Berisha karshillëk SHBA, integrimi për në BE do vijë nga Kina Popullore Nga Përparim HALILI Dje kryeministri i vendit Sali Berisha, paraqiti nëpërmjet një konferencë për shtyp, “sukseset e jashtëzakonshme të vizitës së tij olimpike në Kinë”. Nëpërmjet kësaj konference kryeministri Berisha, u mundua të sqarojë shqiptarët se vizita e tij është kyçi i suksesit për të integruar Shqipërinë në Europë. Tashmë, sipas kryeministrit të shqiptarëve rruga më e re dhe më e afërt për t’u integruar në BE është Kina komuniste.Berisha karshillëk SHBA, integrimi për në BE do vijë nga Kina Popullore Nga Përparim HALILI Dje kryeministri i vendit Sali Berisha, paraqiti nëpërmjet një konferencë për shtyp, “sukseset e jashtëzakonshme të vizitës së tij olimpike në Kinë”. Nëpërmjet kësaj konference kryeministri Berisha, u mundua të sqarojë shqiptarët se vizita e tij është kyçi i suksesit për të integruar Shqipërinë në Europë. Tashmë, sipas kryeministrit të shqiptarëve rruga më e re dhe më e afërt për t’u integruar në BE është Kina komuniste. Në konferencën e djeshme për shtyp, kryeministri Berisha, u mundua të konvertojë këtë vizitë sportive, në një vizitë të mirëfilltë politike, duke e paraqitur para publikut, si “një sukses dhe eveniment të qeverisjes së tij”. Politikani Berisha edhe një shtrëngim të rëndomtë dore që pati me presidentin e SHBA, George Bush, u mundua ta paraqesë si një vlerësim të tij, për qeverisjen shqiptare që drejton. Kriza morale, politike dhe qeverisëse e kryeministrit të vendit, duket se e ka kthyer doktor Berishën, në një njeri që nuk i duhen marrë gjërat seriozisht. Nëse në një vizitë, ku morën pjesë qindra kryetarë shtetesh, të cilët shkëmbyen mesazhe kortezie me njëri-tjetrin në takimet e shtruara nga presidenti, apo dhe kryeministri i Kinës konsiderohet e suksesshme, atëherë shqiptarët duhet të kërkojnë në mënyrë urgjente ekzaminimin e shëndetit të kryeministrit të tyre. Pavarësisht demagogjisë së kryeministrit Berisha, për shtrëngimet e duarve me presidentin Bush, apo edhe me kryeministrin francez Sarkozy, një gjë është e qartë: Sali Berisha është në një krizë të thellë besimi, që i buron nga keqqeverisja, nga tragjedia e Gërdecit, nga implikimi i tarafit familjar në afera korruptive, si dhe nga izolimi ndërkombëtar që i është bërë nga ndërkombëtarët. Duke kërkuar në Kinën e largët aleatin e madh, Sali Berisha, vazhdon të ngelet i mbërthyer nga nostalgjitë e të shkuarës komuniste. Në të njëjtën kohë, që shumë krerë shtetesh e abandonuan olimpiadën, duke mos shkuar në Kinë, në shenjë proteste për shkeljen e të drejtave të njeriut, Sali Berisha u mundua të paraqesë si “demokratike” qeverisjen e Ten Hsiao Pinit, duke anatemuar Lin Biaon dhe Cian Cinin. Ky kryeministër, shkon shumë larg dhe të vjen keq, kur e shikon të mbërthyer nga reminishenca të cilat i transmeton sipas dëshirave personale. Kina është e vërtetë, që është superfuqi ekonomike dhe këtë e dinë edhe bebet në çerdhet e pa rikontsruktuara nga Berisha dhe kryebashkiaku Rama. Por, të paraqesësh si demokratike qeverisjen që vrau mijëra studentë në Tien An Men, kjo vazhdon të ngelet pjesë e krizës së Berishës, krizë që kërkon ta largojë me një vizitë në Kinë dhe me ftesa bajate që nga Brazili, Vietnami, Kamboxhia, Filipinet etj. Për më shumë, që vizita e Berishës në Kinë, vjen si një paralajmërim për amerikanët, pas kritikave që kanë ardhur nga Deparatamenti Amerikan i Shtetit. Kryeministri shqiptar, me këtë mesazh i thotë shkoqur amerikanëve, se “duhet të sillen mirë me të (Saliun), pasi ai mund të lidhet fuqishëm me Kinën Popullore dhe pastaj, të harrojnë marrëdhëniet e mira me Shqipërinë”. Kush kryeministër, pas viteve ‘90 ka bërë kinezëri të tilla, veç Sali Berishës? Padyshim vetëm Sali Berisha. (box) Tha Berisha: Shqipëria dhe Kina kanë pasur në të kaluarën lidhje të fuqishme. Kina e ka ndihmuar Shqipërinë, sepse në mbarë vendin janë ndërtuar dhjetëra e qindra uzina e fabrika, në të cilat shqiptarët, me punën e tyre, kanë siguruar jetesën. Një ditë, kur Kina u shkëput nga kursi aventuresk i Cian Cin-it dhe Lin Biao-s dhe përqafoi kursin e reformave të Ten Xiaopin-it, udhëheqja paranojake politike shqiptare e denoncoi atë si një superfuqi dhe në mënyrën më mosmirënjohëse ndërseu megafonat e shpifjes e të mashtrimit kundër tyre. Natyrisht, edhe në vitin 1996 unë e sigurova Presidentin e Kinës dhe tani Kryeministrin e saj se shqiptarët ruajnë mirënjohjen për ndihmën që kanë marrë nga Republika Popullore e Kinës dhe nuk pajtohen kurrë me mosmirënjohjen dhe paranojën e udhëheqjes së tyre. Por, theksova se në të shkuarën Çu En Lai ka vizituar tre herë Shqipërinë dhe se shqiptarët presin me kënaqësi vizitën e Kryeministri Ëen Jiabao, në Shqipëri. Kryeministri e priti me shumë kënaqësi ftesën dhe më siguroi se do ta vizitojë Shqipërinë.
Përgjigju Duke Cituar
Postuar më parë nga SKRAPARI
po se la problemi i gjerogjis...
Krijoni Kontakt