Lutjet që devotshmëria e Krishtërve ia ka kushtuar njinisë të Hyjit.

[torrkerry]

LUTJE E NATËS (3)

O Hyj im, o Zoti im,
të ka pëlqyer Ty
ta krijosh natën
për pushim të njeriut,
si të ka pëlqyer Ty,
të krijosh ditën,
kohë e përshtatshme,
për punë e tij,
jepja trupit tim këtë natë,
një pushim përtëritës.
Më mëso, o Hyj im
si t’ia dorëzoj Ty
hallet e mia tokësore,
dhe si ta përkujtoj
pandërprerë mëshirën tënde,
që edhe shpirti im
veçanërisht,
të mund ta shijojë
një pushim shpirtëror.

Bëj që koha
që ia kushtoj gjumit,
të mos jetë më tepër,
e që të jetë e mjaftueshme
për ripërtërirjen e forcave të mia
që të mund të shërbej Ty,
më me shumë gatishmëri.

Me pëlqimin tënd,
bëj, o Hyj im, Zoti im,
që të jem përherë i pastër
në trup e në shpirt,
duke më liruar
prej të gjitha të keqijave,
prej çdo rreziku,
që edhe në gjumë
gjithçka të kalojë
në lavdinë e emrit tënd.

E sepse kjo ditë
nuk kaloi fare
pa mëkatë
sepse edhe sot
mjerisht të kam ofenduar
në shumë mënyra,
unë, një mëkatar i mjerë,
bëj, o Zot i mëshirshëm,
që si tani Ti i fsheh
të gjitha gjëra
me errësirën e natës,
kështu t’i shkatërrosh
të gjitha mëkatët e mia,
sipas mëshirës sate.
Bëj, me hirin tënd,
të meritoj ta shoh
pa turp fytyrën tënde.

Më dëgjo, o Zoti im, Ati im,
nëpërmjet Jezu Krishtit,
Birit tënd të dashur.
Amen.

GJON KALVINI

Torrkerry

[torrkerry]

URATË E MBRËMJES

Zoti i gjithpushtetshëm
dhe i mëshirshëm,
Na dashtë një natë të qetë
dhe një mbarim të mirë.

Eja, po të lutemi, o Zot,
në këtë banesën tonë
e dëboji larg prej nesh
të gjitha pritat e armikut;
Engjëjt e shenjtë të tu
le të banojnë në të
dhe të na ruajnë në paqe.
E bekimi yt qoftë gjithmonë me ne.

NGA SHUJTA SHPIRTËRORE

Torrkerry

[torrkerry]

URATË E MËNGJESIT.

O Zoti im, po të falem nderës
që më ke ruajtur këtë natë.
O Zoti im, po të jap fjalën
se sot, me ndihmën tënde,
nuk do të fyej me kurrnjë mëkat.
O Zoti im, gjthçka të bëj
e gjithçka të heq në këtë ditë,
dua të bëjë dhe të heqë
për dashurinë tënde
e si është qëllimi i Zemrës tënde
që aq fort më ka dashur
që e ke dërguar Birin tënd
jo për të me denuar,
por për të me shëlbuar
e që ta kem jetën e pasosur.
]
O Zot i gjithpushtetshëm,
që ma dhe fatin
të presë edhe këtë ditë,
më ruaj me pushtetin tënd,
që sot të mos bie në mëkat,
por le të rrjedhin fjalët e mia
e le të drejtohen mendimet
dhe veprat e mia
për të kryer gjithherë drejtësinë tënde.
Amen.

NGA SHUJTA SHPIRTËRORE
(me disa ndryshime)

Torrkerry

[torrkerry]

LUTJE E MËNGJESIT.

O Zot, Ati im qiellor,
Hyj i amshueshëm,
dhe i gjithpushtetshëm,
Ti ke qenë me mua,
sigurisht këtë natë,
deri në fillim të kësaj dite.
Më ndjek edhe sot,
me provaninë tënde,
Hyj gjithnjë i mirë,
i madh në dashuri.
Dhe bëj, me hirin tënd,
që të mos bie në tundim,
e në mëkat,
e ma shmangë çdo rrezik.

