Lutjet që devotshmëria e Krishtërve ia ka kushtuar njinisë të Hyjit.

[torrkerry]

HIMNI I MËNGJESIT.

O Zot, ndriçimi i qiellit
dhe autori i dritës, ti që rruzullin
me krah atëror të mbajtur
e sjell me dorë shkëlqyese,

Tashmë agimi i mbulon yjet
vorbull të kuqe duke ngritur,
e duke njomur tokën
me vesë ritë e avuj.

Tash hija e natës daret,
e braktis mjegulla rruzullin,
figura e Krishtit ndriçimplote
ngjall dritën e përgjumur.

Ti, o Zot, je dita e ditëve,
ndriçimi I dritës ti vetë je,
një për pushtet për të gjitha,
në Një me pushtet Trinia.

Ty tash, Shëlbues, të lutemi,
dhe ty në gjunj të përulemi,
Atin me Shpirtin Shenjtë
lavdërojmë me të gjitha zërat.
Amen.

NGA LITURGJIA E ORËVE.

Torrkerry

[torrkerry]

O ZOT, KRIJUESI I SENDEVE.

Na mbro, krijeusi i sendeve,
lavdi i dritës së Atit,
pa hirin e të cilit
dridhen kraharorët tanë.

Dhe me Shpirtin tënd të mbushur,
duke mbartur Zotin me vete,
asgjë e grabitësit të pabesë të mos duket
me mashtrime shkatërruese.

Që ndër punët e shekullit,
si e lyp nevoja e jetës,
zhveshur nga çdo lloj krimi
të rrojmë me ligjet e tua.

Ty, o Krisht, mbret krejt i drejti,
Ty e Atit ju qoftë lavdia,
me Shpirtin Ngushëllimtar
ndër shekujt e amshuar. Amen.

NGA LITURGJIA E ORËVE.

Torrkerry

[torrkerry]

O ZOT, MË MËSO TË DUA TY.

O Zot, më mëso të jem bujarë,
të dua ty siç e meriton ti atë,
të jap pa i bërë llogaritë,
të luftoj pa frikë për plagët,
të punoj i palodhshëm pa pushim,
të rropatem pa pritur fare shpërblim,
përveç atij që lidhet ngusht
me kryerjen e vullnetit tënd të shenjtë.

SHËN INJACI I LOJOLËS.
Torrkerry

[torrkerry]

O ZOTI IM I DASHUR.

Më mbyt në Shpirtin tënd
dhe në jetën tënde.
Merre në dorën tënde
tërë qenien time.
E tëra jeta ime
le të pasqyrojë ty vetë.

Nëpërmjet meje rrezato,
bano në mua.
Kushdo që do t’më takoj,
do ta ketë mundësi
ta ndiejë praninë tënde
nëpërmjet përsonit tim;
le të mjaftojë
që të më shikojë mua
për të mos parë
asnjë tjetër,
përveç teje, gjithmonë,
O Zoti im i dashur.

Bano në mua,
rri me mua,
e atëherë do të rrezatoj
edhe unë, si ti
të njëjtën dashuri.
Kështu, me hirin tënd,
do të jem drita,
drita e botës, e të tjerëve,
një dritë, o Zoti i dashur,
që buron prej teje.
Sepse vetëm ti sigurisht
nëpërmjet personit tim
do t’ndriçosh të gjithë.

Kështu jeta ime
do të bëhet lavdia jote,
një lavdi që të pëlqen ty,
sepse nëpërmjet kësaj lavdie
do të rrëzatosh
mbi ata që na rrëzatojnë ne.
Gjithçka për plotësinë rrezatuese
e dashurisë që në zemër
e mbart për ty çdo ditë.

JOHN HENRI NEWMAN

Torrkerry.

[torrkerry]

URDHËR I DASHURISË

O Zot, ti i përmblodhe
të gjithë urdhërimet e Ligjit tënd të shejntë
në urdhërin e dashurisë
ndaj teje dhe ndaj të afërmit,
bëj që me zbatimin e urdhërimeve të tua,
t’ia arrijmë jetës së amshuar. Amen.

