Kaloi ligji per ''branitelat'', ish ushtaret e UCK-se te zhgenjyer ?

[faruk_01]

ligji per ''branitelat'' (ish ushtaret nga pala maqedonase te angazhuar ne konfliktin e vitit 2001),kaloi ne komsionin parlamentar, tashme ai ligj hudhet ne diskutim dhe do te pritet votimi i tij, ky ligj i shton edhe me shume te ardhurat dhe benificionet e ''branitelave'', u garanton atyre, sigurim shendetesor pa pages, tatime dhe dogana mjaft te ulta, banesa, etj etj, gjersa ligji per ish ushtaret e UCK as qe permendet, kush bart baren me te madhe per kete me siguri se Ali Ameti pasi qe ai eshte ish udheheqesi politik i UCK, lider i BDI-s dhe tashme edhe parti participiente ne qeveri.......


Reagimet e para kundër propozim-ligjit për "branitelllat"

Edhe për UÇK-në ligj si për "branitellat"

Bekim MURATI

Shkup, 14 gusht - Një ditë pasi Komisioni i përgjithshëm qeveritar i dha dritë jeshile propozim-ligjit të veçantë për të drejtat e pjesëmarrësve maqedonas në konfliktin e vitit 2001, ekspertë juridik, analistë dhe liderë të partive politike kanë shprehur reagimet e tyre të ashpra kundrejt këtij vendimi. Ata thonë se propozim-ligji i të drejtave për "branitellat" është një sprovë politike e koalicionit dhe diskriminim i hapur institucional i shqiptarëve, konkretisht veteranëve të UÇK-së. "Me këtë ligj edhe më tej shtohet hendeku dhe jobarazia midis ish ushtarëve të Ushtrisë Çlirimtare dhe përfaqësuesve të ushtrisë dhe policisë maqedonase. Në aspektin politik, ky propozim ligj është një sfidë për partnerin e ri të koalicionit qeveritar - BDI-në, e cila vihet para një sprove, sepse e njëjta ka deklaruar se me VMRO-DPMNE-në kanë marrëveshje për zgjidhjen e statusit të ish-pjesëtarëve të UÇK-së. Ndërkohë, tani si prioritet del zmadhimi i benificioneve vetëm për ushtarët maqedonas", ka thënë Jeton Shasivari, profesor universitar në UEJL. Sipas tij, kjo situatë mund të shkaktojë mospajtime mes partnerëve të koalicionit, por nga ana tjetër, do të shkaktohet edhe revoltë tek ish pjesëtarët e UÇK-së, si dhe tek të gjithë shqiptarët në përgjithësi. Në të njëjtën vijë kanë vijuar edhe reagimet e liderëve politik të partive më të vogla. Kreu i Bashkimit Demokratik Kombëtar, Hysni Shaqiri propozim-ligjin në fjalë e ka quajtur tendencioz dhe përbuzës për veteranët e UÇK-së.
"Statusi i ish ushtarëve të UÇK-së dhe familjeve të dëshmorëve është lënë në mëshirën e Zotit. Deri më tani, të gjitha partitë politike kanë dhënë premtime boshe se do ta mbyllin këtë çështje, por deri më tani asgjë konkrete. Që nga mbarimi i konfliktit të vitit 2001, partitë politike statusin e pjesëtarëve të UÇK-së e kanë shfrytëzuar vetëm për marketing politik", ka akuzuar Shaqiri. Ai tregon se gjendja e familjeve të dëshmorëve, invalidëve të luftës dhe ish-pjesëtarëve të UÇK-së është e mjerueshme dhe asnjë nga ata të cilët kanë humbur jetën në betejë, nuk marrin asnjë ndihmë. Për Harun Aliun, kryetar i Alternativës Kombëtare, fajtor për mungesën e një Ligji për veteranët e UÇK-së është partia shqiptare në pushtet - BDI. "Fajtor kryesor për një situatë të tillë është elita politike shqiptare e cila participon në qeveri. Nuk duhet që t'ua kemi zili maqedonasve, sepse ato e bëjnë atë e cila është më e mirë për ti vlerësuar vlerat e tyre, në këtë rast 'branitellat', të cilët sipas qeverisë së Maqedonisë, kanë luftuar për ti mbrojtur interesat e maqedonasve. Ndërsa ne e injorojnë UÇK-në, e cila e cila ishte faktor i sakrificës dhe e cila sadopak e avancoi dhe e ngriti çështjen shqiptare", ka thënë Aliu, njëherësh ish-epror i lartë në luftën e vitit 2001. Ndërkohë, propozim-ligji i ri për "Branitellat" edhe gjatë ditës së enjte nuk është komentuar nga Bashkimi Demokratik për Integrim. Një pjesë e deputetëve të kësaj partie janë shprehur se akoma nuk e kanë shqyrtuar të njëjtin, edhe pse anëtarë të kësaj partie kanë qenë pjesëmarrës në mbledhjen qeveritare. Madje, zëvendëssekretari i Komisionit të përgjithshëm qeveritar, Abdulla Azari nga radhët e partisë së Ahmetit kishte udhëhequr mbledhjen. Ndryshe, përveç shkollimit falas dhe shërbimeve shëndetësore që ishin paraparë me ndryshimet e Ligjit të vitit 2003, tani me propozim-ligjin e ri pjesëtarët e forcave të sigurisë maqedonase përfitojnë edhe banesa sociale, pensione personale dhe familjare, kompensime për risocializim, ndihmë të përkohshme nga 300 rroga mujore, lehtësime doganore, çmime shtetërore...