Lutjet që devotshmëria e Krishtërve ia ka kushtuar njinisë të Hyjit.

[torrkerry]

LUTJA PËR TOLERANCË.

Zot i dashur,
Ti na ke krijuar të gjithëve
dhe na ke falur jetën.
Bëj që dashuria jonë ndaj teje
dhe ndaj të afërmëve të jetë e thellë dhe e fortë.
Ti e dërgove Birin tënd, Jezu Krishtin,
që t’na bëjë me dije se Ti na do e na pranon.
Na jep Shpirtin tënd të shenjtë
që t’na dhurojë një fe të gjallë
që t’i mund t’i duam të afërmit
dhe me të gjithë njerëzit të kemi mirëkuptim.

Atëherë do të kuptojmë se një gotë ujë,
një copë bukë,
ja japim Birit tënd e Mikut tonë – Jezu Krisht.
Amen.

Nënë Tereze

Torrkerry

[torrkerry]

BËJ, O ZOT, QË TA DËSHMOJ DASHURINË.

Atje ku është urretja,
bëj që ta dëshmoj dashurinë,
duke e ofruar dorën time në shenjë miqësie.
Atje ku vuajnë një Atë e një nënë,
sepse i shohinë fëmijët e tyre
duke u rritur në arritjet dhe në hidherimet,
bëj që të jap provë
të një solidariteti të heshtur dhe të rezervuar.
Atje ku mungon shpresa
që diçka do të ndryshojë,
bëj që të dëshmoj
që shpresa është e fundit që vdes.
Atje ku mbretëron trishtimi
i një gruaje dhe fëmijëve të saj
të ndarë nga ai
që fiton bukën e tyre,
bëj që të tregoj dashurinë.
E atje ku gjithçka është errësirë,
bëj që të ndez një dritë.

DESMOND TUTU

Torrkerry.

[torrkerry]

BEKIMI I FËMIJËVE PËR VITIN E RI.

Bijtë e mi, kur keni ardhur në këtë botë,
prania juaj e ka ndërruar jetën tonë.
Ju u bëtë gëzimi ynë, krenaria jonë, shpresa jonë.
Vuajtjet e tua na kanë bërë keq.
Dhimbjet e tua u bënë dhimbje tona.
Ankthet e juaja u bënë ankthet tona.
Në fillim të këtij viti të ri
Ne e falënderojmë Zotin për lindjen tuaj,
për jetën tuaj, për prezencën tuaj.
Ecja juaj le të jetë e bukur dhe e gjatë.
Drita le t’ju ndriçojë me bollëk.
Gëzimi dhe paqia le t’ju shoqërojnë.
Dhe Zoti le t’ju bekojë tani e gjithmonë.
Amen.

ANDRE BEAUCHAMP.

Torrkerry

[torrkerry]

ZHURMA E POPUJVE.

Ati ynë, Zoti i gjithpushtetshëm,
ti krijove gjithçka në Emrin tënd,
ti ua ke dhënë ushqimin dhe pijet
njerëzve që të jetojnë denjësisht.
Shikoji me sytë e një fëmije të sapolindur
njerëzit që vdesin në uri,
në këtë kohë kur shpenzohen
shuma të pabesueshme
për të fabrikuar armët të tmerrshme.

Vendose shikimin tënd
mbi dhimbjen e patregueshme
të prindërve që i shikojnë
fëmijët e tyre në agoni:
atyre u mungon buka
që mund t’u ofrohet atyre
duke e marrë vetëm
një pjesë të vogël të parave
që shpenzohen për mjetet shkatërrimtare.

Dëgjoje, o Atë, klithjen e paqes
që ngrihet nga popujt që vuajnë nga luftërat!
Frymëzoji ata
që kanë mundësinë t’i gjejnë
zgjidhje të drejta dhe të ndershme
për dialogun dhe paqen.
I kërkojmë prej teje, Princit e Paqes,
gjitha këto gjëra. Amen.

PAPA GJON PALI I DYTË

Torrkerry

[torrkerry]

FALËMINDERIT JEZU!

Ndaj atij njeriu që unë jam,
o Zot, ti u përule.
Për t’i larguar frikët e mia,
dora jote më përkedheli.
Për t’i fshirë lotët e mi,
buzëqeshja jote më ngushëlloi.
Në vetminë time,
shikimi yt hyri në mua.
Në dyshimet e mia,
prezenca jote më ka dhënë fuqi.
Për t’i udhëhequr hapat e mi,
veten në tërësi e flijove.
Për tërë jetën time,
o Zot, unë do të të falënderoj.

Torrkerry

[torrkerry]

QË TA FITOJMË SHËLBIMIN TËND...

