O ZOT, MOS U LARGO PREJ MEJE...
O Zot, nëse dera e zemrës sime do të qëndrojë e mbyllur një ditë,
rrëzoje atë dhe hyj brenda, mos u largo.
Nëse telat e zemrës sime nuk do të këndojnë emrin tënd një ditë,
të lutem, prit me durim, mos u largo.
Nëse një ditë nuk zgjohem pa thjrrjes tënde,
me zgjo me dhimbjen tende, mos u largo.
Nëse një tjetër në fronin tënd unë do të vendos një ditë,
ti, Zoti im i përjetshëm, mos u largo.
(Rabindranath Tagore)
BEKOJE SHPIRTIN E ATYRE QË VUAJNË!
O Zot, bekoje shpirtin e thyer të atyre që vuajnë,
bekoje vetminë e rëndë e njerëzve,
bekoji ata që nuk jetojnë në paqe,
bekoje dhimbjen që askush nuk u beson kurrë të tjerëve.
Dhe beko rrugën e atyre që enden natën
dhe nuk kanë frikë të ecin nëpër rrugë të panjohura.
Bekoje, o Zot, mjerimin e njerëzve që po vdesin.
Jepu atyre, Zot, një jetë më të mirë.
Bekoji ata që janë të lumtur, Zot, mbroji ata.
Ti nuk e more trishtimin tim,
ndonjëherë të rëndë dhe padurueshëm për mua.
Por më jep,o Zot, forcë ta duroj.
(Edith Stein)
LUTJA E SHËN INJACIT NGA LOYOLA.
O Zot, Hyji ynë, kur gjithçka është e errët
dhe ne e ndiejmë dobësinë dhe pafuqinë tonë,
na jep ti të ndiejmë praninë tënde,
dashurinë tënde dhe forcën tënde.
Na ndihmon të kemi besim të plotë
në dashurinë tënde që mbron
dhe në fuqinë tënde që na përforcon,
që asgjë të mos na trembë apo shqetësojë,
sepse, duke jetuar pranë teje,
do të shohim si vepron ti,
dhe synimet dhe vullnetin tënd në të gjitha gjërat.
(Shën Injacë nga Loyola).
UNË BESOJ NË TY, O ZOT!
Zot, unë besoj: unë dua të besoj në Ty, o Zot;
Bëj, o Zot, që besimi im të jetë i plotë, pa rezerva
dhe të depërtojë në mendimin tim,
në mënyrën me të cilen unë i gjykoj
gjërat hyjnore dhe tokësore.
O Zot, bëj që besimi im të jetë i lirë,
domethënë që t’i mos mungojë atij kontributi im personal,
duke pranuar sakrificat dhe detyrat që burojnë nga zgjedja e tij,
dhe të shprehë kulmin vendimtar të personalitetit tim:
unë besoj në Ty, Zot. [...]
O Zot, bëje të fortë besimin tim;
bëj që të mos ketë frikë nga dështimet e problemet
nga të cilat përvoja e jetës sonë,
e babëzitur për dritë, është e plotë;
Bëj, o Zot, të mos druajë të keqen
që mund të na bëjnë ata që e diskutojnë,
e luftojnë, e refuzojnë, e mohojnë;
por përforcoje atë në provën intime të së vërtetës Tënde. [...]
O Zot, besimi im le të jetë aktiv
dhe t’i japë bamirësisë arsyet të zgjerimit të tij moral,
në mënyrë që të jetë miqësi e vërtetë me ty
dhe të jetë në ty, në vepra, në vuajtje,
në pritje të zbulesës përfundimtare,
një dëshmi dhe një një ushqim i vazhdueshëm i shpresës.
…] Amen.
(Pali VI)
ZOTI HYJI IM!
Unë të thërras ty, Zoti Hyji im,
Unë e thërras Emrin tënd të shenjtë!
Edhe pse nuk mund të di çfarë ti je me të vërtetë,
Zoti Hyji im, ti je më i madh se fjalët tona,
më i qetë se heshtjet tona,
më i thellë se mendimet tona,
më i lartë se dëshirat tona ...
