Lutjet që devotshmëria e Krishtërve ia ka kushtuar njinisë të Hyjit.

[ninoenina]

O ZOT, HYJI IM, JAM I BINDUR SE TI KUJDES PER MUA...





O Zot, Hyji im, unë jam i bindur që ti kujdes

për të gjithë ata që shpresojnë tek Ti

dhe se asgjë nuk mund t’u mungojë atyre që presin gjithçka nga Ti.

Për këtë kam vendosur që për të ardhmen do të jetoj pa merak

Dhe do të derdh mbi ty gjithë shqetësimin tim.

Njerëzit mund të më heqin të gjitha pronat dhe nderin tim;

sëmundjet mund të më privojnë nga forca;

me mëkat mund të humbas edhe hirin tënd,

por kurrë, kurrë nuk do ta humb besimin te Ti. [...]

Në përvojën time, më duhet të pranoj

se jam i dobët dhe i paqëndrueshëm;

megjithatë asgjë, përderisa e mbaj këtë besim tek ti,

nuk mund të më shqetësojë. [...]

Unë jam i sigurt se Ti gjithmonë do të më duash

dhe se edhe unë, nga ana tjetër, do të të dua për gjithmonë.

Dhe për ta çuar këtë besim timen në shkallën më të lartë, o Krijuesi im,

shpresoj në ty gjatë kësaj jete dhe në përjetësinë. Amen.

(Shën Klaud de la Colombière).

[ninoenina]

EJA, HYJI IM, NË MUA!


Eja, o Shpirt i Shenjtë, në mua,

në zemrën time dhe në mendjen time.

Më jep një dashuri të zjartë, që edhe sot,

i nxitur nga Fjala jote, të të kërkoj ty

në gjithçka më ndodh

dhe në njerëzit që takoj.

Më jep mençurinë tënde,

në mënyrë që të jetoj dhe gjykoj,

në dritën e Fjalës tënde,

atë që përjetova sot.

(Shën Thoma Akuini)

[ninoenina]

PREJ TEJE, O ZOT, VJEN ÇDO E MIRË.



O Hyj i gjithëpushtetshëm,

prej teje vjen çdo e mirë:

ndikoje në zemrat tona dashurinë ndaj emrit tënd,

që në ne të zhvillohet e mira

dhe, nën ndikimin tënd, të arrijmë përsosmërinë.

[ninoenina]

O HYJI ATË...


O HYJI Atë, që na dhurove Shëlbuesin dhe Shpirtin Shenjt,

shikoji me mirësi bijtë e adoptimit,

që të gjithë ata që besojnë në Krishtin

ta marrin lirinë e vërtetë dhe trashëgimin e amshuar.

[ninoenina]

O ZOT HYJI, ATI YNË.


O ZOT HYJI, ATI YNË,

ndihmoji burrat dhe gratë

të cilët do të donin të luteshin,

por nuk dinë si ta bëjnë këtë.

Pranoje dëshirën e tyre për t'u lutur,

si me të vërtetë është: nje lutje.

Dëgjo heshtjen e tyre

dhe takoji ata atje në shkretëtirën e tyre.

(Nënë Tereza e Kalkutës).

[ninoenina]

O ZOT HYJI, QË NË FILLIM...


O Zot Hyji, që në fillim ke thënë: "Le të behet drita",

- Le të gëzohen sytë tanë për të gjitha gjërat e bukura dhe le t’i shohin atoo ashtu siç i sheh ti.


Fjalë e Përjetshme e Atit, që erdhe në botë si dritë e vërtetë,

- Bëj që çdo njeri të të pranojë dhe ta shohë fytyrën tënde.


Jezus, Zot, që i ke dhënë shikimin njeriut të lindur të verbër,

- Bëj që vëllezërit dhe motrat që mendojnë se shohin,

por që janë të verbër, të të takojnë në rrugën e tyre.


Vëlla Jezus, që erdhe në botë

që kushdo që beson në ty të mos mbetet në errësirë,

- Bëj që drita e lajmit tënd të mirë, të përhapë pa ndërprerë nëpër tokë.

(Vëllazëria e Betanisë).

[ninoenina]

FAIK KONICA: LUTJA E SHKRIMTARIT[1]

"Ati ynë që je në qiell,
jepna fuqinë ta mbajmë gojën mbyllur kur s'kemi gjë për të thënë.
Falna durimin të thellojmë një punë përpara se të shkruajë mbi të!
Frymëzona me një ndjenë të mprehtë të drejtësisë
që të flasim jo vetëm me paanësi,
por edhe të sillemi ashtu!
Shpëtona nga grackat e gramatikës,
nga shtrembërimet e gjuhës
dhe nga lajthitjet e shtypit. Ashtu qoftë!"

[ninoenina]

ZOT, MOS U LARGO!



Zot, nëse zemra ime do të jetë mbyllur një ditë,

hape atë, hyj brenda në të, mos u largo.

Nëse telat e zemrës sime nuk do ta këndojnë emrin tënd një ditë,

të lutem, prit, mos u largo.

Nëse një ditë nuk çohem pas thirrjes tënde,

me zgjo, më përkujto vuajtjet e tua dhe mos u largo.

Nëse një tjetër në fronin tënd do të vendosja një ditë,

ti, Zoti im i përjetshëm, mos u largo.

(Rabindranath Tagore)

[ninoenina]

MË JEP, O zOT, NJË TRETJE TË MIRË.


Më jep, o Zot, një tretje të mirë dhe gjithashtu diçka për të tretur.

Më jep shëndetin e trupit me humorin e mirë të nevojshëm për ta ruajtur atë.

Më jep, o Zot, një shpirt të shenjtë që të ruaj atë që është e mirë dhe e pastër,

që të mos kem frikë nga mëkati, por të gjej në praninë tënde

mënyrën për t'i rregulluar gjërat përsëri.

Më jep një shpirt që nuk e njeh mërzinë,

murmuritjen, psherëtimën dhe rënkimin

e mos më lër të shqetësohem shumë

për atë gjë shumë të dukshme të quajtur "Unë".

Më jep, o Zot, ndjenjën e talljes.

Më jep hirin të kuptoj një shaka,

që të mund të përjetoj gëzime në jetë

dhe gjithashtu mund të ndaj atë gëzim me të tjerët. Amen.

(Shën Thomas Moro)

[ninoenina]

LUTJA E TË SËMURIT...



Zot, Perëndia im, më mirëprit në mëshirën tënde

në këtë moment kur jam i sëmurë.

Me dëshirën për të arritur shërimin,

forcat e mia nuk janë të mjaftueshme;

Unë kam nevojë që ti të më japesh energjinë e nevojshme,

në mënyrë që të mund ta kapërcej sëmundjen.

O Shpirt Shenjt, forco besimin tim,

ma rrit shpresën, më mbaj optimist

dhe të sigurt në shërim.


Jepu mençuri mjekëve

dhe të gjithë profesionistëve të shëndetësisë.

Nga duart tuaja vjen mrekullia e shpëtimit;

për këtë, derdh bekimin tënd mbi mua,

ruaj jetën time, më jep dhuratën e shëndetit

dhe unë do të jap ty hir tani dhe përgjithmonë. Amen!