Lutjet që devotshmëria e Krishtërve ia ka kushtuar njinisë të Hyjit.

[torrkerry]

KAM LINDUR LAKURIQ.

Kam lindur lakuriq, thotë Hyji,
që ti të dish ta mohosh vetveten.

Kam lindur i varfër, thotë Hyji,
që ti mund t’i ndihmosh të varfërit.

Kam lindur i dobët, thotë Hyji,
që mos të kesh kurrë frikë nga unë.

Kam lindur për dashurinë, thotë Hyji,
që ti të mos dyshosh kurrë për dashurinë time.

Jam një person, thotë Hyji,
që ti të mos kesh turp të jesh vetvetja.

Kam lindur i përndjekur, thotë Hyji,
që ti të mund t’i pranosh vështërësitë e jetës.

Kam lindur në thjetësi, thotë Hyji,
që të mos jesh më i ndërlikuar.

Kam lindur në jetën tënde, thotë Hyji,
që t’i sjellë të gjithë në shtëpinë e Atit.

IRMA NOVA

Torrkerry

[torrkerry]

LAVDI ZOTIT.
Pranoji si flijim këto rrëfime,
që t’i paraqet me vetë dorën e saj gjuha ime,
e krijuar nga Ti
dhe e shtypur për të përkujtuar emrin tënd;
shëroji të gjitha eshtrat e mia
që të thonë: Zot, cili është i ngjashëm me Ty?
Ti na hyn brenda në shpirt,
kur të rrëfehemi:
një shpirt i mbyllur nuk u shpëton syve të tu,
këmbëngulja njerëzore nuk mjafton për të të larguar Ty,
Ti e zbut atë kur do,
me anë të hakmarrjes apo të mëshirës,
duke mos pasur vend për t’u mbrojtur nga afshi yt.
Gjithësia nuk pushon të kënduari lavditë e tua:
as të gjithë shpirtrat që ngrejnë gojën drejt teje,
as kafshët, as trupat e thjeshtë,
përmes gojës së të cilëve Ti i sodit.
Te Ti shpirti zgjohet nga lodhja e tij,
dhe me krijesat e tua
bëhet një shteg për të kaluar te Ti,
krijuesi i tyre i mrekullueshëm,
dhe aty gjen përtëritjen e tij e forcën e vërtetë.

SHËN AUGUSTINI.

Torrkerry

[torrkerry]

EJA, O SHPIRT KRIJUES!


Eja, o Shpirti Krijues
Eja, o Shpirti Krijues
vizito mendjet tona,
Mbushi me hirin tënd
Zemrat që ke krijuar

O këshilltar i ëmbël ,
dhuratë e Atit të Tejetlartë,
uji i gjallë, zjarr e dashuri,
krizmë e shenjtë e shpirtit




Gisht i dorës së Zotit,
i premtuar nga Shwlbuesi
rrezato shtatë dhuratat e tua,
ngjall në ne fjalën.

Të jesh dritë e diturisë,
flakë e ndezur në zemër;
shëroji plagët tona
me balsamin e dashurisë sate.

Na mbro nga armiku,
na jep si dhuratë paqen
udhëheqja jote fitimtare
na ruajttë nga e keqja.

Dritë e pashtershme diturie
Na zbulo misterin e madh
Të Hyjit Atë dhe të Birit
Të bashkuar në një Dashuri të vetme.

O Hyji Atë, lavdia le të jetë
te Biri, i cili nga vdekja
u ringjallë, në Paraklit
në shekuj të shekujve. Amen.

NJË LUTJE E VJETËR

Torrkerry

[torrkerry]

QOFTW BEKUAR ZOTI, HYJI I IZRAELIT.

Qoftë bekuar Zoti, Hyji i Izraelit
që e pa dhe e shpërbleu popullin e vet!

Ai e ngriti Shpëtimtarin tonë
në shtëpinë e Davidit, shërbëtorit të vet,

sikurse premtoi kaherë
me gojë të profetëve të tij të shenjtë:

se do të na shpëtojë prej armiqëve tanë
dhe prej dorës së të gjithë atyre që na urrejnë;

se do të bëjë mirësinë që ua premtoi etërve tanë
e do t’i bjerë në mend Besëlidhja e tij e shenjtë

e betimi që bëri në të mirën e Abrahamit, atit tonë
se do të na e bëjë të mundshme t’i shërbejmë pa frikë,

të çliruar nga duart e armikut
në shnejtëri e drejtësi para tij për çdo ditë të jetës sonë.

E ti, o djalosh, do të quhesh profet i të Tejetlartit,
sepse do të shkosh përpara Zotit për t’ia përgatitur udhët,

për ta vënë në dijeni popullin e tij
se Hyji do ta shëlbojë duke ia falur mëkatet e tija,

në saje të zemrës së dashur të Hyjit tonë
që do të na e dërgojë në pasi prej qiellit Diellin,

për të shndëritur ata që gjenden në errësirë dhe në hijen e vdekjes,
për t’i drejtuar hapat tanë në udhën e paqes.
.

LUKA 1, 67-79.


Torrkerry

[torrkerry]

LUTJA E RELIGJONEVE PËR PAQEN.

O Hyj, Krijuesi dhe Zotëri i historisë,
që e kthen me mëshirë
fytyrën tënde mbi njerëzimin,
dëgjoje lutjen tonë.