NGA MËSHARI ROMAK

Torrkerry

[torrkerry]

VETEM HYJIT I QOFTË NDERI DHE LAVDIA

I bekuar je, o Zot,
Hyj i Izraelit, atit tonë,
prej amshimit e në amshim!

Ty, o Zot, të përket madhëria e pushteti,
lavdia, shkëlqimi dhe lartmadhëria!
sepse gjithçka në qiell e në tokë, janë të tuat!

Ty, o Zot, të përket mbretëria,
ti latësohesh si kryet përmbi çdo gjë!
Prej teje vjen pasuria dhe lavdia,
Ti zotëron me gjithçka!

Në dorën tënde fuqia dhe pushteti,
Ti mund të besh gjithçka
të madhërishme e të qëndrueshme!
Prandaj, o Hyj ynë, po të madhërojmë
e po e lavdërojmë Emrin tënd të madhërishëm.

NGA LITURGJIA E OREVE (1Kro 29,10-13)

Torrkerry

[torrkerry]

HIMNI I MËNGJESIT.

Hiri i lavdisë atërore,
që nxjerr dritën nga drita,
dritë drite e gurrë ndriçimi,
ditë që i jep ndriçim ditës.

Diell i vërtetë, i paprerë
zbrit me ndriçim shkëlqyes,
dhe zbraz ndër shqisat tona
dritën e Shpirtit Shenjtë.

Ati me kushte i lutemi,
Atit të lavdisë s’amshuar,
Atit që jep hir të fuqishëm,
të shporrë fajet e rreme.

Të bëjë veprime të shkathta,
t,ia çmprehë dhëmbin smirëziut,
të përkrah në raste të vështira,
t’i japë për të kryer ndere.

Të drejtojë mendje e të sillet
me trup besnik të pastër;
të shkëlqejë me ngrohtësi feja,
të mos njohë helme mashtrimi.

Ushqimi ynë të jetë Krishti,
dhe pija jonë të jetë feja;
të gëzueshëm të pimë t’urtën
dehje të Shpirtit Shenjtë.

Kjo ditë të kalojë e kënshme;
si ag drite qoftë pastria
të jetë si agimi, feja si mesi i ditës,
errësirë të mos dijë mendja.

Agimi udhëheq udhëtimet:
agimi të priftë përpara,
në Atin i tërë Biri
dhe Ati i tërë në Fjalën. Amen.

NGA LITURGJIA E ORËVE

Torrkerry

[torrkerry]

TI JE MIKU IM.

O Hyj, Hyj im!

Ti je Zot,
unë jam njeri.

Ti je krijuesi im,
unë jam kreatyra jote.

Ti je i gjithpushtetshëm,
unë jam shumë i dobët.

Ti je i plotfuqishëm,
unë jam i pakufishëm.

Ti je…
unë jam…

Ti je miku im,
unë jam miku yt

ANONIM

Torrkerry

[torrkerry]

TE TI, JEZUS!

“Kam ardhur te ti, Jezus,
për të ndjerë prekjen tënde
para se të fillojë dita ime;
bëj që sytë tu të pushojnë pak në sytë e mi
që unë të sjell në punën time
sigurinë e miqësisë sate,
mbushe mendjen time
pse i qëndron shkretëtirës së zhurmës,
bëj që dielli yt i bekuar
t`i mbushë majat e mendimeve të mia
dhe të më japë fuqi
për ata që kanë nevojë për mua.”

NËNË TEREZE

Torrkerry

[torrkerry]

QË NGA FILLIM E DERI NË AMSHIM!

Që nga fillim e deri në amshim
unë të bekoj, o Zoti im.
Vetëm Ti bën mrekulli!
Emrin tënd e shenjtë
e lavdëroj në tërë jetën time.
Që në mëngjes, o Zoti im,
dëgjojë zërin tim,
dëgjoje dënesën time.
Dhe eja, o Zot, e më shpëto.
Faleminderit:
jam në praninë tënde.

NGA LITURGJIA

Torrkerry