Lutjet që devotshmëria e Krishtërve ia ka kushtuar njinisë të Hyjit.

[torrkerry]

TY, SHËLBUS, GJITH LAVDI T’KIOFT.

Për gjith vjet me këtë dit
pagj na vjen e rehati
n’cilen Krishti leu si dritë
prej së lumes Virgjines Mri.

Prej kraharorit Virgjnes dlir
del kjo rreze bukuri,
ejit njoft e kan fort mir
se vet Biri a i Virgjnes Mri.

Ç’a krijue n’qill e n’dhe
gzim kan sot e rehati.
pse Shëlbuesi na ka le
prej së lumes Virgjes Mri.

Ty, Shëlbus, gjith lavdi t’kjoft,
që për neve u bane fli,
Na ty dona gjith me t’njoft,
Birin t’Hyjit e t’Shejtes Mri.

Zot i madh, ti kjofsh levdue,
Qi je Vetëm e n’Trini,
Nana e Zotit, kjosh nerue,
Shejta Virgjina Mari.

Ndue BYTYÇI

Torrkerry

[torrkerry]

PUNËRAT E PERËNDISË

Zot i madh dhe i vërtetë,
çdo pun’e ke bërë vetë:
bërë qiejtë dhe denë,
bëre yjët e dhenë,
bëre diellin me dritë,
bëre erënë dhe retë,
bëre pemetë me fletë,
bëre hënëzën me yje,
bëre fusha, male, pyje,
bëre zoqtë që këndojnë
dhe lulët që lulëzojnë,
bëre dimër e beharë,
bëre kuaj dhe gomarë,
bëre misër edhe grurë,
po më shumë bëre gurë.
Si bëre kaqë të mira,
bëre edhe shum egërcira:
bëre arinë dhe derrë,
bëre ujqër e të tjerë,
bëre...Po ç’nuk ke bëre?
Bëre botën të tërë.
Bëre dhe djallë më brirë!
Çdo pun’ e ke bëre mirë,
po një gjë bëre pa mende
dhe prishe punënë tënde:
kur bëre derr’ e arinë,
ç’deshe që bëre Turqinë?
Se të mos qënkej kjo farë,
bota do të vintej mbarë,
dheu do të lulëzonte,
Shqipëria do të gëzonte.

ANTON ZAKUA ÇAJUPI.

Torrkerry

[torrkerry]

TI PËR MUA KE USHQYER MENDIME PAQEJE.

Të bekoftë shpirti im, o Zot Hyj, krijuesi im:
shpirti im të bekoftë,
dhe në thellësinë e zemrës sime le të të lavdërojë vet mëshira jote,
me të cilën dashuria jote e pafund më ka rrethuar pa meritën time.
E falënderoj, sa më mirë që të jem e aftë, mirësinë tënde të pakufi
e i jap lavdi zemërgjersisë sate, durimit tënd dhe ndjesës sate.
Të gjitha vitet e fëmijërisë time, të adoleshencës
dhe të rinisë sime deri në moshën njëzet e pesë vjeçare
i kam kaluar si një e verbër dhe një e marrë.
Flisja dhe veproja sipas tekave të mia
dhe nuk ndjeja asnjë brejtje të ndërgjegjes për shkak të sjelljes sime.
Vetëm tani po e kuptoj.

Nuk ta vija aspak mendje
kur më lajmërojë për rreziqet e sjelljes sime
me anë të një neverie të natyrshme që e ndjeja ndaj të kepes,
ose nëpërmjet tërheqjeve drejt së mirës, që më nxisnin,
ose edhe nëpërmjet qortimeve dhe vërejtjeve që më bënin familjarët e mi.
Jetoja si një pagane, që banon mes paganesh,
si një që nuk kishte dëgjuar kurrë se ti, o Hyji im,
e shpërblën të mirën dhe e ndëshkon të keqen.

Të falënderoj akoma pse që prej fëmijërisë,
saktësisht që nga viti i pesstë i moshës time,
më ke zgjedhur që të jetoj mes miqve të tu të shenjtë
në ambientin e fesë së shenjtë.