Hiri yt, o Hyj i gjithpushtetshëm,
na priftë gjithmonë
e na përcjelltë,
që të mund ta fitojmë
me ardhjen e dëshiruar të Birit tënd
shëlbimin tënd
për këtë jetë e për jetën e pasosur.

NGA LITURGJIA.

Torrkerry

[torrkerry]

NA SHËLBO, O ZOT.

Eja e na shpëto,
o Zot, Hyj i gjithësisë!
Na e trego fytyrën tënde,
dhe do të shëlbohemi.

NGA LITURGJIA.

Torrkerry

[torrkerry]

EJA E NA SHËLBO!

O Zot,
ne jemi shërbëtorë të padenjë
e na vjen shumë keq
për mëkatet që kemi bërë.
Po të lutemi,
na ngushëllo
me ardhjen e Birit tënd
që vjen për të na shëlbuar.

NGA LITURGJIA

Torrkerry

[torrkerry]

MË DËRGO TË DUA NDOKËND.

O Zot,,
kur kam uri,
më jep ndokënd që ka nevojë për ushqim;
kur kam etje,
më jep ndokënd që ka nevojë të pijë diçka;
kur kam të ftohtë,
më jep ndokënd për ta ngrohur;
kur kam ndonjë idhërim,
ofroma ndokënd për ta këshilluar;
kur kryqi im t’më bëhet i rëndë,
bëj t’ia marrë ëdhë dikijt tjertër kryqin të tij;
kur jam e varfër,
më jep ndokënd të t’i jap;
kur s’kam kohë,
më jep ndokënd t’i nddihmoj për disa çaste;
kur jam e përvuajtur,
bëj që të kem ndokënd për ta lëvduar;
kur jam e pavullnettshme,
më dërgo për ta shpirtëzuar ndokënd;
kur kam nevojë që unë të flas më ndokënd,
dërgoje ndokënd tjetër të flasë me mua;
kur të mendoj vetëm në vetvete,
tërhiqe vëmendjen time të ndokush tjetër.
Denjësona, Zotëri, për t’u shërbyer vëllezërve tanë
kudo që në botë ngarendin dhe jetojnë,
si varfanjakë dhe të uritur.
Jepiu atyre duart tona, bukën e përditshme,
jepu atyre nëpër dashurinë tonë përshkuese paqen dhe gëzimin.
Amen.

NËNË TEREZE

Torrkerry

[torrkerry]

HAJDE, JEZUS, O ZOT...
O Zot, shikoje me dhembshuri
mërzitjen tonë të përditshme:
jetojmë duke mos pritur asgjë,
kënaqemi me gëzime të vogla,
pa entuziazmë për të jetuar.
Të lutem, zbrit edhe një herë në mesin tonë,
që ta rigjejmë gëzimin për të kënduar:
“Lavdi Hyjit në lartësitë qiellore
e paqe njerëzve vullnetmirë mbi tokë”.

O Zot, shikoji me mëshirë
frytet e egoizmit tonë:
me një shpirt meskin i duam miqtë,
japim dhe bëjmë dhurata me përkormëri,
me frikë i marrim përgjegjesitë.
Zbrit edhe një herë në mesin tonë,
që me Gjon Pagëzuesin
dhe me shën Jozefin, njeriun e drejtë,
të bëhemi guximtarë në vepra të mira
dhe gati të shërbëjmë me zemërgjerë
të gjithë ata që janë në nevojë.

O Zot, shikoi me simpati
të rinjtë që janë në trishtim.
Shikoje mungesën e mirëkuptimit të gjeneratave,
ndihmoji prindërit që i braktisin fëmijët e tyre,
burrat që e shkelin kurorën.
Zbrit edhe një herë në familjet
që anëtarët e tyre ta pranojnë,
ta mbrojnë dhe ta duan njëri tjetrin,
si Maria të shtrengoi Ty në duart e veta
dhe si shën Jozefi të ka ruajtur
gjatë rrugës në ikjen tënde në Egjipt.

O Zot, shikoje edhe një herë
këtë botë në të cilën janë miliona
njerëzit që çdo vit vdesin në luftëra,
në të cilën fëmijët vdesin nga uria apo sëmundjet,
në të cilën popujt të pasur i shfrytëzojnë popuijt e varfër.
Zbrit edhe një herë në mesin tonë:
bëj që ta dëgjojmë edhe një herë lajmin e engjëjve
dhe do ta ndërtojmë atë botë
në të cilën do të mbretërojë drejtësia dhe paqia
për të cilët Ti ke luftuar deri në vdekje.

Torrkerry.