Poeti i mbytur...

[mondishall]

Urime, urime, urime miku dhe inkurajuesi im Agim, per botimin e librit me poezi. Gjithmone ke dhuruar poezi, gezim dhe kenaqesi me vargjet e tua. Dhe kjo dhurate e shpirtit tend vazhdon e do vazhdoje pambarim. Shendet pac gjithmone per me shume shendet poetik ne vazhdimesi. Perqafime nga Mondi

[Besoja]

Pershendetje z.Agim!
Tek ju lexojme vertet poezi per te cilat une ftoj edhe shoke te mi t`i lexojne.
Ju uroj gjithmone suksese!

P.s. Mondi ka botuar liber dhe nuk na ka derguar nje kopje!!!!!
Mondi!Mos u bej djale i keq!

Gimi me fal qe po shkruaj ne faqen tende!

[Preng Sherri]

Të dashur dhe të nderuar vllazën të Forumit. Botova vellimin tim poetik me titull "Rrezuar mbi vetminë". Po hedh ketu disa nga poezite e krijuara nga une nder vite.
Librin e kam DHURUAR dhe nuk e kam shitur.
Kjo ne vazhden e asaj qe une nuk bej BIZNES me magjine e poezise!...
Ata qe perfaqsojnë MAGJISHEM POEZINE SHQIPTARE janë: At Fishta, Koliqi, Mjeda, Prenushi, Naim Frasheri, Chajupi, Kristo Floqi, Lagushi i Madh, Driteroi, Kadare, Xh. Spahiu, H. Milloshi, A. Duka, Zh. Jorganxhi, K. Petriti, Ali Asllani, etj.etj.

Letrës së bardhë

Ajo që mbeti gjithë jëtën ë virgjër
Më ran ë dorë krejt rastësisht…
Dhe unë rrugaçi i poezive
E zhvirgjërova përfundimisht,

9 maj 1974

Kush jam unë…

Unë milingonë kam qefë të isha
Sa forcë të madhe ajo ka!
Se mban mbi supe tëa tilla pesha
Shtatë herë nga vehtja më të mëdha

Do kisha qejfë të isha buall
Të çel ugaret ku mbillet drithë
Të hiqja pas qerret me grurë
Të kishte BUKË…BUKË për të gjithë !

S’do ishte keq të isha zog
Dhe krahë të kisha për fluturim
Por jo ama të isha korb,
që kërrmat ha në pikëllim…

dhe peshk me hala do të pranoja
në det të kripur…o në liqen
por midis shokëve kurr s’do doja
të isha unë një peshkaqen!

Ndaj jam më i lumturi shqiptarë
Madje dhe shkruaj poezi.
Se mbaj mbi supe të thjeshtën fjalë
Të madhërishmen fjal’ NJERI.

Gusht 1986

DIVERSIONIZËM…..

i shkela telat e kufirit shpirtëror
dhe hyra në poezi me varg “interesant”
u dënova: - Me pushkatim vjerrshëror!
bile Gjykata e Poetëve më quajti diversant!...

E pranova dënimin se më erdhi mirë
Po ende nuk kam zgjedhur ku do më flakin
Nëse at Fishtën e hodhën në Lumin Kir...
mua nëpër këngë le të ma coptojnë shtatin!...



Istambul maj 2004



ZHGËNJIMI I POETIT

E dija botën shumë të sinqertë
Dhe vehten time – një pjesëz të saj!
Por kur zhgënjehesh, s‘qenka e lehtë
Të ulërij apo të qaj?!……

U fola njerzve gjithmonë ndër sy!
Kaq hidhur vallë u erdhi vërtetë?….
Zhgënjimi im, I madh për Ty
Ndaj thashë: - Ti botë je e padrejtë!

Ndaj kërkoj, sot po kërkoj
Nga ju të gjithë një fjalë të ngrohtë
Dhe nuk dyshoj, aspak s‘dyshoj
Nuk ekziston një tjetër Botë….