Për këtë arsye me kthimin tim të dhuroj, o Atë shumë i dashur,
gjithë mundimin e Birit tënd fort të dashur,
duke filluar që nga momenti
kur, u vendos mbi kashtën e grazhdit,
i bëri hapat e tij të parë,
dhe pastaj i duroi nevojat e fëmijërisë,
mungesat e adoleshencës, vuajtjet e rinisë
deri që, pasi e uli kokën, dha shpirti mbi kryq me një britmë të madhe.
Po kështu, për të plotësuar mungesat e mia,
të dhuroj, o Atë shumë i dashur, tërë jetën e shenjtë
që i Njëlinduri yt e bëri në mënyrë të përsosur
në mendimet, fjalët dhe veprat e tija
që nga çasti në të cilin qe dërguar nga lartësia e fronit tënd mbi tokën tonë,
deri kur i paraqiti shikimit tënd atëror lavdinë e mishit të tij fitimtar.

Si falënderim, zhytem në humnerën shumë të thellë të përvujtërisë,
dhe së bashku me mëshirën tënde të pagueshme,
e lavdëroj dhe e adhuroj mirësinë tënde tejet të ëmbël.
Ti, o Atë i mëshirës, derisa unë po e çoja dëm jetën time,
ke pasur për mua mendime paqeje dhe jo fatkeqësie
dhe ke vendosur të më ngritësh kështu
me morinë dhe me madhështinë e bamirësive të tua.
Ndër të tjera, ke dashur të më dhurosh
edhe familjaritetin e paçmueshëm të miqsisë sate,
duke ma hapur në shumë mënyra atë arkë të nderuar të hyjnisë
që është zemra jote hyjnore
dhe duke më dhuruar në të me mbushullim të madh,
çdo thesar gëzimi.
E tërhoqe shpirtin tim me premtimin e sigurt të bamirësive
që do ma jepje në vdekje dhe pas vdekjes.
Prandaj edhe po mos të kisha dhuratë tjetër,
vetëm për këtë zemra ime do të kishte çdo të drejtë
të prirej drejt teje me shpresë të gjallë.

SHËN GERTRUDËS.

Torrkerry

[torrkerry]

O HYJI, MË PASTRO MUA, MËKATARIN!

O Hyji, më pastro mua, mëkatarin:
nuk kam bërë asgjë të mirë përballë Teje.
Më liro nga i ligu,
dhe u bëftë në mua vullnesa jote;
atëherë, pa denim,
do t’i hap buzët e mia të padenja,
dhe do ta lavdëroj Emrin tënd të Shenjtë,
o Atë e Bir eShpirt i Shenjtë,
tani e për gjithmonë e jetës,
në shekuj të shekujve. Amen.

SHËN MAKARIU I MADH.

Torrkerry

[torrkerry]

TEK TI UNË E LARTËSOJ BRITMËN TIME
I zhgjuar nga gjumi,
do t’ia këndoj këngën e mesnatës,
o Zot Shpëtimtar.
I gjynjëzuar përdhe,
tek Ti unë e lartësoj britmën time:
Mos lejo që të të rri në vdekjen e mëkatit,
por ij i mëshirshëm dhe i bujar me mua,
ti që vullnetarisht
e pranove vdekjen në kryq,
dhe nga përtacia
në të cilën gjindem,
shpejto të më lirosh,
dhe më shpëto
që të rri në presencën tënde
në lutje.
Pas gjumit të natës,
bëj që të ndriçojë për mua
një ditë pa mëkatë.
O Krishti Zot,
shpejto të më ndimosh.

SHËN MAKARIU I MADH.

Torrkerry

[torrkerry]

FJALA JOTE... GËZIM E HARE!

Vërtet, o Zot, a nuk të shërbeva për të mirën e tyre?
A s’ndërmjetësova te ti në kohë të ngushticës,
në kohë të mjerimit për armikun?...

Ti di, o Zot, më kujto e më ndihmo,
hakmerru për mua mbi armiq.
Për shkak të durimit tënd,
mos lejo që unë të mbaroj,
dije se për shak tëndin po më poshtërojnë!

Kur më erdhen fjalët e tua,
i përpija, fjala jote për mua u bë
gëzim e hare i zemrës sime,
sepse u quajta me Emrin tënd,
o Zot Hyji i ushtrive.

Kurrë nuk ndenja për t’u qënaqur
në shoqërinë e ëndjetarëve,
por i nxitur prej dorës sate,
rrija vetëm,
sepse më mbushe më felgrim.

Përse fund s’e merr dhimbja ime,
dhe plaga ime e pashërueshme
s’do të shërohet?
Për mua u bëre përrua gënjyes
më ujë në të cilin s’mund të kem shpresë.

Jeremia 15,11-18

Torrkerry

[torrkerry]

KRIJIMI DHE ASGJËJA.

Sido që të ketë qenë,
cila ishte zanafilla e qenies së saj(e materies),
përveçae Ti,
prej nga e kanë fillim të gjitha gjërat,
ashtu siç janë?
Sa më të ndryshmë janë nga Ti,
aq më larg janë:
nuk është fjala për largësi hapësinore.
Ti Jezu Krisht,
që nuk je këtu një gjë
dhe atje një gjë tjetër,
por një dhe e njëjtë,
i shenjtë, i shenjtë, i shenjtë,
Zot e Perëndi i gjithpushtetshëm,
në fillimin që nisi nga Ti,
në diturinë e lindur nga thelbi yt,
ti ke bëre gjithçka
dhe e ke bëre nga hiçi.
Ti bëre qiellin dhe tokën,
por jo duke i nxjerrë nga Ti,
për ndryshe do të ishte
diçka e njëjtë me Birin tënd të vetëm
e për pasojë me ty
– meqenëse nuk mund të ishte plotësisht e drejtë
që të bëhej e njejtë diçka e palindur nga Ti.
Nuk kishe tjetër nga mund t’i nxirrje,
përveç nga vetja jote,
Zot, Trini e vetme dhe njësi treshe.
Pikërisht nga hiçi ke bërë qiellin e tokën,
një gjë të madhe e të vogël,
sepse Ti je i gjithpushtetshëm dhe i mirë
deri sa bën çdo gjë të mirë,
i madh qielli
dhe e vogël toka.
Atje ishe Ti,
tjetër nuk ishte!
Nga ky hiç,
bëre qiellin dhe tokën,
dy gjëra krejt të ndryshme:
njëri afër teje,
tjetra afër hiçit;
kështu që njëri sipër vetes,
të kishte vetëm Ty;
tjetra poshtë vetes,
të kishte vetëm hiçin.

SHËN AUGUSTINI

Torrkerry

[torrkerry]

LUTJA PËR NDALJEN E ARMËVE.

O Zot,
Ti e di se armët i kam gërdi.
Unë s’mendoj të bëhem gjë tjetër,
por arma jote,
që t’i sjell botës paqe.
Zot i dashur, ku ka paqe,
armët s’e kanë vend as kuptim.
Ku zotëron paqja,
njerëzit mund ta duan njëri-tjetrin,
sikundër Ti na do ne.
Na jep paqe, o Zot,
që armët të mos kenë vend dhe kuptim
në botën tonë të bukur.

Amen.

NËNA TEREZE.

[torrkerry]

O HYJ IM, ZOTI IM, MIKU I NJERËZVE!

I zgjuar nga gjumi,
unë e kërkoj ndihmën tënde,
o Hyj im, Zoti im, miku i njerëzve.
Sepse jam duke rifilluar veprimtarinë tënde
me mëshirën tënde,
unë të lutem,
më je pranë
në çdo kohë,
në çdo vend,
në çdo gjë.
Më liro nga çdo e keqe e kësaj bote
dhe nga çdo lidhje diabolike.
Më shpëto
dhe bëj që të hyj
në Mbretërinë tënde të amshueshme.
Sepse Ti je Krijuesi im,
Provania ime,
Ndarësi i çdo të mire:
në Ty unë e vë gjithë shpresën time,
Ty unë të lavdëroj,
tani e për të gjithë shekuj të shekujve. Amen




SHËN MAKARIU I MADH.

Torrkerry

[torrkerry]

HIMNI I ORËS SË TRETË.

Tash për ne, o Shpirt i Shenjtë,
me Atin një e me Birin,
denjohu të ndërhysh i gatshëm
në kraharorin tonë i shkrirë.

Gojë, gjuhë, mend shqise e forcë,
ta rrëfejnë me të madhe
me zjarr dashuria të ndizet
flakërimi të ngrohë t’afërmit.

Na bëj që ta kuptojmë Atin,
të njohim edhe Birin,
të dy edhe ty Shpirtin
të besojmë në çdo kohë. Amen.

NGA LITURGJIA E ORËVE

Torrkerry