Përkundrazi,
më shoqëro ti,
më udhëheq ti vetë
në çdo veprimtari.
Ta bëj vetëm atë,
që është e drejtë,
në sytë e tu,
nëpër Zotin tonë
Jezu Krishtin
Shëlbuesin tonë.
Amen.

GJON KALVINI

Torrkerry

[torrkerry]

“QË TË JENË NJË!”

O Zot i amshueshëm
dhe i mëshirshëm,
Ty, Hyj që e do paqen,
Ty që je dashuria,
që na bashkon vetë
të gjithë në një,
Ty po të lutemi,
o Ati ynë i mirë
ne të gjithë
në gjunjë para teje:
Le të jetë përsëri një,
nëpërmjet Shpirtit tënd të Shenjtë,
gjithçka është ndarë;
le të jenë përsëri
një grigjë e vetme
në një vathë të vetme
të gjithë ata
që u shpërndan.
Na jep forcë dhe fuqi
dhe hirin tënd,
që të kthehemi tek Ti,
që ta kërkojmë
të vërtetën tënde,
unike dhe të amshuar,
e që të ruhemi
nga çdo ngatërresë,
mosmarveshje dhe përçarje.

Kështu,
ne të gjithë
do të jemi
një zemër e vetme,
një vullnet i vetëm,
një dijë e vetme,
një shpirt i vetëm,
një mendje e vetme,
dhe të kthyer krejtësisht
tek Jezu Krisht, Zoti ynë,
do të arrijmë, o Atë,
të lavdërojmë ty
me një zë të vetëm,
duke të falënderuar
për gjithçka
nëpër Zotin tonë,
Jezu Krishtin,
në Shpirtin Shenjtë.
Amen.

MARTIN LUTER (?)

Torrkerry

[torrkerry]

SHPIRTI IM, O HYJ KA ETJE PËR TY


O Hyj, Hyji im je ti, qysh në agim të kërkoj.
Ka etje për ty shpirti im,
ty të dëshiron mishi im,
si toka e shkretë, e thatë, e paujë,

kështu erdha në Shenjtëroren tënde,
për ta parë fuqinë tënde e lavdinë tënde.
Sepse më e mirë është dashuria jote se sa jeta:
buzët e mia do tëtë lavdërojnë.

Kështu do të të bekoj në jetën time,
e në Emrin tënd do t’i lartësoj duart e mia,
do të ngihem sin ë gosti të shkëlqyeshme,
me buzë të hareshme do të të lavdërojë goja ime.

Ty do të të kujtoj edhe në shtratin tim,
në përgim natën do të mendoj për ty,
sepse ti je bërë ndihma ime,
prandaj do të brohoras nën hijen e krahëve të tu!

Shpirti im u mbështet në ty,
e djathta jote më merr për dore.

Psalmi 63

Torrkerry

[torrkerry]

O SHPIRT I ZOTIT!

Ti nuk ndalesh, o Shpirt i shenjtë,
në Atin e palëvizshëm,
dhe nuk ndalesh në Fjalën;
e megjithatë je gjithmonë
në Atin, në Fjalën,
dhe në vetveten
dhe në të gjitha shpirtrat e lum
dhe në krijesa.
Jë i nevojshëm krijesës
në sajë të gjakut të dherdhur
nga Fjala e Njëlindur,
e cila, për shkak të dashurisë
i është bërë e nevojshme
krijesës së saj.
Ti pushon në krijesat
të cilat janë të afta
të pranojnë në veten e tyre,
me anë të dhuratave të tua,
përngjasimin me dëlirësinë tënde.
Pusho në ato që pranojnë në vete
frytin e Gjakut të Fjalës
dhe bëhen banesa të denja për ty.