Dhe qielli, edhe toka
Dhe bora lart në mal
Dhe dielli do të thosha
Dhe deti plot me val‘
Dhe shiu me gjëmime
Dhe era me furtunë
Janë pjesë e botës time
Ashtu siç jam dhe unë!

Pra njerëz shumë ju dua!
Më doni edhe Ju!!!
Të gjitha dashuritë
Shijojini këtu!
Dhe flakni tej mëritë!
Të bëhemi më të mirë
Në doni që fëmijtë
Të jenë vërtetë të lirë
MËRGIMTAR
Eh ç’më vdiqën baballarët
jashtë truallit të gjithë!
Ku t’ua gjej varret, eshtrat
ku ju prehen baballarëve?
Fusha e lënë djerr, magja pa brumë,
hambari pa drithë.
Kokën nën sqetull.
Krismat mbi vetull
ky paska qenë fati i shqipëtarëve...


korrik 1991 Brindisi

RROFTË SHQIPËRIA!

Rroftë Shqipëria e lirë“
dhe e coptuar!

Rroftë Shqipëria e kioskave,
e vjedhur dhe e përcëlluar!

Rroftë Shqipëria e krisur në tru,
e goditur në zemër,
as mashkull as femër!
E tradhëtuara në lëkurë,
Rroftë Shqipëria që nuk vdes kurrë…
E plagosur nga gazetat,
nga ethet E PUSHTETIT e sëmurë,

Rroftë Shqipëria e ndotur,
e përlotur.
Nga deti e mallkuar,
e palarë, e parruar!

Rroftë Shqipëria natyrore që po harrohet,
që trishtohet edhe kur dashurohet(!)
Gjysma martire
Gjysma pa fat!
Rroftë Shqipëria lakuriq
Që s‘e pati hak!
Koskë e lëkurë
Me absurdin Pajtim - Gjak!

Rroftë Shqipëria lugat
Magjia që mbijeton
me korrupsion!
Shqipëria me 3 Fé,
që trembet nga ne!

Rroftë Shqipëria - Atdheu i fëmive!
Shqipëria e 3 milion Partive!


Maj 1996





VARGJET DHE NJERËZIT!….

Po, po!
Vargjet janë njëlloj si njerzit dhe nuk është aspak çudi!
Ka vargje të shkurtër,
vargje të gjatë
vargje të revoltuara !
vargje plot me dashuri.
Ka vargje rrebele,
vargje të sakatuara
vargje të pisëta
Vargje të ëmbëla si …karamele
Ka vargje pa kuptim
Vargje që të mashtrojnë
Ka vargje që u vjen era që përtej…
Vargje përçmim
Vargje që të gabojnë !
vargje që kurvërojnë…

pa dilni në bulevardet e mbretërisë së poezisë
të takoni Naimin, At Fishtën a Chajupin
merrni dy vargje prej
autostradës Migjeni
se shëtitorja Jeronimit dhe Gavrilit
thellësive të legjendave
vargjet nuk di ku i humbi !
Kërkoni në shkëmbenjt
e Xhevahirit
të gjeni mademet e vargut të protestës
zbrisni në fushat e Myzeqesë
të merrni pak humus prej vargut të Visar Zhitit
Ndaluni tek balta e Devollit
Dhe merini falas vargje prej Driteroit.
Se matanë Bjeshkëve të Namuna
Azemi Shkreli nuk b’zan…
U çliruen bjeshkët…

Vargjet janë si njerzit!
Ka njerëz të shkurtë dhe të gjatë,
Barkalecë, mistrecë,
Njerëz të llangosur
Njerëz gjenial
Ka edhe njerëz vrasës, njerëz viktima
Njerëz të pangopur
Njerëz që u kruhet…
Njerëz pa vlerë, të ftohur
Njerëz të lirë !!….ah ? çfarë the ?… vargje të lirë ???
Ah po më fal !
Harrova t’a marrë dreqi!
Vargjet janë si njerzit!


Nentor – dhjetor 2005

A e dini?

E dini që mbrëmë ma vranë vehten time
A e dini që sot e tutje do mungoj gjithandej!?
Më ka mbetur vetëm një kartë telefoni
Agjensisë së Funeraleve një telefonatë t’i bej…



Respekt të gjithëve!

