jetë i balansuar. Sipas tij raporti do të përfshijë fushat në të cilat është vërejtur sukses, por edhe ato fusha ku nuk është bërë sa duhet.

KE do të ketë vëretjen për mënyrën se si është miratuar ligji për gjuhët dhe për administratën.

Përfaqëusit e BE-së vlerësojnë se nuk është vetëm çështja e emrit pengesë për integrimin, por edhe kushtet e lartëpërmendura.


(INA)

[RaPSouL]

Energjia elektrike shtrejtohet për 10 për qind

Energjia elektrike do të shtrenjtohet për 10.48 për qind, përkatësisht një kilovat-orë do të kushtojë 3.3 denarë, mësohet nga burime anonime.
Sipas informacioneve, Komisioni Rregullator i Energjetikës pas llogarive të para për shtrenjtimin e energjisë, që e kërkoi ELEM-i në fillim të muajit, përcaktoi se çmimi prodhues i centraleve shtetërore prej 1.3 duhet të rritet në 1.78 denarë për një kilovat-orë. Çmimi i energjisë së importuar që me ndryshimet në ligjin e energjetikës, në vend të MEPSO-s do ta bëjë ELEM-i, do të jetë 2.1 denarë. Pas këtij çmimi, energjia elektrike do t’i shitet EVN–Maqedoni, dhe kështu do rritet çmimi i shfrytëzuesve të fundit të EVN-së dhe qytetarët do ta paguajnë 3.3 denarë një kilovat orë. Energjia për humbjet teknike të EVN – Maqedoni deri 11 për qind do t’iu paguhet nga 2.1 denarë, derisa nëse kanë humbje mbi shumën sa është e lejuar me ligj, do të duhet që energjinë elektrike ta blejnë në tregun e lirë. Komisioni Rregullator do të mbajë një mbledhje përgatitore të mërkurën e ardhshme, kurse çmimi i ri i rrymës zyrtarisht do të njoftohet pas saj.


Alsat

[RaPSouL]

Filloi ndërtimi i Autostradës Tabanoc - Kumanovë

Punët ndërtimore për ndërtimin e kësaj rruge i janë besuar ndërmarrjes ndërtimore nga Austria "Alpina Bau".
Filloi ndërtimi i Autostradës Tabanoc - Kumanovë, që arrin gjatësinë prej 7.6 km dhe kap shumën prej 720 milion denarëve.
Kjo autostradë është pjesë e Korridorit 10. Projekti financohet nga Qeveria e Maqedonisë në bashkëpunim me Bankën Botërore. Ministri i Transportit dhe Lidhjeve Mile Janakieski, tha se kjo autostradë përmirëson infrastrukturën rrugore në vend.
"Kjo paraqet edhe një dëshmi për përgatitjen dhe vendosmërinë e Qeverisë për realizimin e projekteve nga fusha e infrastrukturës rrugore të cilat kanë për qëllim zhvillim ekonomik të Maqedonisë, lidhshmërinë e vendit tonë me Bashkimin Europian dhe përmirësimin e sigurisë nëpër rrugë", tha në vënien e gurthemelit ministri i Transportit Mile Janakievski.
Drejtoresha e Agjencisë së rrugëve shtetërore u shpreh se infrastruktura është një segment i rëndësishëm për zhvillimin e ekonomisë dhe thithjen e investimeve të huaja.
"Ky projekt me vlerë prej 720 milion denarësh është i financuar nga Qeveria e Maqedonisë dhe përmes huas së siguruar nga Banka Botërore. Kjo pjesë e autostradës arrin gjatësinë prej 7.6 kilometra dhe parashikohet që të realizohet në 18 muajt e ardhshëm", u shpreh Natasha Vallkanovska, drejtoreshë e Agjencisë së rrugëve shtetërore.
Punët ndërtimore për ndërtimin e kësaj rruge i janë besuar ndërmarrjes ndërtimore nga Austria "Alpina Bau" e cila në afat prej 18 muajsh duhet t’i përfundojë realizimin e projektit.


Alsat