Eja, o Shpirt Shenjt.
Le të vijë bashkimi i Atit.
kënaqësia e Fjalës.
O Shpirt i së vërtetës,
ti je shpërblimi shenjtërve,
freskia e shpirtrave,
drita e errësirave,
pasuria e të varfërve,
thesari i atyre që duan,
ngopja e të uriturve,
ngushëllimi i shtegtarëve.
Ti, pra, je ai në të cilin qëndron çdo thesar.

Eja ti që, duke zbritur në Marinë,
e mishërove Fjalën,
dhe bëj në ne
me anë të hirit,
atë që bëre me të
me anë të hirit dhe të natyrës.

Eja ti që je ushqimi
i çdo mendimi të pastër,
burimi i çdo mëshire dhe bashkimi,
i çdo pastërtie.

Eja, dhe shkrij në ne
gjithçka që është shkaku
i mos aftësisë sonë
për t’u shkrirë në ty.

SHËN MARI MAGDALENA E FAMILJES PAZZI

Torrkerry

[torrkerry]

E VETMJA SHPRESA IME.

O Zot,
po aq sa unë kam pasur mundësi
e ti m’a ke dhënë forcën,
unë të kam kërkuar.
Unë kam dashur
të jem i vetëdijshëm
për atë që unë besoj,
e për të arritur këtë qëllim,
unë kam diskutuar
e kam vuajtur shumë.

O Zot, Hyj im,
e vetmja shpresa ime,
më dëgjo mua:
mos lejo kurrë
që i lodhur dhe i mërzitur,
të pushoj duke të kërkuar.
Përkundrazi,
e vë në zemrën time
një dëshirë, gjithmonë më të madhe,
që të kërkoj ty pandërprerë,
pa pushim.

Ja, unë jam përballë teje,
siç jam,
Me forcën time,
me dobësinë time.
Mbështete të parën,
shëroje të dytën.

Përballë teje, o Zot,
Ja dituria ime
dhe injoranca ime.
Bëj që të kujtohem për ty.
Bëj që unë të njoh siç je.
Bëj që unë të dua shumë.

SHËN AUGUSTINI

Torrkerry

[torrkerry]

MERRE LIRINË TIME

Merre, o Zot,
tërë lirinë time.
Pranoje, o Zot, atë,
me pëlqimin tënd.
Pranoje, o Zot,
mendjen time,
kujtesën time,
inteligjencën time,
tërë vullnetin tim.
Pranoj gjithçka jam,
gjthçka kam,
të gjitha pronsitë e mia.
Ti, o Zot, m’i ke dhënë
të gjitha këto.
Unë t’i kthej të gjitha:
Për mua ja vlen, o Zot,
vetëm çka ty të pëlqen:
vepro si ty të pëlqen,
me një liri të plotë.
Ma jep një zemër
që të do mbi të gjithë
dhe mbi gjithçka.
Dhe bëj, o Zot,
që ky hir, dhuratë
e dashurisë sate,
të më mjaftojë
për gjithmonë.
Amen.

SHËN INJACI I LOJOLËS.

Torrkerry

[torrkerry]

LUTJE E MËMGJESIT.

O Zot,
më heshtje të kësaj dite që po lind,
unë kërkoj prej teje paqen, urtinë, dhe forcën.
Unë dua ta shikoj sot botën mbarë
me dy sy plotë me dashuri dhe dhembshuri.
Dua të jem dashamirë dhe i ëmbël.
më ndihmo, që, përtej aparencave, t’i shoh
bijtë e tu si i sheh edhe ti vetë.
E kështu, o Zot,
Unë do ta shohë vetëm të mirën në gjithçka.
Mbylli veshët e mi që të mos dëgjojnë shpifje,
ruaje gjuhën time prej çdo fjale të keqe,
vetëm mendime pozitive le të kenë vend në shpirtin tim.
Bëj që të jem aq i mirë dhe i gëzueshëm,
që të gjithë ata që më takojnë sot, ta ndjejnë praninë tënde.
Më vesh me bukurinë tënde, o Zot.
Dhe bëj që gjatë kësaj dite, unë të dëshmoj ty.

SHËN TEREZE E AVILËS

Torrkerry