A duhet te shfuqizohet ligji 7501 per token?

[DYDRINAS]

Berisha: Pronat, ligji ‘7501’ nuk preket

14/08/2008 - 13:16
•

Pushtetarët, kryetarët e komunave dhe bashkive që janë marrë me zbatimin e ligjit 7501, do të jenë në shënjestrën e verifikimit të pronësisë. Një gjë e tillë është paralajmëruar nga kryeministri Sali Berisha, i cili ka akuzuar pushtetarët, kryetarët e komunave dhe bashkive, si abuzuesit dhe përfituesit kryesorë me zbatimin abuzues të ligjit “Për ndarjen e tokës” e ligjit 7501. Ai ka garantuar të gjithë pronarët e tokave, se nuk do të preket asnjë pëllëmbë truall që është marrë në përputhje me dispozitat ligjore. Ndërkohë që ka hedhur poshtë çdo mundësi për abrogimin e ligjit 7501, kërkesë e bërë së fundmi edhe nga kryetari i Bashkisë së Himarës në protestën e zhvilluar së bashku me disa shoqata pronarësh në këtë zonë. “PD dhe koalicioni i partive të maxhorancës, nuk kanë pranuar dhe nuk do të pranojnë të ndryshojë ligji 7501. Partia Republikane, partia jonë aleate, e hershme dhe tradicionale, e ka pranuar gjithnjë këtë qëndrim të aleatëve të saj”, - nënvizoi Berisha.

Verifikimi

Kryeministri theksoi se larg çdo tendence politike, kushdo që ka abuzuar dhe ka përvetësuar tokë në kundërshtim me ligjin, do të përballet me humbjen e titullit të pronësisë. “Ata që kanë grabitur tokën, në radhë të parë janë pushtetarë, dhe unë garantoj qytetarët shqiptarë se në këtë shqyrtim nuk ka dhe nuk do të ketë asnjë tendencë politike, të cilësdo ngjyre apo grupim. Cilido pushtetar vendor apo qendror që ka përvetësuar tokën në kundërshtim me ligjin, do të përballet me ligjin dhe humbjen përfundimtare të pronësisë mbi të”, - u shpreh Berisha. Sipas tij, grupi i dytë i abuzuesve të mëdhenj janë kryetarë bashkish dhe kryesisht komunash, “që me pusulla dhe kundrejt korrupsionit, në kundërshtim me ligjin 7501, kanë ndarë dhe u kanë dhënë të tjerëve, qoftë edhe vjet, sasi të mëdha toke pa asnjë bazë ligjore dhe jetimë mbeten pronarët”. Nga ana tjetër, ligji sanksionon në mënyrë përfundimtare titullin e pronësisë atyre që e kanë përfituar në përputhje me kriteret e ligjit 7501. “Askush të mos përpiqet të dezinformojë 400 mijë familjet shqiptare, që kanë marrë tokë në përputhje me kriteret e ligjit 7501. Ligji që kemi kaluar, u sanksionon atyre në mënyrë përfundimtare, titullin e pronësisë dhe nuk i mban ata pezull, për shkak të grupeve grabitqare të tokës, por i pajis me shpejtësi dhe përfundimisht me titullin e pronësisë”, - u shpreh Berisha. Ai nënvizoi se sipërfaqet e pushtuara padrejtësisht duhet të kalojnë në fondin e kompensimit të tokës, për t’iu kthyer pronarëve dhe për ta shtyrë përpara këtë proces. Por ndërkohë, kreu i qeverisë Berisha u shpreh se individëve që kanë marrë sipërfaqe toke në pronësi në mënyrë abuzuese, do t’u lihet një afat kohor për të bërë një dorëzim vullnetar pranë komisioneve të verifikimit të titujve, që do të ngrihen në çdo qark. Sipas tij, një gjë e tillë do të bëhet për t’u dhënë mundësi për të korrigjuar padrejtësinë që ata kanë bërë.

Gazeta Shqiptare

[xfiles]

Duhet te jesh psikopat te mos jesh dakord qe prona i takon pronarit dhe si e tille do kthyer pronarit.

Kjo historia e kompensimeve nuk me bind dhe nuk me ka bindur ndonjehere, a thua me te vertete do kompensohen pronaret me te njejten shume parash sipas vleres efektive te tokes? Pastaj sado lek te japesh toka eshte pasuri e perjetshme, nuk e vlereson dot sa duhet paraja.

[oliver55]

Të gjithë janë të barabartë përpara ligjit. Kushtetuta nuk bën dallime midis shtetasve, që banojnë në qytet dhe atyre që banojnë në fshat. Nuk ka ndarje, “prona në fshat” e “prona në qytet”. Në bazë të nenit 41, prona fitohet me dhurim, me trashëgimi, me blerje dhe me çdo mënyrë tjetër të parashikuar në Kodin Civil dhe, në asnjë mënyrë me konfiskim e zaptim. Sipas ligjit 7501 “për tokën” që është bërë gogol në fshat e po ha koka njerëzish, në Shqipëri janë në fuqi dy sisteme. Në fshat është në fuqi sistemi socialist në bazë të nenit 8 të ligjit,sipas të cilit në dhënien e tokave në pronësi e në përdorim nuk njihet pronësia e mëparshme, as madhësia dhe kufijtë e saj para kolektivizimit. Në qytet, ku ky ligj s’ka efekte, është në fuqi sistemi i ekonomisë së tregut të lirë. Në fshat atje ku është zbatuar ligji anti-kushtetues e famëkeq 7501, pronarëve të ligjshëm jo vetëm nuk i janë kthyer, por iu janë grabitur e tjetërsuar, iu janë dhënë të tjerëve. De fakto, toka është konfiskuar e zaptuar.

[BlooD_VenoM]

Po! Prona duhet te kthehet tek pronari.

[ACH4]

ligji 7501 nuk duhet cfuqizohet.
Pronaret duhet kompesohen
SHteti duhet te ndershkoj RENDE ata qe abuzuan me LIGJIN .
ME RESPEKT ARTUR METANI A CH4.

[Qyfyre]

Ku mund ta lexojmë ligjin ?

[BlooD_VenoM]

Ja ku eshte me duket;
http://www.osce.org/documents/pia/2003/10/1408_sq.pdf