Lutjet që devotshmëria e Krishtërve ia ka kushtuar njinisë të Hyjit.

[torrkerry]

HYJI IM, KËNAQËSIA IME!

Fjala jote është dritëz për këmbët e mia,
dritë për udhët e mia.

U përbetova dhe do ta mbaj fjalën:
do t’i ruaj gjyqet e drejtësisë sate.

Jam për së tepërmi i përvuajtur, o Zot,
ma përtërit jetën sipas premtimit tënd.

Pranoji, o Zot, dhuratat e gojës sime
dhe m’i mëso gjyqet e tua.

Jeta ime është gjithmonë në rrezik,
por nuk e harroj Ligjin tënd.

Të mbrapshtët vunë leqe kundër meje,
por nuk iu shmanga porosive të tua.

Dëshmitë e tua janë trashëgimi im i përhershëm,
janë kënaqësia e shpirtit tim.

E përul zemrën time që t’i kryej urdhërimet e tua
përherë e deri në fund.

Ps 119, 105-112.

Torrkerry

[torrkerry]

LAVDI TY, O LOGOS!

Lavdi ty, o Logos!
Lavdi Ty, o hir dhe bukuri! Amen.

Lavdi Ty, o Shpirt!
Lavdi Ty, o Hyji i shenjtë!
Lavdi lavdisë tënde! Amen.

Ne të lavdërojmë, o Atë!
Ne të falenderojmë, o Dritë!
Dritë në të cilën errësira nuk ka! Amen.

Do të them përse ne duhet të të falenderojmë:
Dua të shëlbohem,
dhe dua të shëlboj. Amen.


Dua të lirohem,
dhe dua të liroj. Amen.

Dua të haj bukë
e dua të hahem. Amen.

Dua të dëgjoj
dhe të dëgjohem. Amen.

Dua të kuptohem nga arsyeja njerëzore,
unë që jam arsyeja krijuese. Amen.

Dua të lahem
dhe dua të laj. Amen.


Himni i Krishtit nga Veprat e Sh. Gjonit
(një Ungjill i ashtuquajtur apokrifë).

Torrkerry

[torrkerry]

MË PËRKRAH, O HYJI, DHE DO TË SHPËTOJ!

I urrej ata që janë si mësalla me dy faqe
dhe e dua Ligjin tënd.

Përkrenarja dhe shqyti im je ti,
kam besim të plotë në fjalën tënde.

M’u hiqni sysh, o keqbërës,
se dua t’i zbatoj urdhërimet e Hyjit tim!

Më përkrah si më premtove e do të jetoj
dhe mos më tradhtoftë shpresa ime.

Më përkrah e do të shpëtoj,
do të kënaqem vazhdimisht në rregulloret e tua.

Ti i urren ata që u shmangen urdhërimeve të tua,
sepse mendimi i tyre është gënjeshtër.

Porsi ndryshkun ti i zhduk nga faqja e dheut keqbërësit,
prandaj unë i dua dëshmitë e tua.

Trupi im më dridhet prej frikës sate,
sepse i kam frikë gjyqet e tua.

Ps 119, 111-120.

Torrkerry

[torrkerry]

http://www.youtube.com/watch?v=83McMS2aXqg

Torrkerry

[torrkerry]

MOS MË DORËZO TE SHPIFËSIT E MI.

Veprova me drejtësi e me të drejtë,
mos më dorëzo te shpifësit e mi.

Hyr dorëzanë për të mirën e shërbëtorit tënd,
që të mos më shpifen krenarët.

Sytë po më shteren prej dëshirës së shëlbimit tënd
dhe të fjalës së drejtësisë sate.

Bëj me shërbëtorin tënd sipas dashurisë sate
dhe m’i mëso rregulloret e tua.

Unë jam shërbëtori yt,
më jep kuptim t’i njoh dëshmitë e tua.

Koha është të dëftohesh, o Zot,
se e prishën Ligjin tënd.

Oh, sa i dua urdhërimet e tua:
më tepër se arin, se gurin e paçmueshëm.

Ndërgut i mbaj urdhërimet e tua të gjitha,
e urrej çdo udhë gënjeshtre.


Ps 119, 121-128.

Torrkerry

[torrkerry]

QËNJA E PARË.

O Hyji, ti që ke qenë i pari,
në fillim të kohërave,
Ti që erdhe në dritë në fillim,
dhe zanafillën e të cilit ne nuk e njohim...
Mrekullia e lindjes të së cilit,
qëndron e fshehur për sytë tanë,
dhe e fshehur edhe për hyjnitë të tjera.
Askush nuk mund ta pikturojë fytyrën tënde;
askush nuk mund të tregojë
me krenari se të ka njohur.

LUTJE E VJETËR EGJIPCIANE.

Torrkerry

[torrkerry]

KTHEU PREJ MEJE DHE KIJ MËSHIRË PËR MUA.

Të mrekullueshme janë dëshmitë e tua,
prandaj i mban shpirti im.

Zbulesa e fjalëve të tua ndriçon:
të miturit i bën të urtë.

Hap gojën e marr frymë
i mallëngjyer për porositë e tua.

Kthehu prej meje e ki mëshirë për mua
ti që je i drejtë për ata që e duan Emrin tënd.

Drejtoji hapat e mi sipas fjalës sate,
të mos më sundojë asnjë e keqe.

Më shpëto prej shpifjeve të njerëzve,
që t’i ruaj urdhërimet e tua.

Ndrite fytyrën tënde mbi shërbëtorin tënd
dhe m’i mëso urdhërimet e tua.

Sytë e mi derdhën rrëke lotësh,
sepse nuk mbahet Ligji yt.

Ps 119, 29-36.

Torrkerry

[torrkerry]

O HYJI IM...

O Hyji im, e ju të gjithë hyjni të këtyre vendeve!
Ma jepni mundësi që ta fitoj bukurinë e brendshme
dhe për gjërat e jashtme që janë të mia,
bëni ta gjej miqësi dhe harmoni me gjerat e brendshme!
bëni që të arrij ta vlerësoj si të pasur njeriun e urtë!
Bëni që bujaria e të mirave të mia të jetë ekuilibruar,
që askush, përveç njeriut të ekuilibruar, të ketë mundësi
t’i marrë për vete apo t’i rrëmbejë me forcë!
O miqtë e mi, a kemi gjëra të tjera për t’i kërkuar?
Unë, për sa më përket mua,
i kam shprehur të gjitha dëshirat e mia!

LUTJE E SOKRATES!

Torrkerry

[torrkerry]

[torrkerry]

LUTJE PËR PAGËZIMIN E TË RRITURVE.

O Hyji i mëshirshëm,
që të vdesë në këta njerëz
njeriu i vjetër
që të lindë në ta njeriu i ri. Amen.

Që të gjitha ndjenjat tokësore të vdesin në ta
dhe që të gjitha gjërat që i përkasin Shpirtit,
të jetojnë dhe të përparojnë në ta. Amen.

Që të kenë vullnetin dhe forcën
Ppër të fituar dhe për të sunduar djallin,
Botën dhe mishin. Amen.

Që këta njerëz, që për detyrën tonë
dhe për përkushtimin tonë
ne t’ia kushtojmë Ty,
të jenë përkushtuar në virtyt,
që të fitojnë shpërblimin e amshuar
prej hirit tënd, o Hyji i amshuar,
që jeton dhe sundon për amshim
mbi të gjitha gjerat e kësaj bote.
Amen.

NGA RITI I PAGËZIMIT TË TË RRITURVE.

Torrkerry