Ti je Hyji im
Ti, o Hyji, ke krijuar gjithçka.
Sa mrekulli për sytë e mi!
Ma jepe, o Zot, shpëtimin tënd.
Deh, o Zot. ma jep të mbarën!
Ti, o Hyji, je ai që më ndriçon,
Ti je Hyji im, ty të falënderoj,
Ti je Hyji im, unë të madhëroj!
Të lavdëroj, o Zot, sepse je i mirë,
sepse e amshuar është dashuria jote.
NGA LITURGJIA
Torrkerry
NJE LUTJE FALENDERIMI
Të falënderojmë, o Atë i shenjt,
për emrin tënd të shenjt,
që ke dërguar të banojë në zemrat tona.
Të falënderojmë për njohjen, besimin
dhe për jetën e pasosur
që na ke zbuluar
nëpërmjet Jezu Krishtit shërbëtorit tënd.
Ty të qoftë lavdia për të gjithë shekuj.
Ti, o Zot i gjithpushtetshëm,
ke krijuar gjithçka për lavdinë e emrin tënd:
Ua ke dhënë ushqim dhe pijë njerëzve
për t’i ngushëlluar dhe për t’i përforcuar,
që të të falënderojnë ty,
por neve na ke dhënë
një ushqim dhe një pijë shpirtërorë
dhe jetën e përjetëshme
nëpërmjet shërbëtorit tënd...
DIDACHE
Torrkerry
Ndryshuar për herë të fundit nga torrkerry : 19-01-2010 më 09:36
PUNA E PENDIMIT.
O Hyji im,
kam mëkatuar kundër teje
dhe kundër vëllezërve të mi,
por në ty ne mund ta gjejmë faljen.
Pranoje pendimin tim,
dhe ma jep forcën e nevojshme
për të ndërruar në jetën time,
gjithçka e kundërshton dashurinë tënde.
Torrkerry
O SHPIRT I SHENJTË.
O Shpirt i Shenjtë,
që të të kundroj ty,
don të më thotë që ta zhytë
shikimin tim në atë që nuk shihet,
në thellësinë e misrterit të Hyjit.
Ti nuk ke një fytyrë njerëzore
si e kishte atë Krishti i Ungjillit,
në përngjasimin me atë të Atit,
por duke pretenduar
që të përfytyrojmë ty
në ndonjë mënyrë,
ne dëshirojmë të jemi një me ty
me të gjitha forcat tona.
O Shpirt i Hyjit,
ti nuk ke fytyrë,
sepse je zjarr i dashurisë
që i bashkon fytyrën e Atit
dhe fytyrën e Birit,
për t’i bërë një fytyrë të vetme
në një fuzion sublim.
O Shpirt i Shenjtë,
fryma që del nga Ati dhe nga Biri,
të lutem, sillie frymëmarrjen e drejtë
jetës tonë,
sillie dritën intelektit tonë,
dashurinë e vërtetë zemrës tonë,
kështu që të mund të të duam ty
dhe vëllezërit tanë.
E lumia ELENA GUERRA.
Torrkerry
LUTJE SHPIRTIT TË SHENJTË.
Eja, eja, o Shpirt ngushëllues,
plotë dhembshuri për ata që vuajnë,
ndihma e tyre në sprovë
dhe në momentët e mirë.
Eja ti që na i fal gabimët,
ti që i shëron plagët tona.
Eja ti, fuqia e të dobëtëve,
mbështetja e atyre që rrëzohen.
Eja ti, mjeku i të përvuajturve,
fitoria mbi krenarinë.
Eja, o Atë i dashur dhe i butë i jetimëve,
gjyqëtari i përvuajtur i vejave.
Eja, shpresa e të varfërve,
eja ngushëllimi i mëkatarëve.
Eja, ylli i lundërtarëve,
porti i atyre që janë në rrezik.
Eja, lavdi i shkëlqyeshëm i të gjallëve,
e vetmja shpresë shëlbimi
për ata që janë në prang të vdekjes.
Eja, o tre herë i shenjtë ndër të gjallëve,
eja dhe ki mëshirë për mua.
Më bëj i ngjashëm me ty
që në vogëlsinë dhe në përvujtërinë time
ta gjej hirin përballë madhështinë tënde:
Në pafuqinë time, në mjerimin tim
bëj ta gjej hirin përballë fuqisë tënde,
sipas mëshirës tënde të madhe,
për Jezu Krishtin, shëlbuesin tim,
që jeton dhe mbretëron me Atin dhe me ty
për të gjithë shekuj të shekujve.
Amen.
GIOVANNI DI FECAMP.
Torrkerry
LUTJE PËR TË GJITHË POPUJT.
O Zot i mëshirshëm,
jepja paqen të gjithë popujve të tokës,
që të njohin ty.
Pa dritën e Shpirtit shenjtë
njeriu nuk mund të të njohë ty,
as të kuptojë dashurinë tënde.
O Zot, zbuloju të gjithë popujve
dashurinë tënde dhe butësinë
me ëmbëlsinë e Shpirtit Shenjtë,
që t’i harrojnë njerëzit dhimbjet e kësaj toke,
t’i braktisin të gjitha gjërat ë keqija
dhe të kenë besim në ty me dashuri.