Më duket që botimin e këtij vëllimi e ke bë për " inat timin" por megjithatë të përgëzoj shumë- shumë dhe sinçerishtë,,,
Edhe pse më mbeti hatri që s'më kishe vë edhe mua tek ato emrat e më lartëm së paku si Preng,,,

[Agim Metbala]

Adash i nderuar, Ju uroj dhe Ju përgëzoj për botimin e librit më të ri me poezi!

Ju dëshiroj shëndet të mirë, jetë të gjatë e pastaj, Ju do të na gëzoni edhe me librat të tjerë e do ta zbukuroni edhe më shumë mozaikun lëetrar me poezitë e Juaja cilësore...

Ju përqafoj vëllazërisht adash i nderuar!

[GeoF]

RROFTË SHQIPËRIA!

Rroftë Shqipëria e lirë“
dhe e coptuar!

Rroftë Shqipëria e kioskave,
e vjedhur dhe e përcëlluar!

Rroftë Shqipëria e krisur në tru,
e goditur në zemër,
as mashkull as femër!
E tradhëtuara në lëkurë,
Rroftë Shqipëria që nuk vdes kurrë…
E plagosur nga gazetat,
nga ethet E PUSHTETIT e sëmurë,

Rroftë Shqipëria e ndotur,
e përlotur.
Nga deti e mallkuar,
e palarë, e parruar!

Rroftë Shqipëria natyrore që po harrohet,
që trishtohet edhe kur dashurohet(!)
Gjysma martire
Gjysma pa fat!
Rroftë Shqipëria lakuriq
Që s‘e pati hak!
Koskë e lëkurë
Me absurdin Pajtim - Gjak!

Rroftë Shqipëria lugat
Magjia që mbijeton
me korrupsion!
Shqipëria me 3 Fé,
që trembet nga ne!

Rroftë Shqipëria - Atdheu i fëmive!
Shqipëria e 3 milion Partive!


Maj 1996





VARGJET DHE NJERËZIT!….

Po, po!
Vargjet janë njëlloj si njerzit dhe nuk është aspak çudi!
Ka vargje të shkurtër,
vargje të gjatë
vargje të revoltuara !
vargje plot me dashuri.
Ka vargje rrebele,
vargje të sakatuara
vargje të pisëta
Vargje të ëmbëla si …karamele
Ka vargje pa kuptim
Vargje që të mashtrojnë
Ka vargje që u vjen era që përtej…
Vargje përçmim
Vargje që të gabojnë !
vargje që kurvërojnë…

pa dilni në bulevardet e mbretërisë së poezisë
të takoni Naimin, At Fishtën a Chajupin
merrni dy vargje prej
autostradës Migjeni
se shëtitorja Jeronimit dhe Gavrilit
thellësive të legjendave
vargjet nuk di ku i humbi !
Kërkoni në shkëmbenjt
e Xhevahirit
të gjeni mademet e vargut të protestës
zbrisni në fushat e Myzeqesë
të merrni pak humus prej vargut të Visar Zhitit
Ndaluni tek balta e Devollit
Dhe merini falas vargje prej Driteroit.
Se matanë Bjeshkëve të Namuna
Azemi Shkreli nuk b’zan…
U çliruen bjeshkët…

Vargjet janë si njerzit!
Ka njerëz të shkurtë dhe të gjatë,
Barkalecë, mistrecë,
Njerëz të llangosur
Njerëz gjenial
Ka edhe njerëz vrasës, njerëz viktima
Njerëz të pangopur
Njerëz që u kruhet…
Njerëz pa vlerë, të ftohur
Njerëz të lirë !!….ah ? çfarë the ?… vargje të lirë ???
Ah po më fal !
Harrova t’a marrë dreqi!
Vargjet janë si njerzit!


Nentor – dhjetor 2005

A e dini?

