Deklaratë surprizë e kryeministrit shqiptar gjatë vizitës në Kinë. Zyra e shtypit “zgjon” ndjenjat vëllazërore Shqipëri-Kinë
Dukej sikur lexoje një deklaratë për shtyp të viteve ‘70 te njoftimi i djeshëm i zyrës së shtypit të Kryeministrisë, ndërsa mes rreshtave shkëlqente si xhevahir një batutë “kuptimplote” e kryeministrit shqiptar. Vetëm një ditë pasi presidenti amerikan Xhorxh Bush e kritikoi publikisht Kinën për shtypjen e të drejtave themelore, kryeministri shqiptar ka bërë lëvizjen më brilante duke pretenduar se udhëheqja kineze dhe ajo e partisë së tij kanë ndryshuar dy vendet respektive. “Nga ana e tij, kryeministri Berisha shprehu kënaqësinë që ndodhej në Kinë me rastin e Lojërave Olimpike, ku me siguri Kina do t'i tregojë botës sukseset dhe progresin e saj të madh. Kryeministri Berisha e cilësoi vizitën e ministrit Jiarui në Shqipëri si të suksesshme dhe theksoi se dy partitë, Partia Demokratike Shqiptare dhe Partia Komuniste e Kinës kanë sjellë ndryshime epokale në vendet e tyre, ndaj bashkëpunimi dhe angazhimi i ndërsjellë mes tyre do të njohë progres të vazhdueshëm dhe lidhje të forta nga të gjitha strukturat e tyre”, - njoftonte dje zyra e shtypit, ndërsa popullit kinez dhe atij shqiptar nuk i ngelet tjetër veçse t’i falënderojnë këto dy parti për begatinë dhe shkëlqimin që i dhanë jetës dhe mirëqenies së tyre. Por duket se ndryshimi epokal është më i theksuar dhe më i realizuar në Shqipëri (ndoshta prej faktit se jemi disi më pak në numër) nëse u referohesh kujtimeve mbresëlënëse që kishte përjetuar një tjetër ministër kinez gjatë qeverisjes epokale të Partisë Demokratike në Shqipëri. “Më pas, axhenda e kryeministrit vijoi me takimin mjaft miqësor me ministrin e Departamentit të Marrëdhënieve me Jashtë në Komitetin Qendror të Partisë Komuniste të Kinës, zotin Wang Jiarui dhe përfaqësues të lartë të kësaj ministrie, në ambientet e Asamblesë Popullore të Kinës. Ministri Jiarui i uroi kryeministrit Berisha mirëseardhjen dhe e falënderoi për mikpritjen e tij dhe të popullit shqiptar gjatë vizitës së tij në Shqipëri, për të cilën ai u shpreh se ishte mjaft mbresëlënëse”, - shkruante dje zyra e shtypit të Kryeministrisë, ndërsa njoftimi për shtyp theksonte edhe një tjetër iniciativë epokale të kryeministrit Berisha i cili “duke vlerësuar marrëdhëniet shumë të mira që ekzistojnë mes dy vendeve, shprehu dëshirën për të pritur kryeministrin e Kinës, zotin Wen Jiabao në Shqipëri”. Me siguri që edhe në këtë rast dy popujt do të përjetojnë një eksperiencë mbresëlënëse dhe epokale.
Albania
Përgjigju Duke Cituar
Postuar më parë nga Dajti
Krijoni Kontakt