Pra na jep, Zoti ynë,
kaq i madh dhe kaq i afërt,
një zemër të gjallë, sy të rinj,
që të të njohim ty dhe të mirëpresim
kur do të vish tek ne.
(Shën Francesco nga Sales)
ATI I MIRËSISË, ATI I DASHURISË.
Ati i mirësisë, Ati i dashurisë,
Unë të bekoj, të lavdëroj dhe të falënderoj
sepse nga dashuria na ke dhënë Jezusin.
Faleminderit, Atë, sepse në dritën e Shpirtit tënd, ne e kuptojmë
se ai është drita, e vërteta, Bariu i mirë, që ka ardhur
që ta kemi jetë dhe ta kemi me bollëk. [...]
Të falënderoj, Atë, për atë që po bën në jetën time sot.
Të falënderoj me gjithë zemrën time, sepse më shëron,
sepse më lejon të jetoj në lirinë,
sepse ti më prish zinxhirët dhe më jep liri.
(At Emiljano Tardif)
O ATË, JAM NË DUART E TUA...
Atë, unë e vë veten në duart e tua,
vendos sipas vullnetit tënd, çfarëdo që të jetë.
Unë të falënderoj.
Unë jam i gatshëm të bëj gjithçka.
Unë pranoj gjithçka,
me kusht që vullneti yt të përmbushet në mua
dhe në të gjitha krijesat e tua.
Unë nuk dua asgjë tjetër, o Atë.
Unë të besoj shpirtin tim,
të jap gjithë dashurinë time sipas mundësive të mia,
sepse të dua dhe ndiej nevojën të jem vetë tek ti,
për ta vënë veten përsëri në duart e tua,
pa kufi, pa masë,
me besim të pafund
sepse Ti je Ati im.
(Charles de Foucauld)
MË LIRO, O ZOT NGA...
Më çliro, o Zot, nga përtacia që kam dhe frika që më pushton,
nga kompromisi i rehatshëm dhe nga lirimi i lehtë nga detyrimet e mia.
Më ndihmo, o Zot, të jem ashtu siç nuk jam dhe siç TI do të doje të isha.
Nuk më intereson se çfarë vdes në mua, më intereson ajo që lind me ty.
Më ndihmo, Zot, të vlerësoj kohën seriozisht, të respektoj jetën,
për të mbajtur dashurinë; kam nevojë për ty për të jetuar si ti dëshiron.
Më jep, o Zot, forcën tënde për të vepruar;
qëndrueshmërinë për të kryer detyrimet e mia,
gëzimin e një besimi në rritje, shpresën
dhe braktisjen plot besimi ndaj dashurisë tënde.
(P. Maior)
LUTJA SKAUTISTE
Bëj, o Zot, që të kem të pastra duart, gjuhën dhe zemrëm.
Më ndihmo të luftoj për të mirën e vështirë kundrejt së keqes së lehtë.
Më ndalo të marr zakone që më shkatërrojnë jetën.
Më mëso të punoj shumë dhe të sillem me besnikëri
kur askush nuk më sheh sikur e gjithë bota mund të më shihte.
Më fal kur jam keq dhe më ndihmo të fal
ata që nuk më trajtojnë mirë.
Më mundëso të ndihmoj të tjerët edhe kur është e vështirë për mua.
Më jep mundësi të bëj diçka të mirë çdo ditë
për të më afruar më shumë kështu me ty, Jezus.
(Lutja e skautistëve).
KAM NEVOJË PËR SHPIRTIN TËND!
Na jep, Zot, sy për të parë nevojat e botës
dhe një zemër për të dashur universin si Ti e do. [...]
Më jep dritën tënde për të njohur shenjat e tua.
Më jep të të njoh në të tjerët dhe të njoh
në ta zërin tënd dhe dëshirat e tua.
Zot, kam nevojë për sytë e tu: më jep besim të gjallë. [...]
Kam nevojë për Shpirtin tënd: më jep mençurinë tënde,
për mua dhe për Kishën tënde.
Më jep aftësinë për të përmbushur plotësisht
atë që Ti kërkon prej meje.
(Leo Jozef Suenens)
Regullat e Postimit
Përgjigju Duke Cituar
Krijoni Kontakt