O ZOT, NDRIÇOJE ERRËSIRËN TIME.
Zoti im, e kuptoj që Ti mund të ndriçosh errësirën time,
dhe se vetëm Ti mund të bësh atë.
Unë dua që të bëhet drita në errësirën time.
Nuk e di nëse Ti do të duash atë,
por fakti që ti mund të bësh atë
dhe unë e dua atë,
mjafton për të justifikuar lutjen time.
(Kardinali John Henry Newman)
O ZOT, NA MBUSH ME MËSHIRËN TËNDE.
O Zot, na mbush me atë mëshirë
me të cilën shikoje turmat,
i ke kuptuar dhe i ke dashur.
Fjalët e tua nuk ishin kurrë një qortim për ato turma
që ishin si delet pa bari, të shpërndara;
ishin fjalë dashurie, shpëtimi,
dhe i shqiptove për të mbledhur ata njerëz.
Më lër të lidhem me ty,
të mendoj dhe të ndjej si ti dhe me ty
mbi realitetin e sotëm,
mbi botën, mbi jetën time të humbur.
që do ta kaloj në një unitet të ngushtë me ty,
për të kapërcyer zhgënjimin, rezistencën, pakënaqësinë
dhe për të arritur atë paqe mesianike që më premton.
(Carlo Maria Martini)
KEMI NËVOJË PËR TY!
Ne kemi nevojë të ndihemi të dashuruar
dhe për t'u falur, edhe nëse
ne nuk dimë si të kërkojmë falje.
Ne duhet të dëgjojmë nga ti
që je afër nesh si një baba,
edhe nëse nuk sillemi si fëmijë.
Ne duam të jemi në planin tënd,
edhe nëse nuk e kuptojmë.
Ne kemi nevojë për ty, o Zot,
sepse vetëm ti mund t'i fshin mëkatet
që na pengojnë të jemi transparencë.
Zoti ynë, ne kemi nevojë për ty.
(Ernesto Olivero)
O HYJI, QË JE DASHURI...
O Zot, që je dashuri
dhe dëshiron që të gjithë fëmijët e tu
të jenë të lumtur,
derdhe Shpirtin tënd mbi ne,
mbushe jetën tonë me atë dashuri
me të cilën e ke mbushur jetën e shenjtëre,
që ne ta jetojmë thirrjen tonë me autenticitet,
e të angazhohemi me gjithë forcën tonë
për të kërkuar shpirtra
dhe për t'i shërbyeë vetëm Ty.
Ndryshuar për herë të fundit nga ninoenina : 10-02-2022 më 04:41
LUTJE DREJTUAR KRIJUESIT.
O Zot dhe Atë i njerëzimit,
që i ke krijuar të gjitha qeniet njerëzore
me të njëjtin dinjitet,
mbushe zemrën tonë me një shpirt vëllazërie.
Bëj që të ëndërrojmë një takim të ri,
Dhe një dialog drejtësie dhe paqeje.
Na nxit që të krijojmë një shoqëri
më të shëndetshme dhe një botë më të denjë,
pa uri, pa varfëri, pa dhunë, pa luftëra.
Zemra jonë iu haptë
të gjithë popujve dhe kombeve të tokës,
për të njohur të mirën dhe bukurinë
që ke mbjellë në secilin prej tyre,
për të shtrënguar lidhje njësie,
projektesh të përbashkëta,
shpresash të bashkëndara. Amen.
Papa Françesku.
O ZOT, KRIJUES I GJITHËSISË.
O Zot, Krijues i qiellit dhe i tokës. Ati ynë!. Qofsh i bekuar, o Zot,
Atë që je në qiell, sepse në mëshirën tënde të pafund
u përkul mbi mjerimin e njeriut dhe na ke shëlbuar,
duke na dërguar një Shpëtimtar dhe një mik,
një vëlla që për ne flijoi vetveten!.
Faleminderit, Atë i mirë, për këtë dhuratë;
bëj që kuptojmë vlerën e dashurisë tënde
e që të kthehemi në shtëpinë tënde atërore,
ku ti, plot dashuri, pret fëmijët e humbur
për t'u dhënë atyre përqafimin e faljes
dhe për t'i ftuar në tryezën tënde,
të veshur me rrobat e bardha dhe festive.
Ty, Atë, lavdërimi ynë i përjetshëm!
Atë shumë i butë, dashuria për ty dhe për të afërmin
të lulëzojë fuqishëm:
bëj që dishepujt e Krishtit të promovojnë drejtësinë dhe paqen;
Lajmi i Mirë le t' u shpallet të varfërve,
të vegjëlve dhe të margjinalizuarve.