E dini që mbrëmë ma vranë vehten time
A e dini që sot e tutje do mungoj gjithandej!?
Më ka mbetur vetëm një kartë telefoni
Agjensisë së Funeraleve një telefonatë t’i bej…




Megjithese te gjitha ishin te bukura, une vecova keto tre qe japin nje truall te tere shqiptar te ngjizur ne nje njeri.
Poeti A.Doci eshte i vjeter ne pene dhe njeh mire poezine shqipe te kulitvuar, keshtu qe kursejini kritikat joserioze per nje pene te tille.
Do vdisja ta kisha shkruajtur une ate poezine - strofe " A e dini ?"

POET, do t`ju uroja jete te gjate dhe miresi ne jeten tuaj, pasi poezia dhe kenga poezi, kane qene dhe shkolle per ne me te rinjte.
Me respekt, Genti

Njerëz të lirë !!….ah ? çfarë the ?… vargje të lirë ???
Ah po më fal !
Harrova t’a marrë dreqi!
Vargjet janë si njerzit!

[kjamet gazepi]

I dashun Gimi, ne nje pushim para gjumit te lexova. Lirija e mllefi poetik me kujtuan dy gjena. E para ate BACEN e Dardanise ne nje nga keshtjellat e Konti M. Christos, kur ju uroj dy shqipeve urimin epokal " U lodhshi ne LIRI". E dyta kur debetuam njehere bashke mbi botimet ne gazeten " Bota Sot ", kur me the se une do ta mbaja vete gazeten, edhe pse ato mbeshtet nder te tjera te zt. B.Baleta, meqe merita e zoterise ka lene gjurme e ka mbjelle nje baze NACIONALE mbare shqiptare. Sot me vjen mire qe e ke mundesine ta " lodhish " me poezine tande mikun tone Baleta.
Te fala nga AH, Kjamet Gazepi, larg e me malle duke u ngushelluar me poezine si ajo lodhja ne liri bashke me flladin poetik te tipit luznak ... lujti perdja... doli dikur ne luzni nje thanie.

[Dorontina]

Qdo situat krijon Poetê
epoka e rilindjes me vargje flet vet
situaten qe po e jetojmê
asht e papjekur dhe e njomê

sa me shum po hajm "pem e perime"
aq me shum dhembet po na mpihen
mjeksia asht ba biznis
politika asht ba G8

duhet shkru Gjahun e Malsorit
mei rendis ne vargje te madhin e te voglin...
sikur Kostandinin diqka me mundon
me ket stil jeta nuk me shkon...

[Agim Doçi]

Të dashtun bashkëforumas, i dashtun Preng SHERRI
Vetëm nga pamundësia që vëllimin tem "Rrëzuar mbi vetminë!..." të muns tua postoja sejcilit në vendndodhje, lejomëni që në FORUM tek kjo temë, çdo 2 ditë të "botoj" pak nga pak poezitë që përfshin libri im.
Ju faleminderit të gjithëve për urimet dhe përgëzimet që më dergoni përherë. Do jua shlyej këtë borxh me dashuri dhe poezi.

Tak, tak, tak...

Trokas në derën e Shën Pjetrit
Dhe pas dy orësh dera s’u hap...
Nga mbrapa shpine më ndiqnin dreqrit
Por unë trokisja...trokisja prap.

Dhe nuk shikoja në majë të kokës
Që ishte shkruar një lajmërim
“Lajmërojmë të gjithë njerzit e Tokës
Parajasë nuk ka për Shqipërinë!”

Absurd i shkruar me kompjuter
Tek porta e mbyllur e atij Xheneti
Dhe një shigjetë: Rruga për Ferr
Ku do kalojë i gjithë mileti!

Pra s’ishim popull, ishim milet
Dhe s’meritonim aspak më shumë!
Xhehnemi ndoshta mezi na pret
...kishte qenë endërr...isha në gjumë.

Dhjetor 1990












VËRTETË



Vërtetë ka njerëz shumë të çuditshëm
Që dashurohen me pamundsinë.
Më pas mallkojnë dhe neveritshëm
Ankojnë gjith jetën, se janë viktimë…

Nëse ambicja dhe vet‘knaqësija
I bën të çmendur, i len pa gjumë
Det me një breg, s‘ësht dashurija
…ai bregu tjetër, ësht‘ larg aq shumë!