Për hirin tënd, bëj që të jetojnë në paqe,
duke e kryer vullnetin tënd
dhe duke të falënderuar ty për gjithçka.
O Zot, na jep dhuratat e Shpirtit Shenjtë
që ta njohim dashurinë tënde
e që jetojmë mbi tokë në harmoni.
O Zot i mëshirshëm,
dëgjoje lutjen tonë:
bëj që të gjithë popuj të tokës
të të njohin ty
nëpërmjet Shpirtit tënd.
SILVANO I MALIT ATHOS.
Torrkerry
LUTJE PËR ATA QË NA KANË OFENDUAR.
O Zot, Hyji i gjithëpushtetshëm,
ki mëshirë për atë që më bën keq
dhe për të gjithë ata që,
të animuar nga një vullnet i keq,
kërkojnë të më bëjnë dhimbje.
Ki mëshirë për gabimet e tyre
si edhe për gabimet e mia.
Me mjetet e thjehta, të buta dhe të mëshirshme,
që urtia jote e pakufishme koncepton,
na ndihmo që të arrijmë
të bëjmë pendesë
dhe të ripërtërijmë gjithçka.
Dhe shëlbo shpirtrat tona së bashku,
duke na çuar në parajsë,
ku do të mund të jetojmë
dhe të duam njeri-tjetrin për amshim,
së bashku me ty
dhe me shenjtërit e tu të lumtur.
Shen Thomas Moro.
Torrkerry.
FALEMINERIT, O ZOT, PËR SHPRTIN TËND.
Faleminderit, o Zot, për Shpirtin tënd.
Faleminderit për frymën e të cilës
ne e dëgjojmë zërin.
Faleminderit për lindjen tonë nga Shpirti,
që e vendos, o Zot, në zemrat tona
dhe gjithmonë në rrugën tonë.
Faleminderit sepse i bën tracimet e reja
në rrugëtimet plotë shpresë për të varfërit.
Faleminderit sepse vazhdimisht vepron
në zemrat e njerëzve dhe të kishës.
Faleminderit sepse i hap velat e varkës tonë
dhe na drejton kah porti
i drejtësisë, i paqes dhe i lirisë.
Faleminderit sepse përtej horizontit
të kufizuar nga egoizmat tona,
na shtyn ta dëgjojmë kërkesat e të uriturve,
e të braktisurve dhe e të vuajturve.
Faleminderit sepse fryma jote e lehtë
na transformon në dëshmitarë,
në profetë dhe në njerëz të rinovuar.
Faleminderit sepse na bën të aftë
për të duruar vështirësitë e jetës,
të aftë për të dashur ty e të tjerët
deri në fund dhe për gjithmonë.
Shpirt i Rrëshajëve,
udhëhiqe popullin tënd kah mbretëria e Atit.
Spikati me ne shërbimet e reja fetare,
për përparim të komuniteteve të reja vëllazërore.
O Shpirt i Shenjtë,
eja dhe ripërtërij zemrat tona
dhe të gjitha gjërat në gëzim të thirrjes tone,
që të jemi dëshmitarë të Krishtit të Ringjallur.
LUTJE E NJË HENDIKAPATI.
Torrkerry
PER TE KERKUAR FALJE.
O Zot Jezu Krisht,
që nga Kryqi e zbulove
mëshirën tënde,
une e kërkoj prej teje
hirin dhe forcën e nevojshme
për t’i dashur të gjithë njerëzit
që nuk i kam pranuar,
që i kam denuar
dhe që nuk i kam falur.
E di që ti do të ma japësh forcën.
Të falenderoj sepse ti më don
më shumë se unë e dua veten
dhe sepse ti e don lumturinë time
më shumë se unë vetë e dëshiroj atë.
O Zot Jezu, unë dua t’i harroj
urrejtje, zemerime dhe hakmarrje
dhe për këtë e kërkoj prej teje
hirin dhe forcën për t’i falur
pikërisht ata persona
që më shumë se të tjerët
kanë bërë që të vuaj shumë.
Që unë t’i falë me hirin tënd
ata për të cilët kam thënë
që nuk do t’i kisha dashur më
e për të cilët ndjej
se është shumë e vështirë t’i falë.
Torrkerry
PËR T’I FALUR TË KEQBËRËSIT.
O Zot,
le te kujtohen jo vetëm burrat dhe gratë
me vullnet të mirë,
por edhe ata me vullnet të keq.
Prandaj, po të lutem, mos përkujtoi
të gjitha vuajtjet që na kanë rënduar.
Le të kujtohen më mirë
frytet që kemi dhënë
falë kësaj vuajtjeje:
solidariteti, lojaliteti, përvujtëria, kurajo,
bujaria, madhëria e zemrës
që linden nga gjitha këto.
Dhe kur do të vijnë tek ti
që të jenë të gjykuar,
bëj që edhe falja që ua japin atyre
të jetë një fryt tjetër e vuajtjeve tona.
LUTJA E NJË TË BURGOSUR TË PANJOHUR NË RAVENSBRUCK.
Torrkerry
Regullat e Postimit
Përgjigju Duke Cituar
Krijoni Kontakt