Specialistë dhe inspektorë

[[Perla]]

Turi elektoral, "Shqipëria e sqaruar", vazhdon.

Këtë radhë të rinjtë pyesin ish-Dogbanin për prostitucionin:

-Po në diktaturë kishte prostitucion?
-Jo, jo, as që bëhej fjalë.

-Po pse?
-Epo, ai diktatori e kishte bërë zap këtë fushë.

-Po në diktaturë kishte njerëz që merreshin me këtë punë?
-Po, edhe atëherë kishte ca.

-Si i quanin ata që bridhnin në atë kohë?
-I thërrisnin kodoshë, ose lëngaraqë.

-Po zyrtarë kishte?
-Kishte, kishte plot.

-Po zyrtarët e tillë, si i quanin në atë kohë?
-I quanin qejflinj, ose hamshorë.

-Kush ishte më i mirë?
-Kodosh Langaraqi, apo Qejfli Hamshori?
-Qejfli Hamshori ishte më i respektuar.

-Po atëherë si quheshin ato femrat që bënin të tillë punë?
-Atëherë quheshin "mësimore".

-Po pse?
-Po ishin si ato makinat e kursantëve, që bënin kursin se si të mësonin të ngisnin makinën.

-Vërtet?!
-Po, po, e vërtetë.

-Po në demokraci si quhen këta që merren me prostitucion?
-Këta quhen specialistë të shfrytëzimit të burimeve njerëzore.

-Po femrat që merren me këtë punë si quhen?
-Quhen inspektore të shfrytëzimit të kapaciteteve mashkullore.

-Po a është i mirë prostitucioni?
-Ka anë të mira, ka edhe anë të këqija.

-Kush janë anët e mira?
-Po ja, është biznes me fitim.

-Po anë e keqe?
-Po ja, nuk është mirë kur e bën ndonjë që ka të bëjë me ne.

-Po për politikën pse thonë që është prostitutë?
-Epo janë llafe kot, politika s'ka të bëjë fare me këtë fushë.

-Po në diktaturë kishte SIDË?
-Jo, jo, atëherë vetëm plevit kishte.

-Po SIDA?
-SIDA është sëmundje demokratike.

-Po Doktori nuk e ka gjetur ilaçin kundër SIDA-s në Shqipëri?
-Jo, jo, ilaçin e ka gjetur një shoku im nga Mallakastra.

-Vërtet?!
-Po, po.

-Po ka marrë ndonjë çmim Nobel ai?
-Jo akoma, se edhe çmimet jepen me mik.

-Po ai e ka bërë publike shpikjen e tij?
-E ka bërë, po nuk u pëlqen ta zbatojnë.

-Po pse, do jetë formulë e komplikuar?
-Jo, jo, është e thjeshtë fare.

-Po ty ta ka thënë ai formulën?
-Po, po, unë e di.

-Po na e thuaj edhe neve...
-Ja, ai ka thënë që, nëse doni të shpëtoni nga SIDA dhe që ajo të mos përhapet, secili të shkojë vetëm me gruan e tij.

-Kaq?!
-Po ore, kaq.

-Oooo, sa e thjeshtë ore.
-Po, po, e thjeshtë fare.

-Po pse nuk i kanë dhënë çmimin Nobel atij?
-Epo ata kërkojnë formula të komplikuara, por që zbatohen lehtë.

-Po pse, kjo si është?
-Kjo është formulë e thjeshtë, por e vështirë në zbatim.

-Po pse?
-Epo nuk zbatohet në praktikë, se të gjithëve u pëlqen të mos shkojnë vetëm me një grua.

-Po mirë, ta bëjë Doktori ynë ligj, edhe të zbatohet në vendin tonë. Pastaj, bota, po deshi, le të bëjë si ne, po nuk deshi, në hale të vejë.
-Ia kemi sugjeruar edhe këtë, po atij i vjen inat, se nuk e zbuloi vetë këtë formulë të rëndësishme, dhe mbase e ka lënë kur të marrë mandatin e dytë.

-Sa mandate do Doktori që të kënaqet?
-Me këto mandate që janë në tokë, nuk kënaqet ai. Vetëm po i dha Zoti atë mandatin e fundit do gjejë derman ai.

-Po në demokraci pse nuk lejohet prostitucioni?
-Epo është shfaqje e huaj për moralin tonë.

-Pse, kemi moral ne?
-Po, po, ne jemi moralistët më të mëdhenj të globit.

-Po ne kemi mbushur rrugët e Europës me prostituta.
-Epo kjo tregon se jemi pastruar nga elementët e këqij. Ne të gjitha anët e këqija i flakim jashtë nga atdheu dhe të gjithë të mirat i mbajmë këtu për vete.

Shekulli (satire)