Prill 2002

Arratisje...

Të gjitha ndjenjat u arratisën
siç ikën djemt nga Shqipëria...
Dhe një nga një ne u degdisëm
Na mbeti Malli dhe Dashuria!...

Kemi shumë Mallë për vendin tonë
dhe Dashuri për njerzit tanë!
Një zë më thotë: - Herët a vonë
do pimë kafenë bashkë në Tiranë!

E di që prap do shkojmë në punë!
Të shtyrë nga forcë e Dashurisë.
Ndaj shkruaj netëve pa gjumë
nga kjo Punishte e Poezisë.

Se Malli që të zë për Tokën
dhe Dashurija që ndjen në gji
Na shtyjnë që ta mbështesim kokën
tek hallerënda Shqipëri!

Se Mjaft pa strehë mbetëm tërë jetën!
si pasagjerë në trena hallesh...
Dhe Mjaft në shpirt e mbajtëm Vjeshtën!
Ka ardhur koha që ti të shmallesh!!!

dhe duke pirë kafenë e parë
me miqt e shokët që do të vinë.
Të gjithë një "borxh" kanë për të larë
borxhin e fundit për Dashurinë!...
Mars 1991

Miqve të mij të ikur...

Erdhën kohët ë ndarjes shtrigë
I lamë të gjitha, e lamë shtëpinë
Si shpirtëra bosh me zemër ngrirë
Jami rrëzuar përmbi vetminë...

Më dhemb shumë thellë, po kujt ti qahem?
Kjo botë e trishtë e shurdhër mbeti
Si pasagjerë që s’dinë ku ndalen
Ca në mërgim, ca i ha deti...

Mars 1991







POETËT ditën e Martë!.....

Poetët e trishtuar dalin nga pavioni i të marrëve
Me pizhamat e kohës amorale!...
Numurojnë të premtet e të vetëvrarëve
dhe ia nisin vajit të marramendshëm në korale.

Pa ngrihuni poetë! Ju të dashurit e mij!
Dhe lini bubazhelët të sorollaten në mjerim...
Le të thurim sëtoku një Hymn e t'i vëmë në vij
Të gjithë të trishtuarit në një Grand Parakalim!

Le të ndezim ngado zjarre të anti inkuizicionit
dhe të shpallim me të madhe Vitin e Dashurisë!
Ka ardhur koha e mbrapshtë e ekzibicionit
Le të bëjmë edhe né Sfilatën e Poezisë!

Vërtet jemi shpirt - brishtë dhe shpesh bile rënkojmë...
Se nuk e dijmë ku vemi, bile as dhe nga vijmë!
Po le t'i themi Botës se dijmë të Dashurojmë
Bile me të gjithë forcën, prandaj dhe psherëtijmë!...

[Preng Sherri]

Agim Vëllai,
ty të kam shumë-shumë " inat"!
unë pata menduar që " S'ka nënë shqiptare që e bë një patriot më t'madh se Prengen"!
Po si thotë populli " kadal beg se ka hendeg"?!
E kur të kam dëgjuar për herë t'parë kam thënë: " Ky qenka shqiptar e përtej shqiptarit"!
Agim Doçi ( eshkrova mirë me " ç" t'fortë)!
Që at'herë të kam " inat"!
( E di që JU ( Ti) se beson(i) këtë gjë?).

[Korbi999]

Se Malli që të zë për Tokën
dhe Dashurija që ndjen në gji
Na shtyjnë që ta mbështesim kokën
tek hallerënda Shqipëri!

Z. Doci .
Kjofsh me shendet e si gjithmone fjalearte!
Me preken shume keto fjale, shume sa, vetem nese lundron ne ujerat e shqiptarizmit mund te pershkruash, njohesh, shijosh, bashkohesh, perulesh me mesazhin qe percjell kjo strofe.
Jam i lindur dhe rritur ne Shqiperi , une jam actor ne kete strofe. Peruljet e mia. Falemnderit!