Kisha Nënë le të shprehet dashurinë e saj për njerëzimin mbarë.
TË DUA, O ZOTI IM DHE HYJI IM"
“Të dua, o Zot, dhe dëshira ime e vetme është
të të dua deri në frymën e fundit të jetës sime.
Unë të dua, Zot pafundësisht i dashur,
dhe preferoj të vdes duke të dashuruar
sesa të jetoj një moment të vetëm pa të dashur ty.
Unë të dua, Zot, dhe i vetmi hir
që kërkoj prej teje është të të dua përjetësisht.
Zoti im, nëse gjuha ime nuk mund të të thotë
çdo moment që të dua,
dua që zemra ime ta përsërisë atë
sa herë që marr frymë.
Unë të dua, o Shpëtimtari im, Zoti im,
dhe më jep hirin të vdes
duke të dashur ty dhe duke ditur që të dua”.
Amen.
Ndryshuar për herë të fundit nga ninoenina : 18-02-2022 më 09:26
HYJI IM, UNË TË ADHUROJ....
Unë të adhuroj, Zoti im,
dhe të dua me gjithë zemër.
Të falënderoj që më ke krijuar,
që më bëre të krishterë dhe më ruajte në këtë natë.
Unë të ofroj veprimet e mia të kësaj dite:
le të jenë të gjithë
sipas vullnetit tënd të shenjtë
dhe për lavdinë tënde më të madhe.
Më ruaj nga mëkati dhe nga çdo e keqe.
Hiri yt qoftë me mua gjithmonë
dhe me të gjithë të dashurit e mi.
AMEN
O ZOT, KRIJUES DHE MBROJTËS I NJERËZIMIT...
O Zot, krijues dhe mbrojtës i njerëzimit,
që e krijove njeriun sipas shëmbëlltyrës dhe ngjashmërisë tënde,
shiko këtë shërbëtorin tënd
që është sulmuar nga kurthet e shpirtit të ndyrë
dhe i shqetësuar, i tronditur dhe i frikësuar
nga sulmet e armikut të lashtë, armiku i lashtë i tokës.
Largoji, Zot, sulmet e tij,
pengoji kurthet e tij të gabuara, përzë tunduesin.
Ki kujdes për shërbëtorin tënd
dhe qoftë i mbrojtur me emrin tënd në shpirt e në trup.
Ruaje gjoksin e tij, të brendshmet, zemrën e tij.
Shpërndaji përpjekjet e kundërshtarit
për të depërtuar në brendësinë e tij.
Jep, o Zot, hirin që, duke thirrur emrin tënd shumë të shenjtë,
shërbëtori yt që deri tani ngjallte frikë, vetë i tmerruar dhe i mundur,
të këtë një zemër të vendosur dhe mendje të sinqertë,
dhe të të shërbejë ty siç duhet. Amen.
Ndryshuar për herë të fundit nga ninoenina : 25-02-2022 më 06:31
LUTJA E ETTY HILLESUM NË NJË KAMP PËRQENDRIMI E RIPËRSËRITUR NGA NJË VAJZË UKRAINE.
Zoti im, më merr për dore,
do të të ndjek si një vajzë e mirë,
nuk do të rezistoj shumë.
Nuk do të kërkoj të evitoj
asnjërën prej gjërave
që do të më ndodhin në këtë jetë,
do të përpiqem të pranoj gjithçka
dhe në mënyrën më të mirë.
Por më jep një moment të shkurtër paqeje
herë pas here.
Nuk do të mendoj më në naivitetin tim
se një moment i tillë duhet të zgjasë përgjithmonë.
Unë gjithashtu do të jem në gjendje
të pranoj shqetësimin dhe luftën.
Më pëlqejnë ngrohtësia dhe siguria,
por nuk do të rebelohem
nëse më duhet të jem e ftohtë
përderisa ti më mban për dore,
atëherë do të shkoj kudo
dhe do të përpiqem të mos kem frikë.
Dhe kudo që të gjej,
do të 'përpiqem'
të rrezatoj pak nga ajo dashuri,
nga ajo dashuri e vërtetë për burrat
që mbaj brenda vetes.
Dhe do ta bëj pavarësisht lodhjes
dhe ndjenjës së rebelimit,
që ndonjëherë më merr.
Unë premtoj se do ta jetoj
këtë jetë deri në fund,
duke vazhduar të ec gjithmonë përpara.
Regullat e Postimit
Përgjigju Duke Cituar
Krijoni Kontakt