Nga fillimi i botës dhe i kohës, nga amshimi,
Ti vepron me dashuri dhe mëshirë.
Nga hiçi i bëre gjëra që ekzistojnë,
duke i dhënë mundësi botës dhe njeriut
që të bëhet projekti i Dijes tënde të pakufishme
dhe i mirësisë tëndë të pamasë.

Qielli dhe toka e këndojnë lavdinë tënde
dhe çdo kalimtar në këtë kohë
e gjen në veten vulën e Dijes tënde
dhe Shpirti yt pushon në zemrat e sinqerta.

Mbrojtësi ziliqar i lirisë njerëzore,
në dashurinë tënde të pamasë,
mos lejo që të mbretërojnë forcat e vdekjes
dhe gjithmonë shpërbleje atë
që e drejton shikimin e vet
ndaj Fjales sate të së vërtetës.

Prania e patregueshme paqeje:
bëj që të jetë e paqetë zemra e çdo njeriu,
që të mund të kremtohet me Ty
çlirimi nga mekati i tij:

Ti, që je dashuria,
zëvendëso urretjen me dashurinë,
mendjemadhësinë pedante me përvujtërinë,
pushtetin e prepotentit
me çiltërsinë e butë të atij
që e dëgjon zërin e të varfërit,
zëvendëso vdekjen me atë jetë
që nuk ka mbarim
sepse mbështetet në pafundësinë.

Ti, i durueshëm, që e do jetën:
mblidhe njerëzimin tënd në të vërtetën,
pranoji përqafimet vëllazërore
ndër njerëzve që vuajnë
duke deshiruar e duke pritur paqen,
e shpresojnë në një të ardhme
që hapet në pafundësi:
Qetësoji pasionet e keqebërësve;
fike hakmarrjen e krimineleve,
ndërroje kopracin në një njeri bujarë.

Po të lutemi, o Zot i gjithpushtetshëm:
na mëso që të jemi ndërtuesit e paqes tënde.
Na ndihmo të tejkalojmë grindjet e kota,
që të bëhemi forcë që bashkon.

Ndihmo çdo njeri që ta zbulojë dinjitetin e vet;
vigjilo mbi lodhjet tona,
na e shto fenë,
largo prej çdo njeriu tërheqjen e të keqes.
Të falënderojmë për dhuratat e hirit tënd që i kemi marrë,
për mesazhin e miqësisë të shumë vëllezërve,
për të gjitha gjeste dashurie
që i shkatërrojnë kufijtë të panevojshme.
Amen.

Torrkerry

[torrkerry]

O HYJ I GHITHËPUSHTETSHËM DHE I AMSHUAR...

O Hyj i gjithëpushtetshëm dhe i amshuar,
drita e atyre që besojnë në ty!
Mbushe botën mbarë me lavdinë tënde
dhe dëftohu të gjithë popujve
në shkëlqimin e të vërtetës sate.

NGA LITURGJIA.

Torrkerry

[torrkerry]

URATA PËR KISHËN.

O Zot,
të lutem për Kishën.
Sot ka shumë Kisha
megjithatë ti e di, o Zot,
se është vetëm një Kishë.

Na dërgo dashuri dhe mëshirë:
vetëm kështu një ditë të gjitha Kishat
do të mund të jenë Një.

Ti vetë ke thënë:
Siç unë dhe Ati jemi një gjë e vetme,
ashtu një do të duhej të jetë edhe Kisha!
Na bashko të gjithëve,
o Zot,
në fuqi, gëzim dhe dashuri.
Dhurona paqen
neve dhe Kishës.
Amen.

NËNË TERESE

Torrkerry

[torrkerry]

O ZOT I GJITHPUSHTETSHËM ...

“O Zot i gjithpushtetshëm dhe i amshueshëm,
je i adhuruar në të gjitha veprat e dashurisë tënde,
shëndriti bijtë e shëlbuar nga ti, që të kuptojnë se,
nëse ishte i madh në fillim krijimi i botës,
edhe më i madhë, në plotësinë e kohërave,
qe vepra e shpërblimit tonë,
nëpërmjet flijimit pashkëvor të Krishtit Zot”.

NGA LITURGJIA

Torrkerry

[torrkerry]

O ZOT, BËJ QË SHPIRTI IM...

O Zot, bëj që shpirti im
t’i përngjajë shpirtit tënd
human dhe të bukur.
Bëj që inteligjenca ime
të mbushet me një njohje të madhe
dhe memoria ime
me një kujtim të vazhdueshëm për Ty,
bëj që vullneti im të ndjejë
një dashuri të madhe
për Madhërinë tënde.
Bëj, o Zot, që shpirti im
t’i përngjajë shpirtit tënd...
Ndriçoje brendësinë time
me prezencën tënde hyjnore,
që nëpërmjet saj
të besoj krejtësisht e bindur
që ti je krejt në mua.
Falë kësaj,
unë po të lutem me një përvujtëri të madhe,
që të shikosh tashmë me sytë e mi,
që të flasësh me gjuhën time,
dhe që të realizosh me trupin tim
dhe me ndijmet e mia
gjërat që të pëlqejnë më shumë.

MADAME ACARIE.

Torrkerry

[torrkerry]

NA SHNDRIT, O ZOT...


Na i shndrit, o Zot,
me shkëlqimin e lumturisë sate
zemrat tona
dhe përherë na i ndez në dashuri,
që përditë e më tepër
ta njohim Shëlbuesin tonë
dhe me jetë të bashkohemi me të.

NGA LITURGJIA

Torrkerry