Lutjet që devotshmëria e Krishtërve ia ka kushtuar njinisë të Hyjit.

[torrkerry]

SHENJTEROJE POPULLIN TËND.

O Zot, Hyji im,
që i krijove të gjithë aradhet engjëllore
dhe shpirtra jotruporë,
që i shtrive qiejt
dhe e përforcove tokën
dhe prej hiçit i trajtove të gjitha sendet,
që ekzistojnë,
ti që gjithherë i dëgjon
ata që e kryejnë vullnetin tënd
dhe të druajnë
dhe i mbajnë urdhërimet e tua,
dëgjoje lutjen time
dhe ruaje në fe grigjën tënde,
për të cilën më caktove prijës mua
shërbëtorin tënd të padenjë e të paaftë.

Liroji prej djallëzisë
së mbrapshtë dhe pagane
të atyre që të nëmin ty;
bëj që të rritet kisha jote
dhe bashkoji të gjithë në njësi.

Shenjtëroje popullin tënd,
bëj që të ketë përkim të plotë
në fenë e vërtetë
e në dëshminë e drejtë,
dhe në zemra
frymëzoje fjalën e doktrinës sate.
Vërtet , është dhuratë prej teje
që të jemi thirrur
ta shpallim ungjillin e Krishtit tënd,
t’ i nxisim vëllezërit
që të kryejnë vepra të mira
dhe të bëjnë atë çka ty të pëlqen.

Ata që ti më dhe,
t’i kthej si të tutë;
drejtoji tash
me të fuqishmen dhjathtën tënde,
mbroji nën hijen e krahëve të tu,
kështu që të gjithë
ta nderojnë dhe ta lavdërojnë
emrin tënd
të Atit e Birit, e Shpirtit Shenjtë. Amen.

Nga “JETA” KONSTANTINIT (shwn Cirilli) NË GJUHË SLLAVE.

Torrkerry.

[torrkerry]

QOFTË BEKUAR HYJI

Qoftë bekuar Hyji,
që nuk na lëshoi
si pre për dhëmbët
e armiqve tanë të papashëm,
por e shqeu rrjetën e tyre
e na shpëtoi
prej dëshirës së tyre
për të na bjerrë.

Shën Cirilli (disa çashte përpara vdekjes)

Torrkerry

[torrkerry]

A I I DO DUART E MIA?

O Zot,
a i dëshiron duart e mia për të kaluar këtë ditë,
duke u ndihmuar varfanjakëve e të sëmurëve që kanë nevojë?

O Zot, sot t’i jap duart e mia.

O Zot,
a i dëshiron këmbët e mia për të kaluar këtë ditë,
duke i vizituar ata që kanë nevojë për një dashamir?

O Zot, sot po t’ i jap këmbët e mia.

O Zot,
a e dëshiron zërin tim për ta kaluar këtë ditë,
duke folur me ata që kanë nevojë
për një fjalë të dashurisë?

O Zot, sot po ta jap zërin tim.

O Zot,
a e dëshiron zemrën time për të kaluar këtë ditë,
duke e dashur çdo njeri vetëm se është njeri?

O Zot, sot ta jap zemrën time.
Amen.

Nënë TEREZA

Torrkerry

[torrkerry]

O ZOT, KI MËSHIRË PËR MUA

O Zot, ki mëshirë për mua.
O Zot Jezu Krisht, Biri i Hyjit të gjallë,
ki mëshirë për mua mëkatarin.
O Zot, unë nuk jam i denjë
që ti të hysh në pullazin tim,
por thuaj vetëm një fjalë
dhe shpirti im do të shërohet.
O Zot, dua të m’i shërosh
shpirtin dhe trupin.
O Zot. bëj që unë të shoh.
O Zot, më pastro.
O Zot, më shëlbo.

Nga ungjilli.

Torrkerry

[torrkerry]

Gjithçka pët ty, o Zoti im.

“Çdo frymëmarrje imja, çdo shikim im, çdo veprim
do të jetë një akt i Dashurisë hyjnore
e çdo gjë që do të bëj
do ta bëj për dashurinë tënde, o Zot i dashur”

Nënë Tereze

Torrkerry

[torrkerry]

MISTERI I DASHURISË HYJNORE

O Hyj,
ti deshe që Njëlinduri Biri yt
të vdiste në Kryq
për shëlbimin e të gjithë njerëzve,
bëj që, pasi e njohëm
këtu mbi tokë
misterin e dashurisë së tij,
t’i gëzojmë në qiell
frytet e shëlbimit të tij

Nga MËSHARI ROMAK.

Torrkerry

[torrkerry]

FUQIA E MËSHIRËS SATE.

O Hyj,
Krijuesi dhe Drejtuesi i gjithësisë,
priri sytë e tu mbi ne
dhe bëj
që ta sprovojmë fuqinë e mëshirës sate
e të shërbëjmë me krejt jetën tonë.

Nga MËSHARI ROMAK.

Torrkerry

[torrkerry]

MË TY JAM I FORTË

O Zot,
kur jam i dobët,
atëherë jam i fortë,
sepse ti je me mua.

SHËN PALI (me ndryshime).

Torrkerry

[torrkerry]

FALËNDERIM PËR MARTIRIZIM.

O Zot, Hyj i gjithëpushtetshëm,
Atë i të dashurit dhe të bekuarit Birit tënd Jezu Krishtit,
nëpër të cilin të njohëm ty:
Hyj i engjëjve dhe i vyrtyteve,
i çdo krijese dhe i gjithë popullit
të të drejtëve që jetojnë pranë teje:
Unë po të bekoj
sepse më çmove të denjë
në këtë ditë e në këtë orë
për të marrë pjesë,
bashkë me të gjithë martirët,
në kelkun e Krishtit tënd,
për ringjalljen e shpirtit dhe të trupit
në jetën e pasosur, në pashkatërueshmërinë
me anë të Shpirtit Shenjtë.
U pranofsha unë sot,
bashkë me ta tek ti,
si fli i pasur dhe e pëlqyeshme,
po ashtu si ti e bëre gati,
o Hyj pa dredhi dhe i vërtetë,
dhe ma tregove më parë e tash e plotëson.
Për këtë e për gjithçka
unë të lavdëroj, të bekoj, të madhëroj
bashkë më priftin e amshuar e qiellor
Jezu Krishtin, Birin tënd të dashur,
nëpër të cilin ty dhe Shpirtit Shenjtë
Ju qoftë lavdia tash e në shekujt e ardhshëm. Amen.

SHËN POLIKARPI

Torrkerry

[torrkerry]

OH, SA E MADHE ËSHTË MIRËSIA JOTE, O ZOT.

Oh, sa e madhe është dashuria jote, o Zot,
të cilën e ruan për ata që të druajnë,
e ke përgatitur për ata që shpresojnë në ty
në sy të bijve të Adamit.

Ti i fsheh në shtrehën e fytyrës sate
larg nga ngatërresat e njerëzve,
i shtrehon në Tendën tënde
larg nga gjuhët ngatërrestare.

Qoftë bekuar Zoti që më paijsi
me mirësi të mrekullueshme në qytet të fortë!
Ndërsa në vështirësinë time mendoja:
“I përjashtuar jam prej syve të tu!”
Por ti e dëgjove zërin e lutjes sime
kur drejt teje lëshova kushtrimin.

Duani Zotin, të gjithë shenjtërit e tij:
Ai i ruan besimtarët e vet.
Por edhe atë që vepron me madhështi
Zoti e shpaguan sipas meritave.

Merni zemër e kini guxim të gjithë ju
që shpresoni në Zotin.

PSALMI 30,20-25

